Крушевска пита


Потребно:

ЗА ТЕСТО: 600 грама брашно, 300 милилитри вода, 75 милилитри масло, 1 супена лажица оцет, 1 супена лажица сол;

ЗА ПРЕМАЧКУВАЊЕ: 250 грама маргарин, 250 милилитри масло;

ЗА ФИЛ: 500 грама спанаќ, 300 грама урда, 200 грама павлака, 3 јајца

Начин на подготовка:

Тестото се замесува и се дели на 16 дела. Во горната кора се ставаат 7 дела, а во долната 9 дела. Корите се сукаат на рамна површина, а меѓу нив се мачка маргарин. Потоа се редат една над друга за да се добие лиснато тесто, кое треба да отстои во ладилникот за полесно да се сука и да се растегнува. Подебелата сукана кора е долу во плехот. Се става филот кој е составен од половина килограм спанаќ, 300 грама изварка, 3 јајца и 200 грама павлака. Одозгора ја ставаме втората кора која ја набираме и правиме витка од долната кора која е поголема. Питата се пече на 250 степени, околу 20 минути.