Многу важна тема за која во Македонија скоро и да не се зборува. Нашите пријатели од радио Илинден го започнаа обидот да се расветли тој спој помеѓу олигарсите, сопствениците, медиумите, ние од Котле ке додадеме и политичко полициското-подземје и ке се придужиме во оваа свето дело за спас на Македонија.

Quote:Oлигарси,сопственици и медиуми

Напишано од Radio Ilinden
Среда, 16 Јуни 2010 12:42


Воопшто не се зборува за влијанието на сопствениците и олигарсите врз медиумите. Можеби затоа што тие се вистинските газди на новинарите и експертутките за сеопшта употреба (веќе имаме ситуација еден ист експерт во еден ист медиум во ист ден да коментира две, па и три различни теми).

Извештајот на Европската Комисија, во делот за медиумите, забележува за силното влијанеи врз нив, зависноста од изворите на финансирање, од бизнис групите и нискиот степен на слобода да се каже тоа што се мисли. Во Македонија превод на овој дел од Извештајот се разбира само како критика кон Владата, која со уплаќањето реклами се обидува (со мизерен учинок) да ја придобие уредувачката политика на медиумите.

Воопшто не се зборува за влијанието на сопствениците и олигарсите врз медиумите. Можеби затоа што тие се вистинските газди на новинарите и експертутките за сеопшта употреба (веќе имаме ситуација еден ист експерт во еден ист медиум во ист ден да коментира две, па и три различни теми).

Така, на пример, доаѓањето на ВАЦ во Македонија беше проследено со дил со двајца олигарси. Едниот е Штерјо Наков кој на групацијата и го удели својот таблоидот (кој отприлика еднаш во годината знае да го пецне ВМРО и на политички план) Вест. Вториот, Трифун Костовски, ги даде Утрински Весник и печатницата Графички Центар која и денес е најмодерна и најсилна печатница за дневни весници во Македонија. Така германската инвестиција стана параван за политичкото влијание на двајца од најмоќните газди во земјата, со нескриени политички амбиции за себе, или за партијата која ја гледаат како своја.

Газда Штерјо има јасна концентрација на медиуми со влијанието во печатени медиуми како Вест (и Капитал, па и Нова Македонија во последно време) и сопствеништвото на телевизија Алфа. Но, газда Трифун на овој план има многу посуптилен, но далеку поинтересен систем на влијание. Ако ВМРОвците со милионите евра за реклами успеаа да добијат неколку уредници и новинари кои реагираат од прва, отворено ги бранат црвено-црните бои, и дури нервозно и агресивно реагираат кон неистомислениците (нашиот Миленко во разговор со Емилија Гелевска си рече – кога некој ми го менува името станувам агресивен), боите на СДСМ ги бранат луѓе кои инсистираат на белата боја. Нивниот став е – ние сме независни, неутрални, а оној Бранко не го ни познаваме.

Неодамна газда Трифун формираше тинк тенк. Тоа не е паравоена формација (како студентската параполиција на газда Велија од овој надреален ТВ прилог на Нина Кепеска- http://a1.com.mk/video-home.asp?VideoID=1711). Тинк тенк е парамедиумска формација која Господ да чува дека може да послужи за некакви политички цели. Не, тоа е чисто алтруистички изум на газда Трифун.

Неговиот тинк тенк се вика Совет за глобална соработка (http://www.cgc.org.mk). Списокот на советниците за глобално соработување повеќе наликува на списокот на Здружението на новинари на Македонија – Атанас Кировски од Форум, Биљана Секуловска од А1/А2, Мухамед Зекири од Алсат, Христо Ивановски од предните страници на Дневник, Бранко Тричковски од задните страници на Глобус, Зоран Бојаровски од Алфа. На чело, поранешниот министер за пропаганда на СДСМ и најтазе шеф на фрчковиот изборен штаб - Ѓунер Исмаил. Има и други интересни имиња како екс министерката на Црвенковски (и што ли уште друго) Емилија Симовска, Ирена Стефоска од Граѓани за Европска Македонија, Огнен Малески од компанијата Еуролинк на Трифун (дежурен критичар на надворешната политика на Груевски и Милошоски на страниците на Дневник и други). Момците и девојките од СГС сакаат и да се сликаат, така да во нивната галерија има фотки од новинарска трибина на која ги има буквално сите преостанати новинари во државава, со исклучок на луѓето од групацијата околу Вечер и Сител. Тука имате и буквално сите експертутки во Македонија, со фабрикантот Петар Арсовски на чело. (http://www.cgc.org.mk/index.php?option=c...=7&lang=mk).

Интересно прашање би било дали Трифун ги плаќа новинарите и уредниците од разни (некогаш формално завојувани медиумски групи како што се А1 и ВАЦ) да членуваат во неговиот тинк тенк, и до која функција мисли газда Трифке дека овој тинк тенк ќе го донесе? Уште поинтересно име е тоа на Павлина Симоноска (кое по неколку дискретни спомнувања во медиумите веднаш го снема од интернет страницата на СГС). Симоноска беше координатор на Советот (на овој линк ќе ја познаете како девојката со коса боја на шаргарепа меѓу Ѓунер и Тричко.

Прашање од интерес за оној Извештај на Европската Комисија кој се занимава со влијанието врз медиумите е што бара врвен инсајдер на Социјал-демократскиот Сојуз на Македонија да координира тинк тенк во кој се безмалку сите медиуми од државата? Симоноска не е било каков член на СДСМ. Доколку отидете на интернет страницата на Комисијата за заштита на правото на слободен пристап до информациите од јавен карактер, и проверите кое лице е задолжено да ја чува многу посакуваната архива на Бихаќка, излегува нејзиното име (за да не мора да го внесувате полното име на Комисија за заштита... во гугл, само кликнете тука - http://www.komspi.mk/ImateliOdbrano.aspx...795&lang=1).

Ако архивата на ВМРО се водела на салфети од кафаните каде што се собирале војводите, архивата на СДСМ, партија која покрај името ги наследи и сите можни доказни материјали за валканиците кои ги правеле нејзините комунистички дедовци и татковци, сепак е респектабилен фонд на документи. Фонд кој не може да го чува било кој случаен член на партијата, туку само врвен инсајдер како Симоноска, за која бегла гугл проверка покажува дека работела во Кабинетот на Бучковски и во изборниот штаб на Фрчкоски (Ѓунер, повторно).


Се сеќавате на сите тие оградувања на Архибригадистите, Плоштадоослободувачите од учеството на партиски личности, меѓу кои и Бучко и Трифке, на нивните собири? На колнењето во мајка до трето колено дека нивните здруженија се целосно непартиски и спонтани собири на незадоволни граѓани и граѓанки кои се спонатано згрозени од политиката на Груевски? Дали СДСМ до толку веќе нема кадри што мора да ги тгера високите и лесно препознатливи партиски активисти како што е Павлина да пеат во случајното и непартиско случување на народ? Дали е нормално тоа што тинк тенк во кој е Ѓунер да ја снабдува секуларната опозиција на градењето на црквата Свети Константин и Елена од една страна, додека од другата страна исламската опозиција на истиот храм да ја нуди поранешниот колумнист и колега Форумовец на Ѓунер Рамадан Рамадани? И потоа сме немале плурализам. Иста група луѓе собрани околу поранешниот прв пропагандист на Црвенковски фино лепо си се делат на две групи, и пеат од двете страни на Плоштадот, протестираат против црквата со песни од Џенис Џоплин, другите со муслимански молитви. Нормално, песните и на едните и на другите се ударна вест на медиумите чии уредници се во тинк тенкот на Трифун (некои од уредниците, како Билјана Секуловска, се редовни и на Плоштадот меѓу демонстрантите кои си ги маваат главите од тарабите на Груевски). Ниту еден вака наштелуван медиум нема да помисли да објави за јасното партиско влијание во Распеани Скопјани и другите групи демонстранти, туку целата приказна ќе ја сервира на јавноста под графата – граѓанска иницијатива.

Или, да ги погледнеме поплавите во Пештани, родното место на Павлина. Напишете на гугл Пештани и Симоноски. Веднаш станува јасно дека нејзиното семејство е диспропорционално зафатено од поплавите. Односно, дека само лица со исто презиме како нејзиното давале изјави во медиумите дека во селото е настаната катастрофа. Како знаела водата да ги поплавува домовите само на овие истакнати Пештанци? Дали, госпоѓицата која тренира омладинци во Скопје да пеат Градот убав пак ќе никне, ги тера своите роднини во Пештани да пеат Надојде силна вода? Секоја Влада соочена со природна непогода, макар тоа била и американската администрација кога ќе дојде ураган или ќе пукне извор на нафта, лесно се претставува како неспособна и неснаодлива и тоа е стар, добар пропаганден трик. Прашањето е дали СДСМ својот истакнат активист го пратил во Пештани да вика Волк, Волк пред камерите на Нина Кепеска? И дали ако утре навистина дојде сериозна поплава некој ќе им поверува?

Или, да го погледнеме случајот со Дипломатскиот Клуб на СДСМ, пардон на МНР. Оваа група се собра на 8 април годинава. Интересно е што ден пред формирањето на Дипломатскиот Клуб, се собра Советот за надворешна политика на СДСМ, по што експертутката Стево Пендаровски ни обзнани дека македонската надворешна политика не чини. На 9 април исто го кажа Бранко Црвенковски. На 8 април се собра група угледни и истакнати дипломати (како што самите себе се нарекуваат) предводени од Огнен Малески од СГС. До него Виктор Габер, на кого СГС на Трифун штотуку му беше објавил книга. И тие, од независен, експертски агол, со истите критики до надворешната политика на Македонија.

Значи, Трифун собира група која организира опозиција во рамките на македонското МНР и ги координира своите настапи со најголемата опозициска партија, формира кобајаги независно пејачко друштво да протестира против Владата, крева тревога за поплави во едно од поголемите македонско села, дебатира за името, инвестициите, односот кон Грција и што ли уште не. Навистина човек мора да има респект за вложениот труд, па и знаење, во застапувањето на своите тези од кои главната е дека оваа власт мора да се победи, а ние баш случајно имаме луѓе спремни да дојдат на нејзино место. Во споредба со оваа медиумска фабрика со повеќе производни ленти (луѓе кои ја обсмислуваат пораката, кои ја пренесуваат пораката до јавноста, кои ја потврдуваат како независни експерти, луѓе за специјални акции како што се поплави и елементарни непогоди), Груевски има еднофазен одговор – море мрш сите у Бангладеш. Едноставноста засега носи подобри резултати од разработената машинерија, но прашање е до кога? Спинот на СДСМ може да профункционира по принципот 1000 пати повторена лага станува вистина. Или едноставно да профункционира затоа што се реално единствената екипа која истрчува на терен, катаден, и си ја игра својата игра независно колку од другава страна ги игнорираат а публиката ги плука и им се смее.

А зошто СДСМ толку се трудат да се вратат на власт? Кој плаќа за сето ова, прашува нашиот читател? Ти. Да, ти, што чепкаш нос зад компјутерскиот екран. Сите овие распеани Скопјани и Скопјанки, поплавени Пештанчани, репортери, дописници, уредници, дипломати, експерти и слично не дигаат телефон без да им се плати. На пример, погледнете го примерот со плажата Оревче во Градиште кај Пештани, плажата која нејзините стопани безуспешно чекаат да им се врати. Плажата е дадена од градоначалникот Петрески на користење на Павлина (А.К.А. Лина Симон на фејсбук) и другар и од изборниот штаб на Фрчко Марко Кабранов (секоја роднинска врска со татко му Ацо Кабранов е доста полезна). Ова е логиката на СДСМ во минијатура. Прво, ќе блокираме се што е живо и мрда во оваа држава (нпр, тоа што Никола Поповски го прави во денационализацијата). Потоа, ќе дозволиме само наши проверени членови да можат да просперираат. Само наши луѓе да можат да тераат бизнис. Ќе упропастиме цела Македонија, да не се знае што е чие, да не може никој да инвестира на своја земја, и само така нашите луѓе ќе бидат газди, кога конкуренцијата ќе ја отераме во странство, или под земја. Кога луѓето од Градиште ќе дочекаат да си ја видат дедовината вратена во нивни раце? Нема шанси, додека пред себе го имаат системот на СДСМ, систем кој веќе четврта година чекаме Груевски да го закопа.

Во земја во која денационализацијата е завршена не може да се поклонуваат плажи на бакшиш на заслужни членови. Во земја во која пазарот е отворен, не може една шпедитерска компанија да биде главен газда. Во земја во која банкарството е изложено на странска конкуренција, не може ни во лудило газда Трифке или Хари и Бишев да бидат банкари. СДСМ и нивните олигарси ова го разбираат. Затоа ќе пеат, ќе протестираат, ќе плаќаат новинари, ќе спинуваат, ќе поткопуваат и се така додека не си дојдат на местото кое природно си го одредиле за себе – на власт. Прашањето е, дали ние го разбираме тоа?

LAST_UPDATED2

Quote:Кого ќе претставува ЗНМ - новинари или пропагандисти?


Човечкиот вид има способност да учи низ искуството. Тоа подразбира активирање на центарот за паметење. Кога ќе се акумулираат катадневните примери на пропагандно дриблање, подзасилено со сликите на оние што лажеле, скривале, мувале, измислувале и филувале, нема таква политичка и пропагандна сила што ќе може да победи автентична народна евалуација



К ога пред еден месец еден грст индивидуалци, секој во свое име и по своја совест, решија да му се обратат на Европскиот парламент (на 60 адреси) за да предупредат дека во Македонија е на дело систематска пропагандистичка активност, која намерно гради еднострана перверзна слика на неуспешна држава, членовите на ЗНМ, распоредени стратегиски во сите медиуми, им писнаа и на писмото и на пишувачите. Застанаа во одбрана на ликот и делото на Зоран Талер и Ерван Фуере. Ама, што ти е животот! Додека уште ги подготвуваа продолженијата на своите „професионални“ и „независни“ информации, коментари, анализи, пукна брука. Ем и тоа каква! Нивниот брифер, известувачот за Македонија во ЕУ, да ти бил корумпиран тип, до тука бидува. И, оп! Слободните, независните медиуми во Македонија, фатени во оној тесен безвоздушен простор помеѓу реалноста и пропагандата, на „лицино“ место ни покажаа што значи пад на угледот и честа, жртвувањето на личниот и професионален интегритет за сметка на некое евро поткуп. Ладнокрвно го симнаа скандалот од дневните агенди. Бре, како ништо да не било!

Ресетираното новинарско здружение има нови фаци, но нема нова суштина. Како СДСМ - ресетирано е. Еве, уште ги чекам господата да направат свој осврт на овој еклатантен пример за непрофесионално однесување, кое му нанесе штета на и онака руинираниот углед на новинарската професија, и никако да ги дочекам. Нели, бе, господин претседателе на ЗНМ, се борите за статусот на новинарите!? Барате од општеството да нé третира како загрозен вид. Да бидеме надуставно заштитени, нашата работа да биде изземена од кривичниот закон. Не кажавте само што ќе дадеме ние за возврат. Е па, каде ви се критериумите за оцена на оние што тврдеа дека „Брисел се смее на писмото“. Што стана со нивните високи анонимни извори што им дошепнуваа дека практика во европската бирократија било да кинат писма; дека не било стандардно на господата пратеници, новинари да им пишуваат писма и слични глупости. Зошто Борјан Јовановски, кој е платен од Брисел, не ја извести македонската публика за активностите на ЕП за расчистување со корупцијата, за загриженоста на парламентот дека со овој корупциски скандал се урнисал угледот на европските институции. Јас такви емисии веќе одгледав и на хрватската и на српската и на сите европски телевизии. Намерно ли нашите „колеги“ нé држат нас во информативен мрак, онака слободарски, ни стегнале цензура. Кој им го дал тоа право? Нели беа борци за слобода, независност и демократија? Им се извинија ли „новинарите“ на жртвите на пропагандистичка хајка? Дали им се извинија на своите читатели и гледачи за манипулирање и дезинформирање? Кој од уредниците поднесе оставка? До кога бе никој во новинарството нема да презема одговорност за штетите што ги прави. До кога разни лајпрди ќе се нарекуваат новинари, па уште ќе се прогласуваат самите за угледни, а ниту една оцена, анализа или информација што ја пласирале не им ја издржала проверката на времето - не преживеала ни до наредниот ден.

Наместо тоа, се обидоа да го скријат или минимизираат фактот дека нивниот брифер и компањон се кеширал на криминален начин. Моето прашање до ЗНМ е следново: Дали по овој скандал не ви протрчала низ мозочните вијуги „еретичка“ мисла за тоа колку можеле да бидат објективни сите досегашни оцени за македонските состојби што ни ги испорачувале разни корумпирани Талери и Фуериња, кои овде зомби-новинарството ги пренесуваше како конечна пресуда, а македонските политичари ги користеа како основа за својата политичка работа? За колку поткуп - пари биле пишувани? Кој сé ги пишувал?

Кога во 2002 година го интервјуирав фамозниот Едвард Џозеф од МКГ, го прашав кој го сочинува тимот за Македонија, односно кој, освен него, учествува во формирањето на извештаите на МКГ за нашата држава, дечкото ми кидна од интервјуто зашто „не бил навикнат да му се поставуваат безобразни прашања“. Десетина години подоцна, кога на МТВ се соочив со Роберто Беличанец, еден од ГЕМ-пропагандистите на Владе Милчин (Сорос), младичот во присуство на авторката на емисијата, онака „експертски“ цинично ме подучи дека извештаите и ранг-листите на т.н. невладини организации, како што се Фридом хаус, Транспаренси, Хјуман рајтс воч и сл., биле чиста фингерајка во која локални учесници (добро учипени платеници з.м.) лажираат податоци, а централата, без проверки, ги пушта. Значи, мајката му била да си добро вмрежен. Како Слаѓана Тасева, Сашо Ордановски, Ким Мехмети, Жарко Трајановски, Лидија Димова... Е, затоа тие со години управуваат со невладиниот цивилен сектор. Затоа секакви домашни и странски интересовни групации преку нив ги одработуваат своите агенди на наш терен. Затоа му дошле странски дипломати на директорот на „Отвореното општество“ со понуда тој да ја водел гравче-тавче револуцијата за соборување на македонскиот „диктаторски режим“. Затоа прават мрежи на свои платени прислужници во новинарството.

Кога пукна резилот со „Надеж кец“ се направи сé случајот медиумски да се трансформира во реприза на романската револуција. Кога пукна новиот резил со „Надеж двојка“, независните новинари уредно ни ја пренесоа заканата дека на претстојните избори ќе ни се случела „Јасмин-револуција“ на квадрат. Повод за граѓанска војна овој пат нема да биде Велија, туку „макар едно фалсификувано изборно ливче“. Демек, тие пренесоа гангстерска закана, и мислат дека си ја симнаа одговорноста од себе за евентуалните последици. Не се тие одговорни професионалци како нивните словенечки колеги, кои за вакви постапки и изјави на самото место исвиркуваат и викаат уаа!

Значи, сега вака: Немојте веќе да се исчудувате зошто нешто што одело како подмачкано до пред некоја година, и тоа на сите четири страни на светот, веќе не врви ни кај говеда, а камоли кај луѓе. Човечкиот вид има способност да учи низ искуството. Тоа подразбира активирање на центарот за паметење. Кога ќе се акумулираат катадневните примери на пропагандно дриблање, подзасилено со сликите на оние што лажеле, скривале, мувале, измислувале и филувале, нема таква политичка и пропагандна сила што ќе може да победи автентична народна евалуација.

И затоа господо од раководството на ЗНМ, пред да почнат официјално изборите, одлучете се дали ќе бидете здружение на новинари или на пропагандисти. Двете категории во иста вреќа не ги бидува повеќе.


Автор: Мирка Велиновска

Наместо коментар ке го цитирам Марјан Попески:

Quote:Впечатливо е мислењето на Јанша за Кацин. Кацин му беше заменик на Јанша, кога овој беше министер за одбрана, па затоа е компетентен да зборува за неговиот карактер: „За Јелко Кацин, целта ги оправдува средствата. Тој е сосема без идеи и концепти, меѓутоа послушно и опасно орудие, кога со нив некој ќе му ја наполни главата“ („Ровови“, Љубљана, 1994, страница 278).

Quote:Кого ќе претставува ЗНМ - новинари или пропагандисти?

Кога пред еден месец еден грст индивидуалци, секој во свое име и по своја совест, решија да му се обратат на Европскиот парламент (на 60 адреси) за да предупредат дека во Македонија е на дело систематска пропагандистичка активност, која намерно гради еднострана перверзна слика на неуспешна држава, членовите на ЗНМ, распоредени стратегиски во сите медиуми, им писнаа и на писмото и на пишувачите.
Автор: Мирка Велиновска

Според Мирка, секоја власт, додека е власт е СУПЕР. Македонија е супер, државата е супер, па уште и напредна, модерна и тако даље. Тогаш се поставува прашањето: зошто ја критикува таа власт откако ќе стане поранешна власт?

Да не го навредувам Наци, ама, Мирка ми личи како негов калап да е.

(01-04-2011, 03:43 PM)Solenik Wrote:

Quote:Кого ќе претставува ЗНМ - новинари или пропагандисти?

Кога пред еден месец еден грст индивидуалци, секој во свое име и по своја совест, решија да му се обратат на Европскиот парламент (на 60 адреси) за да предупредат дека во Македонија е на дело систематска пропагандистичка активност, која намерно гради еднострана перверзна слика на неуспешна држава, членовите на ЗНМ, распоредени стратегиски во сите медиуми, им писнаа и на писмото и на пишувачите.
Автор: Мирка Велиновска

Според Мирка, секоја власт, додека е власт е СУПЕР. Македонија е супер, државата е супер, па уште и напредна, модерна и тако даље. Тогаш се поставува прашањето: зошто ја критикува таа власт откако ќе стане поранешна власт?

Да не го навредувам Наци, ама, Мирка ми личи како негов калап да е.

Соленик,
Го ценам твоето мислење, но, мора една работа да разјасниме.
Ти во твојот мисловен свет ја имаш прогласено Мирка за Трујач на Бунар.
Тоа што Мирка била мегафон на Комуњарите некое време не значи дека сега не ја зборува вистината.
Таа самата си признава дека била, но, јас не паметам ниеден друг новинар во Македонија да има доблест тоа и да го признае.
Е сега, друга работа е што таа вади нож и на мртов Германец.
Арно, ама тој мртов Германец не беше мртов 2001-та.
Сите бевме тогаш изманипулирани.
Но, како што ја цитира Марјан поговорката за Злото:
„Филозофијата лесно триумфира над злото од минатото и она (за) во иднина, ама сегашното зло ја надвладува неа („Франсоа Ларошфуко, „Максими“).“

Па ни сега тој “Мртов Германец“ не е до толку Мртов за да не стане како Лазар од својата вечна постела “Историјата“.
Дури сега си имаат и надворешни пријатели за внатрешно вршлање во ликот и делото на Џорџ Сорош, а се со цел на збунување уште поголемо од она од 2001-та.
Признавам дека не секогаш се сложувам со ставовите на Мирка.
Го признавам и тоа да сакала што повеќе да се приближи да ставовите на Комитетот и за тоа симнувам капа.
Но, не можете автоматски се да отфрлите баш поради нејзиното минато, па дури би се усудил да речам: ни поради нејзиното сегашно одигрување за нечија друга страна.
Да повторам: Вистината е една.
На нас е да видиме што ќе правиме со Вистината дали да и се покориме или да ја прилагодиме како што знаат доста често сите партии да го практикуваат тоа.
Но, мораме со сета сериознаост да ги земеме и оние работи кои доаѓаат дури и од Мирка.

(01-04-2011, 10:24 PM)montehristo Wrote:

(01-04-2011, 03:43 PM)Solenik Wrote:

Quote:Кого ќе претставува ЗНМ - новинари или пропагандисти?

Кога пред еден месец еден грст индивидуалци, секој во свое име и по своја совест, решија да му се обратат на Европскиот парламент (на 60 адреси) за да предупредат дека во Македонија е на дело систематска пропагандистичка активност, која намерно гради еднострана перверзна слика на неуспешна држава, членовите на ЗНМ, распоредени стратегиски во сите медиуми, им писнаа и на писмото и на пишувачите.
Автор: Мирка Велиновска

Според Мирка, секоја власт, додека е власт е СУПЕР. Македонија е супер, државата е супер, па уште и напредна, модерна и тако даље. Тогаш се поставува прашањето: зошто ја критикува таа власт откако ќе стане поранешна власт?

Да не го навредувам Наци, ама, Мирка ми личи како негов калап да е.

Соленик,
Го ценам твоето мислење, но, мора една работа да разјасниме.
Ти во твојот мисловен свет ја имаш прогласено Мирка за Трујач на Бунар.
Тоа што Мирка била мегафон на Комуњарите некое време не значи дека сега не ја зборува вистината.
Таа самата си признава дека била, но, јас не паметам ниеден друг новинар во Македонија да има доблест тоа и да го признае.
Е сега, друга работа е што таа вади нож и на мртов Германец.
Арно, ама тој мртов Германец не беше мртов 2001-та.
Сите бевме тогаш изманипулирани.
Но, како што ја цитира Марјан поговорката за Злото:
„Филозофијата лесно триумфира над злото од минатото и она (за) во иднина, ама сегашното зло ја надвладува неа („Франсоа Ларошфуко, „Максими“).“

Па ни сега тој “Мртов Германец“ не е до толку Мртов за да не стане како Лазар од својата вечна постела “Историјата“.
Дури сега си имаат и надворешни пријатели за внатрешно вршлање во ликот и делото на Џорџ Сорош, а се со цел на збунување уште поголемо од она од 2001-та.
Признавам дека не секогаш се сложувам со ставовите на Мирка.
Го признавам и тоа да сакала што повеќе да се приближи да ставовите на Комитетот и за тоа симнувам капа.
Но, не можете автоматски се да отфрлите баш поради нејзиното минато, па дури би се усудил да речам: ни поради нејзиното сегашно одигрување за нечија друга страна.
Да повторам: Вистината е една.
На нас е да видиме што ќе правиме со Вистината дали да и се покориме или да ја прилагодиме како што знаат доста често сите партии да го практикуваат тоа.
Но, мораме со сета сериознаост да ги земеме и оние работи кои доаѓаат дури и од Мирка.

Има многу ум, и вистина во тоа што си го напишал. Но, мојата дума беше конкретна: низ 1990-тите Мирка го убедуваше светот (народот) дека Република Македонија е супер, немаше кршење на човековите права, криминална транзиција, продавање на името и другите државни интереси. Денес, таа е најголем опонент на таа гарнитура, но сепак, не сум прочитал некаде да се буни на пример: за прогонот на старите ВМРОвци, како што докажано бил гонет Јордан; не слушам да бара Фрчковски да се лустрира; (за ова можеби грешам, но) не слушам да каже дека влегувањето во преговори со Грција беше погрешна работа. Всушност, ако не се лажам, на директен или индиректен начин Мирка ја поддржува акцијата на Фрочлина за гонење на старите ВМРОвци со тоа што ВМРО ДПМНЕ од раните години таа ја квалификува како здружние на бугараши, кои наводно си заминале откако по наредба на најголемиот бугараш Љубчо Г за негов наследник беше поставен неговиот едновремен Министер за финансии.

Денес, таа повеќе е мажуретка за Груевски одошто реален критичар на бандата на Црвенковски. Најолема маана, според Мирка, им е што го критикуваат Премиерчето.

Чист пример за сензационализам, многу бука околу ништо.

Quote:Грција најави откажување од Привремената спогодба

Грција, која ја обвинува Македонија дека ја прекршува Привремената спогодба, во усната и во писмената расправа во Хаг во неколку наврати изрази намера да се откаже од овој документ потпишан во 1995 година



Во писмената расправа меѓу двете страни, по македонската тужба, Грција во писмен документ од 19 јануари минатата година на некој начин го најавува тоа. „Грција никогаш не изрази намера да ја суспендира (а камоли да ја укине) во целост или делумно од Привремената спогодба (иако имаше основа тоа да го направи)“, стои во јануарскиот допис.

Ако овде Грција во завиткана форма укажува дека би можела, или дека имала основа да се откаже од спогодбата, во документ од писмената расправа од 27 октомври 2010 во фуснота јасно ја кажува намерата за повлекување од Привремената спогодба.

„Како и да е, соочена со многубројни материјални прекршувања на Привремената спогодба од страна на апликантот (се мисли на Македонија, з.н.), Грција го задржува правото да ја суспендира или да и стави крај на важноста на спогодбата во иднина...“, се вели во грчкиот допис.

И во усната расправа, застапникот на Грција, Алан Пеле, во еден момент изјави дека намерата на официјална Атина е да се откаже од Привремената спогодба, за подоцна во своето обраќање пред Меѓународниот суд на правдата да каже дека Грција ја почитува спогодбата, а Македонија не го прави тоа. Македонскиот тим пред судот укажа на контрадикторноста во излагањето на Пеле.

Грција инаку ја обвинува Македонија за непочитување на спогодбата поради преименувањето на скопскиот аеродром во „Александар Велики“ и за поставувањето скулптури со антички симболи. За ова нашиот правен тим јасно укажа дека не е материјален доказ за прекршување на меѓународното право.
Привремената спогодба, која двете страни ја потпишаа во септември 1995 година, има рок на важење од седум години, по чие истекување продолжува да важи автоматски сé додека една од страните, значи Македонија или Грција, не ја откаже. Рокот измина во 2002 година, но ниту една од страните не го стори тоа.


Автор: Слаѓана Димишкова

Izvor

Сторијата од Нова Македонија е малку наведувачка, и котрадикторна:

Quote:

"Грција никогаш не изразила намера да ја суспендира (а камо ли да ја поништува) Времената Спогодба целосно или делумно (иако го има целоснтo право да го стори истото)"

(02-04-2011, 08:17 PM)Solenik Wrote: Сторијата од Нова Македонија е малку наведувачка, и котрадикторна:

Quote:

"Грција никогаш не изразила намера да ја суспендира (а камо ли да ја поништува) Времената Спогодба целосно или делумно (иако го има целоснтo право да го стори истото)"

Упс, имало две слики, Благодарам

Отпрвин мислев ова да го ставам во темата Македонски Медиуми но поприкладно е овдека да стои

(11-07-2011, 04:02 PM)barba Wrote: Крокодилот Жоро


Колку знам, Димитровски не плати одштета. Но, за против услуга мораше да премине да одработи кај пријателот на жена му Соња од студените њујоршки конзулски ноќи, Серџан Керим. Најпрвин премина во МПМ, после бравурозно интервју за „Фокус„ со Керим. Прво беше назначен за раководител на кадровски ресурси во МПМ, за да ја подготви програмата за кастрење на вработени, да ги подготви спосоците на тие што оваа есен ќе бидат избркани од „Дневник„, а ја подготви и програмата за згаснување на „Утрински„, чија реализација е во тек. Има искуство во овој домен, стекнато за време на уништувањето на „Вечер„ како главен и одговорен уредник по налог Доста Димовска. Инаку Димитровски беше автор на фамозните карти за поделба на Македонија во 2001., подметнати за објавување во „Нова Македонија„, припишани на покојниот Наум Барџиев