Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 3 Vote(s) - 1.67 Average
  • 1
  • 2
  • 3
  • 4
  • 5
Od Kujnata na LJUBOMIRKA FRLJOTKOVIC-SERBEZOVSKA
Author Message
montehristo Online
Неверен Тома
*****

Posts: 1,471
Joined: Aug 2010
Reputation: 30
#1

Kurtizanata so kocijaski recnik
Quote:КОЛУМНА

Гос`н Тедич и Гос`н Хорхе

Имам еден лакмус-тест со кој проверувам дека некоја теза ги погодила дпмневчињата, дека им влегла, „до балчак“: имено кога ќе почнат како контра-одговор да тртљаат за вазни-ќупови-саати-паркинзи! Тогаш, имено, со сигурност знам дека им е влезен (ставот-тезата) до даска

Дијалозите и изјавите што ќе ги проследиме, драги мои, не се од романите на Марио Варгас Љоса, кога тој се напрега да ја прикаже картографската структура на моќта и нејзиното корумпирање или кога визиите на власта се претвораат во трагикомедии. Не, повеќе се работи за обикновена моронштина, но заличуваат пејзажите на непрегледната глупост и нејзините одѕиви во глувите топли ноќи на Америка Латина на Варгас Љоса, некако!

Имено, на првата средба помеѓу претседателите на двете соседни земји Маус-донија и Србекистан, Гос`н Хорхе и Гос`н Тедич се одвивал ваков разговор (на јазикот на Србекистан, чија лоша верзија знаел и Гос`н Хорхе од младински денови).

Г. Тедич: Па јели ви ово стварно са „антиквизацијом“, колико је то утемељено код вас?

Г. Хорхе: А да, има испитивања генетског кода код нас Маусдонаца и утврѓено је да смо: 30% антички Маусдонци, 20% словенски, 10% тракиски и остало - Маусдонци.

Г. Тедич: (помалку збунет) Па добро, јели ваш језик словенски, да поѓемо од тога, па даље?

Г. Хорхе: Код нас има два академика МАНУ-а који су открили тајну језика са „Камена Розете“ (античких Маусдонаца) и много речи има сличних или истих са нашим данас!

Г. Тедич (комплетно збунет) Па значи ако је Александар Маусдонски сада жив и седео на вашем месту, ја би са њиме могао да разговарим без преводиоца?

Г. Хорхе: (зелено весел): Хе, хе, па да!

Каков срам ние Македонците голтаме денес од нашиве недоветни лидери, драги мои! Овој дијалог од приказните го поздравувам со Јутјуб-паролата на југоносталгичарите : „Друже Тито, скренули смо спута. Сад нас јаше и Мурта и Курта“!

Ја гледав изјавата на нашиов премиер на „денот на дрвото“, драги мои. Кога се осврна во еден потез на очекувањата на Лисабонскиот самит на НАТО, стагнацијата со ЕУ, можните злоупотреби на опозицијата на сето тоа, името, нашите напори и борба за правда и т.н. Изјавата беше ПЕРФЕКТНА!



Човекот изгледаше и зборуваше скромно, милозвучно, праведно, гестикулираше доволно јадно да се допадне и се' така. Со еден збор, нема забелешки на маркетиншкиот дел од изјавата.

Да не знаеш каква хохштаплерска политика води нашата влада - на национално назадување, изолација од светот, осиромашување, истоштување на земјата, репресија врз демократските слободи и поделба меѓу Македонците и потоа конфликт со Албанците - ќе мислиш дека човекот добро изгледа за балкански критериуми и добро зборува .

Тоа се луѓе кои работеле на манипулацијата во политиката детаљно. Но, тие почнуваат да веруваат во своите изговорени илузии и соодветно се первертно веродостојни кога им ги гледаш и слушаш изјавите.

Тогаш кога прајминистерот ја изговараше таа перфектна изјава, Македонија и Македонците благодарејќи на неговата политика не можат да го користат атрибутот „македонски“ за својот јазик и народ, во: Советот на Европа , во Европскиот парламент, во извештаите на ЕУ за Македонија (и имаше тест-инцидент во ООН со бришење на јазикот). Македонија во негово време има проблем да ја користи привремената ознака ФИРОМ за влез во некоја светска организација (пред тоа можеше) и привремената спогодба со Грција во негово време практично е вон сила.

Одговорноста на овој вид манипулатори ќе биде голема токму заради создавањето таква, огромна дистанца, дупка помеѓу изговореното бесчестие и стварноста. Повлекувањето на голем број луѓе во илузија и хранењето со неа - создава одговорност за политичарот. Етиката, колку и да е малтретирана од политичкиот говор, сепак некаде во заднина постои и се враќа-плаќа.

Имам драги мои еден лакмус-тест со кој проверувам дека некоја теза ги погодила дпмневчињата, дека им влегла, „до балчак“: имено кога ќе почнат како контраодговор да тртљаат за вазни-ќупови-саати-паркинзи! Тогаш, имено, со сигурност знам дека им е влезен (ставот-тезата) до даска.
Љубомир Д. Фрчкоски



http://dnevnik.com.mk/default.asp?ItemID...148594EA28
Ma daj te molam, ti si nasol da zboris za Etikata
Quote:Етиката, колку и да е малтретирана од политичкиот говор, сепак некаде во заднина постои и се враќа-плаќа.
Imas srekja sto site vo politikata se mekoteli, ko i ti.
Quote:од нашиве недоветни лидери, драги мои!
Inaku Mekotelot Ljubinka bese LIDER na Policijata, pa bese LIDER za po nadvor, pa proba da bide LIDER na site nas, so akcent na ona "PROBA".
No ne pali trekja srekja kaj tebe, zasto od Pacavra LIDER ne biva.
Zatoa ti ostanuva da bides Grcki TELAL so kuceski jazik, Ljubomirka.
Inaku, za nedovetnost ti si Subject Matter Expert.
An inch today is tomorrow’s mile.
(This post was last modified: 24-11-2010, 03:04 AM by montehristo.)
24-11-2010, 03:03 AM
Reply
Solenik Offline
wiseman - мудрец
*****

Posts: 956
Joined: Jan 2010
Reputation: 23
#2

Дали Фрчолина еднаш ќе покаже барем ронка на класа. Не дека Иванов е којзнае колку добар претседател, ама нисткоста со која го навредува човекот кој го победи на избори само зборува за него како личност.3
Ако нема тема за што да пишува, има некои дузина текстови од Јордан Петровски низ годините на кои нема дадено реплика.
24-11-2010, 05:12 PM
Reply
basilius_2 Offline
Moderator
*****

Posts: 1,133
Joined: Dec 2009
Reputation: 17
#3

Si bilo edno dete sto puselo Pura,noselo ocila i bil glaven policaec vo Makedonskoto maalo i otislo da bara ljubov.No go odbila zena koja rabotela kako komercijalen rabotnik,eve video i tonski zapis od toj incident,po koj taa zena treba da i se otvori dosie za POLITICKI-IDEOLOSKI pricini:ne go udostoila toa dete:






I sega si sedi doma i pisuva kolumni so gorcliv vkus,prasuvajki se zosto ne go izglasaa nego za predsedatel.

i si ziveel srekno........
(This post was last modified: 24-11-2010, 07:19 PM by basilius_2.)
24-11-2010, 07:15 PM
Reply
montehristo Online
Неверен Тома
*****

Posts: 1,471
Joined: Aug 2010
Reputation: 30
#4

(24-11-2010, 05:12 PM)Solenik Wrote: Дали Фрчолина еднаш ќе покаже барем ронка на класа. Не дека Иванов е којзнае колку добар претседател, ама нисткоста со која го навредува човекот кој го победи на избори само зборува за него како личност.3
Ако нема тема за што да пишува, има некои дузина текстови од Јордан Петровски низ годините на кои нема дадено реплика.

Solenik, ne samo po ona sto toj zboruva, tuku i negovite dela i nedela zboruvaat za nego.
Se gleda deka e dosta psihicki isfrustrirana licnost.
Toa go cini da bide i mnogu opasen, e sega, zosto eden stvor kako nego nema se uste zavrseno vo aps, toa e prasanje na zadkulisni igri.
Kako sto e ovaa so dosieata sega sto se igra.
Odgovor na tvoeto prasanje zosto mu nema replicirano na Joco, e taa sto bi se dopolnitelno inkriminiral vo toj slucaj.
Toj samo ceka, ovaa igra so dosieata da zavrsi so predvremeni izbori.
Toa e i celta na opozicijata(patem, imaat dosta golemo iskustvo po prasanje na konspirativnost, mora da im se priznae), dokolku uspeat da se doberat do vlast, samiot proces koj e pokrenat vo Legalnite institucii(mislam na sudovite), dokolku e otpocnato sudenjeto na bivsite funkcioneri na MVR i SDB, bi zavrsil taka kako sto go zapocna onaa nesrekjna spodoba od sudijka.
An inch today is tomorrow’s mile.
24-11-2010, 08:30 PM
Reply
ЈорданПетровски Online
ЈорданПетровски-ЦРНИ
*****

Posts: 15,948
Joined: Mar 2010
Reputation: 36
#5

Quote:Љубомир Д. Фрчкоски

Многу просто

Власта планира подоцна, по свои правила, сепак да распише предвремени избори (да одговори на предизвикот фрлен од опозицијата). Но, на тие избори власта смета дека не смее да оди со вака опозициски поставени ТВ „А1“, „Алфа“, весниците „Време“, „Шпиц“ и блокот медиуми на МПМ

Насловот ќе го користам, драги мои, во две насоки: многу просто како многу брутално и лошо смислено и многу просто како јасно и едноставно во разобличување на намерите и последиците.

Полицискиот упад во телевизија „А1“, под образложение за даночна контрола на фирми кои биле на иста адреса и на истиот газда В. Рамковски - е јасен обид за притисок врз највлијателниот медиум во Македонија, кој е критички настроен во однос на власта и ништо повеќе ниту помалку. Имено, како таков овој инцидент го примија и го разбраа огромното мноштво македонски граѓани, сета меѓународна релевантна јавност и најголемиот дел од македонската интелегенција.

Спиновите на власта по нејзините сателитски медиуми и неколкуте грогирани корумпирани интелектуалци беа навредливи за пристојноста и здравиот разум и не вродија со плод за покривање на настанот. Власта си заби автогол чии консеквенции допрва ќе се почувствуваат.

Оваа бруталност на власта кон ТВ „А1“ треба да се гледа во мозаик со една претходна операција - обид за преземање на ТВ „Алфа“. Власта имено се обиде на кадифен начин да ја преземе оваа ТВ (тоа за среќа пропадна, барем во тој обид) за подоцна (најавувано во поинформираните кругови) да се втурне конечно побрутално, покажувачки остро отапување, замолчување и сл. на последното и најзначајно критичко јадро телевизија „А1“.

Власта, според нејзиното мислење, мора да го направи тоа бидејќи планира подоцна, по свои правила, сепак да распише предвремени избори (да одговори на предизвикот фрлен од опозицијата). Но, на тие избори власта смета дека не смее да оди со вака опозициски поставени ТВ „А1“, „Алфа“, весниците „Време“, „Шпиц“ и блокот медиуми на МПМ.

Во демократиите, драги мои, се прави разлика на две паралелни вредности: даночна култура и култура на човековите слободи и права. Точно е дека плаќањето даноци е обврска на граѓаните и на правните лица, но таа не смее да се прави на штета на слободата на говор и слободата на медиумите, туку во крајни консеквенции нив им служи (јакнејќи го капацитетот на државата да ги брани и да ги остварува). Постои посебна транспарентна и чувствителна процедура за проверка на даночната дисциплина во медиумските куќи, токму поради опасноста секогаш тоа да се третира како притисок врз нивната слобода и профил на информирање. Не е слободна во целост даночната управа (да не ја сакрализираме нејзината слобода на пристап, што се прави од незнаење) кога се влегува во проверка кај медиум. Постои посебна постапка и посебен тренинг за инспектори за тоа.

Но, тоа не беше случај и за тоа не се работеше во онаа траурна вечер на возбуда за цела Македонија, кога многубројна полиција ја блокираше токму „А1“ и нејзините новинари, а не никој и ништо друго. Не можеме себе да се прогласуваме идиоти и да не веруваме во тоа што го гледавме, а дел од нас и во тоа што го сведочевме одејќи таму.

Власта оди на „конечна пресметка“. Неа единствено ја збуни мобилизацијата на отпор и протест што „А1“ го мобилизираше во своја одбрана. Без претерување ова беше најголема интелектуална мобилизација за конкретна цел од кога било во јавниот простор на Македонија, за толку кратко време. На сите им беше јасно што се случува, немаа дилеми одејќи да дадат поддршка.

Оваа рана на своето деспотско тело на вол и глава на глушец - власта нема да ја зацели, таа ќе гнои. Дали ќе го струполи башибозучкиот менталитет ќе сведочиме во периодов пред нас .

Малку ме растажи, драги мои реакцијата на вака крупен инцидент против слободата на медиумите и своите колеги, на МПМ групата медиуми. Не верувам дека не им е јасно што е вистински причина на инцидентот. Не можам да верувам дека „омразениот Велија“ и нелојалната конкуренција која им ја создавал (читај парите) е вистинска причина за цинизмот со кој го проследија настанот и лажната симетрија (а со тоа и погрешната информација) која се обидоа да ја промовираат: помеѓу сомнежот за даночната евазија на газда Велија и кршењето на правата на новинарите и слободата на медиумите? Да, може да кажат дека е сепак „малку посложено“ дека секогаш принципиелно се бореле за слободата на медиумите ама и за фер пазарна конкуренција и можеби се во право! Но, сега, во овој случај не се работи за тој проблем и тој баланс. Сега ги напаѓаат нивните колеги за да ја замолчат телевизијата.

Сега на конкретен случај на таква борба (важен по оцена и на секој обичен граѓанин интервјуиран на улица) блокот МПМ одигра цинична ролја „мене не ми е грижа за тоа... па нека го кога крадел .. ..новинарите се злоупотребени .. ..?!“

Ако падне (не Велија), туку позицијата на „А1“, „Алфа“, „Телма“, во рацете на власта, МПМ-медиумите, имам благо чувство, дека ќе ги „испазарат“ за пет минути. Таму инцидент нема да биде потребен. Ако не се чува меѓусебе сета мрежа на независни медиуми и не ја брани себично својата слобода (независно од суетите и меѓусебните критики), ако не се бориме секаде за нашите слободи, на секој чекор, во секоја пригода .. „.. .. На копно и на море, во планини и поле .. ..и никогаш да не се предадеме“ ( В. Черчил) (или да бидеме цинични кога други газат) - ништо друго освен месечев пејзаж на македонскиот башибозук нема да ни преостане.


Не можеме да разбереме како колумнистот на „Дневник“ Љубомир Д. Фрчкоски стигнал до констатацијата (или благо чувство) дека медиумите на МПМ ќе паднат пред налетот на власта без отпор за пет минути. Нашата зачуденост, па и револт, се дотолку поголеми што токму неговата колумна прва ќе отидеше курбан да не беше четиригодишниот отпор на редакцијата (и тогаш кога „А1“ беше освоен од власта) против континуираните притисоци и понуди за пазарења. Сфаќаме дека за еден професор, кој сака да има манири на естраден уметник, е важно да се слика на „А1“ и за таа цел е подготвен да се испазари со сопствените принципи, но неправедно е тоа да го прави на сметка на „Дневник“ .

Редакција „Дневник
30-11-2010, 02:26 PM
Reply
Solenik Offline
wiseman - мудрец
*****

Posts: 956
Joined: Jan 2010
Reputation: 23
#6

Каде беа А1 и Фрчко да се солидаризираат со Миленко Неделковкси кога тој беше присилно избркан од собирот во Кавадарци? Човекот беше таму во својство на новинар кој им дава поддршка или пак е таму да си ја врши работата - да известува. Зарем нему не му беше спречено и одземено правото на слободно движење? Што ќе речат Фрчолина и Борјан околу ова? А1 веќе тоа го прославија како победа.
Повторно случај на селективна демократија.
(This post was last modified: 30-11-2010, 06:50 PM by Solenik.)
30-11-2010, 06:48 PM
Reply
basilius_2 Offline
Moderator
*****

Posts: 1,133
Joined: Dec 2009
Reputation: 17
#7

Spored ona procitanoto od kujnata na dr.Ljubomir Frckovski mozam da go zaklucam slednoto:
1.Celiot tekst e samo podrska na ona sto Borjan Jovanovski i grupata na lugeto sto bea vo studioto na A1,sega go koristi svojot avtoritet sto go ima izgradeno kako minister za vnatresni raboti i minister za nadvoresni raboti,sto sega namesto negovoto ime da e za stravopocit toa e poveke za potsmev.
2.Se upotrebuvaat zborovi kako ``otpor``, ``mobilizacija``i ``borba`` kako da sme vo voena sostojba i sme okupirani od strana na ``nenarodniot`` rezim predvoden od Firerot Grujo.Ovaa kolumna me prisetuva na edno minato koga ja peevme ``Oj Kozaro``,i go igravme Kozareckoto Oro,i ne ucea deka patot na Marsalot e praveden i vistinit.Oti sega se vrati vremeto koga treba da se odi pak vo planinite i da ja peeme `Vo Borba Makedonski Narode``.
3.So ovaa kolumna naseto luto novinarce Frche saka da gi dotera u red site neposlusnici,sto ne se soglasuvaat so NEGO i Borjan Jovanoski kako i gostite vo studioto na A1.
(This post was last modified: 01-12-2010, 02:30 AM by basilius_2.)
01-12-2010, 02:30 AM
Reply
basilius_2 Offline
Moderator
*****

Posts: 1,133
Joined: Dec 2009
Reputation: 17
#8

Датум: 07.12.2010, 13:53

КОЛУМНА

Љубомир Д. Фрчкоски

„А1“ - истрага

Одговорноста на државниот орган, кој сакајќи или не го предизвикал инцидентот, е дотолку поголема што прашањето на притисок врз медиумите веќе има широко негативно присуство како критика кон Владата во Извештајот на ЕУ за Македонија за 2010

На прашањето, драги мои, на кое не' муваат толку долго, нејасно, незнајковци и шарлатани - дали се прекршени и кои права им се повредени на новинарите во телевизија „А1“ при инцидентот на 25 ноември и кој треба да сноси одговорност за тоа, одговорот е: повредени се три поврзани права. Правото на слобода на медиумите, правото на слободен пристап до информациите и со тоа поширокото право на слобода на говорот.

Одговорно за овие повреди е МВР, пред се'. Затоа што при својата интервенција, на примена на, според нивни наводи, робусна полициска заштита на инспекторите на финансиската полиција, ги оневозможувале новинарите на „А1“ да си ја вршат редовната работа, ги легитимирале, ги попречувале да влезат или излезат од телевизијата и истото го правеле со нивните гости.

Клучно за утврдување на оваа одговорност (заедничко при повредите на човековите права) е дека се тргнува од т.н. објективна одговорност за сторителот. Што значи дека не е воопшто важно дали МВР со својата интервенција ја целела „А1“ директно или некоја фирма на истата адреса (тогаш повредата била сторена како колатерална штета врз „А1“). Во секој случај постои објективна одговорност за повредените права од МВР. Мотивот на сторителот, како и неговите намери, не е битен, пресуден (тоа странските пренесувачи на информациите го знаеја - затоа акцентот го ставија на повредата, а не врз мотивот со кој е сторена) за одговорност за повреда на човековите права. Кај повредите на човековите права мотивот кај сторителот е битен само кај делата: говор на омраза и кривични дела сторени од омраза (hate speech hate crimes).

Сета одбрана на МВР и на Финансиската полиција е базирана врз нивниот наводен мотив и намера да не се цели „А1“, туку некои фирми на иста адреса - но за сторената повреда на споменатите права тоа не е битно.

Ова е клучна констатација за целиот инцидент и за понатамошната процедура на утврдување одговорност.

Одговорноста на државниот орган, кој сакајќи или не го предизвикал инцидентот, е дотолку поголема што прашањето на притисок врз медиумите веќе има широко негативно присуство како критика кон Владата во Извештајот на ЕУ за Македонија за 2010. МВР требало да биде при секоја своја акција на употреба на полиција за поддршка во инспекции на медиум или индиректно кон медиум - дополнително внимателно, а не вака грубо небрежно.

По утврдување на постоењето одговорност за МВР, понатаму може да се докажува колкава е таа! Имено, НЕ е докажана одбраната на МВР дека полицајците само ги обезбедувале инспекторите при вршењето на нивната работа. Секој што бил во „А1“ таа вечер може да посведочи (и тоа ќе се случи ако дојде до процес) дека полицијата воопшто не беше во физички контакт со инспекторите. Таа цело време беше пред зградата, а инспекторите беа во една соба од зградата и до нив сите од зградата можеа да допрат непречено (вработените, гостите, новинарите). Полицијата воопшто не ги обезбедуваше во ниту еден момент, ниту имаше таква намера за целото време на критичниот инцидент! За констатирање на овој факт не ни треба министерката за внатрешни работи, која не била на лице место, туку сите ние ќе сведочиме што видовме. И видеоматеријалот е недвосмислен во таа насока.

Полициската интервенција беше насочена кон легитимирање и попречување влез-излез на новинари и на гости на ТВ „А1“. Дополнително, имаше и поситни физички контакти со новинарите и со други лица. Тоа е недвосмислено документирано со видеоматеријалот. Зошто сметам дека таквите интервенции се надвор од секаква пропорционалност на употребата на полициските овластувања! Затоа што легитимирањето не се вршеше за да се открие сторител на кривично дело (по закон и пропис), туку се легитимираа новинари кои сите ги знаеме и познаваме. Ним им беше попречуван излез-влез на работното место.

Блокирање трети лица - гости за влез и учество во програмата на телевизијата, исто така, е узурпација на полициските овластувања без соодветно оправдување.

Блокирањето пристап до телевизијата од блиските улици - исто така беше непропорционална употреба на сила, без соодветно оправдување.

Не е претерано да се заклучи дека сиве овие три употреби на полициските овластувања беа сосема надвор од пропорционалност, оправдано заличуваа на „демонстрација на сила“ и заплашување, а реално ги попречуваа новинарите во вршење на секојдневната работа и со тоа им ги повредија правата.

Инцидентот доби такви размери што сериозно ги вознемири граѓаните (и ги подели во односот кон него). Тој, исто така, доведе до неподелена осуда на Владата на Македонија во странство, што е штета од сериозни размери. Во таа смисла може да се класифицира како инцидент од потежок вид.

Тој беше предизвикан од сторителите, државните органи, пред се' од МВР, а не од жртвите на инцидентот (новинарите од „А1“).

Апсурден и незабележан во политичката практика е серијалот од соопштенија на државниот орган со кој ДВОЈНО СЕ ВИКТИМИЗИРА „А1“. Од една страна, евидентно им ги повредува правата, а од друга ја повикува (апелира) јавноста да ги тужи новинарите, нудејќи им правна помош за тоа!?

Одговорноста за ваквиот тежок инцидент создава објективни услови за повикување одговорност на министерката за внатрешни работи (независно од почетните намери и цели - МВР е во центарот на инцидентот). Кои облици таа одговорност ќе ги поприми, не би завлегувал, но дека има основи, целосно сум убеден.

http://www.org.mk/vesti/?id=1332617&t=/L...0Frckoski1
"He who controls the present, controls the past. He who controls the past, controls the future." -- George Orwell
"Тој што ја контролира сегашноста,тој го контролира минатото.Тој што го контролира минатото ја контролира иднината." Џорџ Орвел
_____________________________________________________________

http://www.cd-macedonia.com
07-12-2010, 05:52 PM
Reply
basilius_2 Offline
Moderator
*****

Posts: 1,133
Joined: Dec 2009
Reputation: 17
#9

Vo svojata najnova koluman Frce-Prce,dava strucna analiza na nastanite vo A1 i kako dezuren advokat zastanuva vo odbrana na A1,a ne na Policajcite komu toj im bese glaven sef.
Treba da se priseti Frche koga toj bese Minister za Vnatresni raboti,koi nastani se slucija: "Bitpazar" i "Mala Recica".
Vo prviot slucaj"Bitpazar" koga Frche se pokaza vistinski maz na dete sto prodavalo cigari bez banderoli,policijata namesto da go opomene ako mu e prv pat da napravi takov prestap,ako toa mu bil vtor prestap,trebal da go privede i da gi vikne negovite roditeli i tie da se opomenat.
No namesto ukor,deteto izede kotek,a spored nekoi luge Ministerot Frchko bil prisuten na mestoto na nastanot i ja gledal akcijata.A namesto da se zavrsi bez pogolemi problemi se se zavrsi so akcija na specijalcite.
Vo "Mala Recica" se otvori nelegalen univerzitet koj bese nadvor od zakonite na Makedonija vo toa vreme.Gospodinot Frchkovski gi mobilizirase edinicite na MVR od cela Makedonija so cel da se "zatvori" univerzitetot koj i po taa akcija prodolzi da raboti.
Najgolema steta sto tie akcii napravija e da ima tragi vrz meguetnickite odnosi megu Makedoncite i Albancite,koi vo 2001 godina go dozivea svojot debakl so vojnata megu niv.
Namesto kako prvo pred da se reagira,trebase da se razmisli dobro kakva bi bila reakcijata na naselenieto kako i na tie luge protiv kogo taa akcija se prezema za eventualnite posledici!!!!!
Sive ovie nastani ukazuvaat na nedostig na nesto vo obukata kako i na pravilata koga samite policajci se isprakaat da izvrsuvaat takvi zadaci,kako i koi edinici treba da se ispratat,i vtoro seta potrebna administrativna podrska (portparol,pozarnikari i Brza pomos).
"He who controls the present, controls the past. He who controls the past, controls the future." -- George Orwell
"Тој што ја контролира сегашноста,тој го контролира минатото.Тој што го контролира минатото ја контролира иднината." Џорџ Орвел
_____________________________________________________________

http://www.cd-macedonia.com
(This post was last modified: 08-12-2010, 03:10 AM by basilius_2.)
08-12-2010, 03:10 AM
Reply
montehristo Online
Неверен Тома
*****

Posts: 1,471
Joined: Aug 2010
Reputation: 30
#10

Quote:Темна уметност
[Image: Frckovski%20-11.jpg]
Зашто, драги мои, операцијата на апсење на сопственикот на „А1“ и на неколкуте осомничени со него, во својата постапка е кршење на човековите права по три-четири основи и зашто таа не е пред с` „борба против криминалот“ (како што велат властите), туку пресметка со лицето В. Рамковски и дисциплинирање на медиумскиот конзорциум за кој властите сметаат дека тој го контролира (телевизија „А1“, весниците „Време“, „Шпиц“ и „Коха е ре“)? Имено, целата операција е наменета за пи-ар на властите со намера за застрашување на граѓанството.

Имено, полицијата го апси споменатото лице иако за тоа немаат потреба при тежината на делата што му се ставаат на товар (главно финансиски криминал) и проверената постапка за перманентна достапност на лицето за органите на прогон и правосудството. Ваквите лица вообичаено не треба да се приведуваат во полициска станица, туку да се повикаат директно од истражен судија на распит по пријава од обвинител и потоа истражниот судија одлучува за барањето за притвор.

Полицијата прави јасно кршење на правата на човекот и пред истражната постапка по неколку основи: прво, јавно ги објавува своите кривично-правни квалификации за делата што му ги става на товар на приведеното лице? Тоа полицијата не смее да го прави од две причини: презумпцијата на невиност на лицето е јасно и грубо прекршена од државен орган, кој е најповикан да ја брани и заштитува. И второ, полицијата не смее да ги објавува квалификациите за сторените дела бидејќи тие не се конечни, а ниту релевантни за конечното обвинение за лицето. Полицијата може да поднесе и кривична пријава без квалификација до јавниот обвинител, а тој и само тој е оној орган што ја прифаќа или отфрла и конечно ги формулира квалификациите за кривичните дела за кои се товари лицето.

Полицијата дополнително прави друго кривично дело: ги објавува доказите за делата за кои обвинува: со емисија во медиуми како ја работела „пајаковата мрежа“, правејќи кривично дело: разоткривање докази во предистражна постапка.

Зошто полицијата го апси лицето и ги објавува своите обвинувања против него, разоткривајќи докази? Тука се открива намерата на оваа операција најјасно: веројатна основна цел е јавна парада на полициска бруталност, акција на застрашување на јавноста и јасен притисок на правосудните органи и истражниот судија - во понатамошниот дел од постапката да постапуваат по намерите на извршната власт.

Тоа, драги мои, нема никаква врска со правото и борбата која правната држава ја смета за легална против криминалот. Ова мора да им биде соодветно јасно на силните меѓународни мониторинзи и проекти во областа на владеењето на правото и тренинзи на полицијата во Македонија. Посебно ОБСЕ се истури пари давање за вака да завршат нивните тренинзи на полицијата. Ова е важно за делот на правосудството кај Американската амбасада во Македонија и конечно за Фуере и мисијата на ЕУ.

Посебен проблем, да не речам „злостор“, е прашањето на одредување ПРИТВОР за осомничените за кривични дела.

Притворот е како што знаете, драги мои, најтешкиот, најтврдиот дел од одземањето на слободата за лицата осомничени за кривични дела. Тој служи согласно стразбуршката јуриспруденција: единствено и само за обезбедување на обвинетиот за органите на правосудството кога се заканува опасност тој да: побегне од земјата, да влијае врз сведоците или да уништи докази.

Судот во Стразбур тврдо застанал на позиција дека истражниот судија МОРА јасно да образложи во решението за одредување притвор: како и со кои средства основано се сомнева дека осомничениот ќе избега, влијае врз сведоците или уништи докази. Стразбур јасно вели дека истражниот судија НЕ СМЕЕ да ја препише основата за притвор ставена во законот, туку мора конкретно да ја образложи по сите основи.

Сите наши решенија за притвор, драги мои, се мрзлив препис на основите од законот, без образложение кое Стразбур го бара, на кое инсистира. Мора итно да се направи стразбуршки случај за притворот во Македонија. Мора овој процес на кршење на правата и слободите на граѓаните да биде сопрен. Мора да одговараат сторителите на ова кршење - истражните судии.

Посебен куриозитет, драги мои, е т.н. „заштитен сведок“ на власта во случајот против сопственикот на „А1“. Едно лице кое беше регистриран полициски шпион и кој како „новинар“ (истеран, фатен во крадење и од „А1“ и од еден весник, сега е некаков директор на порталот во друг весник) е потписник на најголем број договори што се утужени во постапката против „А1“ - се појавува како сведок на обвинението?! Како може потенцијално најтешко обвинетиот да биде заштитен сведок?

Љубомир Д. фрчкоски

Извор
An inch today is tomorrow’s mile.
28-12-2010, 03:11 PM
Reply
МрачниотКоњаник Offline
stop the brainfcuk
*****

Posts: 1,391
Joined: Dec 2010
Reputation: 1
#11

Било кој политичар со трошка здрав разум во било кој капацитет ќе проба на било кој начин да се дистанцира од кланот Рамковски. Еден анонимус од Фијат Цаноски дигнал раце од Велија, дури и трговците во Хедис ланецот гледаат како да прикажат дистанца, а ваму погледни кој го штити...
---------------------------------------------------------------------------------------------------------------------------------
Борба за слобода од шарените окупатори!
28-12-2010, 03:50 PM
Reply
ЈорданПетровски Online
ЈорданПетровски-ЦРНИ
*****

Posts: 15,948
Joined: Mar 2010
Reputation: 36
#12

(28-12-2010, 03:11 PM)montehristo Wrote: Посебен куриозитет, драги мои, е т.н. „заштитен сведок“ на власта во случајот против сопственикот на „А1“. Едно лице кое беше регистриран полициски шпион и кој како „новинар“ (истеран, фатен во крадење и од „А1“ и од еден весник, сега е некаков директор на порталот во друг весник) е потписник на најголем број договори што се утужени во постапката против „А1“ - се појавува како сведок на обвинението?! Како може потенцијално најтешко обвинетиот да биде заштитен сведок?

Љубомир Д. фрчкоски

Извор


Оваа е бисер на глупоста на Фрчолина. "Заштитен сведок" и да е потенцијално најтешко обвинет тој решил да проговори да ја објасни шемата по која е правена пљачката и полицијата решила да не покренува обвинение против него . Пракса која се применува скоро секаде. сигурно "неделото" на "заштитениот" сведок е многу помало од зџбирот на неделата на сите учесници во криминалот. Ама Фрчковски се плаши за него. Што ако се појави некој кој ке сведочи против него.!!!
28-12-2010, 04:03 PM
Reply
montehristo Online
Неверен Тома
*****

Posts: 1,471
Joined: Aug 2010
Reputation: 30
#13

(28-12-2010, 04:03 PM)ЈорданПетровски-ЦРНИ Wrote:
(28-12-2010, 03:11 PM)montehristo Wrote: Како може потенцијално најтешко обвинетиот да биде заштитен сведок?

Љубомир Д. фрчкоски

Што ако се појави некој кој ке сведочи против него.!!!

Quote:Мора итно да се направи стразбуршки случај за притворот во Македонија.Мора овој процес на кршење на правата и слободите на граѓаните да биде сопрен. Мора да одговараат сторителите на ова кршење - истражните судии.
Според оваа терминологија изгледа дека детето е многу тажно што реалноста не се одвива по неговите желби
Quote:Имено, полицијата го апси споменатото лице иако за тоа немаат потреба при тежината на делата што му се ставаат на товар (главно финансиски криминал)
Колкава е тежината кога поради тој финансиски криминал, ако се знае дека поради вакви криминали болниците ни се празни со лекови и дека луѓето умираат поради тоа што нема обичен кослород во итна помош?
An inch today is tomorrow’s mile.
28-12-2010, 06:08 PM
Reply
Solenik Offline
wiseman - мудрец
*****

Posts: 956
Joined: Jan 2010
Reputation: 23
#14

(28-12-2010, 06:08 PM)montehristo Wrote:
(28-12-2010, 04:03 PM)ЈорданПетровски-ЦРНИ Wrote:
(28-12-2010, 03:11 PM)montehristo Wrote: Како може потенцијално најтешко обвинетиот да биде заштитен сведок?

Љубомир Д. фрчкоски

Што ако се појави некој кој ке сведочи против него.!!!

Quote:Мора итно да се направи стразбуршки случај за притворот во Македонија.Мора овој процес на кршење на правата и слободите на граѓаните да биде сопрен. Мора да одговараат сторителите на ова кршење - истражните судии.
Според оваа терминологија изгледа дека детето е многу тажно што реалноста не се одвива по неговите желби
Quote:Имено, полицијата го апси споменатото лице иако за тоа немаат потреба при тежината на делата што му се ставаат на товар (главно финансиски криминал)
Колкава е тежината кога поради тој финансиски криминал, ако се знае дека поради вакви криминали болниците ни се празни со лекови и дека луѓето умираат поради тоа што нема обичен кослород во итна помош?

Да не заборавиме и дека дел од криминалите на Велија е една од пречките за приемот на Македонија во НАТО - значи сега зборуваме за вистински антидржавен елемент.

Исто да не заборави што циркусе Велија приреди на 25 ноември, што значи дека е подготвен да прави нереди за да се сочува
28-12-2010, 06:44 PM
Reply
acko Offline
Moderator
*****

Posts: 1,437
Joined: Jan 2010
Reputation: 21
#15

Овие решиле да се требат до последен. Каде застана Фрчко, продолжи А1... Од каде токму сега излегоа овие документи? Icon_razz Ај ќе гледаме до каде ќе се оди, борбата ќе биде жестока изгледа, допрва ќе се разгорува...

Quote:Кодоши меѓу новинарите?

Дали Александар Дамовски, поранешниот директор на Време, а сега дел од тимот на МПМ, се спаси од притвор поради одржувањето на блиски контакти со безбедносните служби?

До А1 денеска стигнаа документи, според кои, Дамовски е соработник на ДБК од 1993 година под псевдоним Садам.

Предлогот стигнал од одделенијата на тајната полиција во Центар и Скопје, а бил прифатен од тогашниот потсекретар на СДБ.

Според документите, главна задача на Дамовски била да доставува информации за српскиот екстремен национализам, а изборот на него паднал бидејќи Службата проценила дека тој како новинар во тогашната Нова Македонија е во можност да остварува контакти со повеќе претставници на Здружението на Срби и Црногорци во земјава и на Демократската партија на Србите во Македонија.

„Врз основа на досегашните контакти со Дамовски Александар од што се добиени и изготвени 10 службени материјали може да се заклучи дека се работи за стабилна, комуникативна, интелектуално поткована и личност со изградена безбедносна култура. Ангажирањето ќе биде на патриотска основа, почитувајќи го принципот на доброволност, што всушност е потврдено и од досегашните контакти“, стои во документите.

Дамовски е единствениот во случајот Пајажина кој се терети за даночно затајување и злосторничко здружување, а не е во притвор.. За истите дела се осомничени и актуелниот и поранешниот директор на А1, но тие за разлика од него се во истражен затвор. Ова професорот Фрчкоски во денешната колумна за Дневник го окарактеризира како посебен куриозитет.

„Едно лице кое беше регистриран полициски шпион и кој како „новинар“ (истеран, фатен во крадење и од „А1“ и од еден весник, сега е некаков директор на порталот во друг весник) е потписник на најголем број договори што се утужени во постапката против „А1“ - се појавува како сведок на обвинението?! Како може потенцијално најтешко обвинетиот да биде заштитен сведок“, прашува Фрчкоски.

Дамовски преку писмена реакција деновиве демантираше дека има специјален третман од државата. Не е точно дека сум заштитен сведок тврдеше Дамовски.

28-12-2010, 07:19 PM
Reply
basilius_2 Offline
Moderator
*****

Posts: 1,133
Joined: Dec 2009
Reputation: 17
#16

Vo vremeto na Frckovski policijata bese gruba go prekrsuvase ustavot i covekovite prava,i se bese vo red. Se kupuvaa oklopni transporteri od Ukraina vo somnitelni zdelki,se pravese kompenzacija so umetnicki sliki,i mebel za ureduvanje na kancelarii.
Vo ovoj slucaj samiot svat na Velija Ramkovski,vecerta koga trebal da bide uapsen Velija Ramkovski, izjavi deka nekoj mu javil na pager deka ke go apsat.Potoa Velija Ramkovski i negoviot svat Fijat Canevski se upatile kon A1.
Takvata reakcija na Velija Ramkovski jasno ukazuva na faktot deka svesno sakal da predizvikuva NEREDI I DA SE POVTORI SITUACIJATA OD 25 NOEMVRI.Toa se vika davanje otpor pri apsenje i toa e dodatna pricina za uste pogolema kazna kon storitelot,i za poagresivno apsenje.
Pri negovoto apsenje nemase upotreba na fizicka sila od strana na policijata,taka da policijate e na cist.
Sinot na Velija Ramkovski,kako i drugite luge koi se vo begstvo,ako se cisti ke nema problem da se pojavat pred sudot.
Vo vreme na Ljubomir Frckovski,javnosta nemase uvid vo rabotata na MVR i policijata,taka sega dobivme uvid vo rabotata na MVR.
"He who controls the present, controls the past. He who controls the past, controls the future." -- George Orwell
"Тој што ја контролира сегашноста,тој го контролира минатото.Тој што го контролира минатото ја контролира иднината." Џорџ Орвел
_____________________________________________________________

http://www.cd-macedonia.com
(This post was last modified: 28-12-2010, 07:44 PM by basilius_2.)
28-12-2010, 07:42 PM
Reply
montehristo Online
Неверен Тома
*****

Posts: 1,471
Joined: Aug 2010
Reputation: 30
#17

Quote:Важно, на пазарот, проститутката сака да се продаде по висока цена, без разлика што нејзините клиенти од неа добиваат само (духовен) трипер и интелектуална жабокречина.


Quote:Високо образование
[Image: files?file=Ljubomir-Danilov-Frckovski.jpg]
Turpes personae
Римјаните ги нарекуваат ваквите неспособни, а злобни луѓе - недостојни лица (turpes personae)! Такви ни го кројат високото образование. Патетична е позата која момчето-министерче ја зафаќа по овој повод: ...ќе ме напаѓале и омаловажувале, ама јас (ѓоа Џордано Бруно или Коперник бил) ќе ја карам работата напред

Агресивното посегање по автономијата на Универзитетот, драги мои, кое го прави подолго време сегашнава власт, а чија кулминација се новите измени на Законот за високото образование, е одраз на нејзината авторитарна природа. Таа нема разбирање за Устав на демократија, ограничена со право, под кој дејствува секоја современа парламентарна демократија и е селски завидна, нетрпелива кон каков било независен центар на моќ. Иако моќта на знаењето и универзитетот се моќи на науката, вистината и се нарекуваат авторитет, а не potestas (политичка моќ). Нашите власти, како секоја примитивна недемократска клика, сакаат да контролираат с`, да бидат владика и крал, врач и поглавица во својата прчија.

Како просто тоа го прави ќе проследиме преку тоа како го обликува Законот за високото образование.

Прво, министерот за образование своеволно не спроведува една третина одредби од постојниот закон за високо - бидејќи не ~ одговараат на извршната власт: одредбите за Советот за финансирање на Универзитетот (се најјасен пример), со кој се конституира одредбата за финансиска автономија на Универзитетот (имено власта сака да го ограбува и уценува Универзитетот со неговите приватните пари).

Министерот дополнително крши одредби од истиот Закон, како онаа за критериуми за евалуација (надворешно оценување) на факултетите и друга за научните критериуми за избор во звања. И за двете јасно се наведува во постојниот закон како и кој ги носи како акти (Универзитетот применувајќи меѓународни стандарди: European Hight Education Area, Guidelines). Не смее министерот за образование да ги носи овие акти бидејќи не е квалификуван за тоа - но тој дрско кршејќи го Законот ги донел (едниот дури со владина уредба, што е посебна правна комедија?). Никој не го тужи за ова кршење на Законот? Никој не поведува уставен спор?!

Министерчето осилено оди понатаму: носи измени на постојниот закон со кои целосно ја укинува уставната автономија на Универзитетот.

Во измените се предвидува, на пример: испитите студентите да ги полагаат пред своите професори, до кои ќе седи надворешен евалуатор (се „врвни експерти“ магистранди од подобната листа на Владата) и тој ќе дава конечен суд кој положил, а кој не (член 14)? Замислете колку државни цензори треба да измислат и каде сакаат да ги прават „врските за полагање“. Како во советско време кога покрај секој писател, поет и професор дремел еден партиски апаратчик-кодош.

Потоа измислуваат некои нереално, суперстроги критериуми за напредување на наставниот кадар и кандидатите за докторати - не со цел да ги спроведат во практика (бидејќи никој од професорите во најјаките факултети не ги исполнува, а што да кажеме за Битолскиот, Штипскиот или ДУТ), туку да држат „рекет“. Имено, бидејќи скоро никој нема да може да ги оствари, секое стекнување докторат и напредување ќе зависи од волјата на власта - да го одобри или блокира (нормално во комисиите за докторати предвидуваат надворешен член од подобните кодоши на власта). Подобните наставници напред, останатите стој!

Основниот инструмент за оваа брутална атака врз самостојноста на Универзитетот е Одборот за акредитација и евалуација, кој власта го прави, спротивно на сите меѓународни барања за независност - само помошно тело на министерот за образование, чиј шеф го именува Владата (член 4 и 5)?!

Замислете, драги мои, понатаму во овој монструозен закон утврдиле дека кандидатите за докторати (оној лошиот студент по право тоа го утврдил) треба да објават најмалку два труда во меѓународно списание, со пет држави во уредувачкиот одбор. Значи може во списание во кое членуваат Ц. Гора, Босна, Македонија, Србија, Бугарија, а не може во списание издадено само од Кембриџ или само од Оксфорд, само од Итон или Харвард или од два вакви заедно?!

Римјаните ги нарекуваат ваквите неспособни, а злобни луѓе - недостојни лица (turpes personae)! Такви ни го кројат високото образование денес во Македонија, спротивно на сите светски стандарди и мерила. Патетична е позата која момчето-министерче ја зафаќа по овој повод: ...ќе ме напаѓале и омаловажувале, ама јас (ѓоа Џордано Бруно или Коперник бил) ќе ја карам работата напред. Кој те излажал момче-министерче дека ова што го правиш се реформи? Оди си дома возбудено момче - оти за по дома (или за во Зимбабве) си?

Љубомир Д. ФРЧКОСКИ
Извор
An inch today is tomorrow’s mile.
(This post was last modified: 18-01-2011, 04:06 PM by montehristo.)
18-01-2011, 04:04 PM
Reply
Nikola Offline
Senior Member
****

Posts: 512
Joined: Dec 2010
Reputation: 12
#18

18-01-2011, 04:17 PM
Reply
МрачниотКоњаник Offline
stop the brainfcuk
*****

Posts: 1,391
Joined: Dec 2010
Reputation: 1
#19

(28-12-2010, 04:03 PM)ЈорданПетровски-ЦРНИ Wrote: Што ако се појави некој кој ке сведочи против него.!!!
Охо! Добро прашање! Беља, беља... си ибе некој векот па се затрча да побара да биде заштитен сведок за да сведочи против Фрле. Густо...
Сепак, истрага треба првин да ПОЧНЕ. Па потоа некој ВСУШНОСТ да седне да го ислуша сведокот, па да ги провери фактите изнесени од исповедта. Е сега дали некој ЌЕ САКА да го ислуша евентуалниот сведок и да почне истрага...
Што се однесува до колумните на Фрле, тој највеќе личи на вербален пироман. Ќе се изнафрла жарчиња наоколу и ќе почне дописни колумна-кавги со луѓе што немаат никаква врска со неговиот контекст, некои од нив всушност и ќе му одговорат (како Тортевски меѓу другите цели на офанзивата на Фрле) и испаѓа дека колумната му е всушност читана. И така и понатаму ќе си добива простор на ионака кон него и неговите соучесници наклонет медиум. Ќе биде крајно шокантно да го видиме Фрле всушност да одговори некому кого порано го нападнал во колумна.
Едно од поновите дополнувања на теоријата на Дарвин е дека не опстануваат најсилните туку на болести најотпорните. Оние што ќе се разболат, ќе оздрават и со тоа ќе станат имуни на таа болест која многумина други од нивниот вид или од другите видови ги чини живот...
---------------------------------------------------------------------------------------------------------------------------------
Борба за слобода од шарените окупатори!
21-01-2011, 06:15 PM
Reply
montehristo Online
Неверен Тома
*****

Posts: 1,471
Joined: Aug 2010
Reputation: 30
#20

Quote: „дешавка на народот“
Ние едриме
[Image: files?file=Frchkovski-Ljubomir-Danilov%20-1.jpg]

Ние едриме, драги мои, кон „дешавка на народот“, колку и несимпатично да изгледа таа парола. Популистичките власти кои ни се случија ја водат политиката до својот неумитен крај, на начин на кој единствено знаат и умеат: со понатамошни заострувања и поделби. Во ерективниот набој на докажување „еднаквост пред законот“ кон највлијателната телевизија и нејзините вработени не забележуваат дека ја прелеваат чашата на општата хипокризија што ја создадоа. Не забележуваат, но ќе ја почувствуваат. Парламентарната криза ќе ја блокира државата во ситуација на абразивна социјална тензија и политичка напнатост. Земјата е надворешно изолирана, без симпатии и пријатели. Ништо „автентично“ нема во тоа, тоа е агонија на уште една гротескна диктатура- во-обид на транзицијата.

Властите немаат сила за вистинска диктатура, ниту народот има традиција во тоа (тој за волја на вистината нема ниту традиција во рушење диктатури)! Но властите испаѓаат од матката како „абортирана тиранија“, која на неколку валкани места сериозно гнои! А потоа, потоа ќе се разбегаат како исплашени деца во потрага по своите мајки!

Народното незадоволство се подига како цунами бран и наизглед нема „рационалност“ на процена и критиката (како што сега кон него апелира со контрапропаганда и

контрапротести исплашената власт). Тоа е обратно ирационално како кога ја одбиваше опозицијата пред некоја година. Сега с` не е добро и сега властите се криви за с`! Властите, пак, во својата лажна ерективност дополнително прават крупни грешки! И с` се одвива во скриптот на „грчка трагедија“.

Но она што е енигма за мене е дали ќе бидеме донесени -вовлечени во ситуација за „прогон на ненародната власт“, како што бевме вовлечени во сценариото на распадот на СФРЈ.

Планиравме да оди институционално, кадифено, но бевме вовлечени во војна на распаѓањето. Мислам дека политичките лидери на опозицијата денес с` уште не се свесни во каква ситуација можат да бидат. Тие не планираат сценарио за тоа како можат да бидат вовлечени во „прогон на ненародната власт“, во нејзино рушење „од улица“ и востановување преоден период до вонредни избори . Тоа не се „вонинституционални“ борби, туку подигање на „правото на отпор“ на Џ.Лок или Џ.С.Мил кон недемократскиот режим. Режим кој го урива консензусот да владее согласно Уставот, законот и човековите слободи и права. Такви имало и ќе има многу во историјата на демократијата.

Ако тргне протест на сто илјади луѓе во Скопје, како општ револт против властите, тие нема да се задоволат со уште еден говор на лидерот на опозицијата, неколку песни од Виолета и грст сендвичи во автобус за назад-дома. Демек биле културни и добри, ненасилен народ кој можел, ама не сакал да се судри. Таа тема не може уште еднаш да се експлоатира (а да не биде на штета на опозицијата). Следниот чекор би можел да биде судир со полицијата и влез во Владата и Собранието. А потоа „Тунис“! Што потоа и како од таа ситуација понатаму е тема за мислење и одлука! Не се продуктивни дебатите дали е тоа пожелно, добро или „институционално“. Тоа едноставно се случува, а основа е народното незадоволство и неможноста да се трпи понатаму теророт на властите. Опозицијата нема политичка сила целосно да го контролира тоа. Тука не се поставува прашањето на одговорност, дури и да сака да го постави? Тоа е ситуација на ВОВЛЕКУВАЊЕ од настаните. Нејзиното снаоѓање понатаму е прашање на одговорност, сила и на демократски капацитет. Но дешавката на народот се случува, таа целосно, ниту во детали, не може да се провоцира и контролира.

Како и каде заглавивме вака, драги мои?

Кои се новите искушенија во ЕВАНГЕЛИЕТО по Македонецот?

Заглавивме со неодговорна и недемократска власт. Заглавивме во неверување во себе, дека можеме на нормален демократски начин. Ни ги понудија колективистичките патерици на лажниот антички идентитет, неслободата, садомазо-контролата со казните и наградите. Ни го одземаа јазикот, говорот на дијалогот или индивидуалната осама и го заменија со репресивното двојство: свето или екскомуницирано! Ни понудија да градиме, тие и без согласност почнаа да градат - зандани на нашата несамодоверба!

Нашата култура е култура на зборот - јазикот и живата вистина произлезена од неговото неспокојство. Таа не може да се скамени во споменици. Нашата појава во светот е појава со култура на елитно творештво, а не третокласните маниристички скулптури и градби.

Ако нашата дрскост да се биде слободен, на-враќање кон своите „корени“: демократски и творечки, го подразбира гестот на рушење на недемократскиот режим - ТАКА и НЕКА БИДЕ!

Љубомир Д. Фрчкоски
Извор Полициско/Партиско Гласило на СДС
An inch today is tomorrow’s mile.
(This post was last modified: 01-02-2011, 03:08 PM by montehristo.)
01-02-2011, 03:05 PM
Reply