Quote:Историчарката Виолета Ачковска ни навести дека Лазо Колишевски ќе биде претставен во музејот на хоророт, т.е. во Музејот на ВМРО итн., како послушник на Белград. Се обидувам да ја доловам таа музејска поставка во восочна форма. Колишевски разговара на телефон, најверојатно со Тито, а на листот хартија, со рака ја забележува пораката од Белград: „Да се уапсат македонските патриоти!“. Така, кога еден ден децата ќе го посетуваат овој музеј на хоророт, веднаш ќе им стане јасно дека Лазо Колишевски бил една многу негативна личност во македонската историја.

Ачковска, која учествуваше во дебатната емисија на А2 со смешен наслов – „Дали музејот на хоророт ќе придонесе за нови поделби“, не кажа како ќе биде претставен Ванчо Михајлов. Затоа, си земам слобода да шпекулирам како Ванчо Михајлов ќе изгледа во музејот на хоророт:

1. Ванчо Михајлов претставен како лидер на ВМРО;

2. Ванчо Михајлов претставен како ја пишува „Македонија – Швајцарија на Балканите“;

3. Ванчо Михајлов ја става на хартија својата славна мисла : „Јас сум Бугарин од Македонија“ или, пак, „Македонците се Бугари“ (заради автентичност, овие реченици можат да бидат напишани и двојазично, односно и на бугарски);

4. Ванчо Михајлов претставен како издава наредба за ликвидација на Македонец кој бил против организацијата или бил во служба на српските окупациски власти;

5. Ванчо Михајлов претставен како издава наредба да се убие кралот Александар Втори Караѓорѓевиќ;

6. Ванчо Михајлов претставен како седи со усташкиот поглавник Анте Павелиќ во Загреб, пијат токајско вино, цртаат нови граници на Балканот и даваат наредби за ликвидација на Срби, Евреи, Роми, на Хрвати-антифашисти...;

7. Ванчо Михалов претставен во седиштето на тајната служба на нацистичка Германија како разговара со водачот на СС единиците Хајнрих Химлер, кој му нуди да биде гувернатор во Македонија под германска команда.

Што (би) избрала Ачковска не знам, ама е извесно дека лудилото ќе се инсталира во музејот. Поточно, тоа ќе биде завршниот чин од лудилото кое започна во 1990 година и трае до денес. Поставувањето на восочна фигура на Ванчо Михајлов во музејот на хоророт ќе биде срамен ден за македонската држава и за македонската нација. Тоа ќе биде срамен ден за актуелната власт, за политичките елити, за универзитетската, научната и за вкупната македонска јавност. Тој акт ќе биде запаметен како злосторнички чин, бидејќи на тој начин ќе се фрли дамка врз Македонците како слободољубив и како напреден народ. Затоа, восочниот Ванчо Михајлов, по никоја цена не смее да влезе во музејот на хоророт кој е финансиран со државни пари. За да се спречи тоа, македонската јавност има малку време за да се мобилизира и да дејствува. Оттука, одбраната на достоинството на Македонецот треба да почне пред да се отвори музејот на хоророт.

АНТИИСТОРИЈА Но, зошто олку вехементност во еден колумнистички дискурс? Зар неколку килограми восок можат да и' направат штета на Македонија? Зар, мојата омраза спрема Ванчо Михајлов не е доказ за индоктринацијата што влече корени од времето на комунизмот? Зар уште треба да ги делиме историските личности на позитивни и на негативни? Зар, мојата маленкост не може да разбере дека во едно плурално општество не постојат веќе табу теми, проскрибирани личности или апсолутни вистини диригирани од една поразена идеологија? Зар не треба, во согласност со коњуктурната фраза, историјата да им ја препуштиме на историчарите?

Мојата заложба да се пресметаме со ликот и со делото на Ванчо Михајлов не е заради желбата нашата историска наука да има здрави ставови или, пак, да се покажеме дека како нација имаме јасна историска свест. Овие работи се важни, но не се примарни во моментов. Ние треба да расчистиме со Ванчо Михајлов за да демонстрираме дека сме созреани како нација и дека сакаме да ги споделуваме европските вредности. Или, уште појасно – ако сакаме да бидеме дел од Европа, ние, едноставно, треба да го заборавиме Ванчо Михајлов, наместо да го сместуваме во музеј кој се гради со државни пари.

Челницитге на ВМРО-ДПМНЕ, прво Љупчо Георгиевски, а сега и Никола Груевски, заедно со историчарите од типот на Ачовска, не можат да разберат дека по Втората светска војна, сите европски држави морале да се соочаат со она што се нарекува антиисторија. Што значи антиисторија? Тоа е периодот од историјата на 20 век кога некои држави имале нацистички или фашистички режими, други биле нивни сојузници, или, пак, одредени личности во окупираните држави биле во служба на нацизмот и на фашизмот. Со други зборови, секој оној што заземал високи позиции за време на нацизмот и на фашизмот, е третиран како злосторник против човештвото. Таквите личности, без оглед дали биле осудени или поминале без казна, светот по Втората светска војна ги претставува крајно негативно или, во крајна инстанца, ги премолчува како срамен дел од својата историја.

ПРЕДАВНИЦИ Ќе наведам три примери зашто овие злосторници никој не се обидува да ги претстави како контроверзни личности или како „неразделен дел“ од сопствената историја. Пред четврт век, светот беше констерниран по откритието за нацистичкото минато на тогашниот австриски претседател и поранешен генерален секретар на ОН Курт Валдхајм. Речеси сите државници ги прекинаа релациите со него. Тој беше најизолираниот претседател по Втората светска војна. Зошто? Затоа што како официр на Вермахтот, Валдхајм учествувал во неколку казнени операции на Балканот, посебно во операцијата на Козара, кога биле убиени над 60.000 цивили, од кои 20.000 биле деца.

Маршалот Петен беше славното име на француската армија. Тој беше херојот од Првата светска војна. Почитуван и обужуван меѓу двете светски војни. Меѓутоа, во 1940 година, Петен станува претседател на француската марионетска држава, окупирана од нацистичка Германија. Големиот херој станува најголемиот предавник во француската историја. Петен не бил стрелан само поради староста. Кој нормален човек или историчар во Франција би се осмелил да ја отвори контроверзата - дали Петен, со оглед на реалностите во 1940 година, можеби, постапил рационално. Тој е злосторник и предавник! Нема и не смее да има дискусии за Петен!

Кнут Хамсунг е еден од најголемите писатали на 20 век. Но, кога Германија ја окупирала Норвешка, веќе остарениот Хамсунг изјавува; „Тоа е победа на германскиот идеализам врз англискиот материјализам“. Подоцна, Хамсунг му ја подарува Нобеловата награда за литература на Гебелс. По војната, Норвежаните не го судат поради староста и сенилноста. Но, Норвежаните, кои биле горди на својот најголем литерат, се откажале од неговите книги. Речиси сите негови книги му биле вратени по пошта. Тоа е казната за предавникот.

Ванчо Михајлов, како човек роден во Македонија, во текот на Втората светска војна, имал најтесни релации со нацистите и со фашистите и стигнал најдалеку во контаките со злосторниците. Всушност, Михајлов и самиот бил злосторник! Фактот дека соработувал со Павелиќ, водачот на една од најкрвавите и назлосторничките фашистички творби, а и фактот што бил примен од злогласниот Химлер, се доволни, овој мрачен лик да влезе во антиисторијата на Бугарија (тој се сметал себеси за Бугарин), а посредно и во онаа на Македонија (поради местото на раѓање).

Друга работа ќе била доколку Михајлов, на пример, не завршил како злосторник, односно се деполитизирал пред 1941 година. Тогаш, ќе беа легитимни барањата на Љупчо Георгиевски и на историчарите кои се ставија во служба на ВМРО-ДПМНЕ, да расправаме за оваа историска фигура Но, како осведочен злосторник, прво, против човештвото и второ, против Македонците, за Михајлов може да се говори само негативно или, како што реков претходно, најдобро е воопшто и да не се споменува.

КРЕАТУРА ВМРО-ДПМНЕ многу авансираше во оваа мрачна креатура и затоа е тешко да расчистиме со него еднаш - засекогаш. ВМРО-ДПМНЕ се легитимира како наследник на историското ВМРО, а Ванчо Мијахлов е „легендата“ на организацијата од дваесетиттте и од триесетитте години на миниот век. Како да и' се објасни на македонската јавност, а особено на помладите генерации, кои се воспитуваат дека кодот на ВМРО е вграден во секој Македонец, дека челникот на историското ВМРО, освен што бил бугарска инсталација во македонското ткиво, освен што ги тероризирал Македонците во Бугарија, освен што бил инструмент на туѓи интереси и иредентизми, тој бил и злосторник против човештвото, односно, слуга на фашизмот и на нацизмот.

Ако „падне“ Ванчо Михајлов, се урива музејот на хоророт, а се девастира и вмровската идеологија. Така, лагите за континуитетот на националната борба, за идеалите и за идеологијата на македонската десница, се покажуваат како најгрозоморната измама во поновата историја.

Гледано реално, ние имаме три солуции. Прво, музејот на хоророт и на срамот да не се отвори воопшто. Второ, да се употребат багерите, бидејќи музејот на хоророт е дивоградба на искроволчениот политички ум. Трето, музејот на хоророт да се сочува како потврда за идните генерации за тие да можат да видат каде не' доведе популизмот и вмровизацијата на Македонија.

Оваа држава настанала во антифашистичката борба. Таа не заслужува ваков срам и ваква бламажа. Оттука, очекувам од големата тројка, односно, од владите на Велика Британија, Русија и на САД, предводниците на антифашистичката коалиција, да упатат остар демарш до Владата на Македонија. Пораката би била – На злосторниците не им е местото во музеи! Или, немојте да ги рехабилитирате злосторниците!

(18-03-2010, 06:07 PM)Pirinec-Vrhovist Wrote:

http://www.utrinski.com.mk/?ItemID=7E17CF39C7F22642A06C990B53C380BF

Незнам колко ниско требва да падне човек за да публикува това во голем медиум

(21-03-2010, 10:36 PM)Пеницилин Wrote: Портпаролите на фејсбук случајно или намерно поддржувачи на контроверзни групи

Катерина Цаневска Арсовска
21.03.2010 18:51



Да најдеме милион луѓе на кои не им се допаѓа Грција, чие име ќе менувате гниди грчки, без педери нема држава, а со нив државата е како швајцарско сирење, ова се групи на популарниот Фејсбук кои имаат поддржувачи.

И нели не би било ништо чудно ниту недозволиво, секој си има право на сопствено мислење и став, но кога ова му се допаѓа и го поддржува човек од кабинетот на „таткото“ на нацијата, е тоа веќе и не е толку наивно.

Чии ставови ги поддржува Цилиманов, човекот задолжен за односи со јавноста во Кабинетот на Иванов и колку личности на вакви функции со ова не го одразуваат и можеби ставот на институцијата која ја претставуваат.

И уште неколку бисери од истиот сајт, поддршка за групата, за спречување на одбранбените сили во превенција на терористичките напади од Газа и ова ли е лично мислење, или пак, Македонци, раѓајте Македонци - крстоносци, Бранко Црвенковски криминалец, да се собереме милион поддржувачи на ВМРО-ДПМНЕ.

Па нели претседателот кога полагаше заклетва вети дека ќе биде претседател на сите, без разлика на партиска или етничка припадност.

(20-03-2010, 01:35 AM)ЈорданПетровски-ЦРНИ Wrote:

Quote:Операција „пуштај вода“

Пишува: Цветин Чилиманов


Нема добра шпионска приказна без штосно шифрирано име. Во случајов, во Бугарија во тек е акцијата „пуштај вода“, во која Ефтим Костадинов, директор на Комисијата за тајните архиви на нивната комунистичка Државна сигурност, ги објави имињата на 139 поранешни и сегашни пратеници кои биле кодоши на службата.
Тоа што во списокот би требало особено да не интересира е што на него се собрале и најголемите бугарски националисти, како на нас добро познатиот Красимир Каракачанов од бугарското ВМРО и низа пратеници од ултра-националистичката Атака, но и водачот на бугарските Турци Ахмед Доган и луѓе од неговата партија. Едниве големи Бугари, другите борци за права и слободи, а сите заедно работат за ист газда кој им ги навива механизмите, по потреба да креваат врева, а по потреба да молчат. На чело, претседателот Георги Прванов, кој учествувал во политизирањето на односите меѓу Бугарија и Македонија, за потребите на Службата.
Ако со списокот на Костадинов се објаснува мешањето на Службата во бугарско-турските кавги, не се разјаснува до крај за нас многу поинтересната редовна македонско-бугарска кавга. Секогаш кога треба нешто да се покрие, заташка или треба некој да се распне, се вадат од архива дневниците на Мисирков и песните на Миладинови, а нациите се расправаат за многу важните прашања околу тоа кој го убил Прелиќ, кој го предал Гоце и кој го кажал бројот на мобилниот на Мијалков. Колку е забегана работава покажува фактот дека весник во Македонија може да добие 2-3 интернет-коментари од читателите за прашање од врвно секојдневно значење, на пример реформите во здравството, но 200-300 коментари ако објави каков било текст на банална тема поврзана со Бугарија.
Јасно е дека оваа игра на бугарските служби би станала здодевна многу бргу, кога не би имало одговор од другата страна. Никој не плаќа да гледа танго за еден. Списокот на Костадинов покажува зошто се едни те исти бугарски политичари се редовни по „македонското прашање“. Но, на нив им возвраќаат се едни те исти новинари, политичари и историчари од македонската страна (истите оние кои што, патем, се на браникот на борбата против лустрацијата, односно пуштањето вода и во Македонија). За конечно да се запре оваа одвратна кавга од типот „вие нам Татари, ние вам Титовисти“, лустрацијата мора што поскоро да се изврши и кај нас. Да се види дека најзапалените Македонци, Албанци, србомани и бугараши во Македонија всушност работат за истата Служба и се „најдобри непријатели“.
Со лустрацијата ќе се урне лагата дека, демек, стариот систем бил наднационален, додека овие националистиве, кои заслужено беа држени по Идризово и Забели, го пуштија вирусот на омразата од шишето. Полека станува јасно дека токму Службата, што божем требало да ги држи националистите подалеку од нормалните луѓе, всушност многу повеќе го негувала, чувала овој ебола-вирус на полицијата, и дека на сигнал режирано го пушта меѓу луѓето.

(22-03-2010, 12:30 AM)ЈорданПетровски-ЦРНИ Wrote:

(21-03-2010, 10:36 PM)Пеницилин Wrote: Портпаролите на фејсбук случајно или намерно поддржувачи на контроверзни групи

Катерина Цаневска Арсовска
21.03.2010 18:51



Да најдеме милион луѓе на кои не им се допаѓа Грција, чие име ќе менувате гниди грчки, без педери нема држава, а со нив државата е како швајцарско сирење, ова се групи на популарниот Фејсбук кои имаат поддржувачи.

И нели не би било ништо чудно ниту недозволиво, секој си има право на сопствено мислење и став, но кога ова му се допаѓа и го поддржува човек од кабинетот на „таткото“ на нацијата, е тоа веќе и не е толку наивно.

Чии ставови ги поддржува Цилиманов, човекот задолжен за односи со јавноста во Кабинетот на Иванов и колку личности на вакви функции со ова не го одразуваат и можеби ставот на институцијата која ја претставуваат.

И уште неколку бисери од истиот сајт, поддршка за групата, за спречување на одбранбените сили во превенција на терористичките напади од Газа и ова ли е лично мислење, или пак, Македонци, раѓајте Македонци - крстоносци, Бранко Црвенковски криминалец, да се собереме милион поддржувачи на ВМРО-ДПМНЕ.

Па нели претседателот кога полагаше заклетва вети дека ќе биде претседател на сите, без разлика на партиска или етничка припадност.

Цаневска ја боли овој текст:

(20-03-2010, 01:35 AM)ЈорданПетровски-ЦРНИ Wrote:

Quote:Операција „пуштај вода“

Пишува: Цветин Чилиманов


Нема добра шпионска приказна без штосно шифрирано име. Во случајов, во Бугарија во тек е акцијата „пуштај вода“, во која Ефтим Костадинов, директор на Комисијата за тајните архиви на нивната комунистичка Државна сигурност, ги објави имињата на 139 поранешни и сегашни пратеници кои биле кодоши на службата.
Тоа што во списокот би требало особено да не интересира е што на него се собрале и најголемите бугарски националисти, како на нас добро познатиот Красимир Каракачанов од бугарското ВМРО и низа пратеници од ултра-националистичката Атака, но и водачот на бугарските Турци Ахмед Доган и луѓе од неговата партија. Едниве големи Бугари, другите борци за права и слободи, а сите заедно работат за ист газда кој им ги навива механизмите, по потреба да креваат врева, а по потреба да молчат. На чело, претседателот Георги Прванов, кој учествувал во политизирањето на односите меѓу Бугарија и Македонија, за потребите на Службата.
Ако со списокот на Костадинов се објаснува мешањето на Службата во бугарско-турските кавги, не се разјаснува до крај за нас многу поинтересната редовна македонско-бугарска кавга. Секогаш кога треба нешто да се покрие, заташка или треба некој да се распне, се вадат од архива дневниците на Мисирков и песните на Миладинови, а нациите се расправаат за многу важните прашања околу тоа кој го убил Прелиќ, кој го предал Гоце и кој го кажал бројот на мобилниот на Мијалков. Колку е забегана работава покажува фактот дека весник во Македонија може да добие 2-3 интернет-коментари од читателите за прашање од врвно секојдневно значење, на пример реформите во здравството, но 200-300 коментари ако објави каков било текст на банална тема поврзана со Бугарија.
Јасно е дека оваа игра на бугарските служби би станала здодевна многу бргу, кога не би имало одговор од другата страна. Никој не плаќа да гледа танго за еден. Списокот на Костадинов покажува зошто се едни те исти бугарски политичари се редовни по „македонското прашање“. Но, на нив им возвраќаат се едни те исти новинари, политичари и историчари од македонската страна (истите оние кои што, патем, се на браникот на борбата против лустрацијата, односно пуштањето вода и во Македонија). За конечно да се запре оваа одвратна кавга од типот „вие нам Татари, ние вам Титовисти“, лустрацијата мора што поскоро да се изврши и кај нас. Да се види дека најзапалените Македонци, Албанци, србомани и бугараши во Македонија всушност работат за истата Служба и се „најдобри непријатели“.
Со лустрацијата ќе се урне лагата дека, демек, стариот систем бил наднационален, додека овие националистиве, кои заслужено беа држени по Идризово и Забели, го пуштија вирусот на омразата од шишето. Полека станува јасно дека токму Службата, што божем требало да ги држи националистите подалеку од нормалните луѓе, всушност многу повеќе го негувала, чувала овој ебола-вирус на полицијата, и дека на сигнал режирано го пушта меѓу луѓето.

Чилиманов е прв новинар кој посочи каде е вистинскиот проблем во Македонско-Бугарските односи. Такви во моментов се многу опасни да се во опкружување на Преседателот Иванов.

Quote:Одговор на реакцијата на портпаролот Чилиманов
Среда, 24 Март 2010 09:26

Советот на честа при Здружението на новинарита на Македонија на состанокот оддржан на 23 март 2010 година ја разгледа претставката на портпаролот на претседателот Ѓорге Иванов, Цветин Чилиманов, во која наведува дека во новинарскиот прилог „Портпаролите подржувачи на контраверзни групи на фејсбук“ од новинарот Катерина Цаневска Арсовска, објавен на 21 март 2010 година на А1 телевизија, се прекрчени професионалните стандарди. Советот на честа смета дека во прилогот на Катерина Цаневска Арсовска не е запазан принципот на втора страна кој налага новинарите да бидат чесни, објективни и точни проверувајќи ги информациите колку што е тоа можно. Советот оценува дека со незапазувањето на овој принцип на јавноста и е ускратено правото да добие целосна информација и претстава за темата за која има јавен интерес.
Скопје, 24. 03. 2010 година
Совет на честа при Здружението на новинарите на Македонија

Quote:1918 - Во селото Болно, Ресенско, е роден Димитар Богоевски - Мите, народен херој на Македонија, револуционер и поет. Потекнува од земјоделско и печалбарско семејство. Основно образование заврши во родното место, Граѓанска школа во Ресен, а се школуваше и во Трговската академија во Битола. Се занимаваше со пишување револуционерни песни. Поради својата револуционерна активност во

1940 година беше уапсен од српската полиција и затворен во Белград. Поради недостиг од докази беше пуштен.

Во 1942 година беше уапсен од бугарската полиција во Ресен. По суровото мачење е ослободен.

Во 1942 година учествуваше во формирањето на НО партизански одред "Даме Груев". Во месноста Долец, во Болненската Планина, Ресенско, во нерамноправна борба против бугарската окупаторска војска и полиција, не сакајќи жив да падне во рацете на окупаторот, се самоуби (заедно со неговиот другар, народниот херој Стефан Наумов- Стив) на 12.9.1942 година.

ИЗВОР