Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
КАКО ДА ЈА СПАСИМЕ МАКЕДОНИЈА?
Author Message
ЈорданПетровски Online
ЈорданПетровски-ЦРНИ
*****

Posts: 15,770
Joined: Mar 2010
Reputation: 36
#1

Quote:Република Северна Македонија како црвена крпа кон која јуриша Македонскиот народ



[Image: image.jpg]






Posted by Марјан Попески on 19 март, 2019 in Меѓународно право, Мисла, Човекови права


Кога треба да се одлучи помеѓу народот, или државата, секогаш треба да се одлучиме за народот. Државата е институција во која што живее и се развива народот. Доколку државата престане да ги исполнува овие услови таа треба да се сруши.[1]

Особено Република Северна Македонија, која што претставува негација на Македонскиот народ.[2]
Македонскиот народ интуитивно е свесен дека е укинат, како секој човек што е свесен за сите филозофски вистини: а тие да се внесат во неговото апстрактно знаење, во рефлексијата, тоа е работа на филозоф, кој ниту треба, ниту може, нешто повеќе да направи.[3] 
 
Има Македонци кои се истакнуваат со тоа интуитивно сознание, но, само мојот докторат, фељтони и колумни за името, претставуваат приведување во свеста на Македонците на тие вистини. Преку моето дело, тие се внесуваат во апстрактното знаење. Во размислувањето на Македонците.
Без оваа моја филозофска способност, Македонскиот народ личи на бик во арена, на кој што предавниците и Западот му ја покажуваат Република Северна Македонија, на која што Македонскиот народ јуриша како бик на црвена марама.
Да, но предавниците и Западот покрај црвената марама имаат и меч и нож, како секој тореадор. Бикот е веќе смртно ранет, а тореадорот дополнително го мрцвари на задоволство на западната публика.
Зошто оваа метафора?
Затоа што само со бојкотирање на претседателските избори, на смртно ранетиот Македонски народ  ќе му се зададе само уште еден убод од тореадорот. Дополнително мрцварење. Потоа тореадорот ќе му спроведе локални избори во две три општини на Република Северна Македонија. Бикот пак ќе нападне со бојкотирање, меѓутоа сега веќе пред смрт, поради бројните убоди на тореадорот. Потоа тореадорот ќе му спроведе парламентарни избори во Република Северна Македонија. Бикот повторно ќе бојкотира, сега со последните сили и тореадорот ќе го убие. Постојаното бојкотирање на Република Северна Македонија е постојано залетување на бикот кон црвената марама.
Ерго, шансите Македонскиот народ да победи само со бојкотирање, се колку и шансите на бикот да го победи тореадорот кој има црвена марама, меч, нож и ум.
Што треба да се направи за да се спаси Македонскиот народ?
Прво, треба да се бојкотираат претседателските избори за тие да бидат неуспешни.
За оваа работа да биде успешна, треба да се координираат неколку личности кои имаат силна македонска волја за спас на Македонскиот народ. На ум ги имам д-р Горазд Росоклија, Љупчо Палевски, Миленко Неделкоски[4]со класната[5], д-р Солза Грчева, Александар Пандов, Јордан Петровски, Виолета Македонска Тировска.
Второ, горенаведените веднаш по неуспешните претседателски избори да формираат политичка партија под името Партија на Македонскиот народ.
Зошто?
За да се отстранат двете заблуди на Македонскиот народ; ВМРО ДПМНЕ и СДСМ. Бидејќи душата не може да има корист од вистината, се додека не се отстранат двете заблуди (Платон). 
Трето, да се употреби моето правно средство што го предложив во колумна пред десетина години. Знаев дека ќе има предавство од ВМРО ДПМНЕ и СДСМ па предвидов правно средство што поединци Македонци можат да го поднесат против Македонија.
Правното средство се поднесува до Одборот за човекови права на ОН, заради заштита на правото на самоопределување предвидено во член 1 од Пактот за граѓански и други политички права. Одборот е орган на ОН за спроведување на Пактот за граѓански и други политички права, формиран со Протоколот. Во него членуваат 18 врвни правници од целиот свет, кои го претставуваат своето знаење, а не земјите од кои доаѓаат. Одлуката нема задолжително дејство, но државите ги почитуваат одлуките на Одборот за човекови права.
Материјал за правното средство има во моите фељтони од 2017 и 2018 година. Бидејќи “Нова Македонија” избриша се’што имам напишано, наскоро ќе излезе книга што сам ја финансирав.
За да се состави ова правно средство против Република Северна Македонија за кршење на правото на самоопределување, потребна е стручна екипа од десет Македонци, со највисоко научно звање, не помлади од педесет години. Шест правници од кои што тројца ќе знаат одлично да пишуваат англиски, двајца филозофи и двајца историчари.
Правното средство против Република Северна Македонија треба да се подготви веднаш по пропаднатите претседателски избори. За трошоците и награда на оваа група научници би биле потребни шеесет до сто илјади евра. Средствата да се соберат со донации од едно, до најмногу сто евра. Оваа работа треба да ја заврши дијаспората, бидејќи Република Северна Македонија ќе врши притисоци врз Македонскиот народ. Дијаспората да го преведе мојот докторат од словенечки на одличен англиски и да го шири на Запад. Како аргумент дека меѓународното право е на наша страна. Преводот мора да го направи правник со одлично познавање на англискиот, а мајчин да му е словенечкиот.
Четврто, Партијата на Македонскиот народ да стапи во контакт со пријателска земја, која што ќе ја тужи Грција пред Меѓународниот суд на правдата, заради кршење на правото на самоопределување со Времената и Преспанскиот.
Имено, во докторатот докажувам дека правото на самоопределување е норма ius cogensи има дејство erga omnes. Во докторатот докажувам дека за правото на самоопределување постои actio popularis, што значи било која членка на ОН може да ја тужи Грција за ништовност на Времената и Преспанскиот.
Петто, Партијата на Македонскиот народ да учествува на идните парламентарните избори што ќе ги организира Република Северна Македонија, со основна цел освојување на власта во Република Северна Македонија. Со поднесувањето на правното средство до Одборот за човекови права против Република Северна Македонија, Партијата на Македонскиот народ ја спречила легализацијата на Република Северна Македонија. Со победа на парламентарните избори ќе бидат отстранети двете заблуди, ВМРО ДПМНЕ и СДСМ.
Шесто, Партијата на Македонскиот народ по освојувањето на власта, веднаш ќе го промени Уставот и ќе го врати името Република Македонија. Истовремено ќе поднесе тужба против Грција за ништовност на Времената и Преспанската (плод на затруено дрво), со употреба на моето правно средство од докторатот, кое условно е наречено ius cogens. Доколку претходно некоја пријателска земја вложила actio popularis против Грција врз основа на моето правно средство, Република Македонија[6]ќе се придружи кон тужбата.
Лојалните малцинства во Република Македонија, со новиот устав на Република Македонија ќе ги добијат сите права од член 27 од Пактот за граѓански и други политички права.
Седмо, Република Македонија ќе ја почитува одлуката на Меѓународниот суд на правдата. Доколку тужбата (или претходно actio popularis), биде успешна, си остануваме Република Македонија. Бидејќи правото на самоопределување има дејство erga omnes (пресудата на Меѓународниот суд на правдата Источен Тимор од 1995) меѓународниот проблем со името е решен. И Грција ќе мора да не нарекува Република Македонија.
Седмо, доколку некоја членка од Советот за безбедност со право на вето се повикува на резолуциите, или стави вето, Република Македонија ќе го употреби моето правно средство од докторатот и ќе го тужи Советот за безбедност пред Меѓународниот суд на правдата, барајќи ништовност на резолуциите за Македонија и евентуалното вето, врз основа на правото на самоопределување, кое што е норма ius cogens. И ова правно средство е дел од докторатот и е потврдено од врвот на словенечката наука.
 
Сево ова што го предлагам е одобрено од ЕУ, односно во докторатот одбранет во Љубљана, пред врвот на словенечката наука.
Од лани, 27. септември, правото на самоопредлување и моето правно средство го побара во ООН и Претседателот д-р Ѓорге Иванов, откако официјално ме повика и го советував писмено и усно. Воопшто повеќе не ја споменува пресудата[7]  и д-р Дескоски, ниту пак д-р Јанев. Претседателот д-р Иванов ова не го има кажано јавно, но мене ми состави писмена исправа од која се гледа дека ова што го зборувам е вистина. Тоа е релативно чесно, но почесно е јавно да каже дека јас го советував за правото на самоопределување и правното средство за правото на самоопределување.
И д-р Груески од пред еден месец зборува за правото на самоопредлување како нова парадигма, но интелектуално нечесно, мене не ме спомнува.
И д-р Гордана Силјаноска, кандидатот на ВМРО ДПМНЕ, зборува за правото на самоопределување и мојот [8]ius cogens, а интелектуално нечесно, не го споменува моето име. До пред три месеци го заговараше решението на д-р Игор Јанев и беше на врвот од тие 200 што се потпишаа за примена на решението на д-р Игор Јанев, а сега наеднаш се просветли и тврди дека правото на самоопредлување е решение за проблемот.
Ерго.
Се’е тука и како што треба.
Ајде цивилизирано да докажеме дека сме вредни да го носиме името.
Дека сме потомци на Александар Македонски. Најголемиот човек на сите времиња, ученик на најголемиот ум, Гркот Аристотел.
 



Текстот е одличен и го покажува исправниот пат по кој треба да се оди за да се победи.
Имам само една забелешка а тоа е  мислењето на господинот Попески да се формира партија. Партијата е збир на идеолошки истомисленици и затоа тоа неможе да биде решенеие за спас на Македонија.  Предложените луѓе меѓу кои сум и јас ( тоа за мене е преголема чест од човек како Попески да бидам ставен во една таква група) се со различни идеолошки определби и ако се прави партија околу тоа ке настанат несогласувањата. Мое видување како да се надмине тој проблем е да се формира движење под името „Движење на Македонскиот народ“ и строго да се одреди целта на движењето а тоа е воспоставување на правна држава, лустрација според Резолуциите 1096 и 1481 на Советот на Европа. Преку лустрацијата која ке докаже дека сите влади биле наметнати однадвор и своето доаѓање на власт и владеење го наметнувале со кршење на Уставот -Државен Удар и ке овозможи поништување на сите штетни договори!
Потоа поднесување на барање за прием во ООН според докторатот на Попески, односно да вложат правно средство против Република северна Македонија, заради кршење на правото на самоопределување на Македонскиот народ.
(This post was last modified: 04-04-2019, 01:42 AM by ЈорданПетровски.)
04-04-2019, 01:37 AM
Reply
ЈорданПетровски Online
ЈорданПетровски-ЦРНИ
*****

Posts: 15,770
Joined: Mar 2010
Reputation: 36
#2

Quote:Д-р Гордана Силјаноска Давкова (ETOS)




Posted by Марјан Попески on 3 април, 2019 in Меѓународно право, Мисла


Во претходните колумни понудив предлог во осум точки како да се спаси Македонскиот народ. Како да се одстранат двете заблуди ВМРО ДПМНЕ и СДСМ, за да има корист душата од вистината што ја соопштувам.

Како прв чекор; се приклучив кон оние кои нема да гласаат на претседателските избори.
Бидејќи успешни претседателски избори во Република Северна Македонија се во спротивност со интересите на Македонскиот народ, ние што нема да гласаме на претседателските избори, треба со реторички средства (ентимем, текмерион, пример, знак, басна) да увериме што поголем дел од Македонскиот народ, да не гласа на претседателските избори.
Во три колумни ќе ги анализирам реторичките способности на нашиот противник д-р Силјаноска[1]. Како што предлага Аристотел; најголема убедувачка моќ има етиката, односно карактерот на говорникот.[2]
На второ место по убедливост е способноста на говорникот да побудува кај народот добри, или лоши чувства.[3]Ова реторичка способност нема да и помогне на д-р Силјаноска, бидејќи народот е многу повнимателен кога е во прашање неговиот интерес, отколку некој судија на суд, кого воопшто не го засега парницата помеѓу странките.
На трето место е доказната вредност на она што го говори и пишува д-р Силјаноска.
Таа ми беше асистентка кога студирав право. Нејзините предавања беа посетени. Зедов тема за есеј кај неа.
Од основно до крајот на средно бев главен рецитатор, што укажуваше на тоа дека добро се служам со јазикот и добро ги изразувам чувствата. Како резултат на тоа, водев и радио емисија со уште две девојки во средно. Таму веќе почнаа да се наѕираат моите реторички способности. На аудицијата во “Мирче Ацев”, Лекоски беше изненаден кога одреди дека сум прв тенор, а во говорен регистар баритон (тоа се негови зборови).
Значи, одлучив да ги проверам комплетно своите реторички способности кај д-р Силјаноска.
Излагањето траеше педесетина минути. Почнав со читање кое траеше дваесетина минути. Наеднаш прекинав и до крајот на моето излагање не читав ништо. Д-р Силјаноска беше воодушевена, а и студентите.
Еден од студентите се јави со заклучок дека мојот настап не бил ништо посебно. Д-р Силјаноска го поби, а тоа наиде на општо одобрување кај студентите. Јас, не му се спротивставив. После десетина години, јас веќе успешен млад адвокат, го сретнав како продава локум. Двајцата се правевме како да не се познаваме.
Моето излагање на повеќе места беше во спротивност со она што се предаваше на факултетот. Така да одобрувањето на д-р Силјаноска кај мене создаде заклучок дека таа ја поседува доблеста храброст.
На едно предавање дури малку и ме засрами со својот национализам. Љубезно ми укажа дека моите пројугословенски ставови не и се прифатливи. Мислам дека стануваше збор за рафинеријата. Дали треба да се гради во Скопје. И тогаш, и денес, таа беше во право. Тито беше починат и очигледно јас сум пропуштил важна работа. Можеби тоа беше почеток на моето национално освестување.
Како резултат на претходното искуство, пред десетина години ја истакнав неа и д-р Татјана Петрушевска, како посебни интелектуалци во моја колумна.
Пред крајот на минатата година, веќе се пишуваше дека д-р Силјаноска ќе биде кандидат на ВМРО ДПМНЕ. Известен бев, дека сака средба со мене (така рече посредникот). Средбата се реализира и тема во најголем дел беше меѓународното право. Сеуште беше под силно влијание на д-р Јанев.
Во понатамошните контакти, експлицитно и кажав дека треба да се одстранат заблудите ВМРО ДПМНЕ и СДСМ, за да има корист македонската душа од мојата вистина (докторатот). Потенцирав дека прво треба да се одстрани ВМРО ДПМНЕ, бидејќи СДСМ е паразит кос се храни со ВМРО ДПМНЕ. Кога ќе го снема ВМРО ДПМНЕ, ќе умре и паразитот СДСМ. Нема да има храна за паразитот.
Од тој момент прекина комуникацијата.
Мојот разумен читател знае дека само по исклкучок пишувам на овој начин. Овој пат за да се знае дека јас и д-р Силјаноска имаме дијаметрално спротивставени волји. За да може мојот разумен читател да оцени дали ова што ќе го пишувам понатака е резултат на мојот интелект, или резултат на мојата волја.
Шопенхауер вели дека волјата ги поставува целите, а интелектот ги пронаоѓа средствата за задоволување на волјата.
Јас бев јасен дека моја волја е да се се спаси Македонскиот народ. Како средства ги понудив докторатот донесен од ЕУ што ќе го примени една Партија на Македонскиот народ, а во меѓувреме да се примени моето правно средство од колумна објавена пред десетина години. Бидејќи ВМРО ДПМНЕ (значи и д-р Силјаноска) и СДССМ го предадоа Македонскиот народ, поединци Македонци, да вложат правно средство против Република северна Македонија, заради кршење на правото на самоопределување на Македонскиот народ.
Одиме директно на ЕТОС.
Д-р Силјаноска во јавноста настапува со правото на самоопределување, без мене да ме цитира, или спомне, како тоа решение да е нејзино. Па таа до пред три месеци го заговараше решението на д-р Јанев и беше на врвот од оние 200 што бараа да се примени решението на д-р Јанев, кое јас во докторатот го побив.
Јас за правото на самоопределување пишував пред десетина години. За ius cogens. Јас за правното средство од Виенската конвенција за договорно право пишував пред десетина години и тоа е одобрено во докторат на донесен од ЕУ, а таа јавно зборува дека имало решение во Виенската конвенција за договорно право, без мене да ме спомне, или цитира.
Во 2017 и 2018 се објавени мои фељтони во “Нова Македонија”[4], кои ги докажуваат претходните наводи.
Д-р Татјана Петрушевска е десет години запозната со моите решенија и до ден денешен нема преземено ниту еден збор без да ме цитира.
A fortiori.
Во секој труд на д-р Татјана Петрушевска, каде се спомнуваат моите решенија, јас сум коавтор.
Д-р Петрич е друга крајност на интелектуална чесност. Иако најдобро го разбра и одобри мојот докторат, нема употребено ниту една моја мисла како своја.
За разлика од него, д-р Силјаноска наведува клучна премиса од докторатот како своја, односно подоцна изјави дека тоа и го кажал некој професор од Кембриџ.
Лага.
Премисата: “Правото на државата сама да си избере име е дел од правото на самоопределување” е на мојот ментор д-р Ернест Петрич. Постои писмен доказ за тоа од пред пет години. Јас, интелектуално чесно, ја употребив таа премиса во докторатот, но напишав дека автор на таа премиса е д-р Петрич, иако тој тоа не го бараше од мене. Сакаше да ми помогне. Тој ми помогна со ова важна премиса, но јас во докторатот кажав дека д-р Петрич е автор, а не јас.
Од пред неколку дена излезе моја книга во “Матица” и д-р Силјаноска престана да се повикува на правото на самоопределување.
Ова е недопустиво за доктор на науки.
Во Словенија, една докторка и деканка на угледен факултет беше многу плодна. Внимателен истражувач се заинтересирал дали е направена една анкета што се спомнува во стручниот труд на плодната деканка. Доби негативен одговор. Го објави тоа. Плодната деканка никого не украде, не направи плагијат. Само не направила некоја не толку битна анкета, за која тврдеше дека ја направила. Веднаш си даде оставка од декан, замина од факултетот и никаде ја нема повеќе.
Кога д-р Силјаноска беше министер во владата на Црвенкоски, се зборуваше дека нејзиниот сопруг добил “фри шоп”. За помладите, тоа е фабрика за пари. Монопол. Продаваш луксузна стока, скапи цигари и алкохолни пијалоци, без да плаќаш царина.
Јас не верував, поради искуството од студентските денови.
Но, д-р Силјаноска призна во интервју кај Васко Поп Петрески дека сопругот добил “фри шоп” додека таа беше министерка.
Еристички го нападна новинарот дека тоа се случило пред триесет години. Да, ама народот не бира ѕидар на оглас кој пред триесет години украл 200 цигли, туку претседател. А сопругот на ова кандидатка добил “фри шоп” додека таа била министерка.
Шопенхауер вели дека карактерот е непроменлив.
Се бранеше дека д-р Фрчкоски е виновен што му дал “фри шоп”, дека се обратила кај Црвенкоски по тој повод и дека тој и рекол дека таа нема ништо со тоа.
Наизглед, постои противречност во ова моја колумна. Д-р Силјаноска добар интелектуалец и д-р Силјаноска без ЕТОС.
Од ова противречност ме разбременува Аристотел (“Никомахова етика”), кој прави разлика помеѓу способен човек и добар човек. Според Аристотел способниот човек (д-р Силјаноска) многу наликува на добриот човек и просечниот човек ги поистоветува. Разликата е во тоа што добриот човек до резултатите доаѓа со крепости, а способниот без нив. Аристотел уште вели дека само на добриот човек му се покажува вистината.
Шопенхауер вели дека и најголемата духовна моќ може да оди заедно со најголема морална[5]расипаност и го посочува примерот на еден од најголемите англиски филозофи Френсис Бекон:
“Дури и најголемата духовна моќ, може да постои заедно со најголема морална расипаност. Пример е Бекон Веруламски. Неблагодарен, властољубив, зол и подол, , тој на крајот отишол толку далеку, што како лорд канцелар и врховен судија на кралството, често примал мито во граѓански парници. Обвинет пред членовите на горниот дом, тој ја признал вината, па бил исфрлен од тој Дом, осуден да плати четириесет илјади фунти и затворен во лондонскиот Тауер (превел М.П.).[6]
 

[1]Со настапот на изборите ја легализира Република Северна Македонија, а не вети дека ќе стори нешто за спасување на Македонскиот народ. Како кандидат на ВМРО ДПМНЕ очекува гласови само од Македонскиот народ, а тоа е штетно за Македонскиот народ.
[2]Aristotel, “Retorika”, Naprijed, Zagreb, 1989, stranica 7.
[3]Ибидем.
[4]За постапките на “Нова Македонија” во друга прилика.
[5]Морал е латински збор за грчкиот збор етика.
[6]Artur Šopenhauer, SVET KAO VOLJA I PREDSTAVA (II/1), Grafos, Beograd, 1990, stranica 267.



Bravo Bravo Bravo Bravo Bravo
(This post was last modified: 04-04-2019, 01:42 AM by ЈорданПетровски.)
04-04-2019, 01:41 AM
Reply