Вонредна состојба во Албанија поради поплавите



Поројните дождови последните денови, како и испуштањето на вода од хидроцентралите по течението на Дрим, предизвикаа големи поплави во северниот дел на Албанија.

Поради поплавите прогласена е вонредна состојба во овој дел на земјата, а најкритична е состојбата во населбите во околината на Скадар. Поплавени се и делови на автопатот Скадар-Тирана и Скадар-Кукс.

Министерот за економија и енергетика Дритан Прифти во понеделник вечер изјави дека состојбата е многу тешка, но е под контрола.

Според експертите, испуштањето на вода од хидроцентралите било неопходно поради зголемениот дотек во акумулациите.

http://www.a1.com.mk/vesti/default.aspx?VestID=118072

Поплави во Албанија - евакуирани 900 лица
07.01.2010


Претседателот Бамир Топи повика на евакуацијата


Околу 900 лица се евакуирани од поплавите, што го зафатија северниот дел на Албанија, соопшти синоќа министерот за внатрешни работи Љуљзим Баша.

„Состојбата со поплавите и натаму е многу тешка, а продолжува евакуацијата на населението од повеќе селски населби“, рече Баша, додавајќи дека досега се поплавени најмалку 870 домови и речиси пет илјади хектари земја.

Албанскиот претседател Бамир Топи, кој во средата вечер го посети северниот дел на земјата, го повика населението да ја прифати евакуацијата од поплавените делови.

Во евакуацијата се вклучени околу 200 припадници на војската и полицијата, а според албанските медиум помагаат и 16 припадници на Косовскиот безбедносен корпус.

Поради големиот доток во реките Буна, Дрим и Гједер, од акумулациите на хидроцентралата Коман - Фиерза и Вау и Дејес и натаму се испушта вода од сигурносните порти.

http://www.a1.com.mk/vesti/default.aspx?VestID=118361