Ролни од димен лосос


Потребно:
2-3 портокали
1 лажичка капар
150г крем сирење
сол, мелен бел бибер
200г димен лосос
2 лажици сечкан босилек или магдонос
2 лажици оцет
лажичка сенф
4 лажици маслиново масло
неколку листа зелена салата

Подготовка
Изрендајте ја кората од еден портокал, па исцедете го сокот од сите три. Исечкајте го капарот, а сирењето измешајте го со половина лажичка од кората и 3-4 лажици сок од портокал. Посолете и побиберете. Ставете ги филетите лосос на пластична фолија и премачкајте ги со сирењето. Свиткајте ги во ролат и оставете 30 минути во фрижидер. Изматете го остатокот од сокот (околу 100 мл) со остатокот од кората, босилек, оцет, сенф, масло, сол и бибер за да добиете прелив. Измиените листови салата исечкајте ги, и прелијте со сосот. Ролатите од лосос исечете ги на тенки парчиња, па сервирајте ги преку салатата.