Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
СЈО
Author Message
ЈорданПетровски Online
ЈорданПетровски-ЦРНИ
*****

Posts: 15,963
Joined: Mar 2010
Reputation: 36
#1

Quote:Владимир Панчевски

[Image: 20190823_141724-546x500.jpg]
06/09/2019  
Читам, Јавното обвинителство ги прифати предметите на СЈО и ќе ги прераспределува. Во СЈО ја чекаат официјално одлуката на Јавното обвинителство на Јовевски да почнат да ги пакуваат куферите со предметите и истрагите произлезени од “бомбите”!
Читам и не можам да се изначудам во што се претвори мојата Македонија, во последно време пакувањето куфери се најчестите зборови кои ги слушам бидејки Македонија е се но најмалку правна држава во која единката може да има правна сигурност
Македонија, сега веќе од денешен аспект со сигурност може да се каже дека некогаш беше држава со достоинство и пример за почитување на правото барем во обид и со тенденција за она право на кое почиваат правните институти уште од времето на римските таблици. Денес во Македонија правото не постои туку веќе неколку години постои правен дилентантизам кој ги скрши и обезличи сите правни институти на кои почива теоријата за правото, приватната сопственост и државата! По доаѓањето на новата власт во 2016 година на еден насилен и измамнички начин со поддршка на меѓународните фактори беше воведен и новиот правец во правото наречен “заевизам”, со еден збор право на политичка диктатура модел диктиран од желбите и потребите на една политичка гарнитура со цел дисторзија и девастација на една држава и народ. “Заевизмот” како правец своите корени ги пушти преку “аудио револуција” преку потребата за јавен интерес со јавно објавување на “незаконски снимени разговори” на политички и други таргетирано одбрани личности со цел нивна дискредитација и подоцнежно гонење на дотогашните кадри од кои беше раководена државата како метод на лесно и едноставно расчистување на патот на новата политичка елита да постави свои послушници и ефикасно набрзина да го преземе целокупниот правен систем и да почне да го делка за своите потреби. “Бомбите” дојдоа сите радознало ги слушавме, медиумите за спотер вешто ги зачинуваа креирајки го јавното мислење и сите ние ракоплескавме на правдата која требаше нели, да ни даде мир! Потоа дојдоа Пржино 1 и 2 па поради неефикасната Јавно обвинителска организација повторно со странски фактор ја добивме и Катица, а до неа и Чарлиевите ангели како специјален продукт СЈО кадар на постојното нели нефункционално обвинителство но сега демек чесен, независен, обучен и финансиран од странство кој на блескав начин требаше да ја донесе правдата и мирот. Катица и нејзиниот тим гонеше и применуваше право со неограничени можности на растегливост по мерка за поттурнување на трите власти на системот уценето да глумат држава и носат одлуки такви какви што им требаат во дадениот момент. Овој инсталиран против уставен орган СЈО учествуваше како спотер во сите клучни моменти, најпрво во кршењето на основната волја на државотворниот македонски народ спротивно на уставните принципи, промена име и воведување на правила на уценето клиентелистичко однесување во сите сфери на живеење и примена на квази право по мерка на креаторите на правниот правец “заевизам” како модел на управување со правото, приватната сопственост и државата.
Пишувајки ја оваа колумна аналитички се навраќам на сите клучни и историски срамни одлуки кои на фантастичен начин се поврзани со СЈО и нивното постапување потпомогнато и поддржано од институции и личности покрај кои живееме и работиме и не можам да се изначудам колку мојата татковина и моите сограѓани биле без кичма и имунитет, колку луѓе кои сум ги сметал за професионалци замижале пред злосторството кое се подготвувало или било извршено сеедно.
Правниот правец “заевизам” го даде како продукт СЈО кое нели беше неуставно, а Уставниот суд молчеше и сеуште молчи, семето на СЈО беше посадено од кадрите на нефункционалното Јавно обвинителство и тоа СЈО ја даде како продукт Катица која потоната во криминал беше уапсена и притворена за да биде лесно елиминирана да не пропее за криминалот по чиј налог го спроведувала планот на политичката елита и меѓународниот фактор и со која цел!
Но како што ниедна идеологија не умира со своите креатори, извршители и поддржувачи така ни “заевизмот” како правен правец тестиран врз овој народ и држава нема да умре како идеолошка мисла и неговите поддржувачи ќе најдат начин да продолжи да живее и остварува бидејки тоа им е единствен начин на опстанок.
Денес во овој крајно девастиран правен систем, а таков е бидејки и научната мисла од Правниот факултет Јустинијан први даде поддршка на сите чекори на “заевизмот” како правец и ниту еднаш не застана во одбрана на постулатите на правото туку секогаш бараше тројанци и на мала врата заобиколени правни решенија за поттурнување на правни теории на “заевизам” што најмалку се граничат со правна шизофренија да не речам ступидност на академските катедри и оние кои ни ги учат и воспитуваат новите генерации на правници, Господ да ни е напомош!
Катица ја нема повеќе, во притвор е’ и правно е мртва без кредибилитет и углед, но Законот за СЈО донесен со двотретинско мнозинство и по волјата на четирите политички партии сеуште постои и е дел од овој правен систем тој закон уредува супремација на право на СЈО кога се во прашање “бомбите” и предметите поврзани со нив со прецизни рокови за покренување истраги и обвиненија, прецизно кој и како може да постапува со “бомбите”- незаконски прислушуваните разговори и постапките што ги отвори и води СЈО, да не е смешно би било трагично но “заевизмот” како правна идеологија смисли нов начин за правна манипулација и претумбација на куферите предмети од СЈО во Јавното обвинителство, она нели нефункционалното со теоријата ако ја гониме Катица може и да ги присвоиме нејзините предмети, кој што зграби зграби само да се заврши идеолошката матрица и задача со која се започна нели се сеќавате во име на начелото на “јавен интерес”.
Катица во еден досега правно невиден воспоставен модел надвор од Законот за СЈО и договореното во политичките преговори Пржино 1 и 2 преку преписка од притвор го овластува Јовевски да ги преземе и да постапува по предметите на СЈО до нивно завршување ова не го пропишува ниеден закон ова не е ниту правна теорија базирана емпириски ова е класична правна фикција. Замислете Катица симболот на правдата фатена во рекет врз обвинети лица во постапките кои таа и нејзиниот криминален тим ги воделе, со писмо одлучува која ќе биде судбината на тие постапки?! Па чекајте овие обвинети луѓе имаат ли свои права која е Катица да одлучува за нивните права и тоа со писмо од притвор и зошто ги предава на Јовевски во чија немилост се наоѓа и самата под прогон? Но писмото на Катица е само промислена нишка во низата злоупотреби во кои се паднати правосудните институции, правната теорија, варем онаа вистинската вели дека колку злоупотреби да направиш за еден мандат ти се бележат како едно – продолжено кривично дело за кое добиваш една казна, па каде е едно не може да имаш потешка осуда ниту да бидеш суден повторно. Овие прашања се колку длабоки толку и широки колку и пандорината кутија на “заевизмот” која се шири се повеќе и повеќе по принципот ако пројде – пројде, а овде проаѓа и тоа како!
Со писмо Катица самата се обезвласти и со исто такво го овласти Јовевски “заевистички катишериф” кој ни во турско го немало, но ако на овој начин со моделот на СЈО се изигра Уставот, законот за СЈО и другите закони на Република Македонија што останува од правниот систем, што е следно сега Јавното обвинителство ке ги применува покрај својот закон и законот за СЈО??? Но дали правните небулози ќе запрат? Не верувам, Постојат повеќе сценарија Јовевски и Вилма или други обвинители послушници да ги одбијат предметите и застанат на страната на правото и со тоа му удрат сериозен шамар на “заевизмот” или да сторат и самите злоупотреба на службената положба и овластување со тоа што ќе ги преземат предметите, да си ги дорекетираат обвинетите но можеби и да има и нови жртви, па следно ќе биде дека Јавното обвинителство не е врзано само за неовластено прислушуваните разговори туку во рамките на Уставот и законот и за секој вид криминал и може кога сака и по кој повод сака да отвара истраги и да гони како сака согласно “заевистичката” правна идеологија и стратегија.
Во нашата тесна политичка свест на нашите политичари на сцена во овие 30 години е докажано дека правосудните органи го перат прљавиот веш на политичарите, па така ќе биде и овде се ќе се донесе до безизлез и потоа нов политички договор кој ќе направи некаков рестарт за политичарите од кариера да продолжат да уживаат на грбот на народот во удобните дебели фотељи и дебели примања, а плата 500 евра, “кога” ќе ја гледаме само во преводот на Гугл од македонски на албански, можеби и Ебај ќе си правиме со умот но за жал не чекаат години и години агонија!
Ако македонскиот народ во кој ги вклучувам сите национални заедници кои живеат во македонската држава чекаа правда за да добијат мир, добија само нов начин за справување со политичките неистомисленици преку нов квази правен систем “заевизам” кој ниту ја врати ниту ќе ја врати вербата во правната држава ниту ќе спроведе правна реформа и владеење на правото бидејки мирот граѓаните не го добија оние што ги судат за кражба на кебапчиња скапуваат во затвор, а оние што се судат за повреда на меѓа со која им е узурпирано правото на сопственост гарантирано со Уставот ке продолжат да тонат со десетици години во правните лавиринти на истите овие обвинители и судии па и професори кои му се поклонуваат на “заевизмот” како правна идеологија!
 
Владимир Панчевски – судија
Поранеше председател на аосн8вен суд 1 Скопје
06-09-2019, 01:52 PM
Reply
ЈорданПетровски Online
ЈорданПетровски-ЦРНИ
*****

Posts: 15,963
Joined: Mar 2010
Reputation: 36
#2

Quote:Тања Каракамишева

[Image: Karakamiseva.png]

 06/09/2019  
Целава циркузијада наречена СЈО, почнувајќи од Пржино кога беше договорена меѓу четирите лидери на партиите, преку несреќниот избор на Катица Јанева и нејзиниот тим, преку спектакуларните прес-конференции на „трите грации“ (спектакл до сега невиден во јавно-обвинителската пракса), до наредбата на Јанева од притвор да испраќа абер до државниот јавен обвинител да ги преземе сите случаи и истраги и покрај се уште важечки закон за јавно обвинителство за гонење на кривични дела поврзани и кои произлегуваат од содржината на незаконското следење на комуникациите, се ова заедно претставува најблаго речено хаварија во правниот систем од последен степен.
Кај што донесоа  неуставен закон, кај што на мускули го насадија СЈО како квази-обвинителски орган кој делуваше спротивно на, пред се, принципот на единство и хиерархија на ЈО, а потоа и на принципите на субординација и делегација меѓу јавнообинителските органи, кај што сите обвиненија им беа килави и неиздржани, па уште се дрзнаа да го погазат и „чедото“ кое ги создаде, односно нивниот закон.
СЈО го згази својот закон!
Наеднаш заборавија дека нивната надлежност,  основање, укинување, организација и функционирање, основите за именување и разрешување на јавниот обвинител и сите други прашања се уредени токму со нивниот закон, кој како посебен закон секогаш има предност во примената пред другите закони.
Останува нејасно зошто толку се брзаше со пренесувањето на случаите од СЈО во ОЈО кога законот за СЈО има важност до наредната 2020 година (во сила е пет години од неговото усвојување од страна на Собранието) и како што е наведено во законот истиот може да биде продолжен за еднаш годишно со одлука донесена со 2/3 мнозинство од пратениците.
Дали фактот дека власта не може да обезбеди 2/3 мнозинство од пратениците го засили ова нејзино брзоплето и хаотично делување?
Се отвори ли како пупка целото сценарио искреирано за прогон на политичките неистомисленици и стана ли јасно дека СЈО беше вештачка творба која така насадена во системот требаше намерно да прави „лов на вештерки“ во опозицијата и да сее страв во земјата?
Сега увидоа многумина дека се што сработи СЈО можеше да го сработи и ОЈО и дека немаше никаква потреба од формирање на овој паралелен орган кој повеќе внесе правен смут отколку што донесе некаква правда во земјата. Најмалку од се донесе почитување на правото.
Законот за кривичната постапка е многу прецизен во делот на одредувањето мерка притвор за носител на функција, или за кој било друг граѓанин. Притворот има за цел оддалечување на лицето од службата, но посебно од овластувањата со цел да го спречи да врши влијание врз сведоци или други лица или да прикрива докази.
Која е целта на мерката притвор ако притвореното лице има право непречено да ги користи овластувањата дадени со закон, и да дава наредби или согласности за суштествени прашања од доменот на работењето во службата.
Ако лицето може да дава наредби и согласности за пренесување на случаите од СЈО во ОЈО од притвор, тогаш која е логиката на притворот и на законите воопшто?
Втора работа што е тотално надвор од законот е што специјалната обвинителка, согласно законот, има сопствена автономија на делување за прашања кои произлегуваат од неовластеното следење на комуникации извршено во периодот меѓу 2008 и 2015 година, вклучително но не и ограничено на аудио снимки и транскрипти поднесени до Јавното обвинителство пред 15 јули 2015 година. Како и кој ќе ја избрише оваа законска надлежност утврдена во закон, и како тоа ОЈО ќе постапува со позајмена надлежност од овој закон?
Трето, дадена наредба или согласност на Јанева не може да биде посилна од законски утврдена надлежност. Иако самата Јанева на почетокот зборуваше дека само таа има легитимитет во земјата и дека е над сите институции, сепак оваа нејзина наредба ја надминува нејзината легендарна изјава. Јанева не може да наредува спротивно од она што е напишано во законот за СЈО. Каков-таков тој закон се додека Уставниот суд не го поништи е во правниот систем и произведува правни дејства. Невозможно е со обична наредба на Јанева да се избрише, да се дерогира закон.
Четврто, што ќе се случува со законот за СЈО и со дефинираната целосна автономија што СЈО ја има во истражувањето и во гонењето на кривични дела поврзани и кои произлегуваат од содржината на неовластено следење на комуникациите. Во законот стои дека ниту еден јавен обвинител во Јавното обвинителство на Република Македонија, вклучувајки го и Јавниот обвинител на Република Македонија, не може да влијае на работата на СЈО, ниту има право да бара извештаи поврзани со предмети од јавниот обвинител или јавните обвинители во рамките на Јавното обвинителство.
Нека каже власта што ќе прави со законот за СЈО познат во јавноста како закон камиказа?
Наредбите и согласностите што и ги тупнаа на Јанева за потпис не се закон, ниту имаат каква било правна валидност. кога се дадени во околности на одреден притвор и надвор од законот за СЈО.
И уште еднаш го прашувам Уставниот суд – оваа ли „политичка“ разрешница ја чекавте за да не мрднете со прст во вашата надлежност да поништувате неуставни закони?
Срамота сте сите! Божем некои правници!
Проф. д-р Тања Каракамишева-Јовановска
Скопје – петок, 06.09.19 – 02.00 ч.
06-09-2019, 01:53 PM
Reply
ЈорданПетровски Online
ЈорданПетровски-ЦРНИ
*****

Posts: 15,963
Joined: Mar 2010
Reputation: 36
#3

Quote:Злоупотреба на правото

Не секој што излегува на предна врата е во право и не секој што бега на задна врата е во криво!


[Image: frckoski-ifimes-670x446.jpg]

12.09.2019
Лажната борба за одржување на СЈО, кога всушност сите биле да му се стави „клуч на врата“… СЈО се користело единствено да се урне ВМРО-ДПМНЕ од власт… На Катица Јанева не и биле предметите од Гевгелија па да може да ги предаде во Јавното обвинителство и тоа е незаконски… – сите до едно, овие тврдења се погрешни и немаат поблиска врска со правото и законот, имено се политички или егзибиционалистички, што и да е.
Бранејки ја формата и институцијата СЈО со лажно-храбрата формула – да преживее или барем да се обиделе да ја преживеат… оваа група експерти се бори всушност за можноста на ДПМНЕ да го блокира СЈО и сите предмети кои ги води тоа. Ако се брани статус-квото за СЈО сега, со теза дека мора да се избере нов обвинител (а очигледно не може) и мора да продолжи само тој да гони – тоа значи им се дава сета можност и моќ на ДПМНЕ во праламентот да уценува и блокира (нивниот лидер јавно порача дека нема да има двотретинско мнозинство за законот за Јавното обвинителство со кој се решава и СЈО).
Која е последицата од оваа блокада? Не само СЈО што нема да се избере до 15 септември кога е рокот за изминување на неговиот мандат‚ туку предметите кои се суштина на работата на СЈО и воедно главна цел на ДПМНЕ, ќе престанат, ќе се затворат. Затоа со таа намера и во тој тајминг ДПМНЕ одлучно блокира секоја расправа за новиот закон за ЈО каде се решава и судбината на СЈО.
Чиј е тоа интерес? На македонската јавност, на меѓународна јавност или само и единствено на ДПМНЕ?!?!
СЈО е создадено заради предметите и прогонот на криминалот кој треба да заврши на суд и во затвор, а не обратно. Никому не би требало преживеано СЈО без предмети и со нова агенда која кој знае каква би била и во што различна од обновеното обвинителство во иднина. Нас ни се важни предметите на СЈО и СЈО само ако нив упешно ги процесира – имено нивниот резултат во прогонот на криминалот и воспоставувањето на правдата. Ако предметтите се загрозени од блокирањето на СЈО, легитимно е да се најдат легални начини тие да преживеат и се процесираат без проблем. Формата на сегашното СЈО ако не може тоа да го стори поради блокада во Парламентот од опозицијата, не е од интерес да постои и по секоја цена да се поддржува.
Како што ги брани позициите на ДПМНЕ во можноста да блокира до бескрај (со наводно храбрата агенда „се борам СЈО да преживее“ и жалопојка по предметите), така оваа група експерти се обидува да ја поништи можноста предметите воопшто да се пренесат на друго обвинителство, имено инсистира тие да пропаднат со изминување на мандатот на СЈО и К. Јанева на 15 септември. Се обидува да ја оспори одлуката за пренос на предметите на СЈО со кои се гони споменатиот криминал – во Јавното обвинителство и вели дека одлуката на Јанева е незаконска.
Имено, овие лица велат дека таа има само право дел од предметите, поединечни предмети да предаде на друг обвинител (таа ги добила предметите да ги гони, а не предава на друг) и посебно не во вакви вонредни услови? Од каде вакво толкување извлекле експертите никој не знае? Да им укажеме на овие лица она што би требало да го знаат, имено, дека во Законот за СЈО, Делот 6, членот 6, точка 5 се вели: Републичкиот Јавен обвинител не може да превземе случај или истрага на СЈО без нејзина писмена согласност. Тоа значи дека Републичкиот Јавен Обвинител може да превземе случаи и сите случаи ако има писмена согласност од Катица, бре!
Ниту поединечно, ниту еден, ниту повеќе, ниту бутур имено може, и сите токму топ-тан – зависи од нејзината и само нејзината проценка и воља изразена со писмена согласност. Никакви нормални или вонредни околности кои експертите ги измислуваат како услови не постојат, јасна е надлежноста и оперативно можна се додека Специјалната обвинителка е во функција.
Ламентирањето дека тоа не било логично и било апсурдно не се никакви правни толкувања.
Постојат авторитативни или институционални, системски, деонтолошки и телеолошки толкувања на правниот текст. Првите од аспект на јазикот на текстот на законот и институцијата која го донела (тие не се наклонети на нив бидејќи законскиот текст е јасно спротивен на нивните тези). Потоа системски од аспект на системот на правото и неговата кохерентност – тие исто така се нефункционални за нив бидејки логиката на системот е функционирање на институциите во прогон на криминалот а не нивна блокада, а доказ за тоа (непобитен и клучен) е дека судовите ја прифаќаат надлежноста и оперативната функционалност на Специјалната обвинителка (независно што е во притвор) бидејќи ги прифакаат нејзините полномошници (обвинителите на СЈО) да ги застапуваат предметите на СЈО пред судовите кои постапки течат секој ден пред наши очи.
Од аспект на деонтолошкото толкување или оценка за вредностите добро/лошо и од телеолошкото толкување за целите кои сакаат да се постигнат со некој закон – не можат да извлечат поен бидејќи и тие единствено одат во правец на процесирање на криминалот и осуда на сторените дела и сторители и постигнување на целта и вредностите со кои е создаден законот и институцијата. Ништо не може да се толкува во правец на блокада, немање излез, ситење, завиткано во квази правно знаење. Но забавна беше, херменевтичка – деонтолошка поента на оној Давидивиќ (ланци и прстење): не му било логично и апсурдно било?! Абе, бегај бре!
Дебатата во паламудскиот правен круг ја сумираше шаолин мајсторот, Тупанче, од шаолинскиот манастир во Далјан, со фатфа: Временската отсечка… факторот време е против нас… У јеботе… струка си е струка, нема што!
Но да сумираме и ние: ако обвинителката е во функција (иако во притвор), функција што е докажана со протек на судските постапки во кои застапници на СЈО се нејзините полномошници, тогаш таа може да ги префрли предметите на ЈО во постапка предвидена со Законот.
Што е последица од оваа, во основа спасоносна идеја? Таа ги спасува сите постапки на СЈО против криминалот кои ги водеа. Индиректно помага за деблокирање на преговорите за законот за ЈО, ДПМНЕ нема мотив да го блокира бидејќи постапките кои беа за него најголем проблем отидоа во ЈО и ќе се водат без пречки, а приказните дека ќе се одлоговлечеле или дека ке се угаснеле (?) се, претпоставувате, глупости и нагаѓања на оние кои ја изгубиле битката за вистинско гаснење на постапките преку гаснење на СЈО без алтернатива.
Љубомир Д. Фрчкоски
14-09-2019, 09:44 PM
Reply
ЈорданПетровски Online
ЈорданПетровски-ЦРНИ
*****

Posts: 15,963
Joined: Mar 2010
Reputation: 36
#4

Quote:Другарчиња, љубовта кон правдата не ви дава право да ја силувате!


Намерата новите обвинители што ќе ги определи ЈО да ги преземат предметите на СЈО на начин што ќе продолжат таму каде што застанале нивните претходници, ќе значи грубо силување на правдата. Јас разбирам предметите да се земат, привремено да се „замрзнат“, сѐ до изнаоѓање на правни решенија како тие да продолжат, во новиот закон за Јавното обвинителство за кој се преговара. Но, да се продолжи „автоматски“ и „експресно“, едноставно, не бива. Изнесени се многу сериозни тврдења и аргументи за постоење непремостливи пречки, кои произлегуваат од нормите и правилата на водењето на кривичната постапка, за тој „автоматизам“ да биде легален.

Напишано од Бранко Героски
14/09/2019 22:11

Има една суштинска разлика меѓу мојот став и ставот на професорот Гордан Калајџиев за преземањето на предметите на Специјалното јавно обвинителство од страна на Јавното обвинителство. И секако, веднаш да нагласам дека меѓу нас двајцата постои и голема разлика во поглед на стручноста – јас себеси се сметам за солидно информиран лаик за правната проблематика, додека професорот Калајџиев е врвен и докажан експерт.
Накусо, мојата теза е дека преземањето на предметите на СЈО од страна на ЈО е легално и легитимно. Легално е врз основа на генералната обврска на Јавното обвинителство да постапува во случаи кога постојат индиции дека се извршени казниви дела за кои тоа е овластено да постапува по службена должност. Легитимно е од аспект на потребата да се отстрани опасноста предметите на СЈО да „исчезнат“ во правниот вакуум што ќе се создаде поради две причини: прво, не постојат ниту теоретски шанси до понеделник, 15 септември, да се донесе новиот закон за ЈО, со кој, меѓу другото, треба да се определи и статусот на предметите кои ги отворило СЈО, а можеби и во иднина ќе ги отвора некое друго јавно обвинителство, врз основа на нелегално прибавени докази; и второ, не постои правно издржан начин ЈО „по автоматизам“ да продолжи да постапува по спорните предмети, таму каде што застанало СЈО.
Тука веќе сериозно се приклонувам кон ставовите на Калајџиев и на другите правни експерти и практичари, кои деновиве сериозно предупредија дека секој обид новите обвинители да влезат „во чевлите“ на обвинителката Катица Јанева ќе биде опасна злоупотреба, која не може да се оправда со тезата дека целта на опозицијата била „мафијата“ и нејзините „адвокати“ да обезбедат неказнивост за кејсовите што ги отворија „трите грации“. Самиот факт што пропагандата на СДСМ и на Заев во групата „адвокати на мафијата“, покрај мене, го смести и професорот Калајџиев, зборува дека таа теза е недокажана и неодржлива.
Имено, иако нема докази, ете, да речеме дека власта може си земе слобода да спинува дека раководството на ВМРО-ДПМНЕ сака да ги спаси своите претходници од кривично гонење. Но, да бидеме на чисто – причината поради која пропагандата на Заев мене ме доведува во некаква врска со „мафијата“ е што јас ја отворив аферата „Рекет“ и го урнав митот за Катица Јанева. А тоа ги боли, ги прави нервозни. Таа болка е причината за сите најави што севезден ми ги упатуваат сдсмовските ботови, дека ќе било „обелоденето“ ова или она за мене, иако тоа се само закани на будалести луѓе кои не можат да ме исплашат, бидејќи ниту имало ниту има такви инкриминирачки факти што би можеле да се обелоденат. Да, може да се направи некој обид нешто да се измонтира, секако, но тој меур од сапуница брзо ќе пукне. Сигурен сум дека истото важи и за професорот Калајџиев. Неговата „вина“ е што со своите аргументи остро се спротивстави на трансферот на предметите од СЈО во ЈО, поради што беше определен за јавна егзекуција со клевета дека е „адвокат на мафијата“. Срамота!
Патем речено, сакам да кажам дека мене ми е многу непријатно што во улогата на егзекутор на Калајџиев се јави и професорот Љубомир Фрчковски, со кого пријателувам три децении. Ако велам дека за една работа греши Калајџиев, тврдам дека во случајов за десет работи греши Фрчкоски. При што, да бидам искрен, во настапот на Фрчкоски априори наоѓам два крупни проблема. Првиот е методолошки: целата своја аргументација тој ја гради врз основа на пропагандната теза дека опозицијата и една група јавни личности се бореле да пропаднеле предметите на СЈО, теза која е поставена без докази, па лебди како провидна шпекулација. Вториот проблем е конфликтот на интереси во позицијата на професорот Фрчкоски, чија сопруга сега е правна застапничка на Катица Јанева. Бев решен да не го поставувам тоа прашање, но ме предомисли признанието на премиерот Заев дека се информирал од адвокатката Фрчкоска за нешто во врска со Јанева – во кое својство, како заинтересирана странка? – па сега мислам дека секој што имал редовни контакти со правната застапничка на СЈО до 15 септември (Јанева е СЈО до тој датум) треба да се воздржува од јавни коментари за темава, а премиерот требало да се воздржува и од контакти со адвокатката.
Но, да се вратиме на клучното прашање – на обидот за силување на правдата. До аферата „Рекет“, сите ние можевме да поверуваме во јавно декларираната љубов на раководството на СДСМ во правдата. Сега, кога гледаме како власта се обидува да се менаџира себеси во корелација со аферата, веќе не сме убедени во искреноста на таа декларација. Но, дури и да се водиме од претпоставката дека СДСМ и Владата се безгранично и безнадежно заљубени во правдата, до степен што се спремни за неа буквално да сторат сѐ, една работа сепак не смеат да си дозволат – во името на правдољубивоста, не смеат да ја силуваат.
А намерата новите обвинители што ќе ги определи ЈО да ги преземат предметите на СЈО на начин што ќе продолжат таму каде што застанале нивните претходници ќе значи токму тоа, грубо силување на правдата. Јас разбирам предметите да се земат, привремено да се „замрзнат“, сѐ до изнаоѓање на правни решенија како тие да продолжат, во новиот закон за Јавното обвинителство за кој се преговара. Но, да се продолжи „автоматски“ и „експресно“, едноставно, не бидува. Изнесени се многу сериозни тврдења и аргументи за постоење непремостливи пречки, кои произлегуваат од нормите и правилата на водењето на кривичната постапка, за тој „автоматизам“ да биде легален. Да не ви додевам сега со расправа на таа тема, бидејќи за неа многу се говореше деновиве.
Се разбира, сфаќам дека има луѓе кои сметаат дека без оглед на тие процесни пречки, кои многу сериозно ќе ги искомпромитираат процесите во сите фази, од „политички причини“ мора така да се „тера“ по секоја цена. И дека немало друг начин да се обезбеди „казнивост“ за луѓето од претходната власт и на бизнисмените блиски до нив, тие што беа таргетирани, под „Т“ нели, во предметите на Катица Јанева. Згора на тоа, се тврди дека во таков случај, новиот закон за Јавното обвинителство веќе не е периоритет и дека за неговото донесување не треба да се троши енергија и време. Едноставно, велат тие, може и вака. Вози Мишко…
Како беше она… ах да, Македонија и сѐ е можно. Но, Заев мора да сфати дека сѐ си има своја цена. Во оваа земја секогаш ќе се најдат десет луѓе кои ќе се охрабрат јавно да проговрат за вистината, имено за тоа дека „борбата“ за правда со неправни методи не е ништо друго освен нова неправда. А вистината на крајот победува. Јас секако ќе бидам меѓу тие луѓе. И ќе се залагам за суштински и системски реформи во областа на правосудството, а не за политички притисоци и за ваков волунтаризам.
Во случајов, апелирам власта и опозицијата да продолжат интензивно и посветено да преговараат за новиот закон за Јавното обвинителство, за да ги решат отворените прашања кои веќе се адресирани и кои не можат да се затворат со ова трик-решение. Одговорноста на Заев да ја поврати климата на доверба во преговарачкиот процес е дотолку поголема што тој има можност на една година пред крајот на мандатот на Владата да го реализира своето предизборно ветување дека опозицијата ќе го предложи новиот државен јавен обвинител. Да, за опозицијата тоа ќе биде извесна предност, но истовремено и обврска да го предводи процесот што треба да обезбеди генерална казнивост за криминалот и за корупцијата, но и почитување и спроведување на законите.
(This post was last modified: 14-09-2019, 09:46 PM by ЈорданПетровски.)
14-09-2019, 09:46 PM
Reply