Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ЕУ СО „НОН ПЕЈПЕР“ ЗА МАКЕДОНИЈА
Author Message
ЈорданПетровски Online
ЈорданПетровски-ЦРНИ
*****

Posts: 14,606
Joined: Mar 2010
Reputation: 36
#1

Quote:Ладен туш за почеток на преговорите за влез во ЕУ – „нон пејпер“ за Македонија

[Image: 33574469_10211893411195352_7129888802213986304_n.jpg]
25.05.2018
Макфакс од извори во Брисел дојде до „нон пејпер“ во кој некои земји членки на ЕУ ставаат рампа на почетокот на преговорите на Македонија за влез во Унијата. Забелешките во документот освен за Македонија, се однесуваат и на Албанија. Според наши извори зад негативниот документ, не стојат сите земји членки на ЕУ, и документот циркулира меѓу оние кои се против почетокот на преговорите во јуни. Иако еврокомесарот Јоханес Хан го потенцираше јуни како датум за отпочнување на преговорите, во документот се наведува дека почеток на преговорите е можен дури идната година на пролет.
„ За ПЈРМ, и покрај вистинските промени во општата атмосфера во земјата, извештајот не покажува јасен суштински напредок во спроведувањето на Итните реформски приоритети. Имплементацијата на новите судски реформи е “тукушто започната“ и треба долгорочен напредок и континуирана промена во однесувањето. Неопходни се повеќе напори за да се обезбеди регрутација врз основа на заслуги и деполитицизација на јавната администрација (“заробена држава“). Борбата против корупцијата и организираниот криминал се уште не даде задоволувачки резултати: и покрај поставената правна и институционалната рамка, корупцијата преовладува во многу области и продолжува да биде сериозен проблем, додека пак капацитетот на институциите за ефективно да се справат со корупцијата има покажано структурни и оперативни недостатоци, меѓу кои е и политичкото мешање“, пишува меѓу другото во негативната препорака.


[Image: 33524353_10211893349633813_1375074388730...00x800.jpg]

Тие аргументираат дека Унијата мора да стане поцврста пред да стане поголема.
„ Како што од страна на Советот секоја година се потврдува во заклучоците за проширувањето: капацитетот на ЕУ, во сите свои димензии, да интегрира нови членки мора да се земе во предвид, пред да се донесат било какви одлуки во врска со проширувањето. Во Страгегијата објавена на 6. ти февруари, самата Комисија напиша дека нашата Унија мора да биде “посилна и поцврста, пред да стане поголема“.
Се наведува дека ЕУ во моментов минувала низ една доста чувствителна фаза на реформи, и мора да се заштити соодветно за да заживее проектот за овие земји еден ден да станат членки.
„ Пред следните Европски избори, потребно е да размислиме за една стратешка агенда за новиот период кој ќе започне од Пролетта 2019 и да стане појасно што 27-те земји членки сакаат за новата ЕУ. Во овој контекст, сметаме дека условите за отворање на пристапните преговори со Албанија и ПЈРМ не се исполнети. Ја потврдуваме нашата посветеност кон европската перспектива на овие две земји и на целиот Западен Балкан, и даваме силна поддршка за значително зголемена посветеност на ЕУ во овој регион. Тука треба да ги насочиме нашите напори со цел да им помогнеме на овие земји вистински да бидат подготвени кога сите услови ќе бидат исполнети“, сметаат тие.
Советот ја зема предвид препораката на Комисијата да ги отвори пристапните преговори со Поранешната Југословенска Република Македонија и повторува дека мора да се обезбеди суштински напредок во имплементацијата на Итните реформски приоритети, пред да бидат отворени пристапните преговори. Советот ќе се наврати на ПЈРМ врз основа на нов извештај од страна на Комисијата, откако ќе биде постигнат задоволителен напредок.
За опструкциите на извесни земји членки на унијата наговести и премиерот Зоран Заев на телевизискиот дуел, кога отворено кажа дека поддршка немаме од Франција и Холандија.
Интензивната дипломатија која вроди со позитивни сигнали од ЕУ, во мигот кога се бараат решенија и спорот со името, овој документ е шлаканица по ветувањата на европскиот комесар за проширување Јоханес Хан.
Хан во интервјуто за германскиот весник Велт, најави дека Македонија и Албанија во јуни годинава ќе добијат препораки за почеток на преговорите за членство во ЕУ. Но, од друга страна пак на средбата на германската канцеларка Ангела Меркел со премиерот Заев, немаше конкретно ветување за датум на кој ќе отпочнат преговорите.
Ана Василевска


МАКФАКС



ЕУ по се ја научи лекцијата дека комунистите се лажови!
26-05-2018, 12:54 AM
Reply
ЈорданПетровски Online
ЈорданПетровски-ЦРНИ
*****

Posts: 14,606
Joined: Mar 2010
Reputation: 36
#2

Quote:Париз-Хаг: “Не” за преговори со Скопје и Тирана овој јуни

[Image: 1.jpeg]

Франција и Холандија се противат на старт на преговори за членство со Македонија и Албанија на јунскиот самит на ЕУ. Овој став е запишан во заеднички документ на двете земји испратен на 12 мај годинава пред самитот со Западниот Балкан во Софија а објавен денес од Макфакс. Париз и Хаг ја имаат и поддршката на Белгија и Луксембург во овој став.
Има две причини за оваа позиција на земјите основачи на ЕУ.
Пред се, Македонија е на самиот почеток на реформите запишани во Итните реформски приоритети.
Втората причина се европските избори закажани за крајот на мај 2019 година. Според интерен документ на Европскиот парламент, на овие избори се очекува голем пробив на евроскептичните партии па оттука и колебањето на земјите основачи на ЕУ за почеток на преговори со земјите кандидати.

Quote:Во документот на Париз и Хаг се прецизира дека во Македонија има “вистински промени во општата атмосфера во земјата” по доаѓањето на владата на Заев но дека нема “јасен суштински напредок во спроведувањето на Итните реформски приоритети”.

“Имплементацијата на новите судски реформи само што започна и треба долгорочен напредок и континуирана промена во однесувањето. Неопходни се повеќе напори за да се обезбеди регрутација врз основа на заслуги и деполитицизација на јавната администрација (заробена држава). Борбата против корупцијата и организираниот криминал се уште не даде задоволувачки резултати: и покрај поставената правна и институционалната рамка, корупцијата преовладува во многу области и продолжува да биде сериозен проблем, додека пак капацитетот на институциите за ефективно справување со корупцијата покажува структурни и оперативни недостатоци, меѓу кои е и политичкото мешање“, вели француско-холандскиот документ.

[b]Внатрешни ЕУ реформи[/b]
Потоа документот зборува за внатрешните проблеми на ЕУ и потребата од зајакнување на капацитетот на ЕУ на внатрешен план пред да се тргне во ново проширување:
“Советот секоја година потврдува во заклучоците за проширувањето: капацитетот на ЕУ, во сите свои димензии, да интегрира нови членки мора да се земе во предвид пред да се донесат било какви одлуки во врска со проширувањето. Во Страгегијата објавена на 6 февруари, самата Комисија напиша дека нашата Унија мора да биде “посилна и поцврста, пред да стане поголема“.

Quote:ЕУ минува во моментов низ многу чувствителна фаза на реформи за зачувување и оживување на проектот на кој земјите кандидати имаат намера да му се придружат еден ден. Ние мораме да размислиме пред следните европски избори околу стратешката агенда за новиот период што почнува во пролетта 2019 година за да стане појасно што 27 земји членки сакаат во иднина”, објаснуваат Париз и Хаг.

Понатаму тие додаваат дека во овие услови тие сметаат дека “условите за отворање преговори со ПРЈМ и Албанија не се исполнети”. И велат дека на овие земји треба силно да им се потврди европската перспектива и да им се даде сета помош за целосна подготовка за членство а преговорите да се започнат штом двете земји бидат подготвени.

Сепак, треба да се знае дека евентуалното решавање на спорот со името ќе донесе многу позитивни поени за Македонија па одбивање за старт на преговори за членство нема да биде толку суво и отсечно како што тоа стои во документот. Во таков случај на Македонија ќе добие охрабрување, најверојатно во форма на “скрининг”, во очекување на вистинскиот почеток на преговори.

[b]Реакција на македонската влада[/b]
Сето ова не би требало да биде изненадување за Македонија и Албанија. Францускиот претседател Емануел Макрон неодамна, во два наврати, во Стразбург и на самитот во Софија, прецизираше дека ново проширување на ЕУ не треба да се случи пред да се зајакне ЕУ на внатрешен план, поради европските избори и излегувањето на Велика Британија од ЕУ.
Македонската влада смета дека земјата е на вистинскиот пат и дека реформите “се признаени и препознаени од цела Европа и од сите земји членки на ЕУ”:
“Мнозинството земји членки на ЕУ поддржуваат почеток на преговорите со Македонија, после решавање на спорот со Грција. Од друга страна факт е дека постои дебата во ЕУ околу подготвеноста за ново проширување. Суштинските и коренити промени во земјата градат силни и услужни институции, праведна држава и силна економија за подобар живот на сите граѓани. Македонија е на вистинскиот пат, а темелните реформи се признаени и препознаени од цела Европа и од сите земји членки на ЕУ.* Сите земји членки на ЕУ сметаат дека Македонија треба да продолжи по овој пат и да го интензивира прогресот. (За тоа говори и најновата оценка на Европската Комисија со која Македонија е оценета за најдобра во регионот на Западниот Балкан и Турција за спроведување на препораките во економската програма за реформи.) Македонија после решавање на спорот околу името веднаш ќе стане членка на НАТО и со тоа уште позабрзано и поодлучно ќе ги отвори портите на ЕУ”.
 

НОВАТВ


Ако Македонија е на вистински пат ке ги нема укажувањата за неспроведувањето на препораките од планот ПРИБЕ.
27-05-2018, 11:15 AM
Reply