Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ДАЛИ РЕШЕНИЕТО НА ПРАШАЊЕТО НА КОСОВО КЕ Е И ПОДЕЛБА НА МАКЕДООНИЈА
Author Message
ЈорданПетровски Online
ЈорданПетровски-ЦРНИ
*****

Posts: 14,883
Joined: Mar 2010
Reputation: 36
#1

Quote:Хашим Тачи не сака поделба, туку припојување на Прешевска долина на Косово!?

[Image: Preevo.jpg?zoom=1.25&resize=620%2C330]

Косовскиот претседател Хашим Тачи попладнево ги повтори своите заложби за „корекција на границата со Србија“, нагласувајќи дека неговиот предлог не е за размена на територии, туку за припојување на Прешевската Долина кон Косово, дознава Радио Слободна Европа.

Косовскиот претседател Хашим Тачи смета дека на следната рунда разговори меѓу Приштина и Белград во септември треба да се покрене прашањето за обединување на Прешевската долина со Косово.
Етничките Албанци очинуваат големо мнозинство од населението најјужниот српски регион како и на блиските Бујановац и Медвеѓа.
Областа била дел од Косово кус период по Првата светска војна. Косово беше редизајнирано како автономна покраина на Србија по Втората светска војна и ја засили таа автономија значително во 1974 година.
На 6-ти август Тачи го бранеше својот предлог – велејќи дека е отворен за да разговара за она што тој го нарече „корекција на границите” со цел да се нормализираат односите со Србија и надминување на спорот кој е пречка на патот на Србија и на Косово кон ЕУ.


[Image: taci-hashim.jpg?resize=487%2C293]


Но, косовскиот претседател ја отфрла идејата за поделба на територијата на Косово по етнички линии – вклучувајќи го регионот на северот од косово населен со мнозинско српско население.

Одвоен од остатокот од Косово со реката Ибар, северно Косово е дом на околу 50.000 етнички Срби кои се противат на владееoето на Приштина и сé уште јас признаваат  само владата во Белград.
„Мојот предлог за мирно решение со Србија е јасен“, изјави Тачи. „Не етнички базирани поделби, туку корекција на граница и взаемно признавање“, пренесува РСЕ.
Српскиот министер за надворешни работи, Ивица Дачиќ, изјави дека предлогот на Тачи би можел да биде можност за постигнување компромис и решавање на долготрајните разлики меѓу Белград и Косово.
„Не е тајна дека главната пречка за постигнување договор е посветеноста на Приштина да се вклучи во разговорите со максималистички цели”, рече Дачиќ за Радио Телевизија Србија. „Тие не сакаат компромис, туку ние да признаеме независност, но тие да добијат и нешто друго – што го нарекуваат источно Косово, Прешево и Бујановац”.
 
08-08-2018, 01:35 PM
Reply
ЈорданПетровски Online
ЈорданПетровски-ЦРНИ
*****

Posts: 14,883
Joined: Mar 2010
Reputation: 36
#2

Quote:Тачи не верува дека Албанија е против припојување на Прешевска долина кон Косово

[Image: %D0%A2%D0%B0%D1%87%D0%B8.jpg?zoom=1.25&resize=696%2C439]

Косовскиот претседател Хашим Тачи верува дека Албанија нема да биде против обединувањето на Косово со Прешевска долина, идеја која тој во неколку наврати ја спомена во последните денови.

Тој вели дека тоа не е поврзано со некаква поделба на Косово или со размената на територии, туку дека се работи за „кореција“ на границите.
Во гостување на албанскиот „Топ Ченл“, Тачи вели дека не комуницирал со властите во Тирана, но верува дека Албанија нема да биде против волјата на Прешево.
„Под никакви околности не може да се дозволи поделба на Косово или размена на територии, бидејќи тоа е стара идеја за Србија. Историско барање на Србија. Јас гледам можност во поправката на границата од околу 400 километри, Прешево, Бујановац и Медвеѓа да се приклучат  наРепублика Косово. Мислам дека ова барање е сосема легитимно, разумно, историско и волја на граѓаните. Идеите за поделба се идеи кои никој во Косово не може да ги спроведе во никој случај“ вели Тачи како што пренесува приштинска „Газета Експрес“.
Тој вели дека „на моето биро го имам институционализираното барање на Албанците од Прешевската долина за приклучување кон Косово… Граѓаните на Прешево ја искажаа својата волја на референдумот во 1992 година за приклучување кон Косово. Ова е легитимно историско право. Граѓаните во Косово силно ја прифаќаат оваа идеја“.
Запрашан дали за ова има поддршка од САД и од ЕУ, Тачи вели:
„Доколку постои билатерален договор, никој нема да биде против тоа. Пред две години, ЕУ, Белгија и Холандија исто така ја ревидираа и мирно ја сменија границата“.
Тачи вели дека сé уште официјално не зборувал со албанските власти, но дека не верува дека Албанија би била против волјата на граѓаните на Прешево, Бујановац и Медвеѓа.
08-08-2018, 01:40 PM
Reply
ЈорданПетровски Online
ЈорданПетровски-ЦРНИ
*****

Posts: 14,883
Joined: Mar 2010
Reputation: 36
#3

Quote:Палмар откри што треба да содржи договорот меѓу Белград и Приштина


[Image: mkd-385150.jpg?itok=1ZnM7Fj4]


20.10.2018
Заменикот- помошник државен секретар на САД Метју Палмер изјави денеска дека за косовското прашање „не постојат бланко чекови ниту црвени линии”, но и дека договорот меѓу Белград и Приштина треба што е можно поскоро да се постигне.
– Она што ние би сакале да се постигне е целосна нормализација на односите меѓу Белград и Приштина, а тоа е сложен предизвик, изјави Палмер за РТС.
Според него, секој договор би требало да има „безбедносен аспект, политичка и економска компонента и по нешто за имотот на Српската православна црква во Косово, и за Газивода и за Трепча”.
– Значи, тоа би бил сложен договор, а нам ни е само важно да тој да се постигне, да биде траен и применлив. Ние сме подготвени да го слушнеме секој договор што двете страни ќе го постигнат, а кој ги исполнува овие услови, рече официјалниот претставник на Стејт департментот.
Запрашан за идејата за можната размена на територија, Палмер рече дека „тој нема да навлегува во детали”, бидејќи досега не е претсавен ниту еден предлог за договорот.
– Наша позиција е дека не постојат црвени линии и дека нема бланко чекови. Би сакале двете страни да постигнат најдобар можен договор. Ние ќе го разгледаме тоа што ќе ни го донесат, а со што се согласуваат двете заедници и сите што го сметаат за добро решение, и ќе размислиме добро и ако имаме некои забелешки за одредени детали, ние јасно ќе ги изнесеме, рече Палмер.
На прашањето дали договорот за нормализирање на односите ќе значи српско признавање на Косово, Палмер рече дека САД не се „преговарачка страна”.
– Ние не сме тие кои преговараат. Ние сакаме на преговарачите да им дадеме простор за постигнување резултат кој може да се опише како целосна нормализација на односите. Јас сега не би го дефинирал однапред како тоа изгледа, би сакале преговарачите сами да дојдат до тоа, но јасно е дека од двете страни ќе се бара да преземат некои крупни и политички тешки работи, за да постигнат таков исход, рече Палмер.
Заменикот-помошник државен секретар на САД вчера на Белградскиот безбедносен форум, говорејќи за состојбата во регионот рече дека Вашингтон ги повикува Белград и Приштина да ја видат „историската можност” и да постигнат договор за „двете страни да бидат победници”.
– Ако некој е победник, а некој е губитник, тогаш никој не победува, рече Палмер во своето обраќање.
Според него, САД не вршат притисок и не се залагаат за кој било одреден исход од дијалогот Белград-Приштина, како и дека САД се подготвени да слушаат и да помогнат, но дека не може да зборува за деталите, првенствено за можната размена на територија, бидејќи не е изнесен ниту еден план.
САД ја сфаќаат загриженоста дека можната размена на територии може да предизвика криза на други места во регионот, но додаде дека нерешениот конфликт, замрзнатиот конфликт, исто така е ризик по регионалната стабилност.
20-10-2018, 03:12 PM
Reply
ЈорданПетровски Online
ЈорданПетровски-ЦРНИ
*****

Posts: 14,883
Joined: Mar 2010
Reputation: 36
#4

Quote:Марш за обединување на Прешевска долина со Косово!


November 10, 2018
[Image: 200px-Kosovo_Serbia_serb_alb.jpg?resize=602%2C496]

Косовското здружение „Чемериа“ организира денеска во Приштина „Марш за обединување на Прешево, Медвеѓе и Бујановац со Република Косово“, за што инсистира и косовскиот претседател Хашим Тачи и бара ова прашање да го постави на маса на преговорите со Србија.
Според организаторите, настанот не е поврзан со ниедна политичка структура, туку е „за доброто на граѓаните на Косово“, јави дописникот на МИА од Приштина.
Противниците на намерата на Тачи, меѓу кои најгласен е косовскиот премиер Рамуш Харадинај, сметаат дека зад идејата за припојување на Прешевската Долина со Косово се крие намерата за размена на територии, со што северот од Косово, каде доминира српско население би  припаднал кон Србија.
Здружението „Чемерија“ (кое има повеќе ограноци), инаку, се залага за враќање на правата и на имотите на протераните Албанци од областа Јужен Епир во Грција поВтората светска војна.




Quote:Хашим Тачи не се откажува од Прешевска долина





[Image: -долинa.jpg?resize=1068%2C645]


October 10, 2018

Косовскиот претседател смета дека постојат реални шанси за обединување на Прешевкса долина со Косово.
Во изминатите два дена тој имал средби со академици, бизнисмени, поранешни борци на Ослободителната војска на Прешево, Медвеѓа и Бујановац, претставници на дијаспората и на  граѓанското општество на кои се расправало за припојувањето на тој дел од Јужна Србија со Косово, пренесува МИА.
„Обединувањето на Прешево, Медвеѓа и Бујановац беше главна тема на нашите разговори. Заеднички заклучок беше дека ова е историски момент за заживување на легитимното право на граѓаните од оваа област, во рамките на дијалогот меѓу косовската и српската држава“ напиша Тачи на Фејсбук.
10-11-2018, 02:05 PM
Reply