Брзи кифлички



* 600 г брашно
* 1 прашок за печиво
* 3 лажички сол
* 1 сув квасец
* 1 лажица шеќер
* 100 мл масло
* 200 г кисела павлака
* 200 мл топло млеко
* сирење
* 1 јајце

Приготвување: измешајте ги сите суви состојки, па со наизменично додавање на масло, павлака и млеко, замесете средно тврдо тесто. Оставете го да нарасне. Потоа поделете го тестото на четири дела. Расучете го секој дел во кора дебела половина сантиметар. Сечете ја кората на триаголници. Врз секој ставете малку сирење и виткајте од пошироката кон потесната страна од триаголникот (во вид на кифла). Редете ги кифличките во тавче обложено со масна хартија, па премачкајте ги со изматено јајце и оставете ги да отстојат 15 минути. Печете ги околу 25 минути во рерна загреана на 200 степени.