Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ГОРДАНА СИЛЈАНОВСКА ДАВКОВА НИЗ ПЕРОТО НА ДР МАРЈАН ПОПЕСКИ
Author Message
ЈорданПетровски Online
ЈорданПетровски-ЦРНИ
*****

Posts: 15,408
Joined: Mar 2010
Reputation: 36
#1

Quote:Д-р Гордана Силјаноска Давкова (ETOS)

Posted by Марјан Попески on 3 април, 2019

Во претходните колумни понудив предлог во осум точки како да се спаси Македонскиот народ. Како да се одстранат двете заблуди ВМРО ДПМНЕ и СДСМ, за да има корист душата од вистината што ја соопштувам.

Како прв чекор; се приклучив кон оние кои нема да гласаат на претседателските избори.
Бидејќи успешни претседателски избори во Република Северна Македонија се во спротивност со интересите на Македонскиот народ, ние што нема да гласаме на претседателските избори, треба со реторички средства (ентимем, текмерион, пример, знак, басна) да увериме што поголем дел од Македонскиот народ, да не гласа на претседателските избори.
Во три колумни ќе ги анализирам реторичките способности на нашиот противник д-р Силјаноска[1]. Како што предлага Аристотел; најголема убедувачка моќ има етиката, односно карактерот на говорникот.[2]
На второ место по убедливост е способноста на говорникот да побудува кај народот добри, или лоши чувства.[3]Ова реторичка способност нема да и помогне на д-р Силјаноска, бидејќи народот е многу повнимателен кога е во прашање неговиот интерес, отколку некој судија на суд, кого воопшто не го засега парницата помеѓу странките.
На трето место е доказната вредност на она што го говори и пишува д-р Силјаноска.
Таа ми беше асистентка кога студирав право. Нејзините предавања беа посетени. Зедов тема за есеј кај неа.
Од основно до крајот на средно бев главен рецитатор, што укажуваше на тоа дека добро се служам со јазикот и добро ги изразувам чувствата. Како резултат на тоа, водев и радио емисија со уште две девојки во средно. Таму веќе почнаа да се наѕираат моите реторички способности. На аудицијата во “Мирче Ацев”, Лекоски беше изненаден кога одреди дека сум прв тенор, а во говорен регистар баритон (тоа се негови зборови).
Значи, одлучив да ги проверам комплетно своите реторички способности кај д-р Силјаноска.
Излагањето траеше педесетина минути. Почнав со читање кое траеше дваесетина минути. Наеднаш прекинав и до крајот на моето излагање не читав ништо. Д-р Силјаноска беше воодушевена, а и студентите.
Еден од студентите се јави со заклучок дека мојот настап не бил ништо посебно. Д-р Силјаноска го поби, а тоа наиде на општо одобрување кај студентите. Јас, не му се спротивставив. После десетина години, јас веќе успешен млад адвокат, го сретнав како продава локум. Двајцата се правевме како да не се познаваме.
Моето излагање на повеќе места беше во спротивност со она што се предаваше на факултетот. Така да одобрувањето на д-р Силјаноска кај мене создаде заклучок дека таа ја поседува доблеста храброст.
На едно предавање дури малку и ме засрами со својот национализам. Љубезно ми укажа дека моите пројугословенски ставови не и се прифатливи. Мислам дека стануваше збор за рафинеријата. Дали треба да се гради во Скопје. И тогаш, и денес, таа беше во право. Тито беше починат и очигледно јас сум пропуштил важна работа. Можеби тоа беше почеток на моето национално освестување.
Како резултат на претходното искуство, пред десетина години ја истакнав неа и д-р Татјана Петрушевска, како посебни интелектуалци во моја колумна.
Пред крајот на минатата година, веќе се пишуваше дека д-р Силјаноска ќе биде кандидат на ВМРО ДПМНЕ. Известен бев, дека сака средба со мене (така рече посредникот). Средбата се реализира и тема во најголем дел беше меѓународното право. Сеуште беше под силно влијание на д-р Јанев.
Во понатамошните контакти, експлицитно и кажав дека треба да се одстранат заблудите ВМРО ДПМНЕ и СДСМ, за да има корист македонската душа од мојата вистина (докторатот). Потенцирав дека прво треба да се одстрани ВМРО ДПМНЕ, бидејќи СДСМ е паразит кос се храни со ВМРО ДПМНЕ. Кога ќе го снема ВМРО ДПМНЕ, ќе умре и паразитот СДСМ. Нема да има храна за паразитот.
Од тој момент прекина комуникацијата.
Мојот разумен читател знае дека само по исклкучок пишувам на овој начин. Овој пат за да се знае дека јас и д-р Силјаноска имаме дијаметрално спротивставени волји. За да може мојот разумен читател да оцени дали ова што ќе го пишувам понатака е резултат на мојот интелект, или резултат на мојата волја.
Шопенхауер вели дека волјата ги поставува целите, а интелектот ги пронаоѓа средствата за задоволување на волјата.
Јас бев јасен дека моја волја е да се се спаси Македонскиот народ. Како средства ги понудив докторатот донесен од ЕУ што ќе го примени една Партија на Македонскиот народ, а во меѓувреме да се примени моето правно средство од колумна објавена пред десетина години. Бидејќи ВМРО ДПМНЕ (значи и д-р Силјаноска) и СДССМ го предадоа Македонскиот народ, поединци Македонци, да вложат правно средство против Република северна Македонија, заради кршење на правото на самоопределување на Македонскиот народ.
Одиме директно на ЕТОС.
Д-р Силјаноска во јавноста настапува со правото на самоопределување, без мене да ме цитира, или спомне, како тоа решение да е нејзино. Па таа до пред три месеци го заговараше решението на д-р Јанев и беше на врвот од оние 200 што бараа да се примени решението на д-р Јанев, кое јас во докторатот го побив.
Јас за правото на самоопределување пишував пред десетина години. За ius cogens. Јас за правното средство од Виенската конвенција за договорно право пишував пред десетина години и тоа е одобрено во докторат на донесен од ЕУ, а таа јавно зборува дека имало решение во Виенската конвенција за договорно право, без мене да ме спомне, или цитира.
Во 2017 и 2018 се објавени мои фељтони во “Нова Македонија”[4], кои ги докажуваат претходните наводи.
Д-р Татјана Петрушевска е десет години запозната со моите решенија и до ден денешен нема преземено ниту еден збор без да ме цитира.
A fortiori.
Во секој труд на д-р Татјана Петрушевска, каде се спомнуваат моите решенија, јас сум коавтор.
Д-р Петрич е друга крајност на интелектуална чесност. Иако најдобро го разбра и одобри мојот докторат, нема употребено ниту една моја мисла како своја.
За разлика од него, д-р Силјаноска наведува клучна премиса од докторатот како своја, односно подоцна изјави дека тоа и го кажал некој професор од Кембриџ.
Лага.
Премисата: “Правото на државата сама да си избере име е дел од правото на самоопределување” е на мојот ментор д-р Ернест Петрич. Постои писмен доказ за тоа од пред пет години. Јас, интелектуално чесно, ја употребив таа премиса во докторатот, но напишав дека автор на таа премиса е д-р Петрич, иако тој тоа не го бараше од мене. Сакаше да ми помогне. Тој ми помогна со ова важна премиса, но јас во докторатот кажав дека д-р Петрич е автор, а не јас.
Од пред неколку дена излезе моја книга во “Матица” и д-р Силјаноска престана да се повикува на правото на самоопределување.
Ова е недопустиво за доктор на науки.
Во Словенија, една докторка и деканка на угледен факултет беше многу плодна. Внимателен истражувач се заинтересирал дали е направена една анкета што се спомнува во стручниот труд на плодната деканка. Доби негативен одговор. Го објави тоа. Плодната деканка никого не украде, не направи плагијат. Само не направила некоја не толку битна анкета, за која тврдеше дека ја направила. Веднаш си даде оставка од декан, замина од факултетот и никаде ја нема повеќе.
Кога д-р Силјаноска беше министер во владата на Црвенкоски, се зборуваше дека нејзиниот сопруг добил “фри шоп”. За помладите, тоа е фабрика за пари. Монопол. Продаваш луксузна стока, скапи цигари и алкохолни пијалоци, без да плаќаш царина.
Јас не верував, поради искуството од студентските денови.
Но, д-р Силјаноска призна во интервју кај Васко Поп Петрески дека сопругот добил “фри шоп” додека таа беше министерка.
Еристички го нападна новинарот дека тоа се случило пред триесет години. Да, ама народот не бира ѕидар на оглас кој пред триесет години украл 200 цигли, туку претседател. А сопругот на ова кандидатка добил “фри шоп” додека таа била министерка.
Шопенхауер вели дека карактерот е непроменлив.
Се бранеше дека д-р Фрчкоски е виновен што му дал “фри шоп”, дека се обратила кај Црвенкоски по тој повод и дека тој и рекол дека таа нема ништо со тоа.
Наизглед, постои противречност во ова моја колумна. Д-р Силјаноска добар интелектуалец и д-р Силјаноска без ЕТОС.
Од ова противречност ме разбременува Аристотел (“Никомахова етика”), кој прави разлика помеѓу способен човек и добар човек. Според Аристотел способниот човек (д-р Силјаноска) многу наликува на добриот човек и просечниот човек ги поистоветува. Разликата е во тоа што добриот човек до резултатите доаѓа со крепости, а способниот без нив. Аристотел уште вели дека само на добриот човек му се покажува вистината.
Шопенхауер вели дека и најголемата духовна моќ може да оди заедно со најголема морална[5]расипаност и го посочува примерот на еден од најголемите англиски филозофи Френсис Бекон:
“Дури и најголемата духовна моќ, може да постои заедно со најголема морална расипаност. Пример е Бекон Веруламски. Неблагодарен, властољубив, зол и подол, , тој на крајот отишол толку далеку, што како лорд канцелар и врховен судија на кралството, често примал мито во граѓански парници. Обвинет пред членовите на горниот дом, тој ја признал вината, па бил исфрлен од тој Дом, осуден да плати четириесет илјади фунти и затворен во лондонскиот Тауер (превел М.П.).[6]
 

[1]Со настапот на изборите ја легализира Република Северна Македонија, а не вети дека ќе стори нешто за спасување на Македонскиот народ. Како кандидат на ВМРО ДПМНЕ очекува гласови само од Македонскиот народ, а тоа е штетно за Македонскиот народ.
[2]Aristotel, “Retorika”, Naprijed, Zagreb, 1989, stranica 7.
[3]Ибидем.
[4]За постапките на “Нова Македонија” во друга прилика.
[5]Морал е латински збор за грчкиот збор етика.
[6]Artur Šopenhauer, SVET KAO VOLJA I PREDSTAVA (II/1), Grafos, Beograd, 1990, stranica 267.
09-04-2019, 08:11 PM
Reply
ЈорданПетровски Online
ЈорданПетровски-ЦРНИ
*****

Posts: 15,408
Joined: Mar 2010
Reputation: 36
#2

Quote:Д-р Гордана Силјаноска Давкова (LOGOS)


Posted by Марјан Попески on 5 април, 2019


Иако вредноста докажувањето, односно силогистиката треба да има најголема убедувачка моќ врз широките народни маси, тоа е дури на трето место. Иако само со силогистика ја спознаваме вистината.

Возрасните луѓе од широките народни маси можеме да ги убедиме само со она што тие веќе го знаат: ETOS (нема човек со здрав разум што не препознава кој политичар делува етички), PATOS (секој човек ги поседува основните чувства радост и жалост и доколку имаме реторички способности да предизвикаме гнев кон нашиот политички противник, а наклонетост кон нас, го придобиваме за нашето тврдење, или политички ставови) и LOGOS (секој човек може да донесе заклучок доколку му ги поставиме двете премиси, но дијалектичката способност е многу ретка, а според Шопенхауер, способноста да се постават двете премиси е најретко во човековиот род).
Д-р Гордана Силјаноска Давкова има докторирано под менторство на Албен Игличар, кој предава социологија, а не Уставно право. Веројатно затоа, во последно време таа него го изостава, а во својата биографија наведува дека претседател на комисијата бил д-р Франц Град, кој предава Уставно право. Д-р Град пред неколку години стана судија на Уставен суд на Република Словенија, но кога виде колку треба да се работи (во Словенија Уставниот одлучува и по уставни жалби), после неколку месеци си замина на факултет. Беше изложен на општа критика, па дури и на подсмев.
Д-р Гордана Силјаноска Давкова не знае словенечки, па на кој јазик докторирала во Словенија, останува тајна. Д-р Денко Малески си признава дека докторирал на македонски, а одбраната му била на српски.
Д-р Гордана Силјаноска Давкова не го знае добро ни својот предмет, а камоли Меѓународното право. Нејзините теоретски докажувања се софистички ујдурми, а расправите класична еристика. За да не ми биде префрлено за petitio principi прочитајте ја колумната на д-р Фрчковски “Три невесте тикве брале”.[1]Ги поби сите три на купче најекспонирани научници на ВМРО ДПМНЕ.
Сега јас ќе докажам, дека д-р Гордана Силјаноска Давкова, другите две невести и клисарот на д-р Фрчковски, не го знаат својот предмет а камоли Меѓународно право.
Моето побивање, за разлика од д-р Фрчковски, ќе биде со правен силогизам (доказ).
Имено, три невесте и клисарот на д-р Фрчковски, цела година го убедуваа Претседателот д-р Иванов дека само тој можел да потпишува меѓународни договори, дека министеот за надворешни работи Никола Димитров не смеел да го потпише Преспанскиот. Се повикуваа на уставни и законски одредби.
Горните факти се општо познати и не треба да се докажуваат. Внесете го името на трите невести и клисарот на интернет и ќе ги видете овие ставови.
Дури и Претседателот д-р Иванов едно време ги прифаќаше овие ставови, на неговите експерти. И ова може да се провери на интернет.
Бидејќи ова е колумна, а не научен труд, за да го задржам вниманието на мојот разумен читател, прво ќе ги побијам невестите и клисарот на д-р Фрчковски со реторичкото средство знак.
Стево Црвенкоски во својство на министер за надворешни работи ја потпиша Времената согласност. Претседателот Глигоров не се бунеше. Д-р Тони Дескоски, врз основа на вака потпишана Времена, вложи тужба. Судот донес пресуда.
Меѓутоа, реторичкиот силогизам (ентимем), мора да биде текмерион, да не може да се побие, за да има доказна вреност на правен силогизам.[2]
Затоа, еве го и моето силогистично побивање на трите невести и клисарот на д-р Фрчковски.[3]
Согласно член 7, од Виенската конвенција за договорно право[4], меѓународни договори без полномошно можат да склучуваат врз основа на својата функција; шефот на државата, премиерот и министерот за надворешни работи.
Никола Димитров, во време на потпишувањето на Преспанскиот беше министер за надворешни работи и сеуште е министер за надворешни работи.
Еве правен силогизам.
ГОЛЕМА ПРЕМИСА: Врз основа на член 7 од Виенската конвенција за договорно право, според својата функција министерот за надворешни работи има право да склучува меѓународни договори.
МАЛА ПРЕМИСА: Никола Димитров го склучи Преспанскиот меѓународен договор со функција министер за надворешни работи.
КОНКЛУЗИЈА: Никола Димитров, со функција министер за надворешни работи имал право да го склучи Преспанскиот меѓународен договор.
Покрај правен силогизам, еве и прецеденс против д-р Гордана Силјаноска Давкова.
Во спорот помеѓу Нигерија и Камерун, Нигерија тврдела дека нејзиниот претседател немал овластувања во земјишниот спор да потпише заедничка изјава 1975 година со Камерун, во спротивност со нигерискиот устав[5]. Тврдела дека декларацијата е ништовна. Судот не го прифатил приговорот на Нигерија. Судот аргументирал дека државите не се должни да го следат правниот развој на други држави.[6]
A fortiori.
Доколку д-р Гордана Силјановска Давкова не го знае она што го предава, како ќе знае Меѓународно право? Таа не знае дека меѓународното право има супремација над националното право[7], а вели дека ќе го реши најголемиот проблем на Македонскиот народ.
Забележувате дека не го побивам СДСМ и неговите. Неема потреба. Тие потпишаа капитулација.
Овие колумни се доказ дека во Македонскиот народ има подобри научници и политичари.
Јас докажав дека сум подобар научник од д-р Гордана Силјаноска Давкова.
Д-р Горазд Росоклија, Љупчо Палески, д-р Солза Грчева, Александар Пандов, Виолета Тировска, Ана Бобинкова, Мирка Велиновска, Миленко Недековски, ќе бидат подобри пратеници од Владимир Ѓорчев, м-р Антонијо Милошовски, Илија Димоски, Даниела Рангелова, Лилјана Затуроска, Крсто Мукоски, Сашо Василевски, Љубен Арнаудов.
Јас, не само што сум подобар научник, туку имам и докторат (решение) донесен од ЕУ за најголемиот проблем на Македонскиот народ. Другите што ги набројав, освен што се интелектуално супериорни во однос на оние од ВМРО ДПМНЕ, имаат и чиста македонска волја.
Значи, д-р Гордана Силјаноска Давкова, падна, и на ETOS, и на PATOS, и на LOGOS.
 

[1]Д-р Фрчковски додуше еристички ги побива, но бидејќи трите невести расправаат само еристички, според Шопенхауер, дозволено е да бидат побиени еристички.
[2]Аристотел го дава следниов пример за текмерион: една жена има млеко, значи пред извесно време се породила. Овој ентимем не може да се побие и затоа се вика текмерион.
[3]Има дарба за еристика, што е женска особина. Мажите се логичари. Своевремено му го залепи на Никола Димитров (кога беше со ВМРО ДПМНЕ) “Кен”, алудирајќи на неговите интелектуални способности.
[4]Словенците од пред неколку години го сменија преводот и сега ја нарекуваат Виенска конвенција за правото на меѓународните договори (Dunajska konvencija o pravu mednarodnih pogodb).
[5]Како што тврди д-р Гордана Силјаноска Давкова.
[6]TURK, Danilo, Temelji mednarodnega prava-Ljubljana: GV Založba, 2007, stran 267-268.
[7]Од прецеденсот се гледа дека и над уставот.
09-04-2019, 08:13 PM
Reply
ЈорданПетровски Online
ЈорданПетровски-ЦРНИ
*****

Posts: 15,408
Joined: Mar 2010
Reputation: 36
#3

Quote:Д-р Гордана Силјаноска Давкова (PATOS)



Posted by Марјан Попески on 4 април, 2019

Patos, е второто по моќ реторичко средство за придобивање на наклонетоста на гласачите.
Говорникот мора да знае како може да ги предизвика и стиши гласачите на кои им се обраќа, како и изворите од кои се црпат методите на уверување.[1]

Цицерон, дури мисли дека нема ништо поважно од тоа да ги придобиеш за себе чувствата на слушателите (гласачите) и така обземени со чувства, повеќе да ги водат душевниот притисок и вознемиреност, отколку расудноста и разумот. Имено, луѓето многу почесто судат од непријателство, љубов, посакување, гнев, бол, радост, надеж, страв, заблуда, или некаква душевна вознемиреност, отколку заради вистината, прописот, или правната норма.[2]
Во интервјуто кај Васко Поп Петрески, д-р Силјаноска се обиде да ја стекне неговата налонетост со тоа што изјави дека тој имал десетки (веројатно и кај неа).
Овој потег беше неуспешен, бидејќи за возрасен човек е многу поважно дали е тој добар новинар, а не добар студент.
Поп Петрески неутрално реагираше на овој обид, за веднаш да и го плесне “фри шопот” на сопругот и ја извади од памет. Наместо нејзината жртва да стане наклонета поради десетките, таа видно западна во афект на гнев и го загуби разумот.
Подоцна се обиде да се соземе и кога новинарот и рече да не манипулираме, таа се обиде да го заплаши со истакнувањето на фактот дека таа била професорка.
Ова може да помине кај нејзините немоќни студенти, но кај возрасен човек не поминува.
Во основа земено, повеќето од научните докажувања се манипулирање. Како, инаку би било можно, во различни времиња, многу доктрини не само заблудно да се прифаќаат, туку и да се докажуваат и демонстрираат, за подоцна да се види сета нивна погрешност, на пример: Лајбниц-Волфовата филозофија, Птоломеевата астрономија, Шталовата хемија, учењето на Њутн за боите.[3]
Манипулирањето[4]оди вака. Доколку сверата на посматраниот поим, само делумно лежи во друга свера, а исто така делумно, во сосема различна свера, ние, во зависност од нашите намери ќе тврдиме дека таа е целосно опфатена со едната, или другата свера. На пример, поимот страст, може да се сведе под поимот најголема сила, или под поимот безумие, кој понатака може да се сведе под поимот немоќ, или слабост. При преоѓањето од свера на свера, секогаш е потребно да се задржи правецот од основниот поим кон периферијата, а не да се оди обратно. Облеката во која се облекува таквата софистикација, меже да биде непрекинат говор, или строга силогистичка форма, во зависност од тоа што е слаба страна на противникот.[5]
Јас на пример, ги изненадив словенечките научници, кога за прво поглавје на докторатот го поставив Софистика и Еристика. На професорот по Теорија и филозофија и право му се допадна, но не очекуваше дека тоа ќе ми го прифати менторот како дел од докторатот. Потоа увидоа, дека поради тоа поглавје, ниту тие можат софистички и еристички да го проблематизираат мојот докторат, ниту јас можам да се служам со софистика и еристика. Чесно.
Да заклучам.
Наместо д-р Силјаноска да ја придобие наклонетоста на новинарот, тој успеа да ја разгневи. Паѓајќи во афект, го губиме разумот.
Да појаснам со пример што и е поблизок на д-р Силјаноска.
Одличникот професор Марјановиќ, влезе во политиката и формира партија. Неговите настапи и говори беа исти како на факултет. Дојде во ситуација да свати дека младиот Бранко Црвенкоски, повеќе ја стекнува наклонетоста на народот од него.
Возрасен човек нема трпение ти да му кажуваш дефиниции. На возрасен човек мора да му се обратиш со работи што тој веќе ги знае.
Одличниот професор Марјановиќ немаше реторички способности, ни колку младиот Бранко Црвенкоски и паметно, си замина од политиката.
Дали д-р Силјаноска ќе свати дека нема реторички способности?
Прашањето е реторичко.
Тие што ја прочитале првата колумна за неа (ETOS), знаат дека нема.
Таа се обидува да го разлути народот и тој да се гневи[6]на СДСМ заради Преспанскиот, но народот очекува и стишување на гневот. Добар говорник, со своите реторички способности го свртува гневот на народот кон СДСМ, но очекува и решение за укинување на Македонскиот народ. Доколку не го стишиш гневот на народот, тој ќе се разлее на улица, или ќе го разори здравјето на разгневениот, доколку гневот е преголем, а не се стиши. А во случајов најголем е. Разумните, ќе сватат дека проблемот е во неа. Не нуди ништо, за да го стиши гневот. Ќе формирала тим од домашни и меѓународни експерти. Па тоа, веќе го видовме од ВМРО ДПМНЕ, за сега да се откажуваат од пресудата и да го заговараат моето решение како свое.
Овие од СДСМ ме скретираат[7]ама не ме крадат и плагираат.
Доколку се послужам со речникот на д-р Фрчкоски: “три невесте”[8]и “клисарот”, на кои смета д-р Силјаноска немаат реторички способности и не можат да си помогнат.
Голем дел од народот нема да гласа.
Јас нема да гласам.
Доколку се прашувате, зошто оди тешко со формирање на Партија на Македонскиот народ, одговорот е во клиентелизмот. ВМРО ДПМНЕ и СДСМ имаат клиенти. Кога ќе престане притисокот, контролата и ветувањата врз клиентите, Македонскиот народ ќе се однесува разумно. За да се случи тоа, треба да се намали моќта на ВМРО ДПМНЕ и СДСМ. Прво средство за намалување на моќта на овие паритии е неуспех на претседателските избори. Кога ќе видат дека зад нив нема народ, ќе сватат дека зад нив нема моќ. Дека го загубиле угледот.
 

[1]ARISTOTEL, Retorika, Naprijed, Zagreb, 1989, stranica 117.
[2]CICERO, Marcus Tullius, O govorniku: trije pogovori o govorniku, posvečeni bratu Kvintu-Ljubljana: Družina, 2002, stran 151.
[3]ШОПЕНХАУЕР, Артур, Svet kao volja i predstav. Tom 1-Beograd:Službeni glasnik, 2005, stranica 82.
[4]Или, доколку сакаме да употребиме еуфемизам; велиме наговарачка способност (Ибидем, стр. 81)
[5]Ибидем, стр. 81-82.
[6]Дефиниција на гневење: “neka gneveweto bide definirano kako impulsiven i so bol propraten afekt na čezneenje po stvarna odmazda zaradi stvarno omalovažuvanje (ponižuvanje, , preziranje, potcenuvanje) na našata ličnost, ili ličnostite na našite (bliski), koga omalovažuvanjeto navistina ne e zasluženo (превел М.П. , ARISTOTEL, Retorika, Naprijed, Zagreb, 1989, stranica 83).”
[7]Поимот е на Шопенхауер. Овој гениј е најголема жртва на секретирање (премолчување). Ниту го побивале, ниту го признавале. Дури пред крајот на животот доживеал слава, по заслуга на еден Англичанец кој го открил.
[8]И таа влегува во нив.
09-04-2019, 08:15 PM
Reply