Скандалозен избор на песна за Евровизија



21.02.2010 18:08
Ѓоко Таневски


Македонија ги избра својот претставник за овогодинешниот избор на песна за Евровизија, кој ќе се одржи во мај во Осло, Норвешка.

Ѓоко Таневски ја имаше силата оваа година да ги победи 28-те учесници на фестивалот „Скопје 2010“ и да си обезбеди место на големата евровизиска сцена.

Во драматичното финале, тој имаше вкупно 22 поени, 12 од жирито и 10 од телевоутингот, а исто толку имаше и второпласираниот Влатко Илиевски, но 10 од жирито и 12 од публиката. Но среќата ја имаше Ѓоко Таневски, бидејќи правилникот на МРТВ, за победник го прогласува оној кој добил повеќе поени од стручните лица.

Исто како и минатата година, вкусот на публиката не се совпадна со она на жирито, па затоа победникот наместо со аплауз, беше поздравен со исвиркување.

Веднаш зад нив се најде Маја Вукичевиќ и нејзината „Фама“, како и Влатко Лозановски со композицијата „Летам кон тебе“.

Македонскиот избор за песна за Евровизија и оваа година си остана на традицијата - скандали колку сакаш. Организаторот годинава им забрани на претставниците од другите медиуми влез во така наречената „Зелена соба“, а секако, уште многу ќе се коментира и за одлуката, дали жирито или пак публиката е таа која треба да одлучи кој ќе патува во Норвешка.
http://izvor


Sekoja godina SKANDAL...Pa koga e takva procedurata zosto taka vikame, ednostavno taka glasale zirito i publikata...takvi bile pravilata....i toa e....Ne treb sekogas da vikame deka e skandal...