Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
СЈО ОТВОРЕНА НОВА ИСТРАГА „ИМПЕРИЈА“
Author Message
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#1

Quote:ОТВОРЕНА НОВА ИСТРАГА „ИМПЕРИЈА“


[Image: image.png]


09.11.2018
Ја известуваме јавноста дека по спроведена опсежна предистражна постапка, во која се преземени десетина предмети кои се воделе пред надлежни обвинителства и врз кои воспоставена е надлежност на ова Јавно обвинителство, денес е отворена истрага под кодно име „Империја“ против Јордан Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело. Во текот на предистражната постапка, со преземање на различни истражни дејствија како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост.
Во текот на денешниот ден од страна на ова Јавно обвинителство, во соработка со МВР, беа извршени 12 претреси и лишени се од слобода пет осомничени лица, кои во текот на денот ќе бидат изведени пред судија на претходна постапка и за кои ќе бидат побарани мерки за обезбедување присуство.
Во скоро време се очекува и проширување на истрагата кон нови лица и за нови кривични дела, а во насока на обезбедување на имотно – правните барања од оштетените лица и обезбедување на предметите кои потекнуваат од кривичните дела ќе бидат побарани и мерки за привремено обезбедување на имот.
За мене оваа е само представа за наивните.
(This post was last modified: 09-11-2018, 02:53 PM by ЈорданПетровски.)
09-11-2018, 02:38 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#2

Quote:СЈО влегува во „империјата“ на Мијалков и Камчев[/url]

[Image: %D1%82%D0%B0%D1%80.jpg]

 9 ноември, 2018[url=https://makfax.com.mk/author/kristijanl/] Кристијан Ландов

СЈО по спроведена предистражна постапка отвори нова истрага под кодно име „Империја“  против Јордан Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела „злосторничко здружување“.
„Оштетување или повластување на доверители, злоупотреба на службената положба и овластување, измама и перење пари и други приноси од казниво дело. Во текот на предистражната постапка, со преземање на различни истражни дејствија, како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост“, стои во соопштението на СЈО.
„Во текот на денешниот ден од страна на ова Јавно обвинителство, во соработка со МВР, беа извршени 12 претреси и лишени се од слобода пет осомничени лица, кои во текот на денот ќе бидат изведени пред судија на претходна постапка и за кои ќе бидат побарани мерки за обезбедување присуство. Во скоро време се очекува и проширување на истрагата кон нови лица и за нови кривични дела, а во насока на обезбедување на имотно-правните барања од оштетените лица и обезбедување на предметите кои потекнуваат од кривичните дела ќе бидат побарани и мерки за привремено обезбедување на имот“, додаваа
09-11-2018, 02:52 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#3

Quote:Уапсените во истрагата „Империја“ на СЈО донесени пред суд


 9 ноември, 2018

[Image: 45713019_1156488444502717_2311853145929547776_n.png]


Уапсените во новата истрага отворена од страна на СЈО под кодното име „Империја“ почнаа да се изведуваат пред судот.
Од СЈО официјално не ги потврдуваат имињата на приведените, а според неофицијални информации, меѓу нив е бизнисменот Орце Камчев.



[Image: 45634166_192136194997456_645413062223016...00x600.jpg]




Новата истрага на СЈО е поврзана со перење пари, злоупотреба на службата и повластување на доверители. Меѓу уапсените е и Цветан Панделески, кој е бизнис-партнер на Камчев и татко на Дејан Панделески, кој е кумашин на поранешиот министер за транспорт и врски Миле Јанакиески.
Новата истрага од страна на СЈО под кодното име „Империја“ е против Орце Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски.





Оштетување или повластување на доверители, злоупотреба на службената положба и овластување, измама и перење пари и други приноси од казниво дело. Во текот на предистражната постапка, со преземање на различни истражни дејствија, како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост“, стои во соопштението на СЈО.

Специјалното јавно обвинителство од 6 часот утринава вршеше претрес во „Орка холдинг“, компанијата на бизнисменот Орце Камчев.
09-11-2018, 02:58 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#4

Quote:Камчев: Отворени сме за соработка со СЈО, моите компании вработуваат 3000 лица


 - 9 ноември, 2018
[Image: 20180916184701.jpg]


„Орка холдинг“, чиј сопственик е Орце Камчев, а за кого СЈО отвори истрага под кодното име „Империја“, извести дека тие се отворени за соработка со СЈО и со сите други институции.
„Би сакал да ја информирам јавноста дека како сопственик на повеќе компании во Македонија, кои вработуваат над 3000 лица, максимално сме отворени и транспарентни за секој инспекциски надзор. Компаниите во кои сум сопственик, под целосна одговорност,  изјавувам дека ги почитуваат позитивните законски прописи во Македонија и токму поради тоа верувам дека многу брзо ќе се отстрани секаков сомнеж околу нивното работење. Отворени сме за соработка со СЈО, како и со сите други државни институции во земјава, а пред сè во интерес на одржување на квалитетна бизнис-клима и економските проспиритет во земјава“, вели Орце Камчев.
09-11-2018, 03:00 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#5

Quote:Камчев не е приведен

09/11/2018


[Image: kamcev.jpg]


Бизмисменот Орце Камчев не е еден од петмината приведени во новата истрага на СЈО „Империја“ против 13 лица.
Петмината приведени треба да бидат спроведени пред судија на претходна постапка, кој треба да одлучи по барања на СЈО. Во соопштението од обвинителството објавија дека за нив се бара мерки на обезбедување, но дали станува збор за притвор, одземање на пасоши или други мерки на претпазливост засега нема потврда оттаму.
09-11-2018, 03:03 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#6

Quote:СЈО бара притвор за Камчев и за уште четворица осомничени во „Империја“


[Image: kamcev-696x451.jpg]


09.11.2018
СЈО бара притвор за петмина осомничени во најновата истрага „Империја“, и тоа за Јордан Камчев, Ненад Јосифовиќ, Зорица Арсовска, Тодор Мирчевски и за Цветан Панделески, дознава „Фокус“ од сигурни извори.
Четворица од осомничените веќе се во Кривичниот суд, а секој момен во судот се очекува да биде донесен и Камчев, по што се очекува во текот на ноќта да им биде извршен распит од судија на претходна постапка кој ќе одлучи дали ќе ги испрати во притвор или ќе им одреди друга мерка на претпазливост.
Како што дознаваме, СЈО инсистира на притвор поради опасност од бегство и влијание на осомничените врз сведоци. Исто така во обзир го земале и фактот што дел од нив имаат двојни државјанства и голема имотна сотојба.
Од СЈО денес информираа дека е отворена истрага под кодно име „Империја“ против Јордан Камчев, Сашо Мијалков, Ненад Јосифовиќ, Цветан Панделески, Ратка Куноска Камчева, Христина Камчева Стојческа, Зорица Арсовска, Лилјана Гајдовска, Владислав Стајковиќ, Тодор Мирчевски, Дејан Јанев, Ванче Мијалчев и Јованче Тасковски, поради постоење на основано сомнение за сторени кривични дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело.
Во текот на предистражната постапка, со преземање на различни истражни дејствија како и со примена на посебни истражни мерки, се обезбедени доволно докази од кои произлезе основано сомнение дека во периодот од 2002 година до 2013 година осомничените ги сториле кривичните дела што им се ставаат на товар лично и преку правни лица кои биле или се во нивна сопственост, информираа од СЈО.


Quote:Камчев со возило спроведен на распит во Кривичниот суд




[Image: kamcev-sud-kola.jpg]



09.11.2018
Бизнисменот Орце Камчев пред неколку моменти со возило беше донесен во Кривичниот суд во Скопје. Возилото влезе директно во гаражите и тој не се појави во јавноста, известуваат репортерите на Алсат.





Претходно попладнево и дел од другите осомничени во случајот на СЈО, „Империја“, беа изведени на распит пред судија на претходна постапка.
Во текот на вечерва судијата треба да изврши распит по што ќе следува одлука дали ќе ги испрати во притвор или ќе им одреди мерка на претпазливост.
Во оваа истрага на Катица Јаневао сомничени се тринаесет лица, а освен Камчев, меѓу нив е и поранешниот директор на тајната полиција Сашо Мијалков. Предистрагата на СЈО покажала дека има основи да ги гони за неколку дела – злосторничко здружување, оштетување или повластување на доверители, злоупотреба на службената положба, како и измама и перење пари од периодот 2002 до 2013.
09-11-2018, 07:07 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#7

Quote:30 дена притвор за Орце Камчев

 
[Image: download.jpg?itok=pHXFpq_t]
10.11.2018
Орце Камчев доби 30 дена притвор за случајот Империја на СЈО. Притвор има и за Ненад Јосифовиќ.
За останатите се уште се чекаат решенијата на судијата на претходна постапка.
Во моментов изјава дава обвинителката Катица Јанева.
10-11-2018, 02:36 AM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#8

Quote:Триесет дена притвор за бизнисменот Орце Камчев

2 часа - 10 ноември, 2018
Од
Мери Јордановска

[Image: 45793329_617574082400969_8240760876185944064_n-1.jpg]

Триесет дена притвор за бизнисменот Орце Камчев, неговиот соработник Ненад Јосифовиќ, директорот на „Ексико“ Тодор Мирчевски, Цветан Панделески, директор на ЗК Пелагонија и за Зорица Арсовска, сметководител во фирмите на Камчев. Ова е одлуката на судијката по претходна постапка за случајот „Империја“ на Специјалното јавно обвинителство (СЈО), по речиси десетчасовен распит на петмината приведени од вкупно 13 осомничени.
Околу 2.30 часот утринава, дел од осомничените беа спроведени во Истражниот затвор во Шутка. Тие се сомничат за злосторничко здружување, оштетување или повластување на доверители, злоупотреба на службената положба и овластување, измама и перење пари.
Претходно, обвинителката од СЈО Лиле Стефанова која го води случајот, заедно со Катица Јанева, пристигнаа во судот да ги подигнат решенијата за притвор за Камчев и Јосифовиќ, додека другите решенија сè уште се изготвуваа.


[Image: 45698621_470740740117303_100679342856811...00x389.jpg]

Осомничените за „Империја“ влегуваат во Истражниот затвор
Петмината осомничени кои беа приведени почнаа да пристигнуваат на распит во Кривичниот суд вчера околу 14 часот. Последен пристигна бизнисменот Орце Камчев, кој беше донесен со возило директно во гаражата на судот.
Претресот во просториите на Орка Холдинг почна вчера, околу 6 часот утрината со асистенција на Одделот за сузбивање организиран криминал и корупција.
„Империјата“ на СЈО ги отвори прашањата за сестринските фирми и оф-шор компании кои се поврзуваат со бизнисменот Орце Камчев, но од обвинителството не соопштија конкретно за што станува збор. Она што е познато во јавноста е дека станувало збор за еден од пообемните предмети кој долго време бил во предистражна постапка од повеќемина обвинители на СЈО.
Еден од сегментите на истрагата е и контроверзната оф-шор компанија од Лугано, Ексико, понатаму фирмата НВСП за која во аудиоснимките на СДСМ можеше да се слушне дека ексдиректорот на УБК Мијалков договорал милионски провизии со Израелците за набавка на опрема за прислушување, но она што е најголем заеднички именител за повеќето осомничени се фирмите Орка Холдинг, Жито Полог Тетово и земјоделскиот комбинат Пелагонија од Битола.
Пред да почне распитот во Кривичниот суд, двајца од осомничените, Камчев и Панделески се огласија со соопштенија во кои се вели дека нивните фирми вработуваат многу лица и дека нивната работа се базира на транспарентност и одговорност.
Од СЈО најавија дека во скоро време ќе ја прошират истрагата за нови лица и за нови кривични дела и ќе бараат замрзнување на имотот.


[Image: 45634166_192136194997456_645413062223016...00x600.jpg]

Цветан Панделески, директор на ЗК Пелагонија влегува на распит во Кривичниот суд
Во прилог „Макфакс“ прикажува кои се осомничените лица во случајот „Империја“:
Јордан (Орце) Камчев – директор на Орка Холдинг, Аџибадем Систина, Лајф кеар сентар, поранешен неизвршен член на Одбор на директори на Бетон Штип, неизвршен член на Одбор на директори на ЗК Пелагонија
Сашо Мијалков – поранешен директор на УБК
Ненад Јосифовиќ – близок соработник на Камчев, член на Надзорен одбор на Стопанска банка Битола
Цветан Панделески – директор на ЗК Пелагонија АД Битола, поранешен неизвршен член на Одбор на директори на Бетон – Штип, татко на Дејан Панделески, директор на Пелистерка
Ратка Куноска Камчева – мајка на Камчев и неизвршен член на Одбор на директори на Орка Ходинг
Кристина Камчева Стојческа – сестра на Камчев и неизвршен член на Одбор на директори на Жито Полог Тетово, Кара АД, Монт ДООЕЛ, Орка Фајнанс ДООЕЛ и О.К хотел ДООЕЛ Скопје
Зорица Арсовска – сметководител во фирмите на Камчев, неизвршен член на Одбор на директори на Жито Полог, неизвршен член на Одбор на директори на ЗК Пелагонија, неизвршен член на Одбор на директори на Орка Холдинг
Лилјана Гајдоска – правник во фирмите на Камчев, неизвршен член на Одбор на директори на ЗК Пелагонија
Владислав Стајковиќ – сопственик на НВСП, доскорешен директор на „Мобико“ и поранешен директор на „Финзи“
Тодор Мирчевски – директор на „Ексико“, поранешен неизвршен член на Одбор на директори на Бетон – Штип, неизвршен член на Одбор на директори на ЗК Пелагонија, неизвршен член на Одбор на директори на Жито Полог
Ванче Мијалчев – извршен директор на Бетон Штип
Јованче Тасковски – брокер и овластено лице во ДИС- Архивирај ДОО Скопје
Дејан Јанев
10-11-2018, 04:46 AM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#9

Quote:(РАС)ПАДОТ НА ЕДНА „ИМПЕРИЈА“

Љубиша Станковиќ   11.11.2018

[Image: .jpg]

Фирмите кои се дел од империјата на семејството Камчеви, односно на нивната холдинг комапнија се занимаваат и со здравство и со банкарство и со земјоделие и со медиуми и со угостителство и со кој знае уште што

Мора да убаво чувстото кога на 20-годишна возраст поседувате фирма која не само што го носи вашето име, туку е и голема и успешна? Веројатно ретки се оние кои знаат како е тоа да бидеш директор во фирма, иако уште „не си се испилил“. Е еден таков е сега притворениот Орце Камчев кој стана газда на „Орка спорт“, иако, реално бизнисот го водеа неговите родители.
Како одминуваа годините така растеше и бројот на фирми кои стануваа дел од сопственоста на семејството Камчеви за на крајот да станат холдинг комапнија која се занимава и со здравство и со банкарство и со земјоделие и со медиуми и со кој знае уште што?
Имеперијата на Камчеви се градеше со години, но последнава деценија таа имаше исклучително забрзан развој зад кој не секогаш стоеше капитал, туку моќ која произлегуваше од режимот кој владееше повеќе од една деценија.
Апсењето и притворањето на Орце Камчев за некои претставува изненадување, бидејќи тој за себе изгради мислење дека е недопирлив и дека никој ништо не му може.
Ваквото верување своја поткрепа има по случувањата од далечната 2005. година, кога Орце Камчев, поради закана со притвор за сторен економски криминал замина на најдолгиот годишен одмор во историјата на туризмот!
Иако за него имаше потерница, враќањето на Камчев во земјава беше договорена работа и тој, и покрај бегството, не мина ниту еден час во притвор!
Дали тогаш за Орце Камчев се завземал Тито Петковски, како близок пријател на семејството Камчеви, дали му помогнал неговиот „два пати-тест“ Трифун Костовски или, пак, Михајло Маневски ќе остане непознато, но тој во притвор не влезе, а и судската постапка која се водеше остана незабележана и секако со ослободителна пресуда.


[Image: InkedOrka-MPM_LI-300x224.jpg]


Од сето ова, на јавноста и остана само да се сеќава на вработените во „холдингот“ кои пред телевизиски камери беа вадени од картонски кутии во кои претходно биле криени!
Орце Камчев беше млад социјалдемократ, неговиот татко „тежок“ вмровец, а дедо му, од прво-втората жена најверојатно требаше да го обезбеди „третиот пат“ и со тоа да ја осигура имепријата на Камчеви?!
Печатење на маици за потребите на спротиставената политичка опција како да беше вовед во некои помирни води, но кога истата таа опција, пред 12 години, дојде на власт тој имаше ширум отворени врати.
Денеска ретко кој ќе сети дека Орце Камчев бил кандидат за пратеник од редовите на СДСМ и тоа со само 24 години. Од таа 1994. година не се памети ниту неговиот пораз од математичарот Данило Глигоровски, ниту палењето на џипот за кој Камчеви „дебело“ се обештетија.
За само една деценија „Орка холдинг“ ќе прерасне во фирма која ќе се занимава се се и сешто. Едноставно за се ги биваше луѓето. Дури и за „бапнување“?! Но, во таа деценија ретко кој гласно зборуваше за криминал и криминални купувања на удели и акции во успешни компании. Влезот на истражителите на Специјалното јавно обвинителство само не потсети дека Орце Камчев не е сопственик и акционер исклучиво во „КБ Аџибадем Систина“, „Систина Нефроплус“ или на ресторанот „Сушико“, туку и на Земјоделскиот комбинат „Пелагонија“од Битола и во битолските “Пелагонија Енерџи“ и во „Стопанска банка-Битола“, во тетовски „Жито Полог“, во млекарницата „Здравје Радово“, во „Бетон-Штип“, во хотелите „Мериот“ и „Ибис“, во „Монт“, во „Кара“ и во некогашната јапонска болникца „Токуда“, а која што сега се нарекува „Аџибадем Сити Клиник“.
Кога посака да го изрекламира купувањето на софиската болница Камчев со себе „влечеше“ и новинари од сите дневни весници кои ги издаваше „Медиа Принт Македонија“, а чиј што косопственик беше и шефот на империјата „Орка холгинг“!
Орце Камчев, сакаше за него да се пишува како најбогатиот Македонец, но тој ја разбра сериозноста на политичкиот момент и во декември 2016 година, на крајно конспиративен начин ја напушти „МПМ“. Објавата за напуштање на три деневни весници и еден неделник се случи во време на штрајк. Дали тој си го повлече својот удел во „МПМ“ од 1,33 милиони евра ќе треба да каже самиот Орце или неговиот „партнер“ Срѓан Керим кој, пак, еднаш веќе јавно лажеше за тоа.
Она што остана зад Камчев се уништени весници и неисплатени плати за околу 500 вработени. Велат дека шефот на империјата самиот иницирал стечај, само за да може да ја земе доходовната печатница на „МПМ“, но дали е тоа така ќе каже СЈО!
Како и да е трупањето на нови фирми и многу пари на сметките на „Орка холдинд“ изгледа дека заврши. Доаѓа нова ера во која освен што ќе наплата сметките ќе има и (рас)пад на империјата!
12-11-2018, 01:36 PM
Reply
ЈорданПетровски Online
ЈорданПетровски-ЦРНИ
*****

Posts: 14,775
Joined: Mar 2010
Reputation: 36
#10

Quote:Јордан Камчев бил приведен без судски налог, одбраната бара јавна седница и негово ослободување


12.11.2018 11:42:00

[Image: tn1_20181112_132313_orce2.jpg]



Јордан Камчев бил приведен од СЈО без судски налог и донесен и распрашан во судот во време додека СЈО се уште вршело претрес во неговите компании. Ова е еден од аргументите на неговата одбрана наведена во жалбата, во која укажуваат на повреди во процедурата, која истражната судијка иако била должна, не ги констатирала во решението, каде што задолжително се цени постапката на аппсење и времето на изведуцање пред судија на претходна постапка.

Сведок од судски извори дознава дека жалбата на решението за притвор била поднесена нешто по полноќ во саботата во судот, во рокот од 24 часа по определување на притворот, утрово било заведено и распоредено кај Кривичен совет кој треба да одлучува по истото.
Адвокатите бараат тоа да биде на јавна седница, за да ги образложат нивните аргументи.
Според судски извори, во жалбата се напаѓа решението на судијата на претходна постапка поради погрешно утврдена фактичка состојба и затоа се бара од Кривичниот совет да закаже седница на која ќе ги повика адвокатите кои ќе ги изнесат своите аргументи и пред тројца судии и бараат да се преиначи решението и да се пушти Камчев од притвор.


Quote:Адвокатите, според наводите во жалбата ја спореле надлежноста на СЈО и кај судијата на претходна постапка, која не дала образложение за тоа во решението. Според одбраната на Јордан Камчев, СЈО има мандат да поднесува обвиненија и да истражува за период од 2008-2015 па бараат од Кривичниот совет да образложи од кои докази ја влече својата надлежност од 2002-2013 период за кој обвинува, а без притоа да презентира „бомби“ како докази. .


Одбраната навела дека судијата на претходна постапка не можела да донесе решение за притвор на камчев без да ги има кај себе сите докази на кои СЈО ги заснова неговите сомневања и барања за притвор.
Во решението, судот навел само докази, но не и кои докази и кои кривични дела произлегуваат од тоа, бидејќи додека траел распитот на Камчев, кој почнал нешто по 19.30, а е донесен во 18 часот во судот, во просториите на Орка Холдинг претресот со одземање на документација завршил во 21 часот.


Quote:Од таму, ни СЈО, ни судот ни осомничените не знаеле какви докази се одземени. Не биле наведени ни кривичните дела во решението, а за основите за бегство не биле земени во вид имотната состојба во Македонија, Бугарија и Руската федерација каде што Камчев имал бизниси.


Адвокатите на Камчев навеле дека „осомничениот во ниту еден момент не бил лишен од слобода според одредбите на ЗКП, но соработувал и на претресот и во судот, а бил донесен со кола на полицијата“.

СЈО навело дека патувал 80 пати надвор од Македонија, и тоа било основ дека може да се даде во бегство, а занемарил дека има деловни бизниси со партнерот Аџибадем од Турција каде што одел на деловни состаноци. Адвокатите навеле и дека во групацијата на ОРКА работат и околу 3.000 вработени за кои се плаќале 14 милиони евра за плати придонеси и даноци, па од таму нема опасност за бегство.


Quote:Согласно ЗКП, само лице лишено од слобода може да биде изведено пред судија на претходна постапка. За камчев немало налог за апсење, ниту покана за распит, а судијата на претходна кој е должен да ја цени законитоста на приведувањето и да констатира дали на законит начин е лишено од слобода и изведено пред суд, воопшто не се изјаснил за тоа во решението, а навела само дека постои опасност од бегство и влијание на сведоци бидејќи на дел од планираните сведоци им бил работодавач.


Во новата истрага на СЈО во петокот беа притворени 5 лица, во случајот „Империја“. Распитот заврши во 1 часот по полноч во петокот, а во 2 часот јавната обвинителка од СЈО Катица Јанева дојде да ги подигне решенијата. Обвинител во предметот е Лиле Стефанова, која можеше да се чуе во ходникот „дека е моќна, моќта е кај неа“ и затоа бара притвор и за дела од 2002 година иако претресот не е завршен и не знае какви документи се одземени. Судија на претходна постапка е Весна Димишкова.
12-11-2018, 01:43 PM
Reply