Quote:„Маченичка одаја“ во амбасадата во Австралија?!




Никола Ставрески, македонски иселеник во Австралија, во документарец ќе прикаже мистериозна просторија од македонската амбасада во Канбера, за која цени дека ја користеле припадниците на УДБА во поранешниот систем за да ги мачат и дискредитираат Македонците и Хрватите. Режисер и продуцент на документарното остварување кое се очекува на крајот на 2012 или на почетокот на 2013 година, е Саша Узунов.

Ставрески кој има бизнис за фотографија во Мелбурн, а исто така е сопственик и на веб порталот „Информатор“, пред камерите ќе раскаже шокантно сценарио кое го изненадило. Имено, македонскиот амбасадор во Австралија, Перо Стојановски, за чиј паралел-слалом љубовен живот се слушаше многу повеќе отколку за дипломатските активности, го поканил Ставрески да го фотографира приемот во јули 2011 година кога објектот на старата амбасада на СФРЈ во Канбера ѝ припадна на Македонија, со поделба на имотот на СФРЈ меѓу нејзините наследнички.

-Амбасадорот Перо Стојановски ми рече дека не смеам да фотографирам една конкретна соба во амбасадата. Таа била затворена и никој не ја користел со години. Кога ја отворивме вратата од собата за да погледнеме внатре, се шокирав од она што го видов. Taa беше звучно изолирана, темна и имаше када на средината со дрвена летва, или за прицврстување или за врзување нешто, објаснува Ставрески и додава дека веднаш просторијата му заличила на „соба за мачење“ користена од поранешната југословенска амбасада и нејзината тајна полиција УДБА.

Амбасадорот Стојановски, му рекол дека се работи за деликатна тема и дека ќе биде обелоденета кога ќе дојде вистинскиот момент за тоа, објаснува Ставрески.

Тој во снимено интервју наведува, дека бил запознаен со некои случаи на Хрвати и Македонци во Австралија кои биле „киднапирани“ од улиците на Мелбурн и Сиднеј и измачувани од припадници на УДБА во седумдесеттите и осумдесеттите.


Документарецот e со времетраење од 45 минути. Во него ќе се појават хрватски и македонски лидери, поранешни австралиски полициски извори, поранешни информатори од Австралија и од Европа. МС

Quote:О ва зимава, студов и снегов навистина ме убија во поим. Страв ми е и нос да изнесам на отворено. Ако не си ги активирам мерките за одбрана и ментална самозаштита, може да паднам во депресија. Една од проверено ефикасните е да ја набљудувам сериозната политика од смешната страна. Многу сум добра во тоа. Успевам самата себеси да се насмеам до солзи. На пример, додека ја слушав пораката на „неписмените“ талибанци до Вашингтон дека нема да седнат на преговарачка маса со марионетскиот режим во Кабул, туку со газдите што го инсталирале, рикав замислувајќи си го шокот испишан на фацата на Хилари Клинтон. Талибанциве бараат директни преговори! Браво за нив. „Ху ну“ дека дечкиве имаат и дух и памет за ваква игра. Потоа ме развесели овогодишното предоскаровско издание на предизборниот Холивуд. Демодираните хипи-активисти - миротворци и антимилитанти Сузан Сарандон, Џејн Фонда, Мет Дилон и Џорџ Клуни, ги заменија со милитантните глобалхуманисти Анџелина Џоли и Шон Пен.
Демокративе дефинитивно продолжуваат со соросовиот концепт на изборна мотивација на масите преку филмска пропаганда. Невиден политички кич, кој ве тера на смеење до помочување. Демек, филмските тепачи со милосрдно срце ќе шират пропаганда за хуманистичкиот карактер на војните во изборната година во САД. Ајде и тоа да го видиме!

На овој концепт посебен шарм му даде балканската верзија што стигна од Подгорица, која е седиште на „младите, паметните и згодните“ политичари од реколтата 1990-2000 на Слободан Милошевиќ. Дечкиве го повикаа НАТО да ги ослободи од ненародниот снег така што со целата механизација и паметни бомби ќе им го расчисти. Браво за нив! И за наш Стевче Јакимовски. Цепка е човекот. Кипти од духовита продуховеност. Божем требаше да закуца две тројки во низа, а на крајот излезе дека си стегна два гола со сопствена пета. Ем умре два човека ем експресно го најде убиецот Спиро и згора, по Интернет им дојави на бездомниците од општината Карпош дека за нив вратите на центарот за згрижување се отворени 24/7. Бездомните корисници на Интернет сега можат да бидат раат.

Е, ама мене не ме плаќа „Нова Македонија“ за јас да ви ги раскажувам моите приватни забави. Морам и нешто сериозно да напишам. Издвоив два настани што заслужуваат внимание. Првиот е официјалната средба Меркел - Груевски. Дојде во исклучително важно време и за Македонија и за Германија. Од наш аспект, би можела да се оцени како ефектно заокружување на дипломатско-политичката активност на Владата, со цел максимално да се ефектуира пресудата на Судот во Хаг. Од неа произлегоа неколку конкретни пораки. Македонците од прва рака дознаа дека нема да има потреба кога било да пеат „Данке Дојчланд“. Германија не ја гледа Македонија како свој национален интерес, а богами ни во иднина нема намера да сече вени за Македонија. Ништо ново. Напротив, и овој пат се сретнавме со континуитетот на германската политика запишан во двовековната историја на Балканот. И во 21 век е јасно дека Македонија, за разлика од сите други балкански држави и нејзини непосредни соседи, нема свој политички патрон во големите европски држави. За признавањето од 133 држави, нашата држава се бореше 20 години и буквално гребеше со нокти за секое од нив. Затоа, пак, на Косово, наспроти меѓународното право, му беа потребни нецели две години да стигне до бројката 80. Толку за пријателите и пријателствата во светот на големата политика. Но затоа Ангела Меркел совршено течно, како водечка политичка личност во Европа, односно во ЕУ, го кажа она што македонската опозиција има проблем да го изусти, а тоа е дека Македонија е жртва на евроатлантската политика. Дека пресудата на судот на правдата при ОН е чиста политичка победа на актуелната влада, дека Македонија правно е во право, ама на патот на меѓународното етаблирање наидува на политички пречки од група држави на кои им се може да поставуваат такви пречки. Меркел не се затскриваше зад грчкото вето, не се вадеше на својот штитеник Атина. Јавно призна дека ЕУ и НАТО ја преземаат одговорноста за блокирањето на Македонија. Никола Груевски доби црно на бело признание од својата колешка дека политиката што ја води му е во ред.

Што друго научивме од оваа официјална средба? Пред сѐ дека на Германија не ѝ претставува никаков проблем на државава да ѝ се обраќа како на Македонија, ниту ѝ претставува проблем да ја употребува придавката „македонски“ во сите варијанти. Освен што е потврда на дводеценискиот континуитет во билатералната комуникација, тоа е „мал“ акцент упатен кон официјална Атина, која се ежи на секој ваков гест, ама и кон бриселската бирократија, која ќе треба да се сообрази со водечкиот Берлин. Впрочем, веќе во март ќе видиме дали техничките пропусти на бриселските секретарки ќе бидат поправени. Особено важна беше и пораката дека Германија, како столб на ЕУ и доминантна на европскиот континент, економски ќе ја „помага“ Македонија, која во случајов е колатерална жртва на должничко-доверителските мајмунлаци во Унијата. Тоа може да се чита и вака и онака, но мене ми изгледа дека Германија токму во моментов имала потреба преку Македонија да испрати порака дека Берлин е вистинскиот титулар на Европа. И политички и економски.

Конечно, ако судиме според ефектите на средбата на Груевски во Берлин и гостувањето на Меркел во Белград, може да се заклучи дека македонскиот гостин Груевски, за разлика од српскиот домаќин Тадиќ, е во политички ќар. Не доби ниту една звучна шлаканица. Беше пофален за правецот во кој ја насочил државната политика, за реформите што ги прави, му беше честитано за мајсторски одиграна партија на меѓународната сцена, не му беше изречена ниту една забелешка за економските политики, беше охрабрен да продолжи да работи како што работи. Богами, не е малку како политички багаж во година што уште во почетокот е прогласена за катастрофална.

Сега, не знам како ќе ја оцени оваа средба опозицијата, ама судејќи според досегашната практика да вика „стрижено“ кога сите други велат „бричено“, гарант ќе ја утне пак работата. Впрочем, според молкот со кој беше дочекано „окрупнувањето“ на ВМРО-ДПМНЕ, кое за мој вкус е еквивалент на прибирање амбалажа за рециклажа, должна сум да заклучам дека многу грешат што усвоиле стратегија да го фаќаат непријателот на кондиција. Демек, Груевски ќе се уморел и ќе клапнел. А видиш ти како „малиов“ им одигра велемајсторски една година пред локалните избори. Како вчера да станал власт и, во шестата година од мандатите, не што не му се оронува грамадната коалиција, туку на купче му се враќаат сите што за потребите на СДСМ на последните избори еднократно глумеа опозиција. Ем тоа како му се враќаат! Ги редат пред микрофони со матичниот одбор за дочек на грешни христијани, небаре минуваат низ церемонијална голгота нагрбени со својот крст и јавно, озарени го окајуваат својот грев кон партијата, која, видиш ти, ги рефлектирала и нивните идеи, само што тие пред седум-осум месеци не успеале да го видат тоа.

Како и да е, пораката е повеќе од јасна. ВМРО-ДПМНЕ има капацитет кога сака да се сонча, а кога сака да се окрупнува. СДСМ досега не успеа да си ги врати ни Тито Петковски ни Лазе Еленовски. А си го нагрбачи за стално бугарофилот Љупчо Георгиевски. Згора, оваа операција навестува дека пред локалните избори во ВМРО-ДПМНЕ претстои уште една темелна кадровска реформа. Галиба овој субјект има богат кадровски фундус и има намера да вади нова, свежа локална постава.

Автор: Мирка Велиновска

Quote:„Се работи за ментално болен човек, си кажува приказни, тој пати од депресивна болест. Тој е типичен болен. Ако ние сме ја смениле верата како што кажува, тогаш тие што денеска се нарекуваат Мекедонци го смениле јазикот“. Ова денеска за Плусинфо го изјави портпаролот на опозициската албанска партија ДПА, Зијадин Села, во врска со коментарите на водителот Миленко Неделковски на неговиот Фејсбук профил. Неделковски, како што вчера објави Плусинфо, на социјалната мрежа напишал дека: „Како што може да се забележи, јас во 6 години сезона, во емисија немам викнато ниту еден муслиман, ниту еден шиптар. Ги множам со нула. Тие сите се Македонци, со погрешна вероисповест“.

На ваквите коментари на Неделковски реагираа и од владејачката ДУИ. Координаторот на пратеничката група на ДУИ во Собрание, Талат Џафери се сложи со колегите од ДПА дека Миленко Неделковски е болен човек.

- Најголемата нула е самиот Неделковски. Болен човек нема што да се коментира, тој треба да се лечи. Тој е самиот нула на квадрат, а ако мисли дека по ова ќе навлеземе во конфронтации, се излажал. Сигурно ќе има реакција од ДУИ доколку се утврди дека навистина тоа го рекол, но ако е така, тогаш на човекот очигледно му треба лекар – изјави Талат Џафери.

Ниту портпаролот на владејачката ВМРО-ДПМНЕ, Александар Бичиклиски, ниту, пак, координаторката на пратеничката група на партијата, Силвана Бонева, денеска не беа достапни за коментар на објавеното од Миленко Неделковски кој се декларира во јавноста како добар пријател на премиерот и лидер на ВМРО-ДПМНЕ, Никола Груевски.

Quote:Додека во време на Втората светска војна во Србија, Црна гора, Босна и Херцеговина се создава силно партизанско движење, во Македонија , и покрај напорите на ЈКП, тоа нема успех. За тоа зборува во својот реферат до ЦК на ЈКП од 8 август 1943 г. Светозар Вукмановић – Темпо : «Во почетокот на март 1943 г. Пристигнав во Македонија каде што ја затекнав следната положба : Партијските организации во организационен однос беа во речиси полно разделување....Тоа се должи пред се на бугарското сознание на превладувачкиот дел од населението на Мкаедонија, кое не го поднесува антибугарскиот дух и не допушта да се дигне рака против Бугарија.» Нешто повеќе, самите комунисти и нивните раководители во лицето на Покраинскиот комитет, и ја земат властта од прилепчанецот Методи Шатаров – Шарло реско се спротивставуват на стремежот на српските комунисти да го наметнат своето водство и диктат. Во титовите архиви се запазени многу документи по тоа прашање. Во едно од нив се зборува : «Македонскиот ПК откажува да одржува врска со нас и се сврзува со БКП веднаш со започнувањето на окупацијата на Македонија. Шарло не се отзовува и по третата покана да дојде во Белград на заседание, на кој што треба да се разгледа прашањето за Македонија.»

Quote: За одговорноста на фантом функционерите со поданички менталитет


Kога на Сократ му сугерирале да ја избегне чашата со отров, тој рекол – „не можам, зошто тој демон внатре, во градите ми пречи во тоа“.

Демонскиот порив од отровот наречен „власт“ е толку присутен што го доведува во прашање опстанокот на вредносниот систем кој треба да ја обезбеди функционалноста на правната држава и демократијата. Отруени (опиени) од власт, водачите на народот забораваат на нивниот внатрешен „морален агент“ кој ги опоменува секогаш кога ќе заборават дека поданичкиот менталитет ќе ги направи робови на туѓа волја, фантом-функционери и слепи извршители на туѓи идеи.

Еден од подолго присутните проблеми во РМ, е разбирањето и односот кон етиката и морал во политиката. Во европските земји, етичките принципи во политиката се појавиле пред стотина години, како резултат на политичкото созревање, јавната критика и сфаќањето дека носителите и вршителите на јавни функции се „слуги на народот“ и дека се во функција на општото добро и општиот интерес.

Македонските политичари и функционери, кои во догледно време нема да ги достигнат европските стандарди за градење на нивниот политички интегритет, не заслужуваат да ги понесат атрибутите - одговорени, а најмалку зрели политичари. Одговорноста на функционерите кај нас е само пуста желба, празно изборно ветување, априлска шега или „безпредметна“ дебата на гласниците на етиката, законитоста и правдата. Македонската јавноста скоро и да не памети позитивни примери на признанија за морална или политичка одговорност, а за материјална или кривична уште долго ќе чекаме. Нашите политичари и функционери речиси никогаш (чест на примерите кои се бројат на една рака) не поднесуваат оставка, туку чекаат (и молат Бога) да бидат сменети, а подоцна рехабилитирани како повторена шанса за „докажување на сопствената неодговорност“. И се` така во круг ....

Во демократските системи оставката како легитимна институција се поднесува или поради чувство на одговорност односно вина, или поради несогласување со политиката на извршната или законодавната власт. Контурите на оставката се важен дел од политичката култура на функционерите; тие се индикатори за одговорноста на носителите на јавни функции на кои може да им се верува. Оставката може да биде и крајно средство за „убедување“ и „притисок“ врз власта. Неприфаќањето на оставка според сите правни и морални критериуми е неприфатливо, бидејќи никој не може и нема право да бара од функционер да врши некоја улога спротивно од својата волја, совест и ум.

На нашата политичка сцена се одржува култот за функционери како полубогови/султани; постојано се гради митот за нивната непогрешливост, принципиелност, праведност, посебност, визионерство, попларност и сл. Наспроти себе-перцепцијата и султанскиот менталитет кој се храни и одржува од политичките поданици, нашироко е присутна нарцисоидноста, суетноста и авторитарната ароганција. Поднесувањето оставка во таква состојба на (само)свест - кога политичарите и функционерите сметаат дека се незаменливи - за нив би значело дезертирање, обезглавување на народот, лишување од нив – незаменливите.

Во овој контекст, кај нас оставката како чин на морална или политичка одговорност е многу ретка појава, а институтот морал во политиката сe уште не заживеал. Афористичарите велат дека "најмасовното политичко движење во Македонија се именува како бегањето од одговорноста".

Политичарите и функционерите кои одлучиле да бараат доверба од народот и прифатиле да бидат предмет на јавна политичка дебата и граѓанска проценка, а со тоа и предмет на јавна критика во поглед на начинот на кој ги извршуваат своите функции, треба да бидат подготвени да обезбедат транспарентност и одговорност во извршувањето на функцијата, но и подготвеност да понесат одговорност доколку ги прекршат правилата на работењето, достоинството на функцијата, јавноста, моралот и етиката во политиката.

Поновата политичка историја на РМ познава многу примери од кои треба да (на)учиме како треба да се избегнува чашата со отров и да не им даваме шанса на политички демони со заспана свест за одговорност, да не водат во „светлината на својата вистина и чесност“. Ако сите функционери во РМ во општо-познатите примери заминеа од функциите, заради одговорност, зрелост и совест, сите тие ќе дадеа личен прилог за еден повисок вредносен систем, за еден морален став, за еден етос. Ќе направеа да веруваме во власта, ќе укажаа дека треба да се прифатат други правила на игра и дека ќе се знае дека луѓето кои доаѓаат се обврзани на високи морални принципи и ќе им се верува на такви луѓе.

Но, се работи пак, за истиот демон .... Примерите за оставки заради банални причини во земји од Европа и поширока, нашите политичари и функционери ги сметаат за потези на „слаби политичари кои не умеат да ги користат бенефитите од функцијата“. Кој бенефит побогу ! Хеликоптерски и авионски несреќи, поплави, изгубени животи на невини претепани деца, туристи, пилоти, офицери, војници, полицајци; луѓе без егзистенција, сиромаштија, човечки страдања, болести, несовесни „професионалци“, предавства, понижувања, обвинителски и судски гафови, општонароден грабеж, лаги и што ли уште не, но повторно недоволно „јако“ за соборување на нашите политичари и функционери. Нивната „одговорност“ е толку „функционална“, што ги направи фантоми со поданички менталитет.

Секој функционер, државен, јавен и друг службеник (човек воопшто), кој останува и работи против својата волја создава трагична ситуација, трагична и за самите нив - непосредни учесници во власта, но и за народот. Основен двигател на човековата активност е внатрешниот мотив. Ако нема посветеност и одговорност, тогаш го нема моралниот агент и позитивниот внатрешен импулс, а тоа влијае разорно на функционирањето и оддржливоста на системот. Таквиот систем создава/го создаваат т.н., функционери фантоми кои дејствуваат било на слепо како откината опашка од глувче, било под диктат на еден горе, кој на своите фантоми им диктира правила на игра, на однесување, во секој поединечен случај. Од искривените внатрешни мотиви и (зло)дела на амбицираните фантом-функционери не страда само системот (правен, политички, економски, социјален), страдаат сигурноста и правилата на игра кои треба да бидат гарант за иднината на граѓаните.

„Функционалноста„ и „одговорноста“ на функционерите фантоми создава опасен духовен, етички и морален ваккум во најсуштинска смисла на зборот. Во овој ваккум простор се раѓа недоверба помеѓу граѓаните, недоверба во власта и институциите, стравот (барем во алузија) да се побара одговорност од една страна, и политичка манипулација, лицемерие и неодговорнос на најодговорните кои стремат кон диктат на современи феуди во услови на едноумие и волунатаризам. Султанскиот менталитет на феудите и поданичките манири на слепите поддржувачи, во време на отсуство на моралност и одговорност го забрзува општествениот пад во безизлезност и правна несигурност.

Кога водата ќе ни стигне до уста, а бегството од одговорноста ќе услови пропаѓање во секаква смисла, Нам (на народот) ќе ни остане да избираме помеѓу две опции: 1. или ќе се подготвуваме/ќе не подготват за живот по потопот („По мене – Потоп“); 2. или пак, ќе ги повикаме на одговорност „пред народот и во име на народот“, фантом-функционерите и современите феуди со султански менталитет.

Ние граѓаните кои не сме слепи поданици на „одговорните“ функционери имаме своја одговорност кон извесноста на нашата и иднината на нашите деца. Нашата одговорност ќе биде поголема ако дозволиме, неправејќи ништо да се удавиме во стихијата на безправедноста, неодговорноста и политичкиот мајтап со нашиот здрав разум!

Сократовиот демон е лукав, но ние (народот) заедно сме посилни!


Фросина Ременски

Универзитетски професор

Quote:Сепак постоела соработка за меѓуетнички тензии

07.02.2012 - 12:26:27




Македонската јавност, деновиве, беше разбранувана од изјавата на Артан Груби со која тој го потсети потпретседателот на СДСМ, Гордан Горгиев, дека Социјалдемократите на времето побарале од него да направи некоја мала меѓуетничка криза пред инцидентите со Калето или поврзано со протестите за проектот “Скопје 2014“, која потоа тие би ја искористиле за своите политички потреби.



Случајно или не ваквата изјава доаѓа во период кога политичките страсти се разбранувани по низата инциденти на етничка основа, кои за повод го искористија Вевчанскиот карневал. Суштината на целиот сплет на настани се чини дека е многу подлабока од една карневалска маска. Имено изјавата на Артан Груби дава политички контекст на инцидентите со етнички предзнак.

Кој е Артан Груби?

Артан Груби на јавноста и стана познат како претседател на невладината “Разбуди се”, организација која се противеше на изградбата на црква на плоштадот “Македонија“ и беше организатор на минатогодишните протести на скопското Кале. Инаку самиот Артан Груби за време на протестите беше советник во Амбасадата на Кралството Холандија. Порано Груби бил вработен како воено аташе, со препорака од НАТО, исто така бил ангажиран и како преведувач за Хаг во случајот “Жолта куќа“ во Косово, за трговија со човечки органи.

Артан Груби не лажеше за соработката со СДСМ




Веднаш по изјавата на Груби дека наводно од СДСМ барале соработка со него се огласија Социјалдемократите кои истакнаа дека станува збор за тенденциозна шпекулација.

Но, дека не станува збор за наивна политичка констатаија на Груби говори фактот што постојат конкретни докази за остварена соработка на невладината “Разбуди се” и организацијата “Плоштад слобода” за која повеќе медиуми пишуваа дека е блиска до СДСМ и е составена од личности кои јавноста ги доведува во директна корелација со раководството од оваа партија. Овие две организации, “Плоштад слобода“ и “Разбуди се“ на Артан Груби, кои ги врзува противењето на изградбата на проектот “Скопје 2014“ имаат издадено Повик за заеднички протест од 12 февруари, 2010 година, токму против овој проект.

Мотото како што стои во заедничкиот повик беше: “Го браниме градот-Македонско-Албански бригади“.

Ваквиот Заеднички повик говори дека сепак постоела соработка онаква како што Груби на почетокот истакна. На 13 февруари, 2010 година, “Плоштад слобода“ и “Разбуди се“ организираа заеднички протест на скопскиот плоштад – “Плоштад слобода“ против изградба на црква, “Разбуди се“ за изградба на “Бурмали џамија“ и против проектот “Скопје 2014“. Самиот повик доминира со пораки до различните етнички заедници. На овој протест се појавија меѓу 200 и 300 граѓани, кои го преминаа Камениот мост и на симболичен начин срушија ѕид од картонски кутии. Овие настани беа увертира во наредните случувања кои беа во насока на креирање на тензии и етничка нетрпеливост.

Инцидентот на Скопското кале

Точно една година од заедничките протести на “Разбуди се” и “Плоштад Слобода” се случија инцидентите на скопското Кале, за кои се шпекулираше дека имаат политичка заднина. Поточно на 13 февруари 2011 година се судрија граѓани кои беа мобилизирани преку социјалните мрежи. Од една страна беа граѓани кои беа за изградба на музејот црква и од другата страна противниците на таквата идеја. На самите протести учествуваше и Артан груби и невладината “Разбуди се“.

Соработката на “Разбуди се“ и “Плоштад Слобода“

Иронично, но овие две невладини организации станаа познати токму по противењето, заедничките протестите и критиките насочено кон проектот “Скопје 2014“. Иако никогаш во јавноста не се профилираше исклучив лидер на организацијата “Плоштад Слобода“, за едни од основачите важат Соња Исмаил, ќерка на Ѓунер Исмаил од СДСМ, и Никола Наумовски исто така член на оваа политичка партија. Но, она што со сигурност може да се тврди дека на секоја активност и протест на оваа организација се присутни луѓе од раководството на оваа партија.



Сето ова фрла поинакво светло за можна политичка позадина и на најновите инциденти со етнички предзнак. Артан Груби ја даде својата изјава по личните напади кои беа упатени од СДСМ дека тој е човекот кој подгревал етнички тензии на Калето. Се наметнува чуството дека Артан Груби остана недокажан во политичката емисија “Ако е...” на новинарот Александар Чомовски, но и дека зачна тема која им остава простор да бидат нервозни другите политички субјекти. На тест се институциите на системот кој освен кривична одговорност потребно е да побараат и расветлување и санкционирање на нарачателите на таквите инцидетни.
Автор на веста: Нетпрес

Quote:
Дури 8 од 10 Грци против зборот Македонија во името на земјава

Дури 8 од десет граѓани на Грција се против употребата на зборот Македонија во името на земјава. Фрапантните податоци од истражувањето на јавното мислење ја откриваат и главната причина за отпорот на грчките власти при решавање на спорот за името. Според резултатите, најголемиот дел од граѓаните на европска Грција повеќе се секираат за националната гордост отколку за потребата од храна. Не куртулија ни политичарите. Папандреу и Пападимос народот ги гледа како предавници.





Против терминот Македонија во името на нашата земја се изјасниле 8 од 10 Грци, во анкетата спроведена за интернет порталот Њузбомб. Во истражувањето спроведено на 1.000 испитаници од цела Грција, 75,4% се изјасниле против именката Македонија или изведените зборови од неа, 14,1 % немаат проблем, додека пак останатите 10.5% се неодредени односно или не сакале да одговорат или биле неутрални.

Во телефонската анкета, спроведена кон крајот на минатиот месец, било земено предвид и тоа за која партија гласал испитаникот на минатите парламентарни избори. Па така, противењето доаѓа од сите грчки политички партии, па дури и од радикалната левица - повеќе од половина – 53% од испитаниците од СИРИЗА не се согласуваат со името Македонија за нашата земја. Очекувано, најголемиот процент доаѓа од ултра десничарската ЛАОС - 85%, додека пак поддржувачите на Неа Димократија и ПАСОК се со 75% односно 64 % против.

Порталот што го спроведе истражувањето коментира дека грчкиот народ дури и во најлошиот период од модерната историја на земјата, дава приоритет на националното достоинство, кое го става дури и пред потребата за храна.

Што се однесува до актуелната ситуација во земјата, во истото истражување, мнозинството од Грците се изјасниле дека Папандреу го продал суверенитетот на земјата, Пападимос дека им служи на странските интереси.
Сања Ристовска
04.02.2012, 15:07

Quote:Jordan Petrovski

Се спрема големо чистење во Македонија Менде. Тоа треба да го знаеш. Сето антимакедоски ѓубре ке се чисти. Бранко, Грујо, Љупчо, Љубе
20 hours ago · Like