Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
БЕГСТВОТО НА ГРУЕВСКИ
Author Message
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#1

Quote:ДАЛИ КРИМИНАЛНАТА ВРХУШКА НА ЕУ ПОСЛЕ АМИНУВАЊЕТО НА КРИМИНАЛНИТЕ ИМЕНУВАЊА НА ТАЉАТ, ЗАЕВ, КУПУВАЊЕТО НА ПРАТЕНИЦИТЕ ГИ БРИШЕ И КРИМИНАЛИТЕ НА ГРУЕВСКИ ЗА ДА БИДЕ ИЗГЛАСАНА СМЕНАТА НА ИМЕТО




[Image: ceec46ac75e6be7f73874fd5573b298d_L.jpg]
Мојата докуметација за добивање на азил



 Јордан Петровски 20.11.2018
Утринава унгарскиот весник од про-Орбанска провиненција Magyar Idők со текст под наслов „Gruevszki-ügy exkluzív – Íme a részletek“ обајви дека веќе било одобрено барањето на Груевски за азил во таа држава. Додека во моментот беше невозможно да се потврди или демантира веста, бидејќи таква информација Канцелариата за бегалци може да сподели само засегнатото лице, во случајот Груевски, и со Комесаријатот за бегалци на Обединетите нации, објавата подоцна на својот фејсбук профил ја потврди самиот Груевски (види подоле).

Еве што е проблематично, односно го доведува под сомнение добивањето на азилот! 
Според искуството кое го имав при барањето на азил и како постапи канадскиот Борд за бегалци -- што е практика во сите случаи на барање на азил во Канада согласно со Конвенцијата за бегалци на ООН од 1951 година -- Груевски во оваа рана фаза на процесот МОЖЕЛ да добие само статус на апликант, односно барател за азил. Овој статус се одобрува речиси по автоматизам доколку барателот воспостави кредибилен случај дека стравува од тенденциозен прогон во неговата татковина. После ова следи процедурата за добивање азил која де факто е судски процес. Првин барателот треба да пополни прашалник во кој ќе го објасни неговиот наратив, а потоа треба да ги обезбеди доказите за тоа што го тврди, и тие докази (документи) да ги преведе на службениот јазик на државата домаќин и да ги завери преводите од официјален судски преведувач. Процедурата трае во зависност од многу елементи, меѓу кои спаѓаат распоредот на советот за бегалци и подготовката на документацијата на барателот. Секако брзината на процесот и некои детали во самиот процес може да се разликуваат од држава до држава, но поентата на Конвенцијата за бегалци е да го универсализира овој процес, односно да ги минимализира разликите и на тој начин да ја претвори секоја држава потписничка безбедна земја за бегалци.
Во мојот случај целиот процес траеше околу пет години и имаше две осум-часовни сослушувања (односно рочишта) кои беа одвоени за шест месеци. Конечната одлука беше донесена шест месеци по последното рочиште. Во тоа време, многу бргу по моето барање за азил, Македонија од страна на Велика Британија беше прогласена за безбедна земја поради тоа што немало баратели на азил од политички причини од Македонија после 1991 година. На „судењето“ или „судењата“, Груевски морал да ги ДОКАЖЕ наводите кои ги дал во барањето за азил.
Во постапките за барање на азил барателот може да се застапува самиот, но ценејќи го фактот дека станува збор за поранешен премиер на држава, сметам дека Груевски морал да бара адвокат за што би му биде потребни барем неколку дена. Потоа сите документи кои ги понудил МОРАЛЕ да бидат ПРЕВЕДЕНИ од страна на судски преведувач на унгарски. Со документите кои ги понудил Груевски требало да се запознаат и да ги проучат неговиот адвокатот, судијата (во Канада официјалната титула е офицер на Бордот) и застапникот на унгарскиот народ чија улога е да ја утврди вистинитоста на изјавите и докуметите на Груевски. Поедноставно речено тоа е лице кое е противник на доделувањето на азил кое ги бара пропустите и недолседностите во случајот на Груевски. Истите овие лица требале да се запознаат со општествено-политичките состојби во Македонија, вклучително и со владеењето на правото.  Во мојот случај јас понудив околу 200 документи, моето досие и новинарски тесктови кои јас сум ги пишувал и текстови кои ги пишувале други за неуставните постаспки на СДБ. Мојот адвокат понатаму понуди неколку десетици извештаи од институции како ЦИА, Амнести интернешонал и Хјуман Рајтс Уач кои ја оцртуваа состојбата во Македонија од нивна перспектива. Владата на Канада и моите адвокати беа обезбедиле околу 1500 документи. Владата на Канада се занимавала со мене, а адвокатите со барање на случаеви како и каде Македонците добивале азили и причините за добивање на азили, како и случаи на луѓе од други држави кои барале азил во Канада од слични услови и слични побуди. За сето ова беа потребни стотици часови работа и повеќе од половина дузини средби со мојот адвокат со цел да се разјасни целиот случај. Според она што го знаеме целиот процес на Груевски траеше само неколку дена. Доколку земеме дека официјалните преведувачи преведуваат по 1-2 страници (од 500 зборови) на 8 часа, тогаш се поставува прашањето колку документи биле понудени пред Советот за бегалци.

Единствен вид на азил без процедурите кои ги наведов погоре можел да добие не следниот начин:

Quote: -Доколку некој не ги исполнува критериумите за меѓународна заштита, велат од ЕК, земјата членка сепак може да ја разгледа можноста да му додели на лицето некаков вид национален статус, доколку таа опција постои во земјата членка.


Односно вон рамките на Конвенцијата за бегалци на ООН од 1951 година.
Но заради самото тоа што се работи за бивш премиер на држава и со оглед на тоа дека се работи за лице против кое веќе има една правосилна пресуда, и поради тоа што против него се водат уште неколку судски процеси, не верував дека Унгарија ќе дозволи да не го спроведе процесот за азил според меѓународните стандарди. Тоа е впрочем големата работа која колку што оди во прилог на Груевски, толку оди и против него: Конвенцијата не предвидува заштита за криминалци. Тоа значи дека Груевски морал да ја докаже пристрасноста на судот кој му ја одредил пресудата, и на тој начин да докаже дека Македонија е впрочем недемократска држава во која не владее правото. Реалност во која тој самиот како премиер од десет години има свој удел, нешто што го комплицира неговиот случај, што повторно ме наведува да мислам дека неговиот случај -- доколку стануваше збор за автентичен случај, а не за далавера -- требаше да потрае подолго време. Можеби не пет години, но дефинитивно неколку месеци.
Бидејќи Унгарија е држава со долга цивилизирана европејска историја, и поради тоа што Орбан се обидува да се позиционира како заштитник на европејската цивилизација -- која се заснова на општествената доверба и владеењето на правото -- сметав дека Орбан нема да е подготвен да го фрли сето тоа во вода само за да заштити еден дискутабилен тип. Потоа тука е и опозицијата во Унгарија која сигурно ќе го употреби овој случај за да го нападне кредибилитетот на Орбан, но и да инсиситра на отворање на границите на државата за африканските и азијатските мигранти. На крај тука е самиот Груевски. Дали тој после сево ова ќе сака да му остане етикетата на кукавица за цел живот? Според неговото досегашно однесување за него ова не е многу битно.
 
Експресноста со која е одобрено барањето на Груевски за азил сугерира дека спротивно од тврдењата на официјална Будимпешта дека случајот на Груевски ќе нема политичка конотација, впрочем е целосно политизиран. Тука е и изјавата на министерот за надворешни работи на Унгарија,  Сијарто: Ниедна земја на ЕУ не го покрена прашањето за Груевски !! Прашањето е зошто. Груевски како мотив за неговото бегство и барање на азил ја нуди пресудата за Мерцедесот, пресуда која ниту еден суд во било која правна држава не би ја донел. Според Уставот и законите ако не му е одземен мандатот тој до завршување на мандатот не може да биде затворен затоа што казната со која е осуден е под 5 години. Според мене некој како намерно да сакаше да му изрече затворска казна за непостоечки криминал и да му даде шанса сите судења натаму да бидат под знак на сомневање за политичка позадина.

Речиси е невозможно процесот кој го опишав погоре -- прибирањето на документацијата, преведувањето на истата, нејзиното проучување од страна на соодветните лица и носењето на сериозна одлука во комплициран случај каде што самиот барател има удел во вината за состојбите од кои што бега -- да отпочне и да заврши во рок од неколку дена без сето тоа да не е извршено под директива на политичките власти на Унгарија. Во прилог на овој сомнеж оди и речиси идентичниот текст на статијата во Маѓар Идок и објавата на фејсбук профилот на Груевски. Сево ова сугерира еден голем театар во кој еднакво учестуваат македонските, унгарските, но и европските власти, каде ем божем владата на Заев гони криминал, ем Орбан глуми заштитник на наводен националист, ем криминалците повторно ја одбегнуваат нивната одговорност, а УДБа останува нечепната а повторно најоцрнети тука остануваат националистичките десничарски сили и ништо не се расчистува во Македонија а и натаму продолжува бришењето на Македонскиот народ од страна на Евромарксистите. Доколку ова е точно, тогаш црно и се пишува на европската цивилизација доколку нејзин бранител е човек кој засолнува криминалци.

За крај ќе прикачам неколку мои коментари кои сум ги дал на Фејсбук во изминатите неколку денови:


 
 
[Image: 4.png]


 
 
[Image: 1.jpg]
 
 
[Image: 3.png]
[Image: 2.png]


Quote:Nikola Gruevski
5 hrs ·
Денес Република Унгарија, земја членка на ЕУ и НАТО, одговори позитивно на моето претходно поднесено барање за добивање политички азил заради политички прогон во Република Македонија.
Во барањето за политички азил наведов дека истиот го барам заради политички прогон од новата влада предводен од партијата СДСМ.
Наведов дека владата сака да ми ја одземе слободата користејки недемократски чекори и методи и злоупотребувајки го обвинителскиот и судскиот систем во Македонија.
Објаснив како се започна, со почетокот на објавувањето на нелегално стекнатите аудио матерјали, назначувањето на специјален јавен обвинител кој стана партиска алатка на партијата СДСМ, исто како и судот, ги опишав сите неправди, нерегуларности, незаконско работење, дискриминација, конструирани судски процеси и пресуди, конкретните судски постапки против мене и тортурата која по формирањето на новата влада ја трпам јас но и голем број други мои соработници, давајки конкретни примери и конкретни докази и завршив со бројните закани по мојот живот со кои се соочуваав во последните денови пред да ја напуштам Република Македонија.
Посочив и приложив конкретни примери дека во Република Македонија непостојат услови за фер и законски судски процес, ниту пак начин во една ваква атмосфера на политичка хајка од страна на владата да го заштитам мојот живот од бројните закани кои ми беа упатени.
Во Македонија се соочив со судии кои за секое мое или на мојата одбрна барање, чекаат инструкции како да одлучат од владата или од специјалниот јавен обвинител, од кого и самите судии се плашат, и кого го гледаат како преставник на актуелната влада.
Посебно ги објаснив неколкуте фундаментални прекршувања на законите, меѓу кои, спротивно на закон користењето на нелегално стекнати аудио матерјали кои под надворешен притисок судот ги прогласи за легални, користењето на копии кои не се споредени со оргиналот како докази врз основа на кои се носат пресуди, користењето на вештаци кои спротивно на закон прават вештачења без лиценца за вештачење, флагрантното кршење на законот за приватност и игнорирањето од страна на судот на сето ова, работењето на македонските судови спротивно на праксата на судот во Стразбург, како што е примерот со отфрлањето на актите за прекин на постапка издадени од страна на Претседателот на Македонија во два конкретни случаи, и нивно прифаќање во земја членка на ЕУ, недавањето можност и доволно време за подготовка на одбраната преку свесно набивање на судења секој ден, понекогаш и по цели денови, издаденото мислење на Комисијата за заштита од дискриминација која наведе дека сум предмет на директна дискриминација од страна на судијата Добрила Кацарска и од страна на Основниот суд Скопје 1, објавувањето на пресудата за случајот ,,Тенк,, во смисла дека ќе бидам прогласен за виновен, од страна на актуелниот премиер околу 10 дена пред судијата да ја објави одлуката, и огромен број други факти и докази кои ги образложив и од кој се состави огромен записник од над 30 страни.
Судот и обвинителството се претворија во инструмент за политичка уцена и пресмета со политичките неистомисленици, како и покривање на неработењето на владата.
Последните одмазнички притвори на Миле Јанакиески и Кирил Божиновски, кои очигледно се притворени само за владата да ја ублажи критиката по моето заминување од земјата и барање политички азил заради политички прогон, со лажни, фабрикувани и непостоечки докази само ја потврдуваат атмосферата во која денес живее Република Македонија.
Денес во Република Македонија се живее во услови на репресија од страна на владата, дискриминација, прогон, политички апсења и целосна контрола на владата врз судскиот и обвинителниот систем, вадење и ставање во притвор или затвор според политичките прилики и потреби.
Наместо унапредување на судскиот систем, Македонија има уназадување. Судот и обвинителството се користат како политичка алатка на владата заради остварување на своите политички цели и уцени.
Јас одлучив да се спротиставам на сето ова, и со мојот чекор да го издигнам ова прашање на повисоко ниво.
Некој може да ме сака или да не ме сака, да се согласува или да не се согласува со мене, да смета дека водам добри или лоши политики, но неможе да го негира или да ги затвори очите пред она што се случува во Македонија во овој период а кое го опишувам.
Јас одлучив да не ја исполнам желбата на СДСМ, додека тие ја разграбуваат и распродаваат државата и националните интереси да седам затворен со политичка одлука и секојдневно да се борам за преживување во затворот, за каде добив сознание дека ми се подготвува ликвидација.
Одлучив да ја продолжам борбата за македонската кауза, за каузата на Република Македонија, на начин на кој единствено можам во моментот, на начин на кој многу други личности низ историјата кога имале можност го правеле. И како што кажав во претходната објава, јас никогаш нема да се одкажам од таа кауза.
Јас не избегав од правдата,туку користејки други меѓународно правно регулирани методи продолжувам да ја барам правдата и за мене и за сите други жртви на политичкиот прогон во Македонија.
Јас до последен момент, иако гледав колку неправедно ме обвинуваат и судат, иако беше видливо дека судиите уште пред да го почнат судењето и пред да ги погледнат доказите, ја знаеја пресудата, секојдневно, како никој досега се соочував со правдата, се до моментот кога актуелната влада не одлучи неправедно и со политичка одлука да ме стави во затвор а потоа и да ме ликвидира.
Јас јавно кажав дека сум подготвен да одам во затвор доколку Заев се одкаже од погубните политики за Македонија и малтретирањето други луѓе.
Но тој очигледно сака се. Сака и да ја реализира распродажбата на националните интереси, и да го реализира разграбувањето на државата, и да ги суди и осуди стотици мои соработници и мене да ме затвори и ликвидира.
Одлучив да се борам и да се спротиставам на овој кукавица кој безочно секојдневно го лаже и краде својот народ и ја злоупотребува државната функција на која дојде на нечесен начин.
Македонија не смее да остане земја каде владата владее со судскиот систем и каде има политички прогони секој ден. Огромен број луѓе се под политички прогон во Македонија. Тоа мора да запре.
Македонија треба да стане членка на НАТО и ЕУ, но несмее да се дозволи под превезот на оваа цел, актуелната недемократска власт да се пресметува со политичките неистомисленици и да им конструира судски случаи и затворски казни, со цел да може непречено да прави криминал, корупција и распродажба на државните и национални
(This post was last modified: 23-11-2018, 12:55 PM by ЈорданПетровски.)
21-11-2018, 01:58 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#2

Quote:ЕК: Очекуваме Унгарија да се однесува согласно правилата за азил без политизирање


[Image: EK-Evropska-komisija.jpg]

Напишано од
МИА 21/11/2018
Европската Комисија вели дека засега не добиле потврда од Унгарија дека му е одобрен на азил на експремиерот Груевски.

– Се разбира запознаени сме со ситуацијата во врска со господинот Груевски, осуден за корупција во својата земја, стои во одговорот на ЕК до МИА.

Оттаму потсетуваат дека според европското и меѓународното законодавство, земјите членки индивидуално одлучуваат за барања за азил.

– Владеењето на правото е темелен принцип на ЕУ, за земјите членки како и за земјите кандидати, очекуваме од сите страни да се однесуваат согласно со релевантните правила без политизирање.

ЕК потсетува дека „после години назадување“, Македонија „прави добар прогрес во владеењето на правото како што оцени Советот за општи работи во заклучоците од јуни 2018“.
Претходно денеска, еврокомесарот Јоханес Хан побара од Виктор Орбан објаснувања доколку се потврди дека му е одобрен азил на Груевски. Тој смета дека е нелогично Унгарија да ја поддржува Македонија за ЕУ, а притоа да ја смета за небезбедна земја.
21-11-2018, 02:04 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#3

Quote:„Груевски е осуден за корупција во Македонија, не може да добие азил“, вели европратеникот Јавор


21.11.2018
Унгарскиот европратеник од Зелените, Бенедек Јавор, му испрати официјално писмо на еврокомесарот за миграција  и внатрешни работи, Димитрис Аврамопулос, во кое бара од Европската Комисија да го каже ставот за доделениот азил на поранешниот македонски премиер Никола Груевски од страна на унгарската влада.
Во писмото тој вели дека унгарските власти одобриле азил за Груевски кој под “сомнителни околности“ пристигнал во унгарската престолнина со помош на унгарските власти и таму побарал политички азил.
Тој потсетува дека Груевски е осуден за корупција во Македонија и ги набројува основите врз кои лице може да побара азил во ЕУ согласно директивата на ЕУ 2011/95. Во членот 12 параграф 12 стои дека државјанин на трета земја не може да добие статус на бегалец доколку тој сторил “сериозен неполитички злостор“.
-Бидејќи корупцијата не е еден од овие злостори, кои се сметаат за политички, верувам дека унгарската влада не беше во позиција да одобри азил за Никола Груевски. Затоа, би сакал да ве замолам да ме информирате за позицијата на Европската Комисија за тоа дали одлуката на унгарската влада е во согласност со европското законодавство и доколку не е, која е намерата на Комисија во овој случај, му напиша Јавор на Аврамопулос.



Дали набавка на мерцесдесот , во која никој не зел провизија за себе е сериозен злостор??
21-11-2018, 04:26 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#4








23-11-2018, 12:53 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#5



26-11-2018, 11:24 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#6

Quote:Пред да замине од Македонија, Груевски им пишал на Хан, Могерини, Мијатовиќ и Дол

[Image: nikola-gruevski-vmro.jpg]

04.12.2018
Пред да побара политички азил и да замине од Македонија екс премиерот им пишал писмо на челниците од Европската Унија. Во писмото, од кое копија беше испратена и до Алфа, Никола Груевски бара меѓународни судии да извршат проверка на масовниот политички прогон во државата. Поранешниот премиер писмото го испратил до еврокомесарот за проширување Јоханес Хан, еврокомесарката за надворешна политика Федерика Могерини, комесарот за човекови права на Советот на Европа Дуња Мијатовиќ и претседателот на европската народна партија Жозеф Дол.
Груевски во писмото наведува дека затворската казна му е изречена за целосно бесмислен и фабрикуван предмет – Тенк, бара ЕУ или друга европска институција, да ангажираат неколку врвни докажани судии од некоја од напредните земји членки на ЕУ кои ќе ги проучат предметите, доказите и на обвинителството и на одбраната, а би извршиле разговор и со обвинетите.
„Да присуствуваат на неколку рочишта и на крајот да одговорат – Дали во нивните држави тие предмети, со такви докази, тие обвиненија, би поминале или би биле отфрлени од судот и зошто. Тоа мислење се разбира нема да ја смени одлуката на локалниот суд, но ќе одговори на прашањето поврзано со политичкиот прогон во Македонија“ – пишува Груевски
Во писмото Груевски има и друг предлог, доколку првиот за Хан, Могерини, Мијатовиќ и Дол е неприфатлив, тој бара Унијата да испрати мисија во Македонија.
„Која ќе ги утврди фактите, повторно составена од професионални и политички независни судии од кривичната област…Секоја изјава во правец дека не смее никој да се прогласи за виновен доколку не постојат цврсти законски прибавени докази би била од корист за судиите и јавноста во Република Македонија. Секој повик во правец на напуштање на практикување на правото во функција на водење политика би била значајна “- пишува Груевски.
Во продолжение во 10 точки тој објаснува дека за време на судските процеси се соочувале со огромен број прекршувања на законите. Аудио материјалите кои СЈО ги користело како доказ се незаконски прибавени, пишува тој. Судот одбил нивно вештачење по барање на одбраната, а од друга страна дозволил за СЈО да вештачат лица без лиценци. Груевски наведува дека Судот делумно изразува лојалност кон актуелната власт, а дел од судиите живеат во голем страв да не бидат казнети ако постапат спротивно на очекувањата на СЈО, посочува Груевски.
На писмото стои датум 16 октомври. Апелациониот суд на 5 ти месецот, ја објави одлуката дека е одбиена жалбата на Груевски за затворската казна од 2 години за случајот со владиниот мерцедес.
[Image: keti-1-1-520x532.png]
[Image: keti-2-520x513.png]
[Image: keti-3-520x552.png]
[Image: keti-4-520x552.png]
[Image: keti-5-520x622.png]
[Image: keti-6-520x422.png]
05-12-2018, 12:05 AM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#7

Quote:Груевски уловен во ресторан во Будимпешта

12.12.2018
Ова е нова снимка од Никола Груевски во Будимпешта, унгарски новинар го сними бегалецот во ресторан. Откако тој излезе воопшто не застана на новинарските прашања и се качи во црн џип.
Вчера за првпат беше објавена фотографија на екс премиерот од Будимпешт, каде е во друштво на Александар Трајковски, советник на ВМРО-ДПМНЕ во општина Гази баба.
Денеска еден месец по неговото бегство тој беше снимен и со камера во Будимпешта.



12-12-2018, 06:48 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#8

Quote:Заев: Се сомневам дека Мицкоски е вмешан во бегството на Груевски, нека каже зошто претходно се сретна со Вучиќ и Орбан




26.12.2018
Премиерот, Зоран Заев, вели дека постојат информации кои упатуваат на основано сомневање дека лидерот на опозицијата, Христијан Мицкоски, е вмешан во бегството на осудениот екс премиер, Никола Груевски. Според Заев индикативно е тоа што непосредно пред бегството Мицкоски се сретнал со Вучиќ и Орбан, а при тоа немало информации за што се разговарало на тие средби.
Во гостувањето во емисијата „Отворено“ на ТВ24, премиерот синоќа изјави дека Груевски бил 10 години премиер и имал луѓе кои можеле да му помогнат за да ја напушти Македонија.
-Но тоа било потпомогнато и од надвор. Јавно го отворам прашањето. Мицкоски претходно направи посета со Вучиќ и Орбан, разговараше, не кажа за што разговарал. Србија даде лист со лична карта да се влезе во ЕУ, сакам да знам зошто тоа, кој тоа го договорил, дали е таму тоа договорено на тој состанок или не, тоа го прашувам јавно оти немам можности како тоа да го истражам, немаме служби ние во Србија – изјави Заев.
На прашање дека сепак по него немаше распишана меѓународна потерница и дека тој можел да ги помине границите со лична карта, Заев додаде:
-Но со лична карта може да помине овде каде што е дозволено, со лична карта не може да влезе во земја членка на Европска Унија. Некој му издал дозвола од Белград за да влезе таму, некој му асистирал, а претходно господинот Мицкоски се виде и со Орбан и со Вучиќ. Не објави за што разговарал – рече тој.
„Имплицирате дека Мицкоски е вмешан во бегството на Груевски“ – беше прашан Заев, на што одговори.
-И те како имплицирам. Се сомневам затоа што тие се фактите. Врз основа на сите информации што ги имам имам право да се сомневам. Нека излезе тој да каже зошто Вучиќ се врати од Турција само за да се види од него, зошто беше во Унгарија (Мицкоски) а не објави ништо. Сигурно не разговараа за конгресот и дали ВМРО-ДПМНЕ ќе биде отстрането. Ова го кажувам затоа што на крајот сака човекот и политички поени да ќари од бегството на неговиот бивши лидер на кој му беше советник, и се направја еден куп зулуми во државата – рече Заев.
26-12-2018, 09:33 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#9

Quote:Јовески: Груевски ја нема напуштено Македонија на граничен премин


[Image: joveski.png]

02.02.2019
Поранешниот премиер на Македонија Никола Груевски, ја нема напуштено Македонија на било кој граничен премин. Ова го изјави државниот јавен обвинител Љубомир Јовески.
„Обвинителството презема повеќе дејствија за обезбедување докази, како што веќе соопштивме. Побарани се докази по меѓународна правна помош од надлежните органи на Република Албанија и Република Црна Гора. Добиени се снимките од безбедносните камери на патиштата, наплатните рампи, граничните премини, како и околу домот на поранешниот премиер“, истакнува Јовески за МИА
Тоа значи дека Груевски ја напуштил земјава илегално, а Обвинителството утврдува дали има пропусти на други институции во бегството на екс Премиерот.
„При тоа Обвинителството не утврдува дали има пропусти на одредени институции, туку дали има кривично-правни дејствија од некои лица за овозможување на бегството. Надлежните институции, во рамките на нивната внатрешна организација, треба да утврдат дали и каква одговорност имало во нивното постапување и надлежност“, посочува државниот јавен обвинител.




Така е нема виновен. Границата никој не е задолжен да ја чува??
02-01-2019, 05:22 PM
Reply
ЈорданПетровски Online
ЈорданПетровски-ЦРНИ
*****

Posts: 15,340
Joined: Mar 2010
Reputation: 36
#10

Quote:РАЗГОВОР СО ГРУЕВСКИ, ЕКСКЛУЗИВНО ЗА „ИНФОМАКС“: Заев да може би ме удавил во капка вода, а не пак да ми помогнат да ја напуштам земјата!

Новинар на „Инфомакс“ имаше подолг разговор со лице блиско до Никола Груевски, кое неодамна беше во Будимпешта каде неколку дена се дружеше со човекот кому Унгарија му додели политички aзил, заради политички пpoгoн.

[Image: nikola-gruevski-2.jpg]

06.01.2019
Нашиот соговорник ни кажа дека сака да остане анонимен за јавноста и неговото име да не се објавува, бидејќи како што рече не сака да се соочи со пpoблеми на работното место. Ова е време, додаде тој, во кое за видување со Груевски во држава во која тој е слободен граѓанин и заштитен како политички пpoгoнувaнo лице во Македонија, веднаш добиваш некаква кaзнa. Тоа ни го аргументираше со фактот што двете лица кои беа неодамна фотографирани со Груевски се веќе прераспределени, односно, уназадени на нивните работни места, а се бараат начини од нивното раководство како целосно да се избркаат од работа или да им се фингира некаква местенка по која пocурoво би се кaзнилe.
За Алекдандар Трајковски кој беше фотографиран на улица со Груевски во Будимпешта, вели не само што е уназаден туку е ставен да работи како магационер во гаража под Вардар, каде нема ниту еден прозорец, иако истиот има здравствени проблеми. Слушнал дека и другото лице кое беше снимано во ресторант со Груевски во Будимпешта веќе е сериозно уназадено со сериозни економски ефекти, односно многу пониска плата.


Quote:„Лудо време“ прокоментира нашиот соговорник.


[Image: gruevski.jpg]

Нашиот соговорник кој бил, пред сѐ, на средби со некои унгарски компании се вратил со позитивни импресии од Унгарија. Цените се многу слични како во Македонија, храната можеби е и поевтина бидејќи унгарската влада многу субвенционира во тој дел. Има огромен број странци кои постојано живеат и работат во градот и околу 5 милиони туристи годишно во градот. Сето тоа ги прави единствено цените на недвижностите да се поскапи од Македонија, заради големата побарувачка како за изнајмување така и за купување.
Минималната плата за неквалификувано работници е 425 евра а за квалификувани 535 евра. Просечната нето плата е 650 евра. Пред само 5-6 години Унгарија имала просечна плата од 400 евра, како сега во Македонија. Но елиминирањето на невработеноста и огромниот наплив на странски директни инвестиции влијаела на раст на платите и тој тренд ќе продолжи бидејќи стапката на невработеност во Унгарија од само 3,7% а во главниот град 2,7 % што значи дека не работат само оние кои не сакаат да работат.
Има сериозна побарувачка за работници од речиси секаков профил бидејќи секојдневно најпознати светски компании отвораат свои фирми таму, а со тоа и нови работни места. Свои автомобили во Унгарија произведуваат „Мерцедес“, „Ауди“,„Сузуки“ а неодамна и „БМВ“ објави изградба на фабрика во Унгарија. Свои капацитети имаат и „Џенерал Електрик“, „Филипс“, „Нокиа“, „Самсунг“ со производство на батерии, „Е.он“, „Теск“о, „Т ком“, а неодамна се објави и градба на центар за производство на хеликоптери на компанијата „Ербас“.
Задоволен од бизнис средбите со унгарските компании, нашиот соговорник ни даде информации, сведоштва и сознанија и од разговорите и средбите кои ги имал со Никола Груевски.
Имено нашиот извор посочува дека Никола Груевски во Будимпешта е сместен кај пријатели и дека е таму како нивен гостин. Тој само во првите два-три дена бил во хотел, по што на нивен предлог се преместил кај нив. Тој се уште не знаел до кога ќе остане таму каде сега што е сместен во моментов. Разгледал неколку апартмани кои се изнајмуваат, но засега Груевски бил задоволен од моменталниот престој, а пријателите го убедувале да остане што подолго таму каде што е сега.
Исто така нашиот извор не информираше дека низ разговорите со Груевски констатирал дека екс-премиерот запознал доста нови пријатели – Унгарци но и странци кои подолго престојуваат во Будимпешта. Имал чести контакти со повеќе европски политичари надвор од Унгарија, кои го подржуваат и со кои разговара околу состојбите во Македонија и иднината на земјата.
Го прашал што мисли за амадманите на ЕП од декември минатата година, а во врска со барањето Унгарија да го екстрадира екс-шефот на македонската влада. Груевски искоментирал дека истите немаат никаква извршна моќ и дека тоа е политика, а не право. Кажал и дека ниту еден од тие луѓе таму нема поим ниту пак ги интересираат за деталите околу фабрикуваните случаи, односот на cудoт и слично.


[Image: GRUEV.jpg]

Коментирал и дека забележливо е како се создава лажна пропаганда со која од еден центар се раководи создавањето лажна и негативна слика за него. За пример дал поголем број изјави на левичарски европратеници и левичарски медиуми не само од Македонија туку и од светот кои во описот за него, во нивните изјави кажале дека во Македонија е оcудeн за кopупција, иако тоа е неточно.
И навистина, не само што не е осуден за тоа, не само што нема ни предмет во кој е oбвинeт за кopупциja, туку јавно се знае дека во Македонија и тоа во постапка која државната комисија за заштита од диcкpиминациja ја прогласи за диcкpиминиpaчкa за Груевски, е осуден за влијание да се набави блиндирано возило. Беше oбвинeт и ocудeн дека покрај странските гости и тој сакал понекогаш да биде превезуван со новото возило, кога блиндираното возило со кое бил редовно превезуван е на сервис или кога патува на подолга дистанца.
Исто така за оркестрираната кампања против него, Груевски го навел и примерот за тоа дека, иако свесни дека не е така, поголем број негови политички противници говорат дека тој избегал од правдата.

Quote:„Од каква правда сум избегал кога никогаш не сум отсуствувал од рочиште во суд, заминав кога судот ги погази сите можни принципи и закони и ми упати покана за 2 годишен затвор за нешто каде воопшто немам никаков прекршок, па по добивање на информации според кои се подготвува моја ликвидација во затворот решив да заминам за да привремено да се засолнам“ – коментирал Груевски.


Тој додал дека нов доказ за пpoгoнoт, нeзaкoнcкото работење и диcкpиминациjaта е што во судот веќе 80 дена не се пушта жалбата за случајот Тенк во врховниот суд, иако Законот е дека може да го задржи максимум до 30 дена, а праксата е дека ваквите жалби основниот суд, преку апелацискиот секогаш ги препраќа веднаш или најмногу за 2-3 дена.
Очигледно се работи за нова политичка „игра“ на политичарите и cудoт, коментирал Груевски со неговиот посетител во Будимпешта.


[Image: gruevski-budapest-libertas1-670x415.png]

По старите навики од Скопје, каде редовно спортуваше, трчаше и возеше велосипед покрај кејот на Вардар, играше фудбал, кошарка и тенис, речиси секој ден и во Будимпешта продолжил со спортски активности, а заради ладното време и зимскиот период сега одел во некоја фитнес сала во градот. Понекогаш, иако поретко, излегувал во некои кафулиња, ресторани и кафетерии на хотели во градот, од каде и фотографијата која излезе од хотелот „Фор сизонс“ каде Груевски наспроти шпекулациите на некои наши медиуми, кажал дека не спиел ниту една вечер, но неколку пати ја посетил кафетеријата на хотелот, како што многумина наши граѓани или странци во Македонија ги посетуваат кафетериите на скопските хотели Александар Палас, Мериот, Холидеј ин и многу други, а притоа не користат соби во тие хотели.
Нашиот соговорник вели дека често се случува а особено персоналот во кафулињата и хотелските кафетерии да го препознаваат и му се обраќаа со ,,г-дине Груевски,, иако не им се претставил или прв пат е таму. Ова затоа што не само што Груевски долго беше премиер, туку и затоа што неколку недели во ноември и декември тој беше топ тема, главна вест во унгарските медиуми и предмет на остра полемика меѓу опозицијата и власта. Инаку, на последните избори во април 2018 партијата ФИДЕС на Премиерот Орбан освои повеќе од 2/3 пратеници во парламентот. Опозицијата има подршка од околу 20 осто од гласачите.
Интересно е што Груевски во минатото како премиер имал официјални средби и со сегашниот но и со поранешниот премиер на Унгарија од левицата.
И двајцата како премиери му биле гости во Скопје и тој ним во Будимпешта, но едниот од нив кој е во опозиција сега и е подржан од Сорос, го напаѓаше Орбан и Груевски во деновите по неговото доаѓање во Будимпешта, а пак актуелниот премиер Орбан имаше изјава во која јавно кажа дека Груевски е жртва на политички прогон од владата во Македонија ,која е под силно влијание на Џорџ Сорос, и дека политиката на Груевски со штитење на границата од мигрантите е неговиот најголем грев.
За потсетување во минатите години Груевски отворено и мошне критички говореше за активностите на Сорос во Македонија, што беше будно следено од меѓународните медиуми вклучувајќи ги и унгарските, кои пак делумно, оние опозиционите, левичарските, се под влијание или целосна контрола на Сорос, слично како и во Македонија.
За наводниот возач од видеото објавено на порталите од неодамна,Груевски кажал дека всушност повикал пријател со возило за полесно да замине кога забележал дека околу ресторантот се насобрале новинари, камермани и фоторепортери, за кои Груевски веќе подолг период има пракса да не дава изјави кога ненајавено го пресретнуваат, туку само кога ќе закаже средба со нив.


[Image: gruevski-vo-budimpesta-2-11.jpg]

Од престојот и разговорите со Груевски нашиот извор забележал дека многу често, по неколку дена во неделата има посети од пријатели од Скопје, кои делумно со возила а делумно со евтините летови на Визер, чија повратна авионска карта е само околу 1200 денари оделе во Будимпешта да се сретнат со Груевски.
Груевски му се пожалил дека понекогаш имало денови кога доаѓаат и по две или три различни групи пријатели во ист ден, па се чуствувал непријатно бидејќи морал да го подели времето и иако сите допатувале заради него неможел да биде со нив доволно долго за со тоа да изрази почит кон нив за нивното доаѓање на далечина од околу 1000 км од Скопје.
Тој разработувал планови за негова работа таму во иднина. Имал највисок степен на политички азил, лична карта за странци и унгарски пасош за лица со статус на азил. Многу негови пријатели од Македонија и дијаспората, му понудиле финасиска помош, но засега не прифатил бидејќи заради престојот кај пријатели имал многу мали и незначителни трошоци во Будимпешта.
Ги следел медиумите и политиката во Македонија и со загриженост говорел за она што се случува во Македонија , за договорот од Преспа, за чија содржина кажал дека е целосно во грчка корист, за политичките прогони и апсења, за контролата на власта врз судството и обвинителството, за лошите економски политики и ситуација, начинот на кој се менува името и уставот, внесениот страв кај граѓаните од власта, растечкиот криминал и корупција на актуелната власт.
Но, говорел и на други теми. Правел компарација меѓу економските системи на Унгарија и Македонија, и што од Унгарија може да се преслика во Македонија, а говорел и за повеќе прочитани книги кои ги препорачувал на соговорникот.
Говорел и за како што рекол утрострученото иселување од Македонија во последната една и пол година, злоупотребите на власта, но и за меѓународната политика.
Посебно бил резигниран за неправедното и изнасилено пpитвоpaње на Миле Јанакиески, Кирил Божиновски и Сашо Мијалков, за чии пpитвopи коментирал дека од авион се гледа дека биле политички нарачани и мотивирани.
За процесот кој Заев го нарече помирување, само кратко искоментирал:

Quote:„Не може помирување да има преку реализирана уцена на политички прогонети и невини луѓе“

За состојбите во ВМРО не сакал многу да коментира, но кажал само дека е загрижен од она што го гледа.


[Image: gruevski-mickovski2-768x472-730x472-730x380.jpg]

Следел и унгарски медиуми на англиски јазик и бил доста запознат со внатрешните политики на Унгарија а особено го интересирало и ги следел економските текови и реформи во земјата. Кажал и дека му е жал што сегашната македонска влада во првата половина од мандатот не донела ниту еден нов посериозен инвеститор, па се задоволиле само од инвестициите договорени и донесени од претходната влада на ВМРО, а голем дел и од таквите се откажале од инвестирање во Македонија, одкако се соочиле со односот на новата влада.
Добил понуда за работа како консултант од неколку унгарски и странски компании но засега не се одлучил за ниту една сакајќи да помине период на адаптација и запознавање на земјата.
Нашиот соговорник посочи дека од комуникацијата со Груевски било јасно дека тој во Унгарија заминал за времено да се засолни од политичкиот прогон и нарачаното од владата негово ставање во зaтвop и дека планира да се врати одкако ќе се создадат политички услови за негово безбедно враќање во Македонија. Му кажувал подробности за повеќе зaкaнувaчки информации кои ги добил пред неговото напуштање на Македонија, но нашиот соговорник одби да ни ги каже деталите бидејки ги смета за многу чувствителни информации.
Но она што ни го кажа, а што досега не го знаевме е дека минатата година пред да се пуштат обвиненијата од СЈО, Груевски бил повикан во СЈО надвор од работното време и му било понудено да стане нивни соработник и да им даде корисни информации за барем неколку негови соработници, а во прв ред Миле Јанакиески, Кирил Божиновски, Гордана Јанкуловска и уште 2-3 други, со давање до знаење дека на тој начин СЈО ќе го заштити него. Груевски го одбил истото, а неодамна добил порака од високи лица од СЈО по приватен канал, дека тие му дале шанса но тој згрешил што не ја прифатил и им одговорил дека неможе да им помогне во планот невини луѓе да ги прават виновни.
Исто така Груевски прокоментирал дека минатото лето и непосредно пред заминувањето во ноември, имал конкретни понуди поврзани со негова јавна подршка на договорот со Грција или евентуално негово убедување и обезбедување неколку пратеници да гласаат за престојната промена на уставот, а за возврат да запре политичкиот прогон против него, што Груевски го одбил, иако бил свесен на последиците по него лично. Посочил, дека не се кае, и дека да се врати времето пак исто би постапил со ваквите понуди. Прокоментирал дека е подобро да се соочи со политички прогон, вештачко градење слика за него дека е криминалец и слични квалификации што му ги ,,лепат,, секој ден иако за него нема ниту еден предмет за корупција или проневера на пари, одколку реално да стане предавник.

[Image: gruevski-3.jpg]

Груевски исто така посочил дека одлуката да замине од Македонија ја донел во последен момент и дека претходно свесен дека пресудата е политички нарачана се подготвувал да влезе во зaтвo[, па во тој контекст и ги извадил најголем дел од неговите пари од банка, шеговито кажувајќи дека во „Шутка“ не се плаќа со мастер или виза картички, туку од информациите кои ги добил требало да има готовина за се и сешто во зaтвopт.
Посочил дека се лажни информациите дека свесно создавал слика дека ќе оди во зaтвор наместо да замине и побара азил и дека вистината е дека тој реално имал донесено одлука да оди во затвор иако свесен дека ќе биде во затвор не заради сторен криминал туку заради политички монтиран процес.
Одредени закани по животот и информации за тоа што му се подготвувало по влегувањето во зaтвop, кои ги добил во последните денови ја промениле неговата одлука.
Информациите ги проверувал и со некои добри познавачи на условите во зaтвopт, кои го информирале дека во зaтвopт условите се такви што неможе да очекува да биде заштитен од стражарите, дека тие не можат да го заштитат, и дека евентуално самите затвореници би можеле да го заштитат неговиот живот, доколку формира или се приклучи на некоја од внатрешните групи на зaтвopеници, што повторно не е гаранција дека нема да биде лиkвидиpaн.
Инаку планот на власта бил привремено да влезе во зaтвopт Скопје каде се одслужува кaзнa до две години, а веќе на пролет да го ocудaт за уште некој друг случај на СЈО и да го префрлат во Идризово заедно со најтешки и најопасни криминалц, 70 осто од нив зависници од дpoга, дел доживотно ocудeни и многумина кои биле подготвени за се за мали привилегии од власта. Информациите кои ги добил за нечии планови кога ќе биде упатен таму, му биле пpecудни во менувањето на одлуката речиси во последен момент.
Интересен податок е што во последниот период Груевски по приватни канали почнал да добива пораки и од судии, вклучително и од еден судија кој судел во негов случај и чија порака била:

Quote:„…зошто се уште седи овој човек тука, зошто не оди некаде да побара засолниште и азил, зарем не гледа дека се ова е политички против него и дека ние мораме да потврдуваме се што ќе дојде против него, за да се заштитиме самите себе. Зарем не гледа дека политички е решено да биде ставен во затвop по секоја цена и зарем не е свесен што го чека таму?”.

Груевски не открил како ја напуштил Македонија.
Кажал само дека се лажни шпекулациите дека Унгарија или било која друга земја или разузнавачка служба му помогнале да излезе од Македонија. Кажал дека многу лесно и едноставно ја напуштил земјата и дека многу внимавал да не инволвира некого од луѓето околу него, кои би биле меѓу првите на кои би се посомневале дека му помогнале да замине од земјата, како на пример обезбедувањето или негови блиски роднини, пријатели и соработници.
За шпекулациите дека токму Заев му помогнал да избега само прокоментирал:

Quote:„Заев да може би ме удавил во капка вода, а не пак да ми помогнат да ја напуштам земјата“

Нашиот соговорник ни кажа и дека на Груевски му било тешко оддалечен од децата, семејството и најблиските.

Начинот на кој власта спротивно на вољата на мнозинството граѓани го менува името го нарекол дивjaчки и недемократски peжим.
Соговорникот ни говореше и дека воздухот во двомилионскиот унгарски главен град е многу чист и во деновите кога престојувал таму, а и потоа следејќи на интернет забележал дека присуството на ПМ 10 честитките во воздухот е од 5 до максимум 30, додека во исто време во Скопје и Македонија варира помеѓу 100 и 500. Груевски на ова коментирал дека ова му е прва зима по многу години да нема кашлање и дека Унгарија е целосно гасифицирана уште од времето на социјализмот, така што и греењето на домаќинствата и индустријата е целосно на природен гас.
Прашувал и до каде е градбата на гасоводите кои во 2015 та ги започна владата на ВМРО-ДПМНЕ, кога го заврши две години претходно започнатиот гасовод Куманово Штип, а ги започна градбите од Штип до Неготино, од Неготино кон Прилеп и Битола и од Скопје кон Тетово и Гостивар. Тогаш владата објави дека речиси ги заврши и проектирањата за поврзување на останатите градови и поголеми населени места и индустриски зони.
Груевски коментирал и чудење зошто иако постојните количини на гас кои ги обезбедува Македонија се доволни, речиси две години не е почнат процесот на секундарна гасификација, односно гасоводна мрежа во самите градови и нејзино донесување до домаќинствата по пат на концесија што значи државата не треба да одвојува пари за тоа.
За потсетување, во 2016 одкако еднаш од технички причини пропадна меѓународниот повик за концесионер за секундарна гасификација, втор не се објави заради забраната тоа да се прави во изборен период кој по закон започна во септември 2016 и траеше се до крајот на мај 2017 кога се формираше новата влада.
На крајот нашиот соговорник кој неодамна престојуваше неколку дена во унгарската метропола, ни кажа дека Груевски е во одлична здравствена, физичка и психичка кондиција, многу стабилен и со јасна мисла и визија и многу интересен соговорник кого со сигурност повторно ќе го посети во Будимпешта.

Инфомакс
07-01-2019, 04:52 PM
Reply