Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ЛА ВЕРИТА НА КОГО КЕ МУ ЗАДАДЕ СМРТОНОСЕН УДАР
Author Message
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#1

Quote:Видео од рекетот врз Камчев осамна во италијански весник


Италијанскиот весник „Ла Верита“ објави видео запис од моментот кога бизнисменот Јордан Камчев им исплаќа дел од парите на Бојан Јовановски и Зоран Милевски- двајцата осомничени во случајот „Рекет“.
   
[Image: 46403200_303.jpg]
Видео материјалот објавен денеска се состои од снимки направени во домот на Јордан Камчев, како и од аудио разговор меѓу Камчев и Јовановски на кој, најверојатно, присуствува и адвокатката на Камчев. Материјалот е поврзан со случајот „Рекет“ во кој токму Јовановски и Милевски се осомничени за изнуда врз Камчев. И двајцата во меѓувреме се во притвор, а Камчев е сведок против нив. 
Видео снимката започнува со пребројување на парите, вкупно 1,5 милиони евра, кои Камчев како прва рата му ги исплаќа на Јовановски. Парите се спакувани во торби кои потоа Јовановски и Милевски ги изнесуваат од домот на Камчев кој ги испраќа до излезната врата.
Последниот дел од снимката ги прикажува Јовановски и Милевски како ја напуштаат куќата и се упатуваат кон својот автомобил со торбите со пари. 
Целиот материјал можете да го погледнете во следното видео кое го објави весникот „Ла Верита“: 

Вториот дел од материјалот се состои од аудио снимка на која, наводно, разговараат Камчев и Јовановски.
Во разговорот, Јовановски му најавува на Камчев дека „во понеделник, или најдоцна до вторник ќе биде ослободен од страна на Врховниот суд“.
„СЈО нема да употреби вонредни правни лекови. Нема ништо да употреби“, ветува Јовановски.
„А, Апелација?“, прашува Камчев.
„Апелација ќе Ве одбие. Вие се жалите во Апелација, да бидете спремни. Во Врховен се жалите во втор степен. Советот се повикува на начелното правно мислење и автоматски. Катица нема да употреби сега никакви вонредни правни лекови да го продолжува, да го одолговлекува моментот. Понеделник или вторник сте на слобода“, вели наводниот глас на Јовановски на снимката, со која завршува и материјалот.
Инаку, аудио материјалот е преведен и на англиски јазик и така презентиран пред публиката, а делува како да е дел од поголем транскрипт.
Не е познато од каде италијанскиот весник ја добил снимката. Македонските власти досега не се огласија со реакција за случајот.
 

ДОЈЧЕ ВЕЛЕ



Изборот да пренесувам  за пишувањата на „Ла Верита“ од Дојче Веле не е случаен! Дојче Веле е едно од упориштата на глобализаторите!!
10-08-2019, 02:47 AM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#2

Quote:Кој го намести Јордан Камчев
Што ново дознавме од протечените снимки за случајот „Рекет“? Дека во вечната македонска транзиција и „хиените“ можат да станат жртви... Пишува Борис Георгиевски
   
[Image: 49944770_303.jpg]
Имаше нешто во таа анимација; во визуелното доживување на моментот кога Боки 13 и неговиот ортак Зоран Милевски излегуваат низ вратата со торби полни пари, а Јордан Камчев- жртвата, сведокот-жртва, грижливо ги испраќа од домот со влечки, како чиниш си ги испраќа децата на училиште. Не случајно и им беше направил „спецификација како да си во прво одделение“.
Јавноста и досега знаеше дека Јовановски и Милевски си заминале од домот на Камчев со уредно спакувани еден милион евра. Тоа го објави обвинителството уште на денот, 15 јули, кога беше соопштено дека двајцата се осомничени за уцена на бизнисменот.
Ниту пак е изненадување споменувањето и повикувањето на Боки 13 на името на специјалната обвинителка Катица Јанева. Обвинителката Вилма Русковска го потврди тоа во интервју за телевизија Телма на крајот на јули.
Сепак, визуелизацијата на моментот- можноста да се види како сето изгледало- ја возбуди јавноста, предизвика сензација и ја загреа политичката атмосфера во земјата до максимум.
Потоа се појави нова снимка, па на крајот беа објавени и комплетните аудио материјали од разговорите кои ги поседува италијанскиот весник Ла Верита.
[Image: 49962255_401.jpg]
И, што дознавме од нив?
„Хахаха! Јас и ти брат сме такви хиени“, му порачува Камчев на Боки во моментот кога сфаќаат дека „Бобо“ е најавен на гости кај него, а неговата сопруга кај Боки 13. Во ред, да не се правиме будали, сите знаеме кој е Бобо, и која е неговата сопруга.
Македонската транзиција трае толку долго што и најголемите профитери од неа дочекаа да станат жртви. „Хиените“ кои 30 години грабаат што ќе стигнат, палат и гасат во политиката, економијата, културата, здравството... Кои не сакаат со години да се „влечат по судови“, да ги „рекетираат адвокати, судии, к***ви“.
Така е тоа во Македонија. Не е секој роден да се влече по „судови, к***и“, покрај сите други маки. На пример, страшно е да живееш во држава каде банките немаат да ти дадат еден милион евра во апоени од по 50 евра, па мораш да ги исплаќаш по 500!
„Хахахаха!“ Со ластиче и бројче.




Разговорите меѓу Камчев и Јовановски

И сега? Смееме ли да прашаме како се најдоа овие снимки во рацете на опскурен италијански весник? И зошто? Со која цел? Доколку претпоставиме дека снимките ги поседувале само Камчев, како автор, и Јавното обвинителство, како институција која му дала статус на Камчев на сведок-жртва, кој од нив би имал интерес сега тие да излегуваат во јавност? Обвинителството? Секако не. Камчев? Веројатно, исто така, не.
Некој трет очигледно видел интерес овие снимки да излезат на виделина. Од кого ги добил, останува да погодуваме. Дали го консултирал својот извор пред да ги објави и дали тој се согласил? Зошто е тоа важно? Целта е постигната. 


[Image: 49604609_401.jpg]
Јордан Камчев

Читајте ги внимателно двата текста во Ла Верита кои беа придружен фолклор на прикачените видеа со „скандалот од Мачедониа ди Норд“. Клучната поента; по низата конспиративни теории за улогата на Сорос, Германија, ЕУ и останатите белосветски „мешетари“ во уривањето на власта на ВМРО-ДПМНЕ; е дека се работи за држава „со ограничен суверенитет во која политичките актери се кукли зад кои стојат далеку помоќни меѓународни фактори“. Дополнително, и дилемата која ја поставува весникот, како една ваква корумпирана држава смее да почне преговори за членство со ЕУ? Секако дека не смее! И авторот е идеалист: „сака само да ја поттикне борбата против корупцијата во Македонија“.
Има ли подобар поттик за „борбата“ против корупцијата во Македонија од објавувањето на овие снимки? Секако дека нема. СЈО е веќе урнато, надежта е дека ќе се урне и истрагата на ЈО, а по него и владата. Чуму и се на земјата преговори со ЕУ, кога може добро да и оди и без неа. Правната држава и владеењето на правото и онака се растегливи категории. Ги има и во „заробени држави“. 
Се додека банките во Македонија имаат евра во апоени од по 500 евра, можат да се тегнат и во, не дај боже, Адидас торби.
И, кој го намести Јордан Камчев? 
„Хахахаха! Јас и ти брат сме такви хиени!“
 
10-08-2019, 08:58 PM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#3

Quote:Трета серија разговори меѓу Камчев и Боки 13: Бугарите да не се мешаат

10.08.2019
Италијанскиот весник Ла Верита објави и трета серија разговори меѓу осомничениот во случајот Рекет, Бојан Јовановски и сведокот-жртва Јордан Камчев. Во нив, тие лицитираат со имиња на политичари и обвинители

   
[Image: 49944770_303.jpg]


Серијата нови разговори меѓу Камчев и Јовановски во најголем дел се однесуваат на обидите да му се врати пасошот на Камчев, но и да се најде начин да се затвори случајот „Империја“ во кој, тој, е еден од обвинетите, заедно со Сашо Мијалков, Цветан Панделески и други. Италијанскиот весник Ла Верита, овојпат објавува една подолга серија разговори во траење од 27 минути. 
Според првиот разговор објавен денеска меѓу Камчев и Јовановски произлегува дека нивните контакти траеле уште во периодот додека Камчев бил во притвор, а комуникацијата се одвивала преку неговата сопруга Ана и преку извесен „Дејан“ кој се споменува, а според преводот на транскриптот на англиски јазик, наводно се работи за Дејан Панделески. 
„Заради тебе излегоа и други“, му порачува Јовановски на Камчев, објаснувајќи му колку било тешко „да се изменаџира“ неговото излегување од притвор. Јовановски му ветува дека во првата фаза ќе му биде вратен пасошот на Камчев, а одмрзнување на имотот и уделите ќе следува по „спогодбата“. Тука веројатно се мисли на спогодбата за која вчера зборуваше обвинителката Лиле Стефанова, а која, според неа, обвинителката Катица Јанева планирала да ја постигне со обвинетите во случајот „Империја“. 
Камчев и Јовановски во повеќе наврати ги споменуваат имињата на: „Катица“, „ЗЗ“, „Зоки“ и други во различен контекст. Во еден момент Боки 13 му кажува на Камчев дека следниот ден ќе се види со „ЗЗ“ и верува дека тој нема да се меша во случајот односно дека „нема да прави проблеми“. 
Глас кој наликува на оној на Јанева повторно се појавува во снимките исто како и во вчерашните. Во една снимка, Јовановски и објаснува на Јанева како оди постапката за враќање на пасошот на Камчев во судот, по што додава: „Тој (мислејќи на Камчев) се плаши од Лиле (обвинителката Стефанова)“. На тоа, гласот на Јанева му одговара: „Јас сум многу ангажирана, затоа не ја држам под контрола, инаку без мене таа не може ништо“. 
„Му кажав јас дека таа е под тебе, и дека не смее ништо да направи“, додава Боки 13. 
Јанева се појавува и во следната снимка. На неа, Камчев телефонски го повикува Јовановски кој е заедно со Јанева и разговараат на интерфон. Камчев прашува зошто е испратена покана до уште 8 лица (за случајот Империја), а Јовановски, цитирајќи ја Јанева чиј глас исто така се слуша во позадина, му објаснува дека „тоа не е ништо“. Двајцата го смируваат Камчев дека „тоа е подобро заради постапката, за на крај да биде силна спогодбата“. 
„За малку активности да има во април“, додава Јанева. 
„Шминка, шминка“, заклучува Камчев. 
Камчев во еден момент му објаснува на Јовановски дека испратил порака и „Бугарите веќе да не се мешаат“. Според контекстот на разговорот, такво мешање веројатно имало додека Камчев бил во притвор, а Јовановски и испратил порака на Ана, сопругата на Камчев, тоа повеќе да не го прават. 
„Добро, тие се обидоа нешто, пријатели сме, пријател треба да проба, ама сега знаеме кој клуч ја отвора вратата“, вели Камчев. 
Камчев, кој поседува и бугарско државјанство, беше номиниран за почесен бугарски конзул во Македонија од страна на официјална Софија во април 2018 година. Македонските власти го одбија барањето. 
Бугарските власти досега тврдеа дека не биле контактирани за случајот од страна на Камчев, ниту му пружале помош. 
Се разговара и за парите од „Бетон-Штип“, за изградбата на проектот „Панорама“ на Водно во Скопје, за Сашо Мијалков, за извесен Жарко, инаку кум на Камчев, кој успеал благодарение на Јовановски „преку СЈ и ЗЗ“ да заврши голема работа. 
Јовановски му кажува на Камчев дека имал можност да слуша и некои „прислушувани разговори“ и дека во нив „тој бил добар“.  
Комплетната трета серија разговори можете да ја слушнете на Јутјуб.



10-08-2019, 09:03 PM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#4

Quote:Во изјава за МКД.мк

Ларис Гајзер за „Рекет“: Имам уште информации, за неколку дена ќе ја објавам целата приказна

Како што веќе реков во денешното интервју за Радио Каподистриа, еве ви потврдувам дека и натаму работам на делови од оваа истражувачка приказна за да го склопам мозаикот. Пред да ја објавам целата финална приказна морам да бидам сигурен дека сите сведоци се безбедни, изјави за МКД.мк Ларис Гајзер, италијанскиот новинар на „Ла верита“, медиум во кој деновиве беа објавени неколку текстови и видео снимки за случајот „Рекет“ кои сѐ уште ја брануваат македонската и меѓународната јавност.

[Image: mkd-431863.jpg?itok=1T-hLrWO]

13.08.2019
„Прво, морам прво да бидам сигурен во сите докази што ги поседувам и да ја завршам приказната. Ова е чисто истражувачко новинарство. Не знам уште колку денови ќе ми требаат, ама можам да кажам - неколку. Но, ако сѐ биде потврдено, ќе биде вознемирувачко и ќе предизвика силни турбуленции. Она што ми е најважно е луѓето да бидат безбедни пред објавувањето. Откако ќе објавам сѐ, ќе бидам подготвен да дадам и дополнителни коментари и податоци“, вели во изјавата за МКД.мк новинарот Гајзер.
По објавувањето на снимките на интернет страницата на италијанскиот весник „Ла верита“ се отворија сериозни сомневања за замешаноста на специјалната обвинителка Катица Јанева во рекетерската мрежа на Бојан Јовановски и бројни македонски бизнисмени, а очигледно со знаење и најверојатно со директна помош на истакнати македонски политичари од власта.
За овие сомневања отворен е случајот „Рекет“ на Обвинителството за гонење на организиран криминал и корупција, во кој засега осомничени се само Бојан Јовановски и Зореан Милески-Кичеец. Денеска обајцата добија продолжување за 30 дена на нивниот притвор.
13-08-2019, 10:33 PM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#5

Quote:ПРЕСУДНА НЕДЕЛА

Ларис Гаисер го „задава завршниот удар“?


Христо Ивановски 18.08.2019 / 18:23

[Image: laris.jpg]

Ларис Гаисер, новинарот од Словенија кој на италијанскиот медиум „Ла верита“ објави снимки за аферата „Рекет“ за Пресинг ТВ најавува „завршен удар“.
Што значи попрецизно тоа, Гаисер не ни кажа.

Quote:„Преслушував многу важен материјал за аферата „Рекет“, има многу интересни докази, јас сум сигурен во нивната автентичност. Тие ќе предизвикаат големи реакции. Но, дали наскоро ќе ги објавам, најпрвин морам да бидам сигурен дека моите извори се безбедни“, вели Гаисер.

Според неговата најава многу е веројатно наредната недела да се објават нови материјали кои би ја докажале поврзаноста на високи претставници на власта во аферата „Рекет“. Има индиции дека новите материјали би биле поврзани со случувања во здравствениот сектор, а нешто такво претходно објави и опозициската ВМРО-ДПМНЕ при што таа зборува за таканаречено „трио Заев-Филипче-Дончев“.
ПресингТВ дознава дека за аферата „Рекет“, односно за корупцијата во високите кругови на власта, се заинтересирале и други западни медиуми. Извор на Пресинг ТВ вели дека „најмалку еден германски весник е заинтересиран да ги објави материјалите за аферата“. На прашањето дали можеби е тоа весникот кој ја објави аферата со албанскиот премиер Еди Рама, нашиот извор ни потврди, ниту, пак, демантираше.
19-08-2019, 12:39 AM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#6

Quote:Притвор од 30 дена за шефицата на СЈО, фаворитот на ЕУ и Могерини во Македонија, вмешана во коруптивен скандал кој може да ја собори социјалистичката влада.

Објавил: Перо Милчин | 22 август, 2019 6:56

ЛА ВЕРИТА: Да не беа нашите БОМБИ власта ќе го заташкаше “Рекет”

Објавите на Ла Верита го минираа обидот да се заташка cлучајот.

Објавата од страна на Ла Верита изминатите денови, по однос на документацијата и видеата коишто докажуваат постоење на длабока корупција во македонскиот политичко-судски систем, како и криминална злоупотреба на државата, предводена од премиерот Заев, на штета на граѓаните и политичките опоненти, ги носи првите правни последици.
Откако Претседателот на државата Пендаровски се огради од Зоран Заев, веднаш по објавувањето на скандалот, и неговота комплетна поддршка за храбрите и чесни судии, државниот јавен обвинител Љубомир Јовески во изминатите денови испраша доста сведоци поврзани со случајот “Рекет” . Помеѓу сведоците слушнати во вторникот, беше и Катица Јанева, Специјална обвинителка фаворизирана од ЕУ на Јункер и Могерини со цел Зоран Заев да може легално да дојде на власт по скандалот со нелегално добиените прислушувања во 2015та, за да се уценува политичкиот противник Никола Груевски, исто така посочен како глава на еден систем на злоупотреба длабоко вкоренет во државата.
Објавените видеа од наша страна силно ја осомничија Јанева за изнуда против обвинети лица, та дури и лица под истрага токму од нејзина страна. За помалку од 24часа по нејзиното сведочење, Катица Јанева е уапсена.

[Image: 68858710_369089537121105_882158926233704...C480&ssl=1]

Објавата од страна на Ла Верита изминатите денови, по однос на документацијата и видеата коишто докажуваат постоење на длабока корупција во македонскиот политичко-судски систем, како и криминална злоупотреба на државата, предводена од премиерот Заев, на штета на граѓаните и политичките опоненти, ги носи првите правни последици.

Обвинителот Јовески за неа побара 30 дневен притвор поради сомнеж за злоупотреба на должноста во случајот “Рекет” и и’ ги заплени компјутерите во коишто тешко дека ќе се најде некаков доказ со оглед на тоа што е поминато доста време од обелоденувањето на скандалот.
На прес конференцијата одржана од Јовески, заедно со јавната обвинителка за организиран криминал Вилма Рускоска, се почувствува дека таа (Рускоска) силно инсистира дека е потребно Јанева да биде притворена.
Со оглед на тоа што Вилма Рускоска точно пред месец дена, зборувајќи за колешката Јанева, подвлекуваше јавно дека не гледала никаков мотив Катица Јанева да избега или да се гони, се потврдува фактот дека Ла Верита во овој период ефективно одигра корисна услуга од јавен карактер. Сето ова не тера да мислиме на сценарио во кое, доколку не дојдевме до аудио-документацијата и не ја објавевме, судскиот систем предводен од Вилма Рускоска, омилената на Зоран Заев, ќе стореше се’ за да ги заташка доказите и случајот.
Токму во вторник Јордан Камчев, односно човекот предмет на изнуда во нашите видеа, потврди дека сето она што е објавено од наша страна е дел од доказниот материјал којшто тој веќе го предал пред повеќе недели на македонските судии. Сега на сите им е јасно дека се до нашата интервенција овој материјал не бил земен сериозно в предвид од страна на обвинителскиот врв предводен од Рускоска, жената којашто не случајно Зоран Заев сакаше да го земе местото на Катица Јанева и да продолжи со работа.
Доказ за тоа дека Зоран Заев во Македонија го контролира и судскиот систем, дел од новинарскиот и секако политичкиот, се фактите коишто следуваа во последниве денови. Семоќниот човек се обиде да ја дискредитира нашата работа, секогаш посветена кон потрага по вистината, обвинувајќи нe’ дека сме сакале да го саботираме патот на Македонија кон ЕУ и НАТО.
Неговите обвинувања се распаднаа како кула од карти со оглед на тоа што е потврдено дека нашиот весник од секогаш ги бранел северноатлантизмот и здравиот европеизам како важни вредности во општеството. Но, фактот дека тој (Заев) манипулира како ќе посака со судскиот систем го потврди, по психолошкиот пресврт во Македонија – по нашите откритија, екс-министерот за правда од редовите на ДУИ, Блерим Беџети, којшто рече дека во минатото Заев често пати му барал да влијае на членовите на Судскиот совет со цел да изберат нов претседател на важен суд, поприлагодлив на барањата на премиерот.

[Image: .jpg?resize=443%2C248&ssl=1]

Доказ за тоа дека Зоран Заев во Македонија го контролира и судскиот систем, дел од новинарскиот и секако политичкиот, се фактите коишто следуваа во последниве денови.

Во очекување дека Ла Верита, денот кога ќе бидеме сигурни за безбедноста на нашите извори, ќе може да ги објави дополнителните докази кои ги има и кои потврдуваат директна контрола од страна на државниот врв врз активностите околу изнудувањето, Катица Јанева изгледа дека е осудена да стане “громобран” за сите оние, судии и политичари, коишто се инволвирани во скандалозниот систем за изнуда и погрешно раководење со државата за време на мандатот на Заев.
Камчев потврди, што беше потенцирано и од нас, дека првите докази против Јанева биле веќе презентирани пред повеќе од месец дена, по приведувањето на Боки13.
Повеќе од месец дена им беше потребно на Јовески, а посебно на Рускоска, да побараат притвор за специјалната јавна обвинителка. Месец во којшто наводно би можеле да бидат уништени докази и да се влијае врз фактите. Јасно е дека целиот овој систем би можел да биде објективно критикуван најмалки за негрижа, ако не и за малициозно соучесништво.
22-08-2019, 02:17 PM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#7

Quote:Во радио-емисија најавена нова бомба на „Ла Верита“: Дали Боки 13 му се јавил на Јовче Ременски?


24.09.2019
Новинарот Сашо Димовски, кој долги години ја следи состојбата и проблемите во правосудството гостуваше во емисијата „Стадион“ на Канал 77 каде истакна дека „Ла Верита“ наскоро ќе објави нова бомба во која се споменуваат пратеничката и потрпретседател на СДСМ, Фросина Ташевска Ременски и нејзиниот сопруг Јовче Ременски. Според Димовски, токму сопругот на Ременска е лицето на кое Боки 13 му се јавил да праша дали е cлeдeн откако го напуштил домот на Камчев.



24-08-2019, 03:17 PM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#8

Quote:Македонија

ГЕЈСЕР ЗА СРПСКО „АЛО“: Дали нормален човек навистина верува дека никој во ЕУ не знаел што се случува во Македонија?

[Image: gejser-1024x568.png]

 25.08.2019
Ларис Гејсер, аналитичар и професор по геополитика, кој во низа написи за италијанскиот весник „Ла верита“ ја откри аферата околу уцената на бизнисмени во која се вплеткани Боки 13, Зоран Заев, неговиот советник Башановиќ и многу други во разговор за „Ало“ открива како реагирал кога слушнал дека е приведена поранешната специјална обвинителка Јанева и дали очекува нови апсења.
-Да, тоа навистина е прв резултат од серијата текстови кои ги објавив, но би рекол тажен резултат, кога ќе земеме во предвид дека македонското обвинителство имаше во свој посед исти документи уште пред еден месец и ништо не се случи. Тоа значи дека без моите написи во весникот „Ла Верита“ вистината никогаш немаше да излезе на виделина и сега се надевам дека на сите им е јасно дека целата земја е заложник на криминална организација која направи се да се заштити себе си или да ги уништи доказите.
АЛО: Дали очекувате Заев да поднесе оставка?
-Да сум јас советник на Заев и да знам се што знам веднаш би го посоветувал да поднесе оставка. За негово добро и за доброто на Македонија. Порано или подоцна тој ќе мора да си замине. Тој е минато и меѓународно е мртов.
АЛО: Дали верувате или имате ли докази дека некој од ЕУ, како на пример Могерини, имал сознанија што се случува во Македонија?
-Дали една нормална личност може да поверува дека никој во ЕУ немал поим што се случува во Македонија? И да е така, во секој случај се виновни за тоа што се неспособни. Поентата е што системот на Зоран Заев е продукт на Комисијата на Јункер и на Могерини и нивниот пристап кон Балканот и сега не можат да го прифатат својот дел од одговорноста. Наместо тоа, тие се одлучија за тишина.
АЛО: Бевте мета на хакери, отворени се неколку ваши лажни профили. Што мислите, зошто е тоа направено и со каква цел?
-Изгледа дека станав мошне популарна личност во Македонија во рок од неколку часа со илјадници следбеници, што е проблем за мрежата на Зоран Заев. Верувам дека лажните профили се направени како замка за луѓето кои ја претставуваат опозицијата во Македонија. Многу тажно, тоа се фашистички методи на режимот. Сепак смешната страна на приказната е дека минатата недела група хакери нападнаа еден од моите лажни профили кој беше направен од друга хакерска група, која потоа ги алармираше медиумите дека профилот ми е хакиран, кој инаку е лажен.
АЛО: Се плашите ли можеби за сопствената безбедност?
-Знаев дека ќе имам последици со навлегувањето во интересите на моќна криминална мрежа која меѓународно е поврзана и тешко повредувајќи ги нивните финансии. Ајде да речемe дека моето ниво на претпазливост е поголемо сега отколку на почетокот на август.
[Image: gejser1-480x467.jpg]
25-08-2019, 09:55 PM
Reply
ЈорданПетровски Online
ЈорданПетровски-ЦРНИ
*****

Posts: 15,946
Joined: Mar 2010
Reputation: 36
#9

Quote:Гајсер за „Танјуг“: Имам уште детали за „Рекет“, ќе ги објавам ако потфрлат истражните органи!

[Image: gajser-tanjug.jpg]
Алсат 2019-09-04
Публицистот од италијанскиот весник Ла Верита, Ларис Гајсер, кој ги обелодени снимките за случајот „Рекет“, во изјава за агенцијата „Танјуг“ вели дека поседува уште материјали и оти ќе објави нови  детали ќе објави ако македонските истражни органи не си ја завршат работата.
Гајсер додал дека материјалите кои ја докажуваат аферата ги објавил дури откако добил потврда дека ги поседува и македонското обвинителство и оти постои сомнеж дека ги уништува.
„Бев против објавување на овие информации, со кои располагавме, сѐ додека не се уверив дека истите материјали ги поседува и правосудниот систем во Македонија. Тогаш, во Ла Верита одлучивме да ги објавиме за да покажеме дека правниот систем таму ништо не работи и оти веројатно брише докази“, изјавил Гајсер, кој учествува на стратешкиот форум на Блед.
04-09-2019, 05:23 PM
Reply