Целта на овој закон за пушење не е само да се одстрани димот од градите на непушачите, туку и тие што пушат, да добијат чувство на вина што пушат. На тој начин (барем така е во земјите кај што ова се применува порано) се намалува бројот на пушачи, а уште помалку бројот на непушачи, посебно млади, што почнуваат да пушат.
Иако мислам дека можеби, еве ја подржувам опозицијата, некои работи се усмерени изгледа против лидерот на опозицијата, Бранко Црвенковски. Се забранува пушење, а тој пуши. Се забранува пиење, барем кога се вози, а тој пие. Не знам дали вози самиот откако пред петнаесетина години, по тврдење на очевидци, но без званична потврда, во алкохолизирана состојба удри во бандера која му се нашла на патот надвор од пешачкиот премин. Но и надвор од коловозот. Уште одозгора на се` на Бранко му доцни и пензијата. И тоа од 80.000 денари, што би рекле самиот чека пари колку 9 да кажам просечни пензионери, односно му е девет пати потешко. За пензијата ова важи и за Киро Глигоров, чии два или три месеца за враќањето на уставното име никако да дојдат.