[b]Наум Петрески: Се извинувам, јас живеам од свирки!
Не заминав од „Златна бубамара“ поради револт што не добив награда, туку го поместиле терминот за мојот настап, а веќе ме чекаше свирка, објаснува пејачот[/b

21:00 | 02.03.2010 | Автор: Валентина Ѓоргиевска

Фолк-пејачот Наум Петрески денеска патува за Виена, каде што ќе се задржи до недела. По повод 8 Март ќе одржи свирки за Македонките - дами кои живеат таму и во околината, а вели дека ова гостување ќе го
искористи на сопругата Зуица Лазова да и избере елегантен осмомартовски подарок од најдобрите виенски продавници.

- Сум патувал често во Виена, а најчесто одам на турнеи во Австралија. Верувам дека ќе направам журки со кои ќе ги развеселам нашите Македонки - самоуверен е Наум.

Иако, него со право го прогласуваат за најдобриот фолк-пејач на актуелната сцена, се поретко го има на телевизија, а се повеќе на свирки. Деновиве е во „устата“ на чаршијата затоа што неодамна на сред манифестација „Златна бубамара“ ја напушти Универзална сала, без оглед што во дует со Андријана Јаневска требаше да ја изведат „Заветна“. Потоа се коментираше дека бил навреден кога видел дека неколку странски пејачи добиваат награди за животно дело и за заслуги во музиката (Звонко Богдан, Масимо Савиќ, Бајага и Оливер Мандиќ), а од нашите само Вања Лазарова. Неговото објаснување е следново:

- Ние сме посебна држава и треба да имаме една квалитетна манифестација која ќе ја оценува нашата естрада, нашите успеси. Не дека очекував награда за животно дело, млад сум и се уште не се имам доискажано во музиката. Моето допрва ќе биде. Но факт е дека во оваа држава се е запоставено, па затоа не ме чудат сите овие пропусти што ни се случуваат. Кога ќе се средат изведувачките права ќе имаме повеќе албумски изданија, повеќе концерти и ќе се добие вистинскиот лик на нашата фолк-естрада - објаснува тој.

Пејачот нагласува и дека во Македонија поради пиратеријата нема финансиски ефект да се издаде албум. Оттука не може да се постави ни релевантна годишна наградувачка манифестација, за остварувањата во нашата музика.

- Не заминав поради револт, туку го поместиле терминот на мојот настап, а веќе имав договорено свирка. Се извинувам, но јас живеам од свирки - со категоричен и дипломатски одговор ја заклучува оваа тема.


BRAVO Naume !!!! Sakame drug da ne pocituva, a nie samite ne si se pocituvame. Ti cestitam za reakcijata. Znaci si covek koj si go pocituva svojot identitet. Samo taka se ide napred, a ne so podviena kicma.