Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ДАВАЙ ГАЗ МАКЕДОНИЈО
Author Message
ЈорданПетровски Online
ЈорданПетровски-ЦРНИ
*****

Posts: 15,757
Joined: Mar 2010
Reputation: 36
#1

Quote:МАКЕДОНИЈАГАЗ



[Image: 4201.jpg]
Пишува:Зоран Петровиќ-Љац

Уште во отпочнувањето на преговорите со Алексеј Милер –Генерален директор на Гаспром,човек на Медведев, името на компанијата МакедонијаГаз е отфрлено како подругливо. Сите компании кој ги основа Газпром во Европа го носaт името на државата и придавката Газ. Во Македонскиот случај заради значењето на зборот ГАЗ, Македонската делегација го информирала Алексеј Милер дека е тоа комично име и компанијата во Скопје која се оснива треба да носи име Македонија-Гас. Ова го разбравме од оделот за пресс на Гаспром неколку минути пред отпочнувањето на средбата.

Во делегацијата која го посети ГазПром имаше двајца албанци но имињата никој не ги запамти иако делеја визит карти повеќе од потребно. Едниот изгледаше како припадник албанските сепаратистички чети ,а другиот доста млад и многу зелен. Постави неколку прашања па од природата на прашањата разбравме дека е тој во оваа делегација многу случајно.
Владините фотографи се убиваја да го сликаат Премиерот, а тоа поминуваше забележано од окото на неговиот прв советник, кој се грижеше да неговиот шеф изгледа многу сериозно.
Заради неговата висина запамтивме дека овој советник се вика Мартин.
Најдобар впечаток оставаше Министерот за Финансии Ставревски кои заради наши непознати причини беше пресрдечен со Алексеј Милер и остави добар впечаток.
Се на се обична средба и благодариме на Амбасадата на Македонија што не информира за оваа средба.

Моите впечатоци беа исти како некаква државна средба на Република Српска во Москва, Србија или Бугарија. Секогаш пола делегација е случајни сељаци други се некакви умислени и само еден или двајца знаат за што се работи.
Од Македонската делегација забележавме дека Министерот за Финансии е тој што знае за што се разговара, а другите веројатно го чекаја афтобусот или да бидат послужени со кафе.
Премиерот и неговиот советник изгледаја жалосно.

Се ќе беше во рамките на формалните новинарски денови доколку висок претставник на ГасПром не ги посети просториите на РИА Новости.
Темата беше Украина и договорите со Гаспром, а го запрашав до каде е агендата со Македонија.
Одговорот би сакал да го цитирам: ”Па ќе правиме нешто, знаете таја сребда беше организирана со нас од канцеларијата на бившиот германски председател Шредер.
Се работи за компанија која ќе биде основана помеѓу ГасПром и Македонските власти во однос 51:49 и ќе биде главен диспечер на гасот кои влегува од Бугарија.
Македонските власти се обврзаја да му дадат на Гаспром екслкузивитет во наредните 10 години но и обрска да низ Република Македонија не поминува нити еден друг гасовод освен нашиот.
Тоа е добар договор, а за директор од 1 јуни 2013 година ќе биде Министерот за Финансии, а советникот на Премиерот Груевски, негов заменик. Останува да господинот Шредер назначи уште еден директор и отпочнуваме со работа после тендерот за изработка не фисибилити студијата”

Фрапантна информација. Решив да ги завртам телефоните кај мојте колеги во Скопје.

И еве што дознав од колегите од најголемата медиумска куќа во Скопје:
Советникот на Премиерот,Мартин бил во одлични односи со Бодо Комбах ,а овој со Шредер.
На молба на ГасПром во Германија е направена оваа средба во Москва.
Изворот ми потенцира дека посредник во оваа зделка е и Срѓан Керим кој е во блиски односи со Македонската влада и веројато е третиот извршен директор на ГасПром во Македонија.
Значи дека пола од бизнисот на ГасПром во Македонија е за државата, а пола даје Шарцу.
Влезот во Србија и Бугарија на ГасПром беше идентичен. Огрмно тешки менаџерски договори со милони долари за директорите и посредниците.

Останува на Македонските медиуми постојано да ги бараат документите од овој договор на увид.Се разбира дека никогаш нема да го добијаат.Нити него нити анексите.Исто како во Србија и Молдавија.Посебно анексите до денес несе достапни.
(This post was last modified: 24-07-2012, 09:06 PM by ЈорданПетровски.)
24-07-2012, 09:01 PM
Reply
ЈорданПетровски Online
ЈорданПетровски-ЦРНИ
*****

Posts: 15,757
Joined: Mar 2010
Reputation: 36
#2


Quote:Новата политичко персонална олигархија напаѓа




Ех, да беше жив Ерих Марија Ремарк… Кутриот, ќе ја сменеше сопствената животна филозофија. Западот веќе не е „интересен“. Сега се нешто ново се случува во, за него, далечниот исток. Западот, оној за кој тој пишуваше, е прочитана книга, со востановен ред на возење, а истокот е тој кој сега раѓаат револуции – технолошки, бирократски, културолошки, информациски…


[Image: kekenovski.jpg]
Јове Кекеновски



Токму деновиве истокот, овој нашиот, доместичен, македонски, е на добар пат да повампири една хемингвејски заборавена категорија – олигархијата. Меѓутоа сега една нова олигархија, досега невидена на овие наши простори, која јас ја именував како Политичко Персонална Олигархија.

Поминаа скоро шест години од формирањето на првата влада на премиерот Груевски. По веќе видениот терк, со неа од пред неколку години започна да се промовира и новата македонска олигарахија. Бидете подготвени, New kids are in town…!!?? Зошто токму сега?! Кој и каде е изворот што носи наплив од нови олигарси? Одговорот на прашањето е доста комплексен и бара време и простор за анализа, но со оглед на дозволениот број редови за пишување ќе се обидам да бидам краток, конкретен и јасен.

Но, како и секогаш… Најнапред, за неупатените, да објаснам дека зборот олигархија потекнува од грчкиот збор oligos – мало и arkhê – владеење, што во превод би значело владеење на малкумина. Во принцип се работи за тип на скриена власт која е во рацете на помал дел од популацијата, а која располага со енормна моќ по однос на своето богатство и политичко влијание. Олигархијата настојува своето политичко влијание да го оствари на повеќе начини, но најчесто преку контролирање на економијата без притоа да се нафатат за извршување некоја јавна функција. Некои политиколози тоа го крстат како: „моќно и умно владеење“ или „владеење од позадина“.

Најголем дел од политиколозите се согласуваат дека секоја држава без разлика со каков политички систем функционира, е водена токму од олигарсите. Јавно или полутајно. На многумина од нас, обичните граѓани, одамна мошне ни е јасно како и со која формула нашиве олигарси го стекнаа своето богатсво во времето на СДСМ, а во времето на ВМРО-ДПМНЕ само го зголемија. Овие луѓе мошне умешно сеуште опстојуваат на економската и политичката сцена. Старите олигарси успеаа навреме и секогаш да се прилагодуваат на новите потреби и налозите на политичарите кои ќе дојдеа на власт, бидејќи претстоеше опасност брзо да заминат во историјата и да се вратат на старите позиции, што би било самоубиствено за нив. Замислете колку овие личности беа „важни“ за Македонија и Накедонците, така што не само партиите и нивните лидери, туку МПЦ и г.г. Стефан не останаа имуни на нив. За да не остане покус и нашиот врховен поглавар на неколкумина од нив им подели „Столна медаља од прв ред“ за нивните „големи заслуги“ за народот и црквата. Браво за нивната умешност!? Старите олигарси што законски го ограбија имотот што им припаѓаше на сите граѓани, добија бланко амнестија. Тие воопшто не ни помислија да ги вратат парите во државата, а додуше и никој не им ги побара. Малку од избори до избори ги рекетираа политичките партии, но тоа и не беше некој голем проблем (по неколку милиони евра на една или друга партија) зошто најголемиот дел од парите им останаа нечепнати во странските банки. Нема точни бројки, но процените се дека на нивните сметки лежат помеѓу 8-10 милијарди евра.

Покрај овие веќе стари олигарси, некако неприметно во последниве петанесетина години се создаваше и втора генерација на олигарси која својот процут го доживеа во последниве десет години. Повторно играјќи и со едните и со другите политичари. Еве неколку случајно избрани профили, на пример…

Нема кој во државава не слушнал за еден скопско-општински градоначалник, сопственикот на ланец маркети, кој од бизнисмен стана политичар. Тука е и малку познатиот во јавноста, сопственик на градежна фирма специјализирана за комунална инфраструктура без која ниту една поголема општина не почнува ниту една работа, а своевремено директен учесник во пропаѓањето на една позната скопска фабрика. Следуваат првите луѓе на неколку македонски банки (кои пак уште станаа витези, темплари, масони, ротаријанци, лајонси… а до неодамна не знаеја каде е Скопје). Во списокот на втората генерација олигарси влегуваат и неколку нови дечки кои преку ноќ станаа сопственици на фабрика за производи од бетон, градежен институт, пчеларска задруга, хотели во изградба и др. За еден од нив дури се зборува дека и е финансиски поддржувач на црквата на Вранишковски. Тука секако дека е и неизбежниот дечко за сите времиња кој своевремено на изборите поклонуваше црвени рози, а сега сопственик на една третина од Македонија, понатаму сопственици на телевизии, штедилници, универзитети или универзитети пред пропаѓање, акционери во фирмите со кои раководеле нивните родители, поранешни директори на државни претпријатија, а сега приватни бизнисмени… и уште неколкумина познати и непознати фаци.

Третата генерација на олигарси е онаа која ја почетокот ја крстев како политичко персонална (па ако сакате и перверзна) олигархија. Како да беа малку овие олигарси, па новиве партиски дечки (Македонци, Албанци и останати високо позиционирани политичари од другите етнички заедници во РМ) решија да создадат свои нови олигарси, кои ќе им служат лично и персонално само на нив. Принципот е јасен: ние Вам пари кои ќе ги управувате, ќе водите бизниси, ќе се чаламите и ќе уживате, а Вие нам лојалност, сервилност и разбира се, преку вас оплодување на парите. Решено, сторено. Како новопечени и тазе газди овие дечки нескриено од очите јавноста, денес уживаат во улогата која им ја подариле нивните налогодавци и шефови, притоа заборавајќи како некои исти такви олигарси во минатото завршија во Бугарија и Србија. Да ги потсетам само на првите луѓе на една голема бугарска корпорација, кои исто така управуваа со туѓи пари, како и каде завршија. Едни се обесија, други си пукаа во глава, на трети им беше извршен атентат. Нешто слично ги очекува и овие нови курајберчиња. Порано или подоцна.

Иако сакав во овој текст и барем описно да насликам некои од нив, поради нивната мала вредност и еднократна употреба решив да не го правам тоа и воопшто да не ги споменуваам ниту по име, ни по презиме. Ќе се препознаат самите тие. Овие политички слуги привремено управуваат со партиските и државни пари преку привилегирани бизниси со државата. Стана сосема видливо дека еден поголем дел од политичко персоналните олигарси во последниве години постојано инвестираат во политиката, а многу помалку во бизнисот. Тие во целост го изгубиле интересот (впрочем и никогаш и го немале) за производство и затоа станаа полупаразити. Тие водат сметка само за тоа каде и на која сметка да легнат парите, рентата или дивидендата. По цел ден размислуваат како уште нешто може да се украде, да се присвои, да се проневери, да се расподели со нивните газди и работодавачи политичари.

Улогата на политичките партии и членството кои доследно и слепо ја пратат и поддржуваат новата олигархија е второстепена, односно никаква. Новите олигарси директно одговарат на лидерите и на нивните најблиски соработници, освен на некои градоначалници кои се во директна спрега со олигарсите. Ова се најчесто луѓе кои имаат директна врска и верба од првите партиски луѓе. Во овој контекст ќе ги споменам и тековните именувања на високи државни позиции и функции кои имаат времен карактер и важни се само во онаа мерка и до оној момент до кој ја подобруваат позицијата (политичка и материјална) и улогата на лидерите и нивните најблиски соработници. Во спротивно ве екскомуницираат и ве враќаат на локално ниво, во најдобра варијанта. Онаму од каде што сте дошле!!.

Во минатото, во почетокот на воспоставувањето на плурализмот во периодот на т.н див капитализам додека олигарсите го ограбуваа народното богатство, народот беше среќен што „го сочувавме мирот“. Денес, исто така кога не ограбуваат новите олигарси, пак и со помош и налог на политичарите, повторно Македонецот е „среќен” зошто нема да сме го променеле нашето име и дека Александар е наш. Но, креаторите на новата олигархија треба едно нешто да запаметат. Оваа политчко персонална олигархија спремна е во секој момент еден дел од нејзиниот финансискиот колач да и го остапи на опозицијата заради лична амнестија. Но, исто така и јавноста мора да знае дека и еден дел од опозицијата за возврат (повторно заради лична корист) е спремна доколку дојде на власт да го продолжи веќе започнатиот концепт кој по се изгледа одлично функционира.

Со оглед на менталитетот на македонскиот народ и слабото јавно мислење сигурен сум дека критичката опсервација на оваа општествена и политичка пракса (читај аномалија) многу малку квантитативно и квалитативно ќе влијае на позитивна промена. И покрај фактот дека CV-то на ови политичари и олигарси е свовиден dossier за нивното криминалno и анационално минато, повеќе сум од сигурен дека и во иднина едни те исти ќе се вртат и ќе не ограбуваат и во наредните години, а ние пак само ќе си џавкаме во празно.

До кога?
26-07-2012, 12:32 AM
Reply
ЈорданПетровски Online
ЈорданПетровски-ЦРНИ
*****

Posts: 15,757
Joined: Mar 2010
Reputation: 36
#3

Quote:КАКО ГИ ЧЕСТЕВМЕ РУСИТЕ 60 МИЛИОНИ ДОЛАРИ?


June 24, 2019
Дека Ставревски бил во Финансиската полиција говорат и фотографиите кои пристигнаа до јавноста. Дали се работи за доказ дека случајот „Подарок“ оди понатаму, или пак постои брзање заради неизвесната судбина на СЈО? Во овој случај секако недостасуваат уше некои личности кои и онака се во секој бизнис воземјава. Но „Подарок“ дава одговор зошто оваа земја со својата тогашна политика инклинирала за јакнење на односите со Русија – имало сериозни валкани бизниси во заднината!

РЕДАКЦИЈА ГЛОБУС
[Image: posle-dolgo-vreme.png]
ПОСЛЕ ДОЛГО ВРЕМЕ Ставревски излегува од просториите на Финансовата полиција

Се реактивира ли слулајот „Подарок“, кој на 11 Октомври лани го објави за прв пат Специјалното јавно обвинителство. Несомнено дека тоа беше уште еден голем случај на екипата на Јанева, можеби според сумата со која е оштетена земјава и најголем до сега во активностите на СЈО. Во него повторно се наоѓа и врвот на политиката од времето кога делото е сторено и има секако и своја сериозна меѓународна димензија.
Повод за таа размисла секако е влезот на ексминистерот за финансии Зоран Ставревски, едне од најтаинствените од екипата на Груевски,  во просториите на Финасовата полиција. Ставревски последните години беше толку невидлив и без глас во јавноста што постоеше дури и мислење дека можеби постои специјален мотив да не биде толку изложен на погледите на обвинителите.Последното појавување кое со фотографии го потврди порталот „Центар“, близок до власта, отвори муабет дека се работи за знак дека продолжува истрагата за случајот „Подарок“, за кого не слушнавме ништо после неговото отворање, иако, нема јасни или сигурни индиции дека тој слчучај е на дневен ред во зградата спротив МНР.
Да се потсетиме дека во истрагата „Подарок“ осомничени се Ставрески и Јанакиески, кои се товарат дека во периодот од јануари 2012 година до јули 2014 ја злоупотребиле службената положба и овластувањата и го оштетиле Буџетот за речиси 33 милиони евра, бидејќи прибавиле имотна корист за една руска компанија. Сае работи за пребивање на т.н. стар руски долг, од времето на СФРЈ во вредност од над 60 милиони американски долари кој требал да се пребие преку изградба на гасоводот Клечовце- Блок станица 5, за цена далеку повисока од реалната. Со една реченица, Македонија фактички со свои средства си го платила гасоводот, а дологот на Русија кон Македонија, фактички станал подарок за Русија, пишува винението на СЈО.

[Image: soslusuvanje.png]
СОСЛУШУВАЊЕ Ставревски е фунцкионер кој најретк ооди на слослушување


Практично преку овој случај министер за финансии Зоран Ставрески за првпат се појавува како осомничен во истрага на Специјалното јавно обвинителство. Во овој случај првоосомничен е и Крсте Миладинов, директор на Македонски енергетски ресурси АД Скопје. Тројцата, во периодот јануари 2012 – јули 2014 година, со умисла ја искористиле службената положба и овластување и за руската компанија ОАД Стројтрансгас од Москва прибавиле противправна имотна корист на штета на Буџетот на РМ, велат во СЈО
„Ставрески и Јанакиески биле овластени претставници за спроведување на меѓувладината спогодба, склучена на 19 јуни 2010 година во Санкт Петерсбург меѓу Владите на РМ и Руската Федерација за регулирање на обврските на некогашниот СССР кон поранешната СФРЈ во делот на обврските кон Македонија.
Со спогодбата се регулира рускиот долг во износ од 60.560.242,44 американски долари да се затвори преку испорака на стоки, услуги и извршување на работи. Во преговорите, Ставрески и Јанакиески договориле таа сума да се затвори со изградба на магистрален гасовод, делница Клечовце – Блок станица 5 за вкупна сума од 75.700.303,05 американски долари, или 55.647.292,77 евра, при што Русија учествува со 80 отсто, а Македонија со 20 отсто“.
СЈО тврди дека истото Министерство за транспорт и врски поседувало готова физибилити студија за гасоводот на истата делница, Клечовце – Штип, подолга за речиси 36 километри од делницата Клечовце- Блок станица 5. Во оваа студија пишувало дека цената на чинење на изградбата на делницата Клечовце – Штип би чинела помеѓу 30 и 35 милиони евра.
„Осомничените Ставрески и Јанакиески биле наполно свесни дека реалната цена е многу пониска од онаа договорена со руската страна. Сепак, и покрај тоа Ставрески и Јанакиески целокупниот руски долг го затвориле со обезбедување на услуга – изградба на гасовод, во изведба на компанијата од Москва.
Така, на затворена владина седница, со присуство на осомничените министри, Владата донела заклучок да се прифати понудата на руската компанија и да се потпише конечен договор. Потоа, Собранието на РМ, го прифатил владиниот предлог и во скратена постапка донело закон за изградба на гасоводот, при што од пратениците биле сокриени фактите од Физибилити студијата, според кои, реалната цена на чинење е далеку пониска, или, само 378.626,37 евра (за еден километар гасовод)“.
Според СЈО во ова учествувал и директорот на МЕР, Крсте Миладинов, кој ја прифатил нереално високата цена на услугата од договорот, иако бил запознат со Физибилити студијата, оттаму и со реалната цена на чинењето на изградбата на гасоводот, па на 9 јули 2014 во Скопје го склучил договорот со руската компанија, со што на оваа компанија ѝ е овозможена противправна имотна корист во износ од 32.664.672 евра и 11 центи, колку што е оштетен и буџетот на Република Македонија.
Со ова, постои основано сомневање дека осомничените Зоран Ставревски и Миле Јанакиески сториле по едно кривично дело злопупотреба на службена положба и овластување од член 353 став 5 в.в. со став 3 и 1 в.в член 22 од КЗ на РМ, а осомничениот Крсте Миладинов сторил едно кривично дело Злоупотреба на службена положба и овластување од член 353 став 5 в.в. став 4, 3 и 1 в.в. со член 22 на РМ“.
За СЈО ова всушност значи дека Македонија фактички со свои средства си го платила гасоводот, бидејќи учествувала со 20 отсто во договорот, што отприлика е целокупната (реалната ) сума на чинење, а долгот на Русија спрема РМ, фактички останал „подарок“ за Русија

[Image: sjo.png]
СЈО Случајот „Подарок“ е по својата финансиска вредност е „највредниот“ предмет на Специјалното јавно обвинителство

Формално во слулчајот на врвот на правната страна имаме меѓународен акт – Спогодбата меѓу Владата на РМ и Руската Федерација за затворање на рускиот клириншки долг кон Македонија, при што на руската компанија „ОАД Стројтрансгас“ од Москва ѝ била овозможена споменатат противправна имотна корист во износ од 32.664.672 евра, на штета на македонскиот буџет.
„Фактички, бркајќи зајак, СЈО открило мечка“, реплицира политички аналитичар за Дојче Веле, алудирајќи дека оваа истрага, покрај сомневањата за направена штета на македонскиот буџет, открива и друг „интересен“ аспект.
„Она што е поинтересно во овој случај, не е само битието на делото за кое постои сомневање, туку она што се открива во заднина: го лоцира периодот од кој преку вакви ‘економски’, односно коруптивни активности, всушност започнало и заднинско политичко инклирање кон држава и политика што не е стратегиски интерес на Македонија. Дополнително, уште полошо ако тоа е сторено во ‘корист’ на штетата на нашиот буџет. Резултатот е двојна нула. А, имајќи ги предвид актуелните политички предизвици пред кои сега е исправена Македонија, преку овој случај можеме уште подобро да препознаеме нечии домашни и странски силни мотиви за опструкции кон ЕУ и НАТО – интеграциите“, вели соговорникот на ДВ, иако потврдува дека и без овој случај линковите се јасни и „не се изнадувачки“ за упатената јавност.
Аналитичарите уште тога беа согласни дека компромис со правдата и правната држава, не смее да има. „Заклучоците на Советот на ЕУ од јуни 2018 година го отворија патот за почеток на преговори, но посочија дека Македонија ќе треба да покаже успех во однос на владеењето на правото, но и во борбата против корупцијата“, потенцираше Андреја Стојковски, претседател на граѓанскиот Центар за европски стратегии „Евротинк“. „Оттаму, Европската Комисија ќе цени како ќе се спроведуваат судските постапки кои се во тек, како што се онаа за 27-ми април и оние од СЈО, а ќе очекува ангажман и на ОЈО и ЈОРМ за откривање на сторителите и утврдување на вина за други кривични дела за кои постојат сознанија, или пак се водат истраги. Соодветно постапување во однос на законот за борба против корупцијата и основањето на новата Антикорупциска комисија ќе биде исто така под лупа, а ќе се гледа и каква ќе биде судбината на СЈО во иднина. Шесте нови истраги, но и оние последните отворени ова лето ќе мораат да бидат правилно процесирани и за истите ќе мора да има разрешница на суд“, вели Стојковски.
СЈО најавува дека пред финиш се уште неколку истраги
Според него, судбината на СЈО како успех на медијацијата на ЕУ во политичката криза на големото прислушување на над 20.000 граѓани, мора да биде приоритет во блиска иднина.
„Но, само продолжувањето на работата на СЈО ќе се смета за успех“, беше дециден Стојковски.
Инаку, случајот Подарок може да се споредува само со аферата Актор (автопатот кај Демир Капија) каде со помош на грчка фирма се испрани 31 милион евра, според обвинението а каде главен збор има шремиерот-бегалец Груевски.



ГЛОБУС
(This post was last modified: 01-07-2019, 01:53 PM by ЈорданПетровски.)
01-07-2019, 01:49 PM
Reply