БУГАРИЈА поставува СВОИ УСЛОВИ

Борисов бара договор наместо спогодба

Бугарскиот премиер Бојко Борисов им се приклучи на претседателот Росен Плевнелиев и на министерот за надворешни работи Николај Младенов за потребата од договор за добрососедство со Македонија, по што ќе биде неспорна бугарската поддршка за македонските евроинтегративни процеси.

Според него, сите политички формации што досега биле на власт во Бугарија ја поддржувале Македонија, но очекува со само еден гест, со прераснување на Декларацијата од 1999 година во формален договор, тој однос да се зацврсти, а Бугарија без никакви предрасуди да застане зад својот сосед на патот кон ЕУ.

Дипломатски извори не исклучуваат оваа изјава на Борисов и предлогот за прераснување на Декларацијата во договор да се еден вид порака пред домашната јавност, но и пред меѓународната заедница дека сакаат да ги решат недоразбирањата со соседната земја. Според нив, актуелната Декларација е само изјава, иако согласно Виенската конвенција за меѓународни договори има иста важност како и договор.

- Декларациите имаат карактер на меѓународни договори, но не подлежат на ратификација во парламентите, па не се правно обврзувачки – објаснуваат нашите извори.

Поентата на подготовката на декларацијата во 90-тите, додаваат тие, беше да се отвори патот за потпишување договори меѓу двете земји, па и за договор за пријателство.

Македонски дипломати сепак сметаат дека договор за добрососедство не е лоша опција.

- Ако договорот е добро подготвен од страна на дипломатите и ако може да помине на ратификација во парламентите на двете земји, би било фантастично. Ние уште на самиот почеток на независноста, нудејќи рака на пријателство кон соседите, предложивме договори за пријателство со нив – вели поранешниот амбасадор Огнен Малески.

Поранешниот македонски амбасадор во Софија, Ѓорѓи Спасов, смета дека документите како што е македонско-бугарската декларација обврзуваат исто колку и договорите за добрососедство. Па според тоа, вели Спасов, нема потреба да се гледа негативно на идејата на Борисов за договор и на тоа не гледа како условување за поддршка на земјава.

- Ако постојат причини за зголемена недоверба во Бугарија кон некои политики на Македонија, тоа треба внимателно да биде разгледано од наша страна. Kолку што ми е мене познато, во таа Декларација ниту една од страните не е обврзана на нешто повеќе од другата, како во спречувањето на непријателската пропаганда така и во постапките со кои се нарушуваат добрососедските односи. Со Декларацијата Бугарија има прифатено и за сопствениот јазик да биде наречен „бугарски, според Уставот на Република Бугарија“, со цел да се овозможи потпишувањето на договорите – вели Спасов.

Тој објаснува дека во принцип сите обврски што произлегуваат за Македонија од таа декларација се обврски од меѓународното право.

Жана П. Божиновска
#

http://www.dnevnik.com.mk/default.asp?It...D0898CE2BA

Јагмата по бугарски пасоши продолжува!

Според статистиката од бугарското Министерство за правда половина од странците кои во изминативе пет години добиле бугарско државјанство се Македонци


За македонските граѓани, бугарските пасоши и натаму се најбараната стока кај источниот сосед. Според податоците на бугарското Министерство за правда, половина од странците кои во изминативе пет години добиле бугарско државјанство се Македонци.
- Само од почетокот на 2012 година во Министерството за правда до сега се примени точно 9 368 апликации од Македонци. Во истиот период од вкупно издадените 15 015 документи, 6 366 се на Македонци, информира бугарскиот портал Днес.бг.
Ова не е никаква новина. Интересот за смена на државјанство порасна откако Бугарија стана членка на Европската унија, па голем број од младите кои својата иднина ја гледаа во богатите западноевропски земји многу лесно ги менуваа документите за идентификација.
Тоа се потврдува и со официјалните податоци, според кои во 2010 година над 10 500 лица од Македонија добиле бугарско државјанство, а пет години порано кога Бугарија се уште не беше примена во Европската унија, биле издадени само 2 425 пасоши.
- Завршив факултет и немам работа, па единствен излез ми беше да аплицирам за бугарски пасош и со него да заминам за Италија каде со мојата струка веднаш ќе се вработам, вели еден од нив.
Од неодамна, пак, стапија на сила и измените во Законот за бугарско државјанство според кои Македонците, како и сите останати што сакаат да се докопаат до "паспорт" ќе мора да полагаат испит за познавање на бугарскиот јазик. Но, дали тоа ќе ја запре оваа ненасилна асимилација се уште е рано да се каже.
Од друга страна, пак голем дел од Македонците кои имаат план да аплицираат, добиваат и уверение за бугарско потекло од Државната агенција за Бугарите во странство, што им ја олеснува постапката. Всушност, со новите измени од истиот Закон, Бугарија за прв пат воведува и двојно државјанство, така што лицата чијшто еден родител има бугарско потекло ќе можат да добиваат бугарско државјанство, без да се откажат од своето. (Е.А.)

http://www.vecer.com.mk/?ItemID=6EA2EB68...D48453E26B

Бугарските европратеници повторно со критики кон Македонија

Но европратениците од Бугарија на размената на мислења во Комисијата за надворешни работи на ЕП со македонскиот министер за надворешни работи, не покажаа умереност. Евгениј Кирилов, Андреј Ковачев и Надежда Нејнски уште еднаш ја обвинија Македонија дека не се залага за добрососедски односи и дека ги дискриминира и врши притисок врз лицата кои се изјаснуваат како Бугари во Македонија.

Додека Евгениј Кирилов се прашуваше зошто бил нападнат во Македонија поради тоа што организирал конференција за поетот Никола Вапцаров и истиот иако македонски, го претставил како бугарски поет. Ковачев афирмираше пред македонскиот министер и европратениците дека „до 1944 терминот Македонци и Бугари бил скоро синоним, но Комунистичката интернационала се обиде да ги раздели и во тоа успеа.“ За бугарскиот европратеник нема разлика меѓу идеологијата на Тито и актуелната идеологија во Скопје“, обвинувајќи ја Македонија дека ја користи историјата за да формира национален идентитет, со што ја провоцира Бугарија.

http://www.dw.de/%D1%80%D0%BE%D0%BC%D0%B...a-16409801

Министерот Попоски на Бугарите им признал дека слабо стои со историјата

Моите познавања на историјата се мошне ограничени, признал министерот за надворешни работи Никола Попоски на работниот појадок утрово во Брисел со амбасадорите на земјите-членки на Унијата, пренесе „24 Вести“.
Тој, одговарајќи на дискусијата на бугарскиот дипломат, се оправдал дека единствените сознанија за историјата ги добил во Франција, каде што се образувал.
- Ова е навистина моја слаба страна. Јас учев во Франција средно образование и друго и сите историски лекции ги научив таму. Во Франција учевме дека нацијата настанала со Француската револуција и дека дури од тогаш има национални држави. Не знам, но ова е историјата што јас ја знам - рекол Попоски и побарал историјата да им се остави на историчарите.
Шефот на македонската дипломатија е во тридневна посета на Брисел и на европските институции во пресрет на клучниот состанок на Европскиот совет во декември, од кој Македонија очекува датум за почеток на преговорите.
На средбите со европарламентарците, тие се интересирале за преговорите околу името со Грција, последните инциденти со палење на знамиња и со обидите за справување со азилантските бранови.

http://www.plusinfo.mk/vest/68431/Minist...istorijata

Добар предлог на Бојко Борисов, ако Бугарија не поставува нови барања

Други вести
Како „циганоскопјаните“ да градат добрососедство со Атина?
Македонија и Грција се упатени на меѓусебна соработка
Букурешт нема да ја блокира Македонија
Македонија трета во Источна Европа и во Централна Азија во секторот отворена влада
Во Србија го добија Ѓилас, кај нас уште го слушаат Црвенковски
Вработување чекаат 16 доктори на науки и 692 магистри
Груевски се заложува македонски доктори да се едуцираат во САД
Дете помало од шест години заразено со сида
Највести

Како „циганоскопјаните“ да градат добрососедство со Атина?
Му исекле аркада со конзерва
Добар предлог на Бојко Борисов, ако Бугарија не поставува нови барања
Вештачката Македонија и природната Грција
Тригодишната ќерка седела над хероинот
28 ноември

Коментари и дебати
Гоце Трпковски
Вештачката Македонија и природната Грција
Ако Бог е насекаде околу нас и ако целиот свет е божја земја, Царството божје, тогаш Албанците и онака веќе живеат во една држава, и тоа неспоредливо многу поголема од т.н. голема или етничка Албанија ...

Сашо Клековски
28 ноември
Тоа што го сакам за мене – слободно изразување на мојот идентитет и симболи (знаме), и во Македонија, и во соседството и насекаде, го одобрувам и за другите во Македонија ...

Сашо Георгиевски
Инвеститори и нивните сенки
Хрватската приказна ќе има сценарио во филмски манир - „инвеститори и нивните сенки“. На секој потенцијален инвеститор владата ќе му додели личен проектен менаџер, кој буквално ќе се претвори во вистинска „сенка“ на странскиот ...

Печати | Прати ја страницата | Врати се назад


Поранешниот амбасадор на РМ во Бугарија, Ѓорги Спасов, вели дека нема каков било проблем текстот на спогодбата од пред 13 години да стане договор за развивање на добрососедските односи




СПОГОДБАТА ГЕОРГИЕВСКИ - КОСТОВ ДА ПРЕРАСНЕ ВО ДОГОВОР

Не е спорно да се потпише договор со Бугарија, но тоа што го бараат од официјална Софија мора да се допрецизира и во него да се вметнат и македонските барања. Инсистирањата оттаму треба внимателно да се разгледаат, посочуваат македонски дипломатски извори што се сметаат за добри познавачи на односите со источниот сосед.
Реакциите следуваат откако тамошните власти нивните релации со Македонија и евроинтеграциите на земјава, барем судејќи според изјавите, ги издигнаа во една од најважните надворешнополитички цели на Софија. Последен од високите политичари што има некаков предлог во врска со ова е првиот човек на бугарската влада Бојко Борисов, кој побара спогодбата од 1999 година да прерасне во формален договор.

Тој посочи и дека со тоа ќе се зацврстел односот меѓу двете земји и дека Бугарија без никакви предрасуди ќе застанела зад својот сосед на патот кон Европската Унија.

Поранешниот амбасадор на РМ во Бугарија, Ѓорги Спасов, вели дека нема каков било проблем текстот на спогодбата од пред 13 години да стане договор за развивање на добрососедските односи.

- Сите точки од декларацијата се заемно обврзувачки и се дел од меѓународното право. Секој случај на кршење на одредбите од оваа декларација или договор секако ќе се разгледува низ билатералните дипломатски комуникации и ќе се изнаоѓа дипломатско решение. Македонија со потпишувањето на еден таков договор само ќе добие уште посилен поддржувач и пријател на Балканот за остварување на своите аспирации за членство во НАТО и во ЕУ од земја што прва нѐ призна под уставното име и која ги отвори своите граници во време на економската блокада од Грција. Македонија врз овие основи треба да ја интензивира својата дипломатска комуникација со Бугарија и да манифестира цврсто пријателство со бугарскиот народ - вели Спасов.

Обврски само за Македонија

Но бугарските медиуми одамна пишуваат за додавки и допрецизирања на оваа спогодба. Според некои тамошни медиуми, официјална Софија уште одамна испратила договор за добрососедство, што се смета за продолжување на спогодбата, но тоа во Македонија било признаено дури во 2010 година. Тогаш во домашната јавност се дискутираше предлогот на официјална Софија, кој никогаш не беше целосно објавен. Според дипломатски извори, во него, меѓу другото, се барало и Македонија да се обврзе дека ќе се грижи за човековите и малцинските права без таква обврска да има и Бугарија, земјава да ги почитува добрососедските односи, да се основа комисија што ќе ги разгледува разликите за историјата, заеднички да се слават одредени историски настани, а источниот сосед да нѐ поддржува во евроатлантските интеграции.

Истите извори велат дека во тој период барањата на Софија биле испратени до МАНУ, Владата, Државниот архив, до неколку македонски амбасадори и други упатени институции и лица и по анализите што биле направени, одговорот бил испратен до бугарската влада, од каде што не стигнала повратна реакција. Тоа, според нашите извори, може да се должи на тогашната промена на претседателот бидејќи, како што се оценува, големо влијание во пишувањето на предлогот имал поранешниот шеф на државата Ѓорѓи Прванов. Од друга страна, се нагласува и дека немањето одговор од официјална Софија можно е да се должи и на тоа што во својот дел Македонија инсистирала на симетрија во обврските, односно сѐ што ќе важи за државава, да биде обврска и за соседот.

Според некои процени, пак, актуелниот однос на бугарските власти е пред сѐ наменет за домашна употреба бидејќи и таму, слично како и во Грција, во пораст се симпатиите за профашистичките движења како што е АТАКА.

Заканите на дело

Но иако ваквите барања на Софија постојат речиси уште од независноста на Македонија, несомнено се интензивираат во последниот период, пред декемврискиот самит на ЕУ, на кој ќе се одлучува дали земјава ќе добие датум за почнување на преговорите за влегување во Унијата. Според некои информации од дипломатски кругови за кои веќе пишуваше „Нова Македонија“, едно од сценаријата што може да се случи во Брисел е токму грчко-бугарското. Имено, двата соседа се обидуваат да ја протуркаат опцијата на Македонија да ѝ се даде датум за почеток на преговорите што би се активирал доколку земјава исполни одредени услови, како на пример, реформи во судството, во државната администрација, дополнети со условот добрососедство, за кој не е јасно што се подразбира и дали во него е вклучено конечното решение на спорот за името, инаку термин што од уста не го вадат политичарите од Софија и од Атина.

- Прво, Грција со своето уценување како членка на Европската Унија дава лош пример за другите земји-членки на Унијата. Сметам дека во Бугарија има дипломати и политичари што не се мнозинство, но кои сметаат дека треба да се следи тој лош грчки пример на зачленување преку уценување. Јас сметам дека и за Бугарија и за Македонија најмногу одговора зголемувањето на меѓусебната соработка на повеќе нивоа, која најдобро може да се оствари преку отпочнување на преговорите за зачленување во Европската Унија - вели поранешниот министер за надворешни работи Антонио Милошоски.

Но, очекувано, од Софија работите се гледаат низ сосема различен диоптер. Нина Ѓулѓерева, бугарска историчарка чија специјалност се меѓународните односи, вели дека дали ќе има блокада за Македонија на декемврискиот самит зависело исклучиво од Скопје.

- Тоа зависи од фактот дали до декември ќе има некакви провокации од Скопје - вели кратко Ѓулѓерева. И на прашањето што таму се толкува како провокација, таа има краток одговор.

- Моето мислење е дека најголем револт предизвикува односот поврзан со бугарската историја, градењето споменици на бугарските херои. Преку тоа Македонија се обидува да ја менува историјата. Ние се обидуваме да го штитиме бугарското историско минато на Македонија и да работиме на вашата европска иднина - вели Ѓулѓерева.

Што потпишаа Георгиевски и Костов?


Поранешните премиери Љубчо Георгиевски и Иван Костов

Инаку, спогодбата што на 22 февруари 1999 година ја потпишаа тогашните премиери Љубчо Георгиевски и Иван Костов, пак, не се смета за особено спорна, а како аргумент за тоа се посочува и тоа што во текот на овие тринаесет години од неа не произлегле дополнителни проблеми. Сепак, со инсистирањето таа да прерасне во договор, Софија сака да ѝ даде поголема тежина, а и ако се дојде до таков чин за нејзиното непочитување би имало и правни реперкусии. Интересни од спогодбата се неколку члена.
Во последната, единаесетта точка се наведува дека двете држави нема да преземаат, поттикнуваат и поддржуваат дејства што имаат непријателски карактер за другата страна. Меѓу другото, пишува и дека ниту една од страните нема да дозволи нејзината територија да биде искористена од организации и групи чија цел е да вршат подривачки, сепаратистички или застрашувачки дејства по мирот и сигурноста на другата страна и оти двете држави немаат и нема да имаат територијални претензии една кон друга.
„Република Македонија изјавува дека ништо од нејзиниот устав не треба да се толкува дека претставува или некогаш ќе претставува основа за мешање во внатрешните работи на Република Бугарија, со цел заштита на статутот и правата на лица што не се граѓани на Република Македонија. Двете држави ќе преземат ефикасни мерки за пресретнување на недобронамерната пропаганда од страна на институции, агенции и нема да дозволат дејности од приватни субјекти насочени кон поттикнување насилство, омраза или други слични дејства што би ги повредиле односите меѓу двете земји“, се наведува во последниот дел од спогодбата.

http://novamakedonija.com.mk/NewsDetal.a...anie=22742

Бугарија ги отвори картите - ни ја условува евроинтеграцијата

Бугарија постави три услови под кои би се согласила да ја поддржи нашата евроинтеграција. Шефот на бугарската дипломатија Николај Млaденов преку писмо му упатил на македонскиот министер за надворешни работи Никола Попоски предлог за три чекори за нормализација на односите меѓу двете земји, а кои би биле услов за Бугарија да го поддржи македонскиот пат кон ЕУ.

Првиот услов што го предлага Младенов е да се потпише спогодба за добрососедски односи и соработка, која ќе биде според највисоките европски стандарди и ќе се базира на Декларација што во 1999 година ја склучија двете земји.

Вториот чекор би бил изградба на неопходна инфраструктура за засилена соработка, како и создавање заеднички работни групи за подобрување на односите во клучните области.

Како трето Софија предлага формирање на совет на високо ниво во форма на годишни меѓувладини средби.

„Ако се гарантира исполнувањето на предлозите, тоа ќе ја осигура поддршката од Бугарија за интеграцијата на Република Македонија во ЕУ“, наведува Младенов во писмото.

Посочува дека Бугарија од осамостојувањето на Македонија ги поддржува нејзините напори за евроатланска интеграција, но оти во последните години билатералните односи не се на ниво соодветно за две толку блиски и заемно поврзани земји. Младенов искажал незадоволство од како што вели, „антибугарските дејства и реторика во Македонија“, кои, како што наведува, „имаат за цел да го нагласат тоа што ги разделува, а не што ги обединува двете земји“.

http://dnevnik.com.mk/default.asp?ItemID...1FFCFEE1E4

Датум: 29.11.2012, 18:27
ПОЗИТИВНА РЕАKЦИЈА ЗА ПИСМОТО ОД МЛАДЕНОВ

Македонија и Бугарија ги закопуваат секирите

Позитивна реакција пристигна од шефот на дипломатијата Никола Попоски по писмото што го доби од бугарскиот колега, Николај Младенов, во кое се предлагаат три чекори за нормализација на односите меѓу двете земји. Првиот услов што го предлага Младенов е да се потпише спогодба за добрососедски односи и соработка, која ќе биде според највисоките европски стандарди и ќе се базира на Декларација што во1999 година ја склучија двете земји.

Вториот чекор е изградба на неопходна инфраструктура за засилена соработка, како и создавање заеднички работни групи за подобрување на односите во клучните области, а третиот предлог од Софија е формирање совет на високо ниво во форма на годишни меѓувладини средби.

Во писмото уште се наведува дека Бугарија од осамостојувањето на Македонија ги поддржува нејзините напори за евро-атлантска интеграција, но оти во последните години билатералните односи не се на ниво соодветно за две толку блиски и заемно поврзани земји. Младенов уште искажува незадоволство од „антибугарските дејства и реторика во Македонија“, кои, како што наведува, „имаат цел да го нагласат тоа што ги разделува, а не тоа што ги обединува двете земји.

Министерот Попоски во првата реакција на писмото вели дека не гледа ништо лошо во него.

- Не е лошо тоа што предлагаат работни групи и на владино ниво, нешто што веќе го договараме и со Србија и со Албанија, исто како што не гледам лошо во тоа што сугерираат да гарантираме дека стоиме зад сите наши декларации - вели Попоски за „Дневник“.

Тој додава дека е добро што во писмото што го добил од својот колега се пресретнуваат иницијативите што тој му го испрати на крајот од октомври, како и дека е позитивно што доминираат пораките оти Бугарите биле принципиелни и опстојувале во поддршката на Македонија.

Дипломатски извори за „Дневник“ нагласуваат дека треба да се поздрави, како што велат, позитивниот пристап и поддршката што ја дава Софија уште од осамостојувањето до денес и сметаат дека конечно е време да се интензивира соработката во интерес и на македонскиот и на бугарскиот народ.

- Треба да се поздрави иницијативата за договор за добрососедство и пријателство како цврста основа за унапредување на односите - додаваат истите извори, сугерирајќи дури и заедничка седница на владите како добар гест на добрососедство и пријателство.

Поранешниот заменик-министер за надворешни работи на Бугарија, Љубомир Kјучуков, за „Дневник“ вели дека бугарско-македонските односи налагаат еден многу посериозен и продлабочен дијалог и на ниво на државните институции и меѓу народите од двете страни на границата.

- Идејата за потпишување договор за добрососедство беше предложена уште во 2008 година од бугарска страна и мислам дека ќе биде добра можност за надградување на Декларацијата од 1999 година и нова правна основа во развојот на билатералните односи. Јас лично ја иницирав идејата за договорот од 2008 година и жалам што се изгуби толку време и од двете страни. Ако денеска имавме договор, немаше да ја има оваа тензија. Важно е да се создаде можност за дијалог меѓу различни професионални и експертски групи од двете страни – изјави Kјучуков.

Според него, најважно е да има позитивна потврда да не се генерира напнатост меѓу народите зашто луѓето од двете земји се најсериозен потенцијал за многу добра соработка.

- Тоа е патот. Во ЕУ би се надминале секакви пречки и границите би биле ирелевантни, Бугарите и Македонците би се чувствувале дека живеат во една заедница и затоа мислам дека Македонија треба да го изоди својот пат, исполнувајќи ги сите критериуми на ЕУ за членство, вклучувајќи ги и добрите односи со соседите - додава тој, изјавувајќи дека не треба да се одлага почетокот на преговорите за земјава.

Жана П. Божиновска

Сe повеќе услови од други земји

Според поранешниот шеф на македонската дипломатија Денко Малески, писмото од Младенов покажува дека како држава колку повеќе доцниме на масата на НАТО и на ЕУ толку сите повеќе ни поставуваат услови. Тој вели дека заеднички именител на притисоците од Грција и од Бугарија е дека ги доживувавме како загрозување на македонскиот идентитет.

http://www.dnevnik.com.mk/default.asp?It...E5E3C78D17

ПО АТИНА, И СОФИЈА КРОИ ПО СОПСТВЕНА МЕРКА


Бугарија постави три услови за поддршка на Македонија

Шефот на бугарската дипломатија смета дека во последните години билатералните односи меѓу Скопје и Софија не се на ниво соодветно за две толку блиски и заемно поврзани земји. Младенов искажува незадоволство од "антибугарските дејства и реторика во Македонија", кои, како што наведува, "имаат за цел да го нагласат тоа што ги разделува, а не што ги обединува двете земји"


Шефот на бугарската дипломатија, Николај Младенов, во писмо упатено до македонскиот министер за надворешни работи Никола Попоски предлага три чекори за нормализација на односите меѓу двете земји, како услов Бугарија да ја поддржи македонската интеграција во ЕУ.
Првиот услов што го предлага Младенов е да се потпише спогодба за добрососедски односи и соработка, која ќе биде според највисоките европски стандарди и ќе се базира на Декларација што во 1999 година ја склучија двете земји. Вториот чекор би бил изградба на неопходна инфраструктура за засилена соработка, како и создавање заеднички работни групи за подобрување на односите во клучните области. Како трето Софија предлага формирање на совет на високо ниво во форма на годишни меѓувладини средби.
- Ако се гарантира исполнувањето на предлозите, тоа ќе ја осигура поддршката од Бугарија за интеграцијата на Република Македонија во ЕУ, наведува Младенов во писмото.

Посочува дека Бугарија од осамостојувањето на Македонија ги поддржува нејзините напори за евроатланска интеграција, но, вели, во последните години билатералните односи не се на ниво соодветно за две толку блиски и заемно поврзани земји. Младенов искажува незадоволство од антибугарските дејства и реторика во Македонијаа, кои, како што наведува, имаат за цел да го нагласат тоа што ги разделува, а не што ги обединува двете земјии.

Вчера Демократскиот сојуз преку соопштение побара Република Македонија да гради и развива добрососедски односи со сите соседни држави: Грција, Бугарија, Србија, Косово и Албанија. Велат дека многу енергија, време и огромни капацитети се трошат за надминување на спорот со Грција, а на штета на односите со другите соседни држави. Демократскиот сојуз предлага идеите на министерот за надворешни работи на Република Бугарија да се разгледаат најсериозно и на нив соодветно да се одговори. Од партијата предлагаат Владите на Македонија и на Бугарија да одржуваат заеднички седници за битни прашања кои се од интерес за двете држави и пошироко и да се разгледа можноста граѓаните од двете држави да можат да ја минуваат границата само со лични карти.

ЕВРОПРАТЕНИЦИТЕ ДО МИНИСТЕРОТ ПОПОСКИ
Македонија треба да ја прифати понудата од Атина
Европратениците кои разговараа со министерот Никола Попоски, побарале властите во Скопје да го прифатат грчкиот предлог за името, објави белградската агенција Бетаа. Во разговорот со шефот на македонската дипломатија, европратениците истакнале дека сметаат дека Македонија треба да ја прифати понудата на Атина за спорот околу името, за побрзо да започнат преговорите за влез во Европската унија.

Исто така, европратениците истакнале дека Македонија е подготвена да започне преговори, иако помеѓу неа и Грција и Бугарија постојат сериозни несогласувања.
Од Попоски е побарано и да се изјасни што ќе сторат властите во Скопје да ги спречат лажните азиланти да доаѓаат во ЕУ. Попоски објасни дека мерките за азилантите се во тек.

http://vecer.com.mk/?ItemID=6B5B576DEE7D...AADF9E7771

Попоски: Бугарија не ја условува Македонија

На бугарските услови денеска реагираше шефот на дипломатијата, Никола Попоски, кој оцени дека она што го добил како одговор од Софија е на добра линија и дека не гледа можност оваа земја да ја блокира Македонија во Европскиот совет околу препораката за преговори. Според него, Бугарија со писмото ги пресретнува македонските иницијативи и предлага да се подигне нивото на соработка меѓу двете земји, па затоа не смета дека на каков било начин ја условува Македонија.

„Клучната линија е што Бугарија ја поддржува Македонија во сите клучни моменти. Тоа и самиот министер Младенов повеќе пати го потенцира во писмото, истакнувајќи ја нивната поддршка. Токму затоа не гледам причина зошто Бугарија би го сменила пристапот за поддршка на евроинтегративниот процес на Македонија. Напротив, сметам дека со нашите предложени иницијативи и нивно поведување од страна на Бугарија, двете земји ќе ја подобрат соработката“, рече Попоски. (С.Ј.)

http://utrinski.com.mk/?ItemID=CCCF1143D...E13B944F61

Божидар Димитров со нон стоп навреди кон Македонија

Поставувањето на новиот јарбол кај Деве Баир што треба да биде најголем досега го испровоцира дежурниот критичар на Макеоднија да се огласи во софиските медиуми

„Фактот дека ќе подигнат повисок столб со нивното национално знаме од бугарското на Деве Баир е уште еден доказ на инфериорност, или како што го нарекуваат таму," Б-комплекс ", т.е. бугарски комплекс на граѓаните на Скопје“, изјавил Божидар Димитров, актуелен директор на Националниот историски музеј.

Според неговите зборови - фактот дека Македонија ќе подигне столб 20 метри повисокот од бугарскиот не значи дека ќе стане поголема и посилна од Бугарија.

„Се прашувам за колку време на Деве Баир ќе се вее црвеното знаме и кога ќе биде заменето од друго црвено, но со албанскиот орел. Ако Груевски е толку храбар, нека распне 75-метар јарбол со македонско знаме на врвот на Дебар,Тетово, Гостивар или Кичево, или и снаселбата на Ромите во Охрид ", изјавил Божидар Димитров.

http://utrinski.com.mk/default.asp?ItemI...478E889F66

Егати мършата

ЕДИТОРИЈАЛ


Ивана КОСТОВСКА

Добрососедство со реципроцитет

Никола Попоски, шефот на дипломатијата, позитивно реагираше на писмото од бугарскиот колега Николај Младенов, во кое се предлагаат три чекори за нормализација на односите меѓу двете земји. Младенов побара да се потпише спогодба за добрососедски односи, да се изгради неопходната инфраструктура за засилена соработка, како и да се формира совет на високо ниво во форма на годишни меѓувладини средби.

Овие три барања се услов за бугарска поддршка за македонските евроинтеграции, испорачани во важен период, пред декемврискиот совет на Унијата. Во декември нашите два соседа од ЕУ ќе седнат на маса со папката на која однадвор со убав ракопис е напишано „добрососедство“, а внатре има многу листови хартија начкртани со услови кои ни ги испорачуваат. Во грчката папка е ставен предлог-меморандумот на министерот Димитрис Аврамопулос со име за географска одредница за севкупна употреба, како услов за да добиеме датум за преговори.

На нашите добри соседи на југ би им одговарало на масата да има уште некој што ќе инсистира да се отвори Пандорината добрососедска кутија. Најсериозен кандидат видоа во Бугарија, за која досега слушнавме дека на некои состаноци во Брисел се ставила во улога на грчки гласноговорник. Од друга страна, на добрите соседи на исток им се допадна новата улога, со оглед на тоа дека на сцена лесно може да се извадат сите Спаски, наводни тепачки и репресирани Бугари. Kога веќе на Грците им успеа да поставуваат услови, зошто тие не би го грабнале пенкалото за да ни стокмат некое свое барање за добрососедство?

Со посредништво на Брисел и на нашите земји-пријатели, македонската дипломатија се обидува да ги намали страстите на официјална Софија. Затоа, Попоски со смирен тон одговори на иницијативите што ги најави бугарскиот премиер Бојко Борисов, а ги напиша министерот Младенов. Нашата дипломатија ги прифати сугестиите од пријателите дека не ни одговара да водиме битка за докажување дека сме добри соседи на повеќе фронтови, особено во период на декемврискиот совет.

Сепак, иницијативите, поточно условите од Софија треба внимателно да се преговараат, за да не се дозволи земјава да биде во подредена позиција. Формулата е едноставна и може да се објасни со еден збор: реципроцитет.

Во европски дух, официјална Софија треба да прифати да го понуди истото што го бара. Правилото на заемност, неопходно е да биде застапено при отворање на прашањето за македонското малцинство во Бугарија, за говорот на омраза, за почитување на историјата, т.е. да важи за секоја реченица од евентуалниот договор за добрососедство. Само така Бугарија ќе ни покаже нам, но и на ЕУ, дека не ~ е целта да владее правилото на посилниот, туку да имаме добрососедски односи на рамноправна основа и со меѓусебна доверба. Бугарија и нејзините политичари се навредуваат кога ги викаме „втора Грција“. Нека ни докажат дека не се. Тие се на потег

#

http://dnevnik.com.mk/?ItemID=26D9C73FDE...257CE6D029

Имам кратко обръщение към малката но верна аудитория на темата Както викаше македонският старши треньор на футболен клуб Славия - Стевица Кузмановски - нашата публика е малка но интелигентна
Декември месец няма да имам възможност да посещавам форума още повече пък да се ровя по вестници и сайтове.Едно че на края на всяка година е лудница в работата пък и планирам кратка семейна почивка- заслужен отдих.

Още повече че македонските медии до самитот ще бъдат меки като памук ( явление което започна от миналата седмица , когато видяха че ку.от е опрял вече ) -между другото още един пример за това че какво да се пише по мак медиите зависи от един единствен център в Македония - правителството. Независими медии my ass.

Ако някой БГ политик търси причини и аргументация за вето - азна тази тема му давам точно 589 причини. Да си избере която иска.

До скоро

Днес доде още съм тука да прочете този мухъл какви зверове са всички съседи на Македония - най - вече българите , с изключение разбира се на сърбите. Те са супер

Бай ви Зоран - журналистът известен сред по запознатите като подлогата на Груевски.

ЕУ и НАТО ја загубија невиноста на Балканот

Три од нашите соседи, Бугарија, Албанија и Грција, се членки на НАТО и/или на Европската Унија, сојузи што декларативно се колнат во стандардите на демократијата, човековите права, меѓуетничката толеранција и соживотот. Но наспроти тоа, функционери и политичари на овие држави негуваат јазик на меѓуетничка омраза, спонзорираат екстремистички групи и партии, додека Брисел и Вашингтон го наградуваат нивниот наци-шовинизам





Петте наши соседи, Грција, Бугарија, Албанија, Србија и Косово, се општества и држави во кои доминантната етно-нација има митски димензии, поради славното минато или наводната историска жртва, која денес се прикажува како легитимација на нивниот историски шовинизам. Грците, Бугарите, Албанците, Србите и Косоварите (Албанци) се ексклузивни газди во својата куќа - создадоа национални држави, кои имаат горе-долу моноетнички состав, но најголемиот дел од нив својот идентитет го бранат агресивно - со воени труби и со обележување територии, со нацистички полициски инсталации во политиката, но и со директни закани од државничка или од политичка говорница.

И навистина, освен во случајот на демократска Србија по Милошевиќ и западниот диктат за демократска шминка на новата држава Косово, кај сите соседи етничкиот ексклузивитет е или озаконет со дискриминаторски устави и закони или, пак, е факт на теренот, поради многуте погроми, геноциди, преселби, тоталитарни режими, размени на население и сл.
Хеленската нација, на пример, иако е пред сѐ културен и јазичен феномен, држава на сите што зборуваат грчки и што го монополизираат културното наследство од антиката, е етнички конгломерат од Евреи, Власи, Латини, тракиски Бугари, Македонци, Албанци-Чами, Маџири, Турци, Роми, наследници на старите Хелени - а сите без исклучок денес се Грци!

Но, наспроти тоа што грчкиот идентитет е толку силно закотвен во историското паметење на Европа и на светот - Грција е, нели, колевка на современата цивилизација, очигледно кршливоста на „хомогената“ грчка нација го поспешува фашизмот на официјална Атина во многу историски околности, поради што таа врши погроми, геноциди или радикална асимилација на цели етнички групи - Турци, Македонци, Роми... А дека Грците денес не сакаат никаков соживот со други народи, кои во меѓувреме не успеале да ги протераат или да ги погрчат, доказ е токму нивното плебисцитно одбивање на Кипар да живеат во заедничка држава со Турците со кои се партнери во НАТО, но закрвени непријатели.
Бугарија, пак, која на крајот на комунизмот успеа да интернира 300.000 Турци, само поради воената моќ на Анкара не ја претопи турската етно-нација во бугарска, иако повеќе од три децении тоа го правеше, а тоа прашање, пак, го затвори со Македонците од Пирин со груби методи на асимилација, со полициска тортура и гебелсовска политичка пропаганда спонзорирана од властите. Само поради малку поголемата чувствителност на Европската Унија за судбината на Ромите, кои денес се светска грижа, во Софија денес не ги отстрелуваат разните „цигански цареви“.
Албанија, пак, признава други етно-нации единствено на хартија и само во енклавите каде што ги има малку повеќе на број (Македонците) и, се разбира, не дозволува премногу да се шират и да се унапредуваат нивните малцински и човекови права. А, охрабрени од подарокот од Запад - спонзорството и признавањето на државата Косово, Албанците на чело со својот демократски премиер Бериша, својата епопеја на наводно најголеми жртви на војните на Балканот, сто години откако основаа држава, имаат намера да ја овековечат со обединување. Притоа на своите етнички браќа во соседните држави им порачуваат дека ќе ги ослободат од јаремот. Колку и да има оправданост оваа ултранационалистичка еуфорија поради симболиката на јубилејот, со аминувањето на воените злосторства, како оние на лидерот на ОВК, Рамуш Харадинај, Запад само ја подмачкува албанската шовинистичка машина.
Дури и Србија, чиј идентитет е збришан од Косово и од Краина (Хрватска), денес е етнички горе-долу хомогена. Белград веќе нема што да изгуби, а притоа не се сведе на пашалак, како што му предвидуваа, туку доби уште една држава на просторите на бивша Југославија - виталната Република Српска!
Три од нашите соседи, Бугарија, Албанија и Грција, се членки на НАТО и/или на Европската Унија, сојузи што декларативно се колнат во стандардите на демократијата, човековите права, меѓуетничката толеранција и соживотот. Но наспроти тоа, функционери и политичари на овие држави негуваат јазик на меѓуетничка омраза, спонзорираат екстремистички групи и партии, додека Брисел и Вашингтон го наградуваат нивниот наци-шовинизам.
Теророт на грчката Златна зора во Атина, атаците на Атака врз идентитетот на другите етнички групи во Бугарија (Роми, Турци, Македонци), не се никаков автентичен десничарски феномен што е наводно последица од економската криза и кој нуди етнички одговор за економските проблеми.
Напротив, и во случајот на Златна зора и кај бугарска Атака станува збор за октроирани политички субјекти, кои се разузнавачко-полициска инсталација - пар екселанс. За сето ова има голем број написи во западните медиуми, но нема никаква сериозна реакција на ЕУ. Поранешниот новинар Волен Сидеров, лидер на Атака, која упатува чести закани и говор на омраза против етно-националните малцинства во Бугарија, вклучително и против Македонците, е човек со дебело досие на безбедносните служби од комунизмот. Тајните полиции на Софија и на Атина ги финансираат и поддржуваат овие екстремни, нацистички структури, кои на владите им служат како плашило пред европските партнери. Тие се одличен изговор зошто официјалната политика на Грција и на Бугарија не смее да биде премногу толерантна и демократска.

На пример, Златна зора одработува фантастично за грчката шовинистичка кауза и тоа по сите отворени национални прашања за Атина - Кипар, Скопје, Турција... Загрозата на грчката нација денес, освен од „циганоскопјаните“ чија држава, според грчките неонацисти, треба да ја снема, доаѓа и од емигрантите, нелегални и легални, од соседството - Албанија, или од Африка и Азија, против кои Златна зора војува на улиците на Атина, зашто државата реално не може да ги погрчи.
Самарас, значи, му вели на Берлин или на Вашингтон - погледајте, рејтингот на Златна зора расте, затоа не притискајте да попуштиме што било во врска со името, фашистите може да победат! Но, Софија и Атина многу добро знаат оти ниту Атака, ниту Златна зора не можат да ја освојат власта, зашто се вештачка полициска творба, чија специјална намена е одбрана на грчкиот, односно на бугарскиот идентитет на моноетничка нација.

ЕУ и НАТО, пак, можат колку што сакаат да бидат ексклузивни елитни воени и економски клубови на западната јудео-христијанска цивилизација, сојузи каде што солидарноста меѓу земјите-членки има предност пред меѓуетничкиот соживот и толеранцијата, организации што се оперирани од морал и каде што владеат двојни стандарди, но доколку ги остават регионалните неонацисти и самонаречените етно-национални обединители на територии да дивеат на балканското гумно, ќе го загубат својот историски кредит заработен по Втората светска војна и победата над фашизмот. Засега ја загубија само невиноста, но може да ја загубат и смислата на своето постоење.


Автор: Зоран Димитровски

http://www.novamakedonija.com.mk/NewsDet...anie=22744

Гнусна статийка предназначена за малоумна аудитория

Отидени со мозокот

Значи, секој од нас што се чувствува како Македонец има должност, во согласност со бриселските сфаќања за добрососедство, за своето чувство да се консултира со Атина и со Софија. Односно, може да биде Македонец ако тоа го дозволат нашите соседи од југ и од исток. Не е јасно само како тогаш може да има Грци, кои во исто време се изјаснуваат и како Македонци, а притоа за такво нешто не нѐ прашале. Добрососедство е само кога ние искажуваме почит или треба да биде и обратно?



„Вие сте слободни да правите што сакате, а со тоа се разбира доаѓа и одговорноста за постапките ако не ги земете предвид интересот и загриженоста на вашите соседи, зашто и тие се слободни да прават што сакаат. Добрососедството подразбира во таа слобода да се искаже почит кон другиот“, рекол деновиве комесарот на ЕУ за проширување Штефан Филе, на некоја конференција за Западен Балкан. Тоа всушност било дел од неговиот одговор на прашањето дали ние, Македонците, имаме право на колективно и индивидуално самоопределување во согласност со сопствените национални чувства.
Односно дали во 21 век, во 2012 година, во Европа, при чукање на вратите за влез во демократската ЕУ (и НАТО), можеме слободно да се изјасниме на која националност ѝ припаѓаме.

И ете, од Филе добивме дозвола да правиме што сакаме, ама со неколку услови. Прво, да го земеме предвиди интересот на нашите соседи. Потоа, да покажеме загриженост за нивната загриженост ако се изјасниме како Македонци. И на крај, да покажеме и почит за соседите, во овој случај Грци и Бугари, оти очигледно од слободата национално да се изјасниме зависеле добрососедските односи. А тие се критериум за влез и во НАТО и во ЕУ. Со други зборови, ако нашите соседи се загрижени и не е во нивен интерес што се изјаснуваме како Македонци, со тоа не им изразуваме почит и добрососедство, па со самото тоа и немаме слобода да бидеме тоа што сакаме. Односно, слободата на нашите соседи, кои не се Македонци, туку Грци и Бугари, е поголема од нашата слобода. Поинаку кажано, ќе бидеме добри соседи на двете членки на НАТО и ЕУ тогаш кога нема по сопствена волја да се изјаснуваме така како што сакаме. И кога ќе се согласиме на тоа, Брисел ќе не потапка по рамото.

Сега е јасно и каде Евреите во Германија згрешиле пред седумдесетина години. И тие, очигледно, не ги зеле предвид интересите и загриженоста на нацистите. Оти, си велеле, едните си се Германци, другите Евреи и нема никаков судир во нивната слобода. Ама не било така.

Ние, пак, мислевме дека поради такви стравични епизоди од историјата, цивилизираниот свет измислил правила на однесување, во кои спаѓа и тоа дека е забранета нечија дискриминација врз основа на расна или национална припадност. Во недостојната за НАТО и за ЕУ, Македонија, ако некој се обиде да врши притисок врз кој било од друга националност да се изјасни поинаку, ќе заврши во затвор. Така е и во Чешка на Филе, така е и во Португалија на Баросо. Истовремено, низ Европа и светот, секојдневно разни спортски клубови добиваат драстични казни кога нивни навивачи ќе се потсмеваат на играчи од друга раса, обично со црна боја на кожата. Денес е незамисливо да постои некаков клуб, бар, здружение или што било во кое некој нема да може да влезе бидејќи има поинаква боја на кожата.

Но што ако утре „топката“ се сврти, па и луѓето што не се со бела кожа треба да ги земат предвид интересот и загриженоста на соседите, од друга држава или од другата улица, сеедно? Како црните луѓе ќе направат компромис со некоја „отидена“ со мозокот грчка или која било друга влада? Со употреба на штирак? Што ако се покаже дека Грците и Бугарите се загрижени и оценат дека не е добрососедство кога Мекејлеб игра за македонската кошаркарска репрезентација. Можат ли кабинетите на Филе или на Баросо да нѐ почестат со дел од својата мудрост, цивилизираност и демократичност и да ни одговорат на ова јавно поставено прашање?

Всушност, изгледа дека не е проблемот во националноста на тие од РМ што се сметаат за Македонци, туку во нивната заблуда според која во демократската ЕУ постојат правила според кои можете слободно да ја изразите истата таа националност. Ама не било така. Такви правила немало, што на Филе сигурно му било познато. Како инаку ќе станел еврокомесар? Но ова беше негативното гледање на целата работа. Еве, да се обидеме да бидеме конструктивни, и на истите зборови од еврокомесарот да гледаме и позитивно. Значи, да не гледаме што не можеме, туку за што сме слободни, односно што можеме. Во согласност со бриселската милост, која некако неодоливо потсетува на некогашните времиња, кога се живеело во согласност со султановата милост. Преведено на нашиот спор со Грција, зборовите на Филе би значеле дека ние ќе можеме слободно национално да се самоопределиме, ако притоа покажеме почит кон грчките и бугарските чувства. Значи, секој од нас што се чувствува како Македонец има должност, во согласност со бриселските сфаќања за добрососедство, за своето чувство да се консултира со Атина и со Софија. Односно, може да биде Македонец ако тоа го дозволат нашите соседи од југ и од исток. Не е јасно само како тогаш може да има Грци, кои во исто време се изјаснуваат и како Македонци, а притоа за такво нешто не нѐ прашале. Добрососедство е само кога ние искажуваме почит или треба да биде и обратно?

Проблемот веројатно би бил решен ако ние, Македонците, се изјасниме како Бугари. Впрочем, такви пораки постојано доаѓаат од Софија. Но тука повторно ќе се јави една дилема, која би сакале еврокомесарот да ни ја појасни. Грците велат дека не можеме да бидеме Македонци, оти такви имало во Грција. Како тогаш можеме да бидеме Бугари, кога нив веќе ги има источно од Крива Паланка? Како тоа не можеме да бидеме Македонци оти Караманлис бил Македонец, а можеме да бидеме Бугари кога и Борисов и тој на неговото место пред него беа Бугари? По ѓаволите, пак е ова некој двоен аршин на истата ЕУ или некој овде е збунет и луд во исто време?

Тука се јавува и уште еден проблем. За Грците, добрососедство е ако ние се откажеме од македонското национално чувство во сегашноста. За Бугарите, добрососедство е ако ние се откажеме од истото чувство, но во минатото. Така, Атина не оспорува нас живите, а Софија ни ги оспорува мртвите. И добиваме комплетна слика за терминот добрососедство, според критериумите за влез во ЕУ.

Преведено на наш јазик тоа значи дека спорот ќе го решиме ако овозможиме друг (на пример, Брисел) да ги моделира нашите национални чувства, а потоа кажеме дека самите сме се го направиле тоа.
Еврокомесарот вели дека ЕУ немала волшебно стапче за ова. Лаже. Не случајно Естонецот Орав добил инструкции да нѐ нарекува „славомакедонци“. Со едно движење на стапчето, за час, беше направен обид на милион и неколку стотини илјади луѓе во оваа држава да им се инсталира друга националност, да им се интервенира во чувствата. Денес национални, а којзнае веќе утре некоја будалетинка може да се обиде да ни ги моделира и другите чувства. На пример, љубовните! Оти, што ако некому во Атина или Софија му падне на памет дека не е добрососедство ако си ги сакаме своите сопруги или девојки (и обратно), а веќе задутре, како наш сосед, може да биде загрижен и што воопшто ги сакаме тие од спротивниот пол. Оти чувства се чувства. Ако Брисел решил дека тие се услов за влез во ЕУ, тогаш, полето за „културен натпревар“ меѓу народите е широко. Нели, „пан“ Филе?

Автор: Дарко Јаневски

http://novamakedonija.com.mk/NewsDetal.a...anie=22751

Бугарија и го сврте грбот на Македонија
Македонија извесно е да остане без датум во декември, Грција сепак најде сојузници за да ги блокира македонските преговори. Бугарија и Франција застанале зад грчките тези - Македонија прво треба да ги среди односите со соседите па потоа да влезе во преговори со Брисел.

Половина час пред да започне состанокот на министрите на ЕУ, бугарскиот министер за надворешни работи Николај Младенов изјави дека Софија ќе инсистира на концептот датум за датум. По примерот со Црна Гора како временска рамка на земјава ќе и се дадат престојните шест месеци. До јуни ако има подобрување во меѓу соседските односи тогаш да и се одреди тога датум на Македонија.

- Да се стави акцент на добрососедските односи, да се прекине антибугарската кампања и тоа постојано зајадување кое нашето општество секојдневно треба да го трпи од страна на нашиот сосед. Тоа никако не е добро за односите меѓу двете држави и не е во духот на европските вредности. Во моментов, дискусијата е за следниот чекор кој Македонија треба да го изоди. Никој не сака враќање назад во нејзиниот развој, туку напротив сите сакаме оваа држава да се движи напред. Тоа значи стриктно исполнување на критериумите и задолженијата, истакна Младенов.

Попладнево извесна е долга дебата за Македонија. Земјата сепак има и големи поддржувачи на состанокот. Една од нив е Австрија која гласно ги повика членките на унијата да ја почитуваат четвртата препорака на Европската Комисија за земјава.

- Оваа земја е кандидат од 2005 година и ги исполнува сите критериуми. Тоа значи дека мора да и доделиме датум за почеток на преговорите, што четири години по ред во извештај го бара и Европската комисија, вели државниот секретар во австриското МНР, Рајнхолд Лопатка.

Претседавачот со Европската Унија, Кипар на состанокот на министрите фаворизира проширувањето да биде високо на агендата, само така може унијата да се спаси од политичката и економската криза.

- Јас сум оптимист дека уште еднаш ќе ја потврдиме нашата посветеност на процесот на проширување, што е едно од најефикасните средства за промовирање на мирот, демократијата и владеењето на правото во контекст на Нобеловата награда за мир што вчера ја доби Европската унија. Таа награда најмногу се должи на процесот на проширување, потенцираше шефицата на кипарската шефица и претседавач со денешниот Совет за општи работи на Унијата.

Еврокомесарот Штефан Фуле обидувајќи се да добие потврда за неговиот предлог за Македонија, детално на министрите за надворешни работи на ЕУ им образложува како да се реши македонското прашање. Останува нејасно до самиот крај чии збор ќе се почитуваат.

Ѓорги Томиќ

http://www.kanal5.com.mk/default.aspx?mI...tId=101217

България изкопа гроба на Македония"
Плевнелиев и Борисов решиха България да не подкрепи Македония за ЕСНиколай Младенов очаква да се стигне до общо европейско решение за Скопие17:59 | 11.12.2012 | 4529 прочитания | Никола Лалов
Размер на текста

Сн. БГНЕС

България ще бъде сред държавите, които няма да подкрепят Македония за получаване на конкретна дата за започване на преговори с Европейския съюз (ЕС). Българската позиция е била обсъдена на среща между президента Росен Плевнелиев и премиера Бойко Борисов.

Въпросът все още не е бил разглеждан от парламента, въпреки че от външно министерството на няколко пъти посочиха, че ще искат и позиция на депутатите.

Темата ще бъде във фокуса на предстоящото заседание на Европейския съвет в Брюксел в четвъртък. Към момента няма съгласие в рамките на ЕС по въпроса. Предложението на Европейската комисия е Македония да започне преговорите през юни догодина, а решение на спора с Гърция за името да се търси паралелно на ранния им етап. Това предложение се подкрепя от 14 страни-членки начело с Австрия, които смятат, че ако няма видима европерспектива, Македония ще се върне назад в развитието си.


Жельо Желев: Това е грешка
"Това е грешка, така не се прави". Така първият български демократично избран президент д-р Желю Желев коментира българската позиция за Македония.
Според него по този начин страната ни се смъква до нивото на Гърция, която блокира Македония за НАТО и ЕС единствено заради името.
"Това не значи, че трябва да подминаваме, когато по адрес на България се говорят лъжи и измислици от страна на управляващите в Македони. Но това е друго, а подкрепата на Македония за еврочленство е и българска отговорност", посочи Желев пред БГНЕС.

България обяви официално своите резерви към членството на Македония в ЕС, които се дължат на антибългарската кампания и кражбите на история. Тези притеснения обаче не се отчетени в предложението на ЕК. България иска спрямо Македония да има изискване и за добросъседски отношения и иска да бъде определена дата, но за ново обсъждане на въпроса.

Франция също е внесла свой проект без дата и е била подкрепена от Германия.

Росен Плевнелиев и Бойко Борисов са категорични, че страната ни подкрепя европейската перспектива на Република Македония, но българската подкрепа не е безусловна и зависи от изпълнението на критериите за членство, сред които приоритетно място заемат добросъседските отношения, съобщиха от пресслужбата на държавния глава.

Според Плевнелиев и Борисов перспективата за еврочленство ще се отключи "не чрез пропаганда и "маркетингови кампании”, а чрез реални действия за засилване на добросъседските връзки между България и Македония".

"България изкопа гроба на Македония", така македонската телевизия Канал 5 коментира българската позиция.

"Гърция все пак намери съюзници, за да блокира преговорите с Македония. България и Франция застанаха зад гръцките тези - Македония първо трябва да си оправи отношенията със съседите и след това да влиза в преговори с Брюксел", посочи телевизията.

В същото време обаче външният министър Николай Младенов заяви, че очаква ЕС да "има решение, което да посочи пътя, който Македония трябва да извърви, за да премине стъпка напред към присъединяването си".

Преди началото на заседанието на Съвета на ЕС по общи въпроси в Брюксел Младенов посочи, че няма промяна в българската позиция по отношение на Македония и отбеляза, че "чуваемостта на Европейската комисия и на останалите държави в ЕС към българската гледна точка по този въпрос се е повишила чувствително през последните месеци".

"За България е важно това, за което говорихме през последните месеци и за което настояваме от години, да видим като резултат - акцент върху добросъседските отношения с нашата страна, прекратяване на антибългарската кампания и това постоянно заяждане, което нашето общество трябва да търпи от страна на нашите съседи. Това по никакъв начин не благоприятства развитието на двете страни и не е в духа на европейските ценности", допълни министърът, цитиран от БТА.

Решението за даване на дата за членство се взима с пълен консенсус.

"За да има Македония българската подкрепа, тя трябва да докаже, че е готова да изпълни всички критерии, включително за добросъседски отношения", заяви Младенов.

Българското правителство втвърди тона към Македония през последните месеци, като постави официално три условия, за да подкрепи членството й в Европейския съюз. Условията бяха приети от Скопие в края на миналата седмица. Става въпрос за подписването на споразумение за добросъседски отношения и сътрудничество, изграждане на съвместни работни групи за укрепване на отношенията в ключови области и създаване на Съвет на високо равнище под формата на годишни междуправителствени заседания.

"Надявам се преговорите ни по договора да започнат през следващата седмица", заяви Младенов във вторник.

Според него по отношение на Македония има и други проблеми, които трябва да бъдат отчетени, сред които сложният баланс на отношенията между различните етнически групи в обществото.

За Сърбия той отбеляза, че е много важно да бъде даден политически сигнал, не само за подкрепа, а и за да бъде насърчен напредъкът на Белград и на Прищина, защото и двете страни през последните месеци са положили много големи усилия в диалога помежду си и това трябва да бъде отбелязано от ЕС.

Сърбия има голям напредък в подготовката си за започване на преговори с Общността, коментира Младенов.

Критериите са ясни, еднакви за всички и с тях компромис не може да бъде правен, но предвид специфичната ситуация на Сърбия и на Косово, трябва да излъчим много ясен сигнал на политическа подкрепа и към двете страни, за да покажем, че европейската им перспектива е валидна, заяви министърът.

Бугарија и го сврте грбот на Македонија - България изкопа гроба на Македония

http://www.mediapool.bg/плевнелиев-и-бор...00584.html

Българската позиция ще стане ясна утре - четвъртък...; промяната в бг позиция би била контра-продуктивна; Жельо е прав...

Зошто? Што остана за четврток? Според мене, ако желбата на Софија е сепак да издејствува Скопје да започне преговори за членство преку исполнување на нејзините услови, наместо да настојува Скопје воопшто да не добие датум (како што прави Грција), нејзината дипломатска тактика требаше да биде настојување Македонија да добие условен датум, како што беше со Црна Гора. За Грција ми е јасно дека повеќе ја интересира Македонија да остане блокирана, а не да се решат отворените прашање. Барањата на Бугарија не се апсурдни како грчките, но сега веќе не ми е јасно дали целта е да бидат испорачани или да стојат на маса сѐ дека тоа ѝ е потребно на Грција. Освен тоа, во првата половина на 2013 ќе се решава за определување датум за преговори за Србија, па тогаш ќе стане појасно.

20 godini Bylgarija NE igra po gryckata svirka...i kakvo poluchi v zamjana?

Крайно време беше да се сложи прът в колелата на тази пропагандна машина в Македония.Още повече , че покрай вардара всички си мислеха , че от нас нищо не зависело. Два примера - опитайте се да сметне какви пари като % от БВП са дадени за на онова джудже дарко филча и музея на холокоста. Или да почват да се държат като хората или да стават бановина или илирида.

Бугарија ѝ забива нож во грбот на Македонија

Македонија веројатно нема да добие датум за почнување на преговорите за членство во Европската Унија, објави Бугарската национална телевизија, наведувајќи дека Бугарија, Франција и Грција нагласиле дека таков чекор ќе биде избрзан. Австрија, Унгарија, Велика Британија и уште 11 држави, пак, биле согласни Македонија да ги почне преговорите и паралелно да го решава спорот за името




СОФИЈА ГО БЛОКИРА ДАТУМОТ ЗА ПРЕГОВОРИ НА НАШАТА ДРЖАВА

Македонија нема да добие датум за почнување на преговорите за членство во Европската Унија, како што предложи Европската комисија во својот извештај, туку до јуни 2013 година Европскиот совет повторно ќе одлучува дали да ни даде зелено светло за нов чекор во евроинтеграциите. Ова, според радиото Слободна Европа, е предлог-заклучокот на министрите за надворешни работи на земјите-членки на ЕУ што вчера се состанаа во Брисел. Но и за ваквата разврска треба да се добие согласност од сите земји-членки на ЕУ, па станува неизвесно дали оваа варијанта ќе ја поддржат Грција и Бугарија.

„Со оглед на евентуалната одлука да се отворат преговорите за членство со поранешната југословенска република Македонија во 2013 година, што е предмет на одобрување на Европскиот совет, советот ќе го испита напредокот во спроведувањето на реформите во контекст на дијалогот на високо ниво, како и добрососедски односи, кои ќе бидат презентирани на комисијата во првата половина на 2013 година. Се повикува комисијата навремено да поднесе предлог-рамка за преговори со поранешната југословенска република Македонија во согласност со заклучоците на Европскиот совет од декември 2006 година, кој исто така ги зема предвид добрососедските односи.“

Софија се мобилизира

И покрај тоа што Бугарија прва ја призна Македонија под уставното име во 1992 г., со што нашата држава почна да се етаблира на меѓународната сцена, официјална Софија со поддршката на Грција денес стана главната пречка за напредокот на нашата држава кон евроинтеграциите.

Додека во Брисел се пребројуваа земјите што се за и оние што се против датумот за почетокот на преговорите, а во Македонија се очекуваше исходот, во Софија се одржа средба на државно-владиниот врв со главна тема - дали да се поддржи датумот за преговори за нашата земја. Бугарија вчера буквално се мобилизираше, како во Брисел да се решава за нејзината, а не за судбината на Македонија!

Атмосферата што се креираше вчера кај нашиот источен сосед беше многу понапната отколку во Грција.
Грчките медиуми повремено известуваа за состанокот на Советот за надворешни работи на Европската Унија (ГАК), претежно пренесувајќи ги изјавите на министрите за надворешни работи на земјите-членки, не навлегувајќи во конкретни прогнози и анализи. Но бугарската државна телевизија уште претпладнето, додека состанокот беше во тек, побрза да го јави исходот.

Македонија веројатно нема да добие датум за почнување на преговорите за членство во Европската Унија, објави БНТ, наведувајќи дека Бугарија, Франција и Грција нагласиле оти таков чекор ќе биде избрзан.

- За Бугарија е важно тоа што го зборуваме со месеци, а што со години се обидуваме да го оствариме и да видиме резултат: да се стави акцент на добрососедските односи, да се прекине антибугарската кампања и постојаното зајадување што нашето општество секојдневно треба да го трпи од страна на нашиот сосед. Тоа никако не е добро за односите меѓу двете држави и не е во духот на европските вредности. Нашата поддршка за Македонија ќе се врати кога ќе видиме исполнување на она што го постигаме како договор - рече шефот на бугарската дипломатија Николај Младенов пред попладневното заседавање на ГАК.

Истовремено, додека тој во Брисел дискутираше со европските колеги, бугарскиот претседател и премиер во Софија уште еднаш ја утврдуваа позицијата за Македонија.

Бугарија ќе биде меѓу државите што нема да наведат датум за почнување преговори со југозападниот сосед, се наведува во соопштението објавено на интернет-страницата на претседателот Росен Плевнелиев по средбата со премиерот Бојко Борисов.

„Според претседателот и премиерот, перспективата за еврочленство ќе се отклучи не преку пропаганда и маркетинг-кампањи, туку преку реални активности за зајакнување на добрососедските односи меѓу Бугарија и Македонија“, се наведува во соопштението во кое се додава дека Софија предложила потпишување договор што би се засновал врз декларацијата потпишана во 1999 година, да се постигне договор за заедничко чествување значајни личности и настани од заедничката историја и да запрат антибугарската кампања и искривувањето на историските факти.

Четиринаесет земји за датум за преговори

Според БНТ, Австрија, Унгарија, Велика Британија и уште 11 држави биле согласни Македонија да ги почне преговорите и паралелно да го решава спорот за името.

Токму државниот секретар во австриското МНР, Рајнхолд Лопатка, пак, стави јасно до знаење дека Македонија мора веднаш да ги почне преговорите за членство во ЕУ. Тој нагласи дека Европската комисија четири пати предложи почнување на преговорите и оти Македонија ги исполнила неопходните услови.

Лопатка предупреди и дека со понатамошното одложување ЕУ ќе го загуби својот кредибилитет, а земјите од Југоисточна Европа нема да гледаат потреба за понатамошни реформи.

Австрискиот весник „Ди пресе“, пренесувајќи ја расправата на грчкиот амбасадор во ЕУ со австрискиот дипломат што деновиве ја објави и блогот на францускиот весник „Либерасион“, наведува дека Австриецот бил поддржан од 14 земји-членки, со што се потврдува истата бројка на поддржувачи на земјава како што наведе и бугарската телевизија.

Со отворена поддршка за Македонија се јави и словенечкиот министер за надворешни работи, Карл Ерјавец.

Словенија, како што јавија грчките медиуми, го поддржува почнувањето на преговорите на Македонија со ЕУ во јуни 2013 година, а решение за името да се бара паралелно со процесот на преговори. Ерјавец истакнал и дека ваквата ситуација ја поткопува стабилноста на регионот.

Црногорско сценарио

Инаку, со одредувањето на јуни како можен датум за почнување на преговорите всушност ќе се реализира т.н. црногорско сценарио. Лани во декември Европскиот совет за отворање на преговорите во јуни ја задолжи Европската комисија да го оцени напредокот на Црна Гора во спроведувањето на реформите со посебен акцент на владеење на правото, основните права, борбата против корупцијата и организираниот криминал.

Откако комисијата го стори тоа, во мај го прифати извештајот за напредокот на Подгорица во спроведувањето на реформите и препорача отворање на пристапните преговори, оценувајќи дека таа земја постигнала напредок во областа на владеење на правото, борбата против корупцијата и организираниот криминал и го постигнала потребното ниво на усогласеност со европските стандарди.
Европската Унија со Црна Гора ги води преговорите преку нов пристап, според кој прво ќе се отворат преговори за двете најважни поглавја - правосудство и основни права и правда, слобода и сигурност. Тие две поглавја ќе бидат отворени во текот на целиот процес и ќе бидат затворени дури на крајот.

Во случајот со Македонија тоа би значело дека под условот за добрососедство ќе се стават барањата на Грција и на Бугарија, односно проблемот со името и барањата на Софија, а Европската комисија би направила дополнителен извештај за конкретните критериуми со чие исполнување ќе се активира и датумот.

Европратениците со поддршка на датумот

Покрај поддршката од 14 земји и дел европратеници, без разлика од официјалната политика на нивните земји, вчера очекуваа земјава да добие датум. Ребека Хармс, копретседателката на групата на Зелените во ЕП, како што јави Дојче веле, смета дека Грција треба да биде за отворање преговори со Македонија и дека таа има интерес од проширувањето на ЕУ кон територијата на Балканот.
Австрискиот европратеник Јоханес Свобода, кој претседава со групата на Европските социјалисти и демократи во ЕП, изразува доза на оптимизам дека е можно да се добие датум за преговори. Но, според него, и натаму останува присутен отпорот на Грција против давањето датум за почнување на преговорите. Свобода сепак се надева дека постојат извесни промени и дека е можен напредок. Тој се залага за позицијата, која најчесто можеше да се слушне изминатиов период како можно решение за деблокирање на ситуацијата – почнување на преговорите и паралелни преговори за решавање на спорот со името.
Ако Македонија не добие датум за почнување на преговорите, вели тој, тоа може да биде лошо за нејзината стабилност, но и за регионот.
Жозеп Дол, претседателот на групата на народните партии во ЕП, како што пренесува Дојче веле, се надева дека Советот конечно ќе донесе одлука за почнување на преговорите, но додава дека проширувањето не е главната тема на Советот.
Францускиот европратеник смета дека Грција и премиерот Самарас мора да направат напори за да го решат ова прашање, бидејќи оваа ситуација не може да се одржува вечно.

http://novamakedonija.com.mk/NewsDetal.a...anie=22753

(12-12-2012, 07:50 AM)Gnoj Wrote: Барањата на Бугарија не се апсурдни како грчките, но сега веќе не ми е јасно дали целта е да бидат испорачани или да стојат на маса сѐ дека тоа ѝ е потребно на Грција.

Естествено, че целта е да се изпълнят, другото е безмислено.