Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
БОЈКОТ НА ПРЕДСЕДАТЕЛСКИ ИЗБОРИ ОБВРСКА НА СЕКОЈ МАКЕДОНЕЦ
Author Message
ЈорданПетровски Online
ЈорданПетровски-ЦРНИ
*****

Posts: 15,085
Joined: Mar 2010
Reputation: 36
#1

Quote:БОЈКОТ НА ПРЕДСЕДАТЕЛСКИТЕ ИЗБОРИ Е ОБВРСКА НА СЕКОЈ МАКЕДОНЕЦ!!


[Image: fc2062aef352f80dc2215f346ba9ce28_L.jpg]

ордан Петровски 09.02.2019
Комитетот за Демократизација на Македонија се залага за БОЈКОТ на председателските избори бидејки тоа е единствено решение со кое ке се покаже отпрот во држава каде што не функционира ниту една институција која треба да го штити Уставот, независноста на судовите, да ја штити изразената волја на гласачите преку избори и референдумот!
Председателските кандидат кои ветуваат дека ке променат се и сешто, од законот за јазици, преспанскиот договор, уставните измени, ЛАЖАТ! Такви ингеренции според Уставот на Р. Македонија нема Председателот на државата! Зато ке запрашам зар ке дозволите покрај премиер ЛАЖГО да имаме и Председател на држава ЛАЖГО!?
Нашите видувања ги препознавме, слободно можам да кажам дека се идентични со напишаното во фб статусот на професорката Каракамишева и затоа го цитирам подолу:

Quote:1. Граѓаните на референдумот од 30.09. не ја дозволија ниту промената на уставното име Северна Македонија, ниту го прифатија Преспанскиот договор. Одродената власт, преку заобиколување на граѓанската волја, продолжи да си ја тера зацртаната агенда во Владата па во Собранието. Видовме како беа донесени уставните амандмани, видовме политичка и лична дрскост каква што Македонската политика не памети до сега.
2. И покрај неуспешниот референдум, власта не ја запре забревтаната машинерија во практикувањето на политичкото насилство.
3. Прашајте се вие што мене ме прашувате дали мислите дека оваа авторитарна власт која целосно го има окупирано системот, сите институции, државни и локални органи, власт која е најпозната по криминали, по изборни криминали, по корупција, по убиства, по матни тендери, власт која најмалку ја интересира граѓанинот и неговите егзистенцијални интереси, прашајте се дали оваа власт која нема решено ниту еден кривичен предмет за полнењето на кутиите на референдумот и на локалните избори, за бугарски возови, за изборен поткуп, токму сега ќе се смилува на вашите прес-конференциски повици за одржување на фер и демократски избори и ќе дозволи да победи најдобриот кандидат? Ако така мислите или вие сте наивни и залутани во политиката, или имате некои други материјални или други лични интереси па ги убедувате граѓаните. Јас прво никого не убедувам, ниту разубедувам. Мојот став е мое право, и моето не гласање е исто така мое лично право. Секој што ми ампутира ваква активност нека се размисли што пишува и што говори, бидејќи граѓаните не се малолетни деца па некој да ги заведува што и како да прават, дали да гласаат, или да не гласаат. Тоа што некому не му излегува есапот на маса со есапот на терен не е мој проблем и нема да дозволам да ми го припишувате, или подобро лепите како мој проблем. Зошто народот веќе не верува на партиите не треба да се чудите. Толку многу прокоцкани шанси, толку многу прокоцкана доверба не знам дали некој воопшто добил. Вината е подеднаква на сите партии. Нема поголем или помал непријател кога го изгубивме најсветото, кога го прокоцкавте она што ни на сон не смееше да се чепне. Ама за вас изгледа ништо не е свето! Само фотељите и тендерите го вртат вашиот ум!
4. Во однос на комичните предлози да се шкртаат гласачките ливчиња имам само едно нешто да кажам, и шкртнатите ливчиња исто како и важечките се ставаат на контото на делегитимирањето на референдумот. Јасно е како бел ден која е целта на власта со овие избори. Целта е што повеќе излезени гласачи за поголемо понижување на референдумот од 30.09.Ако тогаш не успеаа да не домкнат на кутии сега преку разни убедувања на граѓаните целта е само една -да има голема излезност за да си ги исперат рацете од ВЕЛЕПРЕДАВСТВОТО! Јас во таква смислена игра чија што цел е апла видлива не учествувам.
5. Во однос на плашењето на граѓаните дека пратеникот Таљат ќе бил в.д. претседател не ја разбирам паниката и сеењето омраза. Прво, согласно со Уставот Таљат во случај да не се избере претседател на наредните избори ќе мора да распише нови претседателски избори многу брзо. Ако власта одлучи да прави уставни измени таа може тоа да го прави кога ќе посака (како што гледаме име ни избришаа, идентитет ни сменија, историја ни бришат). Да не се заборави дека од другата страна во случај да има победник на изборите, новиот претседател веднаш да му биде изгласан импичмент. И во таков случај повторно да го имаме вечниот Таљат. Оваа опција власта секогаш ја имала во раце. Меѓу двете одлуки, првата да распише нови избори и втората да почне постапка за промена на Уставот власта ќе треба да одбере, да, но при тоа не смее да се заборави дека оваа власг нема вечно да биде власт. Ќе треба да размислат неколку пати како евентуално новите решенија ќе им се одразат кога тие ќе бидат во опозиција. Од друга страна да не правиме плашило од ништо. Да не заборавиме дека сите партии кога беа на власт тактизираа со политиката на избор на претседателот на Републиката во Собрание и никогаш не се кревала некаква посебна галама. Јас ќе се навратам на мојата неколку пати изнесена теза дека Таљат ги потпиша сите акти до сега. Таљат е нелегален претседател на Собрание и во некое идно време кога ќе дојде до драстична промена на власта сите тие акти ќе бидат ПОНИШТЕНИ.
6. Да резимирам. Зошто не гласам?
Прво, затоа што не сакам со мојот глас да го фрлам во вода референдумот од 30.09 бидејќи тоа е клучната цел на сценаристот.
Второ, за да се излезе на избори треба да постојат елементарни услови за фер натпревар кои во државата не ги гледам. Нема независна изборна администрација, нема полиција во служба на граѓаните, нема независни медиуми, има обвинители и судии кои ја работат својата работа под диктат на СДС и ДУИ, има многу криминал, многу оружје, многу мафија.
Трето, одговорот на опозицијата за продаденото име, идентитет, историја го гледаме преку секојдневни пресконференции на кои се констатираат факти, но не се нудат одговори. Нема никаков активизам, никаков револт, никаква насока за покажување вистинска огорченост од она што ми се случува и од актуелните политики. Наместо тоа, гледаме млаки констатации и досадни фрази.
Четврто, народот веќе не сака да биде жртва, Доста жртви носеше на свој грб. Или партиите ќе се свестат и ќе понудат излез од ова лудило кое не мачи сите нас, или мојот глас веќе не го давам зијан. Излез од лудилото за жал не се претседателските избори.

КОГА ЌЕ СЕ ДОБИЕ ПОДДРШКА ЗА ПАРЛАМЕНТАРНИ И ПРЕТСЕДАТЕЛСКИ ИЗБОРИ ЗАЕДНО ЌЕ ГО ПИШАМ МОЈОТ СТАВ ШТО ПОНАТАМУ.
СО 28 ГОДИШНАТА ПОЛИТИКА НА СИМНИ СЕ КУРТО ЗА ДА ДОЈДЕ МУРТО, НА ШТЕТА НА ДРЖАВАТА ОЧИГЛЕДНО МОРА ДА РАСЧИСТИМЕ, ЕДНАШ ЗАСЕКОГАШ!
ПОТРЕБЕН Е КОМПЛЕТЕН РЕСЕТ НА СИСТЕМОТ И НА ВРЕДНОСТИТЕ!




Фб статус на професорката Тања Каракамишева!
(This post was last modified: 13-02-2019, 03:14 AM by ЈорданПетровски.)
13-02-2019, 03:13 AM
Reply
ЈорданПетровски Online
ЈорданПетровски-ЦРНИ
*****

Posts: 15,085
Joined: Mar 2010
Reputation: 36
#2



13-02-2019, 03:16 AM
Reply
ЈорданПетровски Online
ЈорданПетровски-ЦРНИ
*****

Posts: 15,085
Joined: Mar 2010
Reputation: 36
#3

[Image: image.png]





13-02-2019, 03:28 AM
Reply
ЈорданПетровски Online
ЈорданПетровски-ЦРНИ
*****

Posts: 15,085
Joined: Mar 2010
Reputation: 36
#4

Quote:СДСМ РЕШИ ДА НЕМА ПРЕДВРЕМЕНИ ПАРЛАМЕНТАРНИ ИЗБОРИ, ЗАЕВ ЌЕ БАРА КОНСЕНЗУАЛЕН КАНДИДАТ ЗА ПРЕТСЕДАТЕЛ


13.02.2019
Веќе сме во НАТО, и одговорна партија не би го загрозила датумот за отворање преговори со ЕУ, не би ги застанала реформите со предвремени избори, кажа портпаролот на СДСМ Костадин Костадинов (Фото: принтскрин од видео)

СДСМ одлучи дека нема потреба од предвремени парламентарни избори, а одлуката е донесена вечерва на седницата на Извршниот одбор (ИО), соопшти ноќва портпаролот на партијата Костадин Костадинов.
„Република Северна Македонија ја очекуваат кристално чисти, фер и демократски претседателски избори на кои ќе победи СДСМ. Избори на кои ќе изгуби ВМРО-ДПМНЕ. Граѓаните бараат резултати во реформите, во економијата. Одговорна партија не мисли на предвремени парламентарни избори, дури и кога рејтингот и е повисок од оној на опозицијата. Веќе сме во НАТО, и одговорна партија не би го загрозила датумот за отворање преговори со ЕУ, не би ги застанала реформите со предвремени избори“,  рече Костадинов.

ВМРО ДПМНЕ бараше предвремени парламентарни избори напролет заедно со претседателските избори.

Костадинов кажа дека ИО го овластил лидерот Зоран Заев да отвори разговори со (вон)парламентарните партии за да дојдат до единствен, заеднички консензуален кандидат за престојните претседателски избори.
Тој рече и дека на овој состанок на се отвори прашањето за промена на името на партијата во делот „на Македонија“ , согласно промената на името на државата во Република Северна Македонија, иако Заев пред почетокот на состанокот рече дека ќе се разговара и за таква можност.
13-02-2019, 03:31 AM
Reply
ЈорданПетровски Online
ЈорданПетровски-ЦРНИ
*****

Posts: 15,085
Joined: Mar 2010
Reputation: 36
#5

Quote:Отворено писмо на Јанко Бачев: Бојкотирањето на изборите е во корист на Зоран Заев и Али Ахмети


[Image: %D0%A4%D0%BE%D1%82%D0%BE%D0%B3%D1%80%D0%...0%B0-5.jpg]
Feb 11 2019
Почитувани браќа Македонци и сестри Македонки,
Почитувани граѓани на Републка Македонија,
По вчерашната одлука на Централниот комитет на Единствена Македонија, партијата да учествува на претседателските избори, имам силна обврска да одговорам зошто е потребно масовно  излегување на изборите оти бојкотот е во корист на Зоран Заев  и Али Ахмети.
Еве ги фактите за тоа:
Собранието на седницата од 9 јануари 2009 со донесувањето на амандманот XXXI на Уставот го намали цензусот на излезност на 40 отсто, односно, претседателот во вториот круг се избира со мнозинство од избирачите кои гласале, доколку гласале повеќе од 40 отсто од избирачите. Во Македонија во моментот има 1.806.336 избирачи и уште од сега е јасно дека во вториот круг ќе има излезност од 40 отсто (722.534 избирачи).
Пишувам за вториот круг од причина што, било кој кандидат не може да победи во првиот круг оти за тоа е потребно да освои мнозинство гласови од вкупниот број избирачи, односно, еден кандидат да освои во првиот круг 903.169 гласови е неизводливо и затоа уште од сега е јасно дека се ќе се решава во втор круг.
Значи, со бојкотирањето овозможуваме Зоран Заев и Али Ахмети да изнесат на избори во вториот круг 722.534 избирачи што е сигурно дека ќе се случи и да победи нивниот кандидат кој добива петгодишен мандат, а што значи ова не треба посебно да се елаборира.
Меѓутоа, ете да претпоставиме дека бојкотот ќе биде успешен, односно, во вториот круг нема да излезат 722.534 избирачи. Тоа е пак во корист на Заев и Ахмети и можни се две ситуации.
Прво, да се повтори целата изборна постапка што ќе трае околу 6 месеци а за тоа време и во услови кога мандатот на Ѓорге Иванов завршува на 12 мај, функцијата претседател ја извршува претседателот на Собранието (член 82 од Уставот). Што значи Талат Џафери како претседател на државата на сите ни е јасно и не гледам причина за подетално образложение.
Второ, можно е власта кога веќе има двотретинско мнозинство да го промени уставниот модел и да избере претседател на државата во Собранието. Во таков случај многу е веројатно дека ќе се воведе и функцијата заменик претседател и во иднина ќе се ротираат Македонец и Албанец како претседател и заменик претседател. 
Со еден збор, бојкотирањето на изборите и доколку биде успешно и доколку биде неуспешно му помага само на Заев и Ахмети да имаат свој претседател во наредните пет години.
Затоа, потребно е масовно излегување на изборите и победа во вториот круг на кандидатот на опозицијата. Постои страв кај Македонците од поделеност, но, треба да се знае дека во првиот круг нека има и десет кандидати, погоре спомнав зошто во првиот круг ќе нема победник.
Битно е во вториот круг да влезе опозицискиот кандидат со определба веднаш по победата да започне постапка за поништување на договорот за промена на името, двојазичноста, враќање  на Македонија на изворните илинденски и асномски традиции…Во вториот круг каде ќе има само двајца кандидати, доколку Македонците и сите лојални граѓани масовно гласат, уште од сега сум сигурен дека ќе го победиме кандидатот на Заев и Ахмети.
За крај, збор-два и за стравот дека со гласањето на ливчето се признавал легитимитетот на власта, па изборите ќе биле фалсификувани…
Согласно договорот за промена на името сега започнува постапката за менување на личните документи, како на пример, лична карта и пасош. Значи, лицата кои велат дека бојкотираат бидејќи не признаваат легитимитет, сега ќе носат во џеб лична карта и пасош на Република Северна Македонија. Лудост е да се верува дека некој би можел да бојкотира и лична карта оти животот без лична карта/пасош ќе му стане пекол, ќе биде целосно блокиран во правниот промет без можност да оствари било какво законско право. А има ли поголемо признавање на легитимитетот на марионетската власт од лична карта/пасош со Северна Македонија во услови кога има кандидат за претседател кој е спремен да започне постапка сето тоа да се поништи!?
Околу можниот фалсификат, таква психоза се створи и за време на референдумот, па, не илезе така. Наместо да паничиме, еве повикувам да се јават доброволци и да овластиме на избирачките места не по еден, туку, ако треба и по тројца, па да видиме како ќе се фалсификува на денот на изборите во присуство на наши набљудувачи.
Се разбира, идеално е да ги покриеме со набљудувачи сите 3.478 избирачки места во 80-те општини доколку има спремни Македонци со големо „М“. Не е на одмет да спомнам дека согласно Изборниот законик како партија можеме да овластиме набљудувачи за разлика од референдумот, бидејќи, согласно Законот за референдум во избирачките одбори има само по тројца од администрација.
Како заклучок. Генерално, не е спорно дека е отворен патот на било која народна македонска власт во иднина да го поништи Договорот за промена на името. Но, во моментот бојкотирањето на претстојните избори е во корист само на Зоран Заев, Али Ахмети и нивните странски газди. Потребно е масовно да излеземе и да го подржиме кандидатот на опозицијата кој по победата започнува постапка за Македонија каква што ја посакуваме. Време е за претседател на Македонците а не на странците. Ние го правиме очекуваниот потег. На ред е народот!
д-р Јанко Бачев, претседател на Единствена Македонија
13-02-2019, 03:34 AM
Reply
ЈорданПетровски Online
ЈорданПетровски-ЦРНИ
*****

Posts: 15,085
Joined: Mar 2010
Reputation: 36
#6

Quote:Ејгиди, ејгиди д-ре Јанко Бачев

[Image: 51832537_2549239641785416_45973521277177...e=5CF0A90E]

12.02.2019
Не ми е јасно како уште при првата помисла на претседателските избори, ти, д-ре Јанко Бачев, кој себе си се сметаш за паметен и интелегентен, образуван доктор на науки и професор, веднаш не увиде дека самата таа помисла, као што велиш, е во корист на Зоран Заев и Али Ахмети. Како тоа не го увиде при донесување одлуката на Централниот комитет на Единствена Македонија, или барем на крајот, кога отвореното писмо го поставуваше на сајтот на твојата партија и кога си се пофалил со тоа колку многу медиуми ќе го пренесат, а се знае дека медиумите се под контрола на власта.
Ние од СеМакедонскиот Национален Совет МАКЕДОНИУМ, долго време соработувавме со вас задружени во Македонија бојкотира и Македонија блокира, но не се сеќаваме дека сме имале толку голема медиумска подршка како сега твоето писмо. Иако тогаш, за да не се распадне здружувањето, дозволивме да ја превземите речиси целата иницијатива, цело време имавме впечаток дека не саботирате и опструирате. Едвај издржавме до крајот и ве напуштивме. Се потврди дека сме биле сосема во право. Ти ќе треба да одговориш каде се криеше од почетокот на протестите скоро цела година и зошто не излезе од сам почеток, туку како и многу други калкулираше и чекаше погоден момент за да се појавиш јавно на протести.
Потврда за тоа е отвореното писмо, со кое го демаскирате вашето тогашно дејствување, а сега одите директно против придобивките од Референдумот од 30.септември и сакате да ја поништите јасно изразената волја на народот.
Како не ви е јасно: Учество во избори на кој се избира Претседател на Република Северна Македонија всушност значи прифаќање на преименувањето на државата и давање на легитимтет на Преспанската спогодба. Како не ви е јасно: Колку поголема излезност на изборите, толку поголема девалвација на Референдумот од 30.септември. Но, за да се разјаснат небулозите од отвореното писмо, да одиме по ред, како што е пишано во него, ред по ред:
Манипулирате со народот и го донесувате во заблуда тврдејќи дека нетреба да ги бојкотира распишаните избори за Претседател на Република Северна Македонија поради тоа што е намален цензусот за излезност во вториот круг од 50 на 40%. Изборите се бојкотираат уште во првиот круг и ирелевантен е цензусот за вториот, не е важно дали бил 50 а сега е 40%. Не треба ни да се дојде до втор круг. Важно е народот да игнорира секаков избор на институции на нелегалната Република Северна Македонија, поготово не за избор на нејзин Претседател.
Добро знаете дека штом граѓанин се потпише на гласачкиот список диретно значи дека ја прифаќа и ја верификува наметнатата Република Северна Македонија, па дури и избира нејзин Претседател. Ирелевантно е дали тој потпис е ставен на списокот на гласачи во првиот или од вториот круг на изборите. Ова неможе да не го знаете, но зошто пак повикувате на што поголема излезност? Многу лукаво го ставате народот пред свршен чин (и со тоа му всадувате в глава дека тоа е неминовно), како да е првиот круг апсолвиран и воопшто не се осврнувате на него туку веднаш претпоставувате што ќе биде ако бојкотот во вториот круг биде успешен и констатирате дека тоа е пак во корист на Заев и Ахмети и дека се можни се две ситуации. При аргументирањето на првата ситуација се повикувате на член 82 од Уставот, значи сте го прочитале и неговиот став 8 (кој гласи: Изборот за претседател на Републиката се врши во последните 60 дена од мандатот на претходниот претседател. Во случај на престанок на мандатот на претседателот на Републиката од кои и да е причини, изборот за нов претседател се врши во рок од 40 дена од денот на престанокот на мандатот.). Штом го знаето тоа значи знаете и дека лажно е вашето тврдење дека за да се повтори целата изборна постапка што ќе треба околу 6 месеци. Додека аргументацијата во првата точка ја доведуваше во прашање искреноста, аргументацијата за втората можност открива НИСОК КАПАЦИТЕТ за релевантно политичко расудување. Не постои партија која додека е на власт би донела закони од кои ќе трпи последици кога ќе стане опозиција. Заев и Ахмети како што гледаме ги продаваат државните интерси без око да им препне, но секогаш се будни да не си ги загрозат патриските и пред се своите лични интереси. Нив им треба Претседател по нивна мерка, но избран со поголем легалитет; за да неможе лесно да биде сменет после се поизвесните парламентарни избори. Ако воопшто помислуваат да го сменат Уставот и Претседател на државата да се избира во парламентот, имаат двотретинско мнозинство и негледам зошто тоа не би го направиле сега, туку после евентуелно неуспешниот втор круг. Така би биле многу покомотни отколку сега, кога постои реална опасност од бојкот на изборите. После и да сакаат ќе немаат време за тоа затоа што повторната постапка треба да заврши во рок од 40 денови.
Точно е тоа дека во првиот круг ќе нема победник, но ако не се бојкотира ќе има губитник. Тоа ќе бидат Македонците и Македонија. За победа не е доволно да не победи кандидатот на Заев и Ахмети, туку да ги победиме приврзаниците на Заев и Ахмети. Тоа ќе се постигне само со бојкот на претседателските изботи. Ќе мора да се распишат нови, но овој пат ЗАЕДНО со ПАРЛАМЕНТАРНИ ИЗБОРИБ, кога ќе има можност да се смени целиот политички амбиент во земјава, да се порази хунтата на власт, затоа што после ваквиот пораз и владеачките партии ќе бидат принудени да се ослободат од приврзаниците на актуелните раководства. Се согласуваме дека излезноста е пресудна. За тоа се свесни сите од владеачката номенкалура затоа и врбуваа толку многу кандидати да се номинираат на изборите за претседател. Секој кандидат со себе ќе донесе и свои гласачи. Излезноста е во пропорција со бројот на кандидати: колку повеќе кандидати - толку повеќе гласачи. Едноставна математика, поради која, г-дине д-ре Јанко Бачев, во ист кош ги ставаме сите кои учествуваат во избор за Претседател на Република Северна Македонија и позиција и опозиција.
Следствено на тоа и Единствена Македонија од денес почнавме да ја вбројуваме во поборниците за верификување на Престанската спогодба, без оглед што тоа воопшто не не радува. Битно било во вториот круг да влезе опозицискиот кандидат, зошто сте сигурни дека ќе победи во вториот круг преку масовното гласње, за кое се залагате. Па тоа е чиста ДЕМАГОГИЈА, зошто како може човек кој го прифатил постоењето на Република Северна Македонија и се кандидирел за нејзин Претседател, веднаш по победата да започне постапка за поништување на договорот за промена на името, двојазичноста и враќање на Македонија на изворните Илинденски и Асномски традиции?
Веќе се навикнавме на предизборни лаги... Овде гледаме друга димензија: величајќи ги идните чекори што опозицискот кандидат би ги превзел после изборот, всушност ставате привлечна мамка над стапицата во која ги мамите да пропаднат чесните Македонци. Невидена смелост и безобразлук. Ма кој граѓанин ќе го загризе тој горчлив залак, без оглед на тоа што е прелиен со највкусни преливи и обмотан со најшарен и најсветликав омот. Не е време за лажење и надлажување туку за осознавање и распознавање на вистинските вредности. Згора на тоа како може да се повикува на излезност и гласање за опозицискиот кандидат пред да знаете кој е тој? Нели си се запрашал што ќе биде ако кандидатите на позицијата и опозицијата се лице и наличје на иста монета, што е многу веројатно. Како може да пропагирате нешто пред добро да анализирате и обмислите дали со тоа не го мамите народот да падне во сопствената стапицата на добри желби. Со ова самиот потврдувате дека за бојкот референдумот си се залагал само декларативно (што цело време го чувствувавме, ама несакавме да прифатиме) со тоа што се народот го доведуваш пред свршен чин тврдејќи дека со тоа што во џебот ќе имаат лични документи на Република Северна Македонија, значело и нејзино признавање и прифаќање. Каква небулоза! Па и во најозлогласените режими и окупации народот во џебот носел документи за идентификација издадена од тој режим, без оглед на тоа што не го прифаќал и се борел со него. Нетреба човек да биде правник, а уште помалку доктор на науки за да знае дека личните документи се за сопствена, лична идентификација, а не за поистоветување со тој што ги издал. Зарем Евреите во концлогорите ја признавале и прифаќале власта што за нивна идентификација им тетовирала броеви на телото. Недоветна глупост.
Суштествена причина за неодржување на изборите е отсуство на најминимални услови за демократски избори; немањето независни медиуми; непостоење на неконтолирани обвинители и судии и толерирање на корупција, криминал и организирани криминални групи, мафија, многу нелегално оружје; основаниот сомнеж дека и самиот изборен процес ќе биде лажиран со полнење на кутии, што е потврдено до непокренување на ниу една постапка за нерегуларностите при извршување на референдумот. Овие недоследности неможе да ги компензираат членовите на избирачките одбори, без оглед на тоа колку и да се совесни и безгрешни. Туку спротивното, изборите ќе бидат лажирани без оглед на чесноста на членовите на избирачките одбори и комисии, па твоето тврдење го цениме за крајно инфантилно.
На крајот, после сето кажано, место заклучокот што ти го изведе неизбежно се поставува дилема дали навистина не си свесен за ова или така се правиш за да можиш да одработиш за други, туѓи интереси.
Ние, СеМакедонскиот Национален Совет- Македониум точно знаеме дека само со БОЈКОТ во услови на окупирана и киднапирана држава, не секакви, па дури и вакви фингирани претседателски избори во Република Северна , насилно преименувана, со политички интриги и измами од страна на ваква нелегитимна власт , нема да дадеме легитимитет на ова што Заев и останатите позиционери и фалшиви опозиционери им го стокмија на Македонија и Македонскиот народ. Маските паднаа , меѓу кои и твојата.
За СеМакедонскиот Национален Совет- Македониум ти си одамна прочитан и комплетната твоја агенда. Ти со ова му даваш легитимитет на Заев. Одете сега со Мицковски трчајте по цензус за Заев да си го легитимира криминалот.
Ние почнуваме кампања за комплетен и масовен бојкот на криминални избори за Претседател на Република Северна.
П.С. Оној што ќе чита заклетва за Претседател на Северната, пред да оди во собранието да го стори тоа, нека голтне лажица неквалитетен боров мед, за полесно да му се лизга зборот СЕВЕРНА и да нема проблеми кога ќе го изговара.
Ејгиди, ејгиди д-ре Јанко Бачев.
Скопје, 12.февруари.2019 год.
СеМакедонски Национален Совет – Македониум
Претс. Страшко Олумчев
13-02-2019, 03:38 AM
Reply