Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ОТКАКО СЕ ПОТРОШИ ЛАГАТА ДАДУМ ЗА ДАТУМ СЕГА Е ПРЕПОЗНАВАЊЕТО ЛАГАТА
Author Message
ЈорданПетровски Online
ЈорданПетровски-ЦРНИ
*****

Posts: 15,612
Joined: Mar 2010
Reputation: 36
#1

Quote:Заев: Германија и Франција ги препознаа подвизите што ги презедовме

30.04.2019
Им благодарам на нашите пријатели од Германија и Франција што ги препознаваат и посочуваат подвизите кои ги презедовме како врвен придонес кон балканската и европската стабилност, напиша на својот Фејсбук профил премиерот Зоран Заев, по неформалниот самит на Германија и Франција со западнобалканските држави во Берлин.

Тој порача и дека одговорноста и посветеноста на властите нема да запре, бидејќи, како што наведе на социјалната мрежа, европската идеја за сојузништво на диверзитетот бара постојана грижа за себе и за другиот,

[url=https://imgbb.com][/url]




[Image: image.png]

Surrender Surrender Surrender Surrender Surrender Surrender

Da_ne_si_lud Da_ne_si_lud Da_ne_si_lud Da_ne_si_lud Da_ne_si_lud
(This post was last modified: 30-04-2019, 01:24 PM by ЈорданПетровски.)
30-04-2019, 12:42 PM
Reply
ЈорданПетровски Online
ЈорданПетровски-ЦРНИ
*****

Posts: 15,612
Joined: Mar 2010
Reputation: 36
#2

Quote:Студен туш за Западен Балкан и Македонија, мали се шансите за брз влез во ЕУ

[Image: Merkel-Makron-EPA-FILIP-SINGER.jpg]
30.04.2019
По конференција за Западен Балкан во Берлин, весникот Фајненшл тајмс пишува дека земјите од Западен Балкан добиле разочарувачка порака од германската канцеларка Меркел и од франускиот претседател Макрон.
Според весникот, Франција и Германија истуриле студена вода на балканските надежи за брз влез во ЕУ. Пораката на Меркел и Макрон до шесте земји аспиранти за членство во ЕУ е да ја оддржуваат политичката стабилност со нивна помош.
– Мали се шансите за брзо приклучување на блокот. Најпрвин ќе треба да си ги средат работите дома – пишува весникот.
Макрон пред се ја истакнал потребата од „политичка стабилност“ во регионот најавувајќи дека Париз ќе помага не преку процесот на проширување, туку преку помош во главните економски, социјални, безбедносни области и реформите на владеење на правото.
– Ќе работиме заедно на стабилноста на регионот… Од 2000 година ние се повлекуваме од регионот, но денеска сакаме да работиме заедно – изјави Макрон пред состанокот со премиерите на Албанија, Босна и Херцеговина, Македонија, Црна Гора, Србија и Косово.
Фото: EPA/FILIP SINGER
30-04-2019, 12:44 PM
Reply
ЈорданПетровски Online
ЈорданПетровски-ЦРНИ
*****

Posts: 15,612
Joined: Mar 2010
Reputation: 36
#3

Quote:Еве што предвидува Стратегијата на Франција за Западен Балкан

30.04.2019
Француската амбасада во Скопје денеска ја објави стратегијата на Франција за иднинатана Западен Балкан. Како што се наведува во соопштението, таа била презентирана на лидерите од Западен Балкан на вчерашната средба во Берлин, што се одржа на иницијатива на францускиот претседател Емануел Макрон и германската канцеларката Ангела Меркел, на кој присуствуваше и високата претставничка на Европската унија Федерика Могерини.
– Овој состанок беше можност да се разговара за предизвиците на европската перспектива на регионот и да се нагласи важноста на помирувањето, добрососедството и регионалната соработка, стои во соопштението од француската амбасада.
Во продолжение ви ја пренесуваме интегрално Стратегијата.
„Од почетокот на 2000-тите и крајот на вооружените конфликти поврзани со распадот на Југославија, стабилизацијата и демократскиот, економскиот и социјалниот развој на земјите од Западен Балкан (Словенија, Хрватска, Албанија, Босна и Херцеговина, Косово, Северна Македонија, Црна Гора, Србија) бележи значителен напредок. Словенија стана членка на Европската унија во 2004 година, а Хрватска во 2013 година.
Сепак, бројни реформи се потребни за да се овозможи регионот трајно да се стабилизира и да одговори на предизвиците со кои се соочува:
политички (нерешени спорови, иако Преспанскиот договор претставува значаен напредок и пример за регионален дијалог);
економски и социјални прашања;
тешкотии при трајното воспоставување на владеењето на правото;
безбедносни прашања;
надворешни влијанија кои го пренасочуваат регионот од својата европска перспектива.
Врз основа на оваа забелешка, Претседателот на Република Франција побара усвојување на конкретна стратегија за Западен Балкан, така што Франција ќе има поголем удел во стабилизирањето на шесте земји од Западен Балкан кои не се членки на Европската унија, за нивниот економски и социјален развој и за зајакнување на !владеењето на правото.

Конкретни мерки.

I Франција ќе ги интензивира своите политички односи со земјите од регионот. Претседателот на Република Франција ќе ја посети Србија во јули. Министерот за Европа и Надворешни работи оваа година ќе ги посети Албанија и Косово. Други посети на членови на Владата и пратеници, во сите земји во регионот, ќе помогнат да ги зајакнеме нашите односи.

II Франција ќе ја зајакне својата билатерална соработка со земјите од регионот во четири области:

  1. Економски и социјален развој преку интервенција на Француската агенција за развој (АФД)
На 25-ти февруари беше потпишан меѓувладин договор со Србија. Другите пет договори се преговараат.
АФД ќе ја поддржи регионалната интеграција на земјите од Западен Балкан за да се помогне нивниот развој и стабилизација. Таа ќе ги поддржи транзициите во насока на одржлив развој, со приоритет на енергетската и еколошката транзиција, како и на територијалната транзиција, области во кои АФД ќе може да го валоризира своето искуство и француската експертиза, истовремено придонесувајќи кон климатските цели поставени од страна на француските власти. АФД, исто така, ќе спроведува проекти во областа на родовата рамноправност и ќе ги поддржува помирувањето и младите преку Регионалната канцеларија за младинска соработка во Западен Балкан (РИКО) (основана според моделот на француско-германската канцеларија за млади ОФАЖ).
Годишната помош обезбедена од АФД (првично 100 до 150 милиони евра) ќе служи како поткрепа за финансирање од други донатори, особено германската Кредитната институција за обнова (КфВ) со која тесно соработува.

2. Безбедност
– Борба против недозволена трговија со мало огнено оружје и лесно оружје: понатамошно спроведување на француско-германските насоки за мобилизирање на земјите од регионот преку конкретни мерки (особено во поглед на безбедноста, борбата против мрежите за трговија со луѓе и правењето нелегални залихи од оружје) и преку координирање на помошта на меѓународната заедница за борба против трговијата со оружје.
–  Зајакнување на нашата билатерална соработка, вклучувајќи: воспоставување на постојани единици за разузнавање во областа на криминалитетот (UPRC).
–  Борба против тероризмот и радикализацијата со поддршка за поставување платформи за пријавување на нелегални содржини на интернет.
–  Зајакнување на нашиот механизам за оперативна соработка за прашања од внатрешната безбедност.

3. Правосудство
– Продолжување на техничката соработка во борбата против трговијата со дрога, трговијата со оружје и трговијата со луѓе и борбата против организираниот криминал и корупцијата.
–  Воспоставување нова соработка во областа на финансискиот и економскиот криминал, борба против трговијата со културни добра и заштитени видови, кои исто така може да бидат извори за финансирање на тероризмот.
–  Воспоставување заеднички истражни тимови со сите земји од регионот;

4. Одбрана
– Интензивирање на размената со земјите од регионот (политичко-стратегиски дијалози, посети на воени авторитети).
–  Преземањето на командувањето со операцијата ЕУФОР-Алтеа на 27-ми март.
–  Зголемена понуда за обука на офицери за земјите од Западен Балкан во француските училишта за обука, како и на државјани од овие земји во Институтот за високи студии за национална одбрана (IHEDN).
–  Поддршка за вклучување на земјите од Западен Балкан во заеднички мировни операции во странство.

III. Стратегијата на Франција за Западен Балкан има за цел да ја поддржи и да ја надополни акцијата на Европската унија за поддршка на приближувањето на регионот кон Европа.
Таа, исто така, ги надополнува активностите што се преземаат како дел од Берлинскиот процес, во кој Франција учествува од неговото основање и делумно ќе се спроведува во француско-германска рамка:
–  борбата против недозволената трговија со мало оружје и лесно оружје;
–  поддршка на Регионалната канцеларија за младинска соработка (РИКО);
–  соработка помеѓу Француската агенција за развој и германската Кредитна институција за обнова; заеднички посети на регионот.
30-04-2019, 12:47 PM
Reply