Месиќ: Белград тешко ќе го докаже геноцидот над Србите

02.01.2010


Стјепан Месиќ

Ниту еден хрватски војник не ја преминал границата со Србија, не убил, не запалил куќа и не бомбардирал за време на војната во 90-тите.

Со овие зборови хрватскиот претседател Стјепан Месиќ го коментираше евентуалното поднесување на тужба против Хрватска што го најавија српските власти.

Според неговите зборови, главниот интерес на тогашниот српски претседател Слободан Милошевиќ, била србите од Хрватска да се вратат во својата татковина, поточно на Косово кое претходно имал намера да го исчисти од Албанци.

Претседателот Месиќ, во петок присуствуваше на новогодишниот концерт во Виена, а негов домаќин беше австрискиот претседател Хајнц Фишер.

Двајцата претседатели меѓу другото разговарале и за политичката состојба во Хрватска како и за вториот круг од престојните претседателски избори.

http://www.a1.com.mk/vesti/default.aspx?VestID=118195