Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
РИЗАОВ-ПЕТРОВСКИ
Author Message
ЈорданПетровски Online
ЈорданПетровски-ЦРНИ
*****

Posts: 14,285
Joined: Mar 2010
Reputation: 36
#1

Quote:Томе Аџиев плаче по лустрацијата


[Image: A8930BA9A8F0EE49B107B8F035356DA4.jpg]
Ерол Ризаов

Целосен пораз, правен и судски дебакл доживеа ловот на вештерки со таканаречено прочистување на општеството од кодоши

Томе Аџиев, првиот македонски лустратор, со денови плаче што неговото животно дело доживеа дебакл пред правдата. Управниот суд на Македонија веќе на 20 лустрирани од прекиот суд на Аџиев им ги поништи пресудите, а се очекува сите што се жалеле, уште 20 луѓе, да бидат судски „рехабилитирани“, барем во оваа инстанца, ако не се изврши политички притисок на Вишиот управен суд. Доколку се жалеле сите 200 жигосани, обвинети и осудени како соработници на тајните полициски служби, најверојатно одлуките, до една, на лустрациската комисија би биле поништени бидејќи не е почитувано основното право на обвинетите прифатено од римското право во сите судски постапки во целиот свет, дури и во режимите макар и формално, а тоа е што ниту еден осуден не е сослушан и не му е дадена никаква можност за одбрана.

Така, и дома и пред меѓународниот суд во Стразбур македонската оригинална лустрација, позната како пресметка со политичките неистомисленци, доживеа целосен пораз, тежок крах, што е само уште еден веројатно стоилјадити доказ дека тој трагичен театар што траеше со години беше партиски наметнат уште од првата идеја да се гонат вештерки цели 20 години по независноста според арогантно натурен закон кој нема никаква допирна точка со елементарни правни норми. Наместо прочистување на општеството, добивме валкање и оцрнување на луѓе и познати јавни личности, заслужни дејци, некои одамна починати. Извалкани се луѓето без ниту еден релевантен доказ, туку само врз основа на разни извештаи на агенти. Гротеската со лустрацијата на Аџиев беше во тоа што се земаа како крунски доказ извештаите на агентите на Удба и државната безбедност составувани по кафеаните залиени со алкохол и со изнудени лажни искази на врбувани луѓе кои многу често и кога биле правени не биле земени како доказ и не биле процесуирани од тогашните полициски и судски власти.

Сите укажувања дека станува збор за политичка пресметка и обид за историски фалсификат беа отфрлени бидејќи на власта и' требаше една ваква сеирџиска мелодрама која прерасна во трагедија, во која помалку беа важни луѓето кои навистина настрадале од кодоши и поткажувачи и од некогашниот систем, туку беше важно да се компромитираат противниците на сегашниот режим. Затоа самата идеја да се донесе закон за лустрација имаше во себе вградена фабричка грешка бидејќи беше од политички мотиви, а не од државни интереси, или некаков придонес кон демократијата. Ако мотивите беа од слободарска природа некогашните кодоши во новиот систем да не можат да дојдат до високи позиции и ако мотивацијата беше за вистинско прочистување на општеството од грешките и злоупотребите во комунизмот, тогаш ќе се тргнеше од политичка и судска рехабилитација на настраданите од кодошлакот, а не од лов на денешните критичари на власта.

Ова идеја за лустрација оди на душа на Стојан Андов. ВМРО-ДПМНЕ и Груевски ја прифатија со големо одушевување и од неа направија јавна судница во Македонија баш по теркот на инквизицијата. Андов повеќе пати се оградуваше од Законот и ги појаснуваше своите мотиви зошто му подарил на својот тогашен коалициски партнер ваква опасна играчка, дури и јавно се откажа од унакажаниот закон што е коректно, но мотивацијата на искусниот политичар останува сомнителна и за неа нема рационално објаснување. Андов добро ги знае двете причини, на тоа укажаа многу луѓе зошто ваков Закон не беше спроведлив во практиката. Прво, клучен беше ограничувачкиот фактор, поминаа 20 години по независноста на државата и цели 40-50 години откако се направени вистинските злодела со затварање во затвор на невини луѓе, познати творци и револуционери осудени со нарачани пресуди. Тешко ќе се најдеа преживеани кодоши и нарачатели на тие злодела, освен неколку луѓе во длабока старост. Ова беше познато уште од самиот почеток на идејата да се прочистува општеството на ура според дневно- политички потреби. Тоа е што се однесува до големите случаи на монтирани процеси и пресметки во периодот по Втората светска војна, времето на Информбирото до педесеттите години од минатиот век и неколку поединечни случаи на идеолошка, творечка и персонална пресметка во седумдесеттите години.

Историскиот фалсификат со Законот за лустрација се криеше во обидот Македонија и Југославија да се изедначат со режимите на Исток, Русија, Источна Германија, Албанија, Романија, Бугарија,Чехословачка, Полска.... што е далеку од вистината и од историските факти. Разликите меѓу Југославија и земјите зад „железната завеса“ беа добро познати и на Запад и на Исток. Со сите свои мани и грешки, југословенскиот систем беше далеку над тврдите диктатури на Исток. Не беше тоа идеално општество, но за многу земји дури и со повеќепартиски систем беше пример, кој се предаваше на светските универзитети. Американци докторираа на југословенскиот самоуправен систем. Некому многу му требаше и Македонија и Југославија да се стават во ист кош со комунистичките диктатури.

По своите јавни жалопојки за пропаднатата мисија насетувам дека Томе Аџиев, кој влезе во колективното помнење на граѓаните како партиски инквизитор, се' уште не може да разбере зошто никој од власта не се грижи што ќе биде со нивната нарачка и тотален неуспех на лустрацијата. За да му биде појасно Аџиев треба да ги преслуша снимките од бомбите на Заев за да сфати колку таму има материјал за една нова лустрација. Тој да имаше такви докази и снимки, макар сечени, лепени и монтирани, половина Македонија ќе ја лустрираше.

Сега останува да видиме колку ќе чини оваа авантура со лустрацијата и политичката пресметка по тужбите што ќе уследат на оштетените личности и семејства. Има нешто што не може да се надомести со ниту една пресуда. Тоа е штетата по угледот на државата, од историскиот фалсификат и од страдањата на невините луѓе обесени на столбот на срамот само за да се соберат политички поени. Со овој Закон за лустрација им е нанесена голема штета и на вистинските страдалници од некогашниот режим и нарачателите на злодела и монтирани судски процеси. Добро е што целата оваа фарса од идеја до реализација доживеа тотален крах.
 



Quote:АКО САКАМЕ ДЕМОКРАТИЈА И СЛОБОДА КОМУНИСТИЧКИТЕ ЗЛОСТОРИ НЕМОЖЕ И НЕСМЕАТ ДА ОСТАНАТ НЕКАЗНЕТИ!

[Image: 007f7dcc1de776ae0fbd86ceae8656ad_L.jpg]

Јордан Петровски
18.08.2016
Од Ризаов и Ризаовци неможе да се очекува инакво објаснување за немањето потреба од спроведување на лустрација во Македонија освен со  фалба на Југославија, поточно со манипулација и лага дека се прави обид Македонија и Југославија да се изедначат со режимите на Исток, Русија, Источна Германија, Албанија, Романија, Бугарија,Чехословачка, Полска.... што е далеку од вистината и од историските факти. Разликите меѓу Југославија и земјите зад „железната завеса“ беа добро познати и на Запад и на Исток. Со сите свои мани и грешки, југословенскиот систем беше далеку над тврдите диктатури на Исток. Не беше тоа идеално општество, но за многу земји дури и со повеќепартиски систем беше пример, кој се предаваше на светските универзитети. Американци докторираа на југословенскиот самоуправен систем. Некому многу му требаше и Македонија и Југославија да се стават во ист кош со комунистичките диктатури.
Ако постоела разлика помеѓу комунизмот во Југосалвија а со тоа и во Македонија со комунизмот во Источна Европа, Советот на Европа тоа јасно би го нагласил во своите Резолуции, ке нагласел дека Југославија се изема од лустрацијата.
Такво нешто во ниедна Резолуција нема!!
Причината за манипулациите на Ризаов треба да се бара во фактот што тој станал ОПШТЕСТВЕНО ПОЛИТИЧКИ работник во медиумите со ПРЕПОРАКА на Партиаја, на Тајната Идеолошка Полиција.
Да потсетам на изјавата на бившиот министер на полиција Томислав Чокревски, изјавата во која Чокревски вели за постоење на полициско новинарски бракови.
Законот за лустрација каков што донесе Владата на Груевски е историскиот фалсификат, фалсификат со кој Груевски се обиде да им ги измие  окрвавените раце 123 на комунистите пред 1991 и на комунистите по 1991 година.
Дека Ризаов манипулира  со фактот дека во Македонија и Југославија немало комунистичка диктатура најдобро говори мислењето на секретарот на Вернецијанската Комисија  господинот Томас Маркерт  во кое се вели дека во Македонија треба да се спроведе лустрација и за периодот после 1991 година а со тоа јасно укажува дека КОМУНИСТИЧКАТА ДИКТАТУРА ПРОДОЛЖИЛА и по "осамостојувањето" и носењето на "демократски" Устав 1991 година.   
Значи фалсификатот е во начинот на кој е спроведувана лустрацијата во Македонија.
Според Резолуциите 1096 и 1481 за Осуда на Комунистичките Злостори лустрацијата требаше да се води во институција единствено верификувана да донесе правосилно решение за нечија невиност или вина а тоа се СУДОВИТЕ.
За крај да го потсетам Ризаов и Ризаовци на две битни работи:
-Деновиве во Минхен е донесена пресуда за еден од злосторите на Југословенската Тајна полиција. Челните луѓе на Хрватската Тајна полиција заради убиството добија сеуште неправосилни  казни доживотен затвор.

-Основен предуслов Македонија да се ослободи од полициско политичото подземје и да почне да се демократизира е да СПРОВЕДЕ  ЛУСТРАЦИЈА според препораките на  Резолуциите на Советот на Европа и Прашката Декларација .
18-08-2016, 05:04 PM
Reply
ЈорданПетровски Online
ЈорданПетровски-ЦРНИ
*****

Posts: 14,285
Joined: Mar 2010
Reputation: 36
#2

Quote:Појаснување за лустрацијата

[Image: 5C07FCE9B426504FB6326CDFCA336FCA.jpg]
Стоjан Андов

Повод, колумната на Ерол Ризаов „Томе Аџиев плаче по лустрацијата“ објавена на 18 август 2016 година
Ерол Ризаов не е сам кога се гади од постапките на Томе Аџиев во спроведувањето на Законот за лустрација и опасните преседани кои Комисијата под раководство на Томе Аџиев ги правеше, кога се впушти во политичка пресметка со неистомислениците во земјата, и кога почна да води донкихотска битка дури и против починати луѓе. Осудата на таа пракса стана владејачко мислење во земјата, а со одлуките на Управниот суд, тоа мислење доби правна сила. И Ерол Ризаов, да останеше само на тоа, на неговите ставови не ќе имав забелешка. Но тој во својот текст вели дека ,,Оваа идеја за лустрација оди на душа на Стојан Андов“. Луѓето што ги следат работите во таа област, знаат оти тоа тврдење на Ризаов е невистинито и тенденциозно. За ова свое тврдење Ризаов посочува три аргументи.

Прво, вели дека јас сум му ја дал на Груевски таа опасна играчка (идејата за лустрација). Тоа не е точно. Во Програмата на ВМРО-ДПМНЕ за изборите во 2006 година, стоеше дека ќе биде донесен Закон за лустрација. Тоа значи дека на таа партија „играчката“ што ја споменува Ерол не сум и' ја дал јас. За донесување Закон за лустрација јас зборував дури по изборите во 2006 година, значи ниту сум им дал „играчка“, ниту на ВМРО му требало некој да им даде „играчка“. И во тој поглед „на душа“ не ми оди ништо. Од многу причини мислев дека лустрацијата е потребна во земјата, но знаев дека ако ја озакони и ја спроведува ВМРО – ДПМНЕ, таа може да земе опасни правци. Затоа и го предложив тој закон. Законот за лустрација што јас го предложив беше поддржан од јавноста и во Собранието беше донесен со консензус. Ниту еден пратеник не гласаше против. За илустрација ќе наведам дека процедурално единствено се спротивстави на донесувањето на мојот предлог на Законот за лустрација, само Владата на Груевски, која цела година го одлагаше давањето на позитивно мислење. Со изборите во 2008 година се создаде сосем нова политичка слика во парламентот. Неколкуте измени и дополни на Законот, што темелно му ја променија целта и содржината, беа донесени од новиот состав на Собранието, но без консензус и без поддршка од јавноста. Потоа следуваше работата на Комисијата на Аџиев и злоупотребите и деформациите што таа ги направи.

Според тоа, тврдењето дека јас сум им ја дал идејата за лустрација на Аџиев и на луѓето како него, не само што не е точна туку е и злонамерна.

Второ, Ерол Ризаов тврди дека, не по пат на лустрација, туку со судски процеси за рехабилитација на жртвите, требаше да се исправат неправдите од претходниот систем. Но до денес таков закон не е предложен. Како политичка основа за донесување на таков закон требаше да биде Декларацијата за извинување на Собранието на жртвите од поранешниот режим, што ја предложи пратеничката група на Либералната партија, во август 1995 година, но поради промените во власта во државата, новото раководство на Собранието не ја стави таа Декларација на дневен ред. Во истиот текст што беше предложен 1995 година, таа Декларација беше донесена во април 2006 година (11 години подоцна) и таа со консензус. Но со Декларацијата само ја отворивме вратата во политиката за рехабилитација, која до денес не почнала. Настрана тоа, намерите во Законот за лустрација што го предложив, не ќе можеа да се остварат дури и да сме спровеле успешен процес на рехабилитација. Тврдењето на Ерол Ризаов за она што „ми оди на душа“ и по ова прашање нема основа напротив, ако се одеше по предлозите што ги давав, немаше да поминат 20 години од паѓањето на претходниот систем, до донесувањето на Законот за лустрација.

Трето и најважно, е тврдењето дека идејата за лустрација во Македонија, како што вели Ризаов, има заднина во намерата, битните разлики во правата и слободите на граѓаните и отвореноста на земјата кон светот во СФРЈ, да се занемарат и во тој поглед тогашна Југославија да се изедначи со земјите на Варшавскиот пакт и Албанија. Тоа не е точно. Ако го погледне текстот на Законот што го предложив во Собранието, Ерол Ризаов нема да најде ниту една точка која има тенденција да ја изедначи сликата на поранешна Југославија со онаа на земјите во Источна Европа и СССР. Тоа му е јасно на Ризаов, ама да си го зајакне своето погрешно тврдење, тој вели дека ниту една друга република што стана независна земја на тлото на бивша Југославија, не донела Закон за лустрација. Потсетувам дека зимата 2005-2006 година постоеше развиена активност за поттикнување на иницијативите за донесување на закони за лустрација во земјите во бивша Југославија и од тие средби и активности добивме препораки како да се уреди тоа прашање. Тие препораки беа основа и за изготвување на законот што го предложив. Тие активности меѓу другото беа под покровителство на Советот на Европа. Во однос на таа препорака, Словенија изнесе докази дека во областа на тајните служби во таа земја лустрацијата веќе е спроведена. Во Хрватска и Босна и Херцеговина тешките меѓуетнички конфликти и непосредните последици од тоа, не дозволуваа објективно и правично да се пристапи на изготвување на закони за лустрацијата во тие две поранешни југословенски републики. Во Србија, пред Македонија да го стори тоа, беше донесен законот за лустрација. Тој закон не беше спроведен поради исклучително тешките последици што Србија ги трпеше од владеењето на Милошевиќ и активноста на Хашкиот трибунал.

Инаку, за историската вистина за постоење на флагрантни разлики во развојот на демократијата во СФРЈ и во земјите од Источна Европа, во мојата практична политичка и државна дејност имав можност од многумина, па и од Ерол Ризаов подлабоко и поцврсто да се убедам. Тоа му е познато и на Ризаов. Но неговото тврдење дека идејата за лустрација сум ја измислил за остварување на историска невистина со тоа што со неа ќе се изедначи Југославија со земјите од Источна Европа, е тенденциозно и има мирис на клевета. Тоа е доволно мислењето да се означи како грешка на Ерол и по тоа прашање.

Овие појаснувања ги давам посебно за оние кои за проблематиката и последиците од лустрацијата во Македонија се информираат пред се' од Ерол Ризаов, а повеќе нешто не прочитале. Сакам тие луѓе да добијат појасна претстава за вистинските настани и состојби. Инаку, немам намера да го разуверувам Ерол, бидејќи тоа не е потребно. Тој добро ги знае овие работи што ги пишувам овде, ама изгледа мисли дека водата е доволно заматена, па може и нешто да улови.

(Авторот е прв претседател на македонското Собрание)
 
22-08-2016, 09:53 AM
Reply
ЈорданПетровски Online
ЈорданПетровски-ЦРНИ
*****

Posts: 14,285
Joined: Mar 2010
Reputation: 36
#3

Quote:Што ни појасни и разјасни Андов

[Image: A2E6C130D414E048B435ACB5711C2638.jpg]
Ерол Ризаов

Идејата за лустрација не била на Андов, туку на ВМРО-ДПМНЕ, а тој само прв предложил Закон за да ги спречи вмровците да тргнат во опасен правец

Во текстот „Томе Аџиев плаче по лустрацијата“ објавен во четврток на 18 август во „Утрински весник“ во колумната „Мое ќоше“ посветен на дебаклот со лустрацијата и поништените 20 пресуди од Управниот суд, со големи изгледи да бидат поништени 40 одлуки на Комисијата на Аџиев, односно на сите кои се жалеле, до Управниот суд напишав и неколку реда за носителот на првичната идеја Македонија да донесе закон за лов на кодошите и прочистување на општеството. Таа идеја и тој прв закон бев убеден како и целата македонска јавност дека се на познатиот политичар Стојан Андов. Господин Андов ова го доживеал како злонамерно и тенденциозно подметнување и на моите десет реда кои не се суштината на текстот, испратил 150 реда, со наслов „Појаснување на лустрацијата“ објавен на 19 август како своевидна исповед за да и' се разјасни на јавноста дека идејата не е негова, туку на ВМРО-ДПМНЕ, а тој само сакал со неговиот Закон да го спречи ВМРО-ДПМНЕ да ја спроведува лустрацијата бидејќи таа може да земе опасни правци.

Значи, да нема забуни, појаснението е дека идејата не е на Андов да се донесе законот, туку на ВМРО-ДПМНЕ , а мотивите на Андов да ги претрка сите и прв да предложи таков Закон за лустрација не биле гест на верен коалициски партнер кој му се умилкува на Никола Груевски како што може некој да помисли погрешно, туку биле да се спречи пресметката на ВМРО-ДПМНЕ со политичките противници. Андов натаму ни појаснува дека неговиот Закон бил поддржан од јавноста, а во Собранието бил донесен со консензус итн., итн. Неисе, го прифаќам појаснувањето на Андов дека таа идеја не е негова и дека неговиот закон за лустрација бил со мотиви да се спречи пресметката на ВМРО-ДПМНЕ со политичките противници, или како што вели тој да не земе опасни правци. Се надевам дека откако на овој начин Андов си ги изми рацете ќе се чувствува подобро и ќе му олесни.

Понатаму Андов во својата исповед кажува работи кои не му се припишани нему во текстот. Обидот со законот за лустрација да се направи историски фалсификат Југославија и Македонија да се изедначат со комунистичките режими на Исток не се однесува на Андов, но тој и тука почувствувал голема потреба за секој случај да даде појаснување дека неговиот закон за лустрација не ја изедначува Југославија и Македонија со земјите членки на Варшавскиот пакт и Албанија. Еве и ова не го сфаќам како покајание грешним, туку како појаснение дека Законот на Андов не ги прифатил интенциите на Советот на ЕУ во целост со лустрацијата да се жигосаат комунистичките режими, неправдите и злоделата што им се направени на милиони луѓе во Русија, Албанија, Романија, Источна Германија, Бугарија, Полска, Чехословачка, Југославија ... туку предложил таков Закон од слободарски причини за чистење на општеството од кодоши кои одамна се починати или беа во длабока старост.

За укажувањата, не само мои, дека требаше прво да се направи политичка рехабилитација на жртвите од комунистичкиот систем, па и судска за некои драстични случаи на монтирани судски процеси и дека заедно со лустрацијата овие работи требаше да се завршат веднаш по прогласување на независноста Андов се исповеда во своето појаснение со дигање рамења дека тоа не е направено, а политичката рехабилитација и 20 години чешлање и бришење досиеја на вистинските кодоши факти што оневозможуваат праведна лустрација Андов ги заменува со оправдување дека за судска рехабилитација немало време . Не знам дали некој му бранел на Андов како што предложил Закон за лустрација да предложи и Закон за политичка рехабилитација на жртвите од комунистичкиот режим. Такво нешто не е направено, бидејќи ја нема атрактивноста на пресметката со противниците и тие што и' пречеа на власта, односно на ВМРО-ДПМНЕ и неговите коалициски партнери меѓу кои и либералите на Андов. Тие добри намери на Андов за спречување на опасните правци подоцна израснаа во монструм, кој без право на одбрана прогласуваше невини луѓе за кодоши.

Андов ме исправа и појаснува за уште нешто што во овој текст не сум го напишал, а тоа е дека само Македонија донела Закон за лустрација од сите бивши југословенски републики. Иако ова не сум го напишал го прифаќам да ми биде припишано бидејќи во други текстови посветени на лустрацијата уште од првата идеја на Андов го имам предочено фактот дека ниту една бивша југословенска република не спроведе лустрација, освен Словенија, и тоа веднаш по прогласувањето на независноста. Мудрите Словенци направија експресно делумна лустрација без да се носи нов Закон, туку потпирајќи се на постојните закони што ги имаше и Македонија. Пензионираа неколку судии кои суделе по наредба на централните комитети и ја завршија својата лустрација како препорака од Советот на ЕУ, притоа јасно и' нагласија на Европа дека ни Југославија, ни Словенија не може да се изедначуваат со земјите зад „железната завеса“. Андов, во своето појаснување набројува, набројува како било во Словенија, во Хрватска, во Србија, во БиХ веројатно сакајќи обидите да ги прикаже како завршена работа, ама на крај самиот потврдува дека од бившојугословенските републики освен во Македонија нема спроведен закон за лустрација, а и тој доживува целосен крах.

На крајот Андов вели дека јас добро ги знам овие работи ама мислам дека водата е доволно заматена, па можам нешто и да уловам. Ете и ова го признавам дека водата и уште многу други работи во државата се ептен матни. Стојан Андов како искусен политичар и поранешен висок функционер знае и кој ги мати. Како љубител на лов во матно со мирна совест можам да кажам дека тешко нешто може да се улови освен батак и бербатлаци. Кој колку заматил и избистрил не може да оцени човек сам и со појаснувања. Веројатно тоа ќе го направат некои нови непристрасни генерации, ако воопшто има потреба од тоа.
22-08-2016, 10:02 AM
Reply
ЈорданПетровски Online
ЈорданПетровски-ЦРНИ
*****

Posts: 14,285
Joined: Mar 2010
Reputation: 36
#4

Quote:ЛАГИТЕ И МАНИПУЛАЦИИТЕ ЕДИНСТВЕНИ АРГУМЕНТИ НА РИЗАОВ И АНДОВ


[Image: 8e7bd2cc5d4f67673f13afdbefce0937_L.jpg]


Јордан Петровски
28.08.2016
Деновиве се води полемика околу одлуката на Управниот суд за поништување на решенијата за лустрирање на дваесетина лустрирани лица.  И како што е обичај во Македонија, ОПШТЕСТВЕНО ПОЛИТИЧКИТЕ  работници во медиумите и ЕКСПЕРТСЛУГИТЕ, наместо да укажат каде е вистинскиот проблем  ЗА НЕУСПЕХОТ НА ЛУСТРАЦИЈАТА, тие со написите и мислењата уште еднаш потврдија дека тие заедно со УДБа се најтврдокорните бранители  на Тоталитарниот Едноумен КОМУНИСТЧКИ Систем. Потврдија дека УДБа не погрешила во изборот ниту на ОПШТЕСТВЕНО ПОЛИТИЧКИТЕ работници во медиумите кои ни ги подментуваат како независни новинарските пера, ниту на оние на кои им давала врвни места во политиката и во Граѓанските Здруженија, формирани за "заштита на човековите индивидуални права и слободи.
 
 
Лага прва!!

Андов вели:
 
Quote:-"Потсетувам дека зимата 2005-2006 година постоеше развиена активност за поттикнување на иницијативите за донесување на закони за лустрација во земјите во бивша Југославија и од тие средби и активности добивме препораки како да се уреди тоа прашање. Тие препораки беа основа и за изготвување на законот што го предложив. Тие активности меѓу другото беа под покровителство на Советот на Европа."
 
Препораките кои ги дал Советот на Европа се во Резолуцијата 1096 а законот во форма во која беше предложен од Стојан Андов буквално нема допирна точка со Резолуцијата 1096.
Резолуцијата јасно ПРЕПОРАЧУВА, Судски Процеси, бидејки во ДЕМОКРАТСКИ држави непостои друг начин за утврдување на вина. Андов, по веке којзнае колку пати употребениот комуњарски трик, ако несакаш да се заврши работата, формирај комисија, во законот предложи лустрацијата да ја врши комисија.
 
За да се уверите во вистинитоста на моето тврдење ке го цитирам Членот 7 од РЕЗОЛУЦИЈАТА 1096:
 
Quote:„Собранието исто така препорачува, казнивите дејства што биле сторени за време на комунистичкиот тоталитарен режим да се гонат и казнуваат врз основа на општоважечките казнени закони. Доколку тие предвидуваат застарување на одредени злосторства, рокот може да се продолжи, бидејќи се работи за процедурално, а не за содржинско значење. Доколку донесувањето и употребата на ретроактивни казнени закони е забрането, но дозволено е судење и казнување лица за дејства или пропуштања, кои во време на сторувањето не биле казниви според домашното право, казниви се во согласност со општите начела на правото на цивилизираните народи. До толку повеќе; доколку лицето ги прекршувало човековите права, неговиот приговор дека само извршувал наредби не ја исклучува ниту противправноста, ниту неговата индивидуална вина.“
 
Од погоре цитираниот член ако Андов а се разбира власта предводена од Груевски имале вистинска желба да спроведат лустрација и со тоа ја отстранат основната пречка за НАЦИОНАЛНО ПОМИРУВАЊЕ, бидејки национално  помирување следи откако правдата првин ке е воспоставена. Правдата неможе да биде воспоставена без обзнанување на злосторите и казнување на злосторниците на комунистичкиот систем кој во Макееонија е на власт од 1945 па до ДЕНЕСКА!! Значи членот 7 јасно говори дека немало потреба од никакви посебни закони, никакви комисии кои ке го подготвуваат законот за лустрација, едноставно власта требала да го инкорпорира членот 7 во Македонското законодавство и понатака лустрацијата да се одвива во Суд, институција која единствено е надлежна да утврди дали некој е виновен или не.
 
Лага втора!!
 
Quote:Томе Аџиев и членовите на комисијата се виновни за ваквата лустрација. Оваа лага е заедничка  на Андов и Ризаов.
 
Комисијата за лустрација според законот требаше да ги пронајде СОРАБОТНИЦИТЕ на службата. Ако некој ги прочита Решенијата на комисијата и приложените извадоци од досиеата на лицата кои се лустрирани ке дојде до заклучок дека сите до еден биле СОРАБОТНИЦИ на Службата. Кај сите стои дека СОРАБОТУВАЛЕ.
Еве неколку примери:
 
Растислав Терзиоски:
 
Quote:Соработникот "БАРБАРОС" е ангажиран по МНС во ИНИ-Скопје . Во текот на соработката покажал солидни резултати.
 
Божин Павловски:
 
Quote:Со ПРОЗАИСТ е договорено и во иднина да ги прифаќа средбите и разговорите со овој и со други ПОО-а и интерсни лица од позиции на либерализам а добиените безбедсносно интересни сознанија и материјали благовремено да НИ ги презентира и достави на увид.
 
Стефановски Мирослав:
 
Quote:Стефановски Мирослав од 1978 година на зиво на оперативна врска по линија на МСН и тоа за следење на безбедносно интересни појави и состојби во културните средини, односно книжевните од каде се манифестира непријателска активност ....
 
Од оваа произлегува дека вината, ВИНОВНИКОТ треба да ја бараме на друго место а тоа друго место е Андов, Владата, Собранието, Уставниот Суд!!
Комисијата неможе да утврдува дали СОРАБОТНИЦИТЕ ја говореле вистината, дали извештаите кои ги давале соработниците биле невистините, поточно дали измислувале лаги, случки со кои му нанеле штета на "кодошениот". Тоа е работа на Суд!!
 
Затоа во членот 7 од Резолуцијата стои: ...."КАЗНИВИТЕ дејства што биле сторени за време на комунистичкиот тоталитарен режим"
 
Можеби сите извештаи кои ги дале гореспоменатите биле вистинити!!  Дали во тој случај постои суд кој ке ги осуди, НЕ!! Нема таков суд во демократска држава. Некој можеби ке ми приговори, па и ако ја кажал соработникот вистината и му нанел штета на "кодошениот" како може да не биде виновен.
 
Тука се крие монструозноста на комунистичкиот систем. 99,99% од прогонуваните, судените во Македонија се прогонувани и судени како идеолошки противници на КОМУНИСТИЧКОТО уредување и противници на опстојувањето на Вардарскиот дел на Македонија во федерацијата на Југославија, но во обвиненијата секогаш стоело насилно уривање на Југословенскиот уставен поредок и ванчомијахловизам. Иако немало ниту еден доказ и за двете обвиненија.
Сите тие луѓе патот до промената на КОМУНИСТИЧКОТО уредување и ОТЦЕПУВАЊЕТО од Југословенската федерација го планирале на мирољубив начин, бидејки тоа и уставот на Југославија им го гарантирал.  Значи сите 22 илјади осудени на долгогодишни затворески казни биле НЕВИНИ!! Сите 14 илјади и кусур следени биле без основа следени.
Истата практика на прогон на ИДЕОЛОШКИ и ПОЛИТИЧКИ неистомисленици продолжила и после носењето на новиот Устав 1991 година во кој е  прифатен повекепартизмот во Македонија.
 
Лага трета:
 
Quote:-"Разликите меѓу Југославија и земјите зад „железната завеса“ беа добро познати и на Запад и на Исток."
 
Ако Југословенскиот комунистички систем бил поразличен од останатите комунистички системи Советот на Европа тоа во резолуциите ке го НАГЛАСЕЛ. Па сигурно во Резолуциите на Советот на Европа на мерки за отстранување на наследството на поранешнитe комунистички тоталитарни системи ке стоело дека Резолуциите не се однесуват на Југословенскиот КОМУНИСТИЧКИ систем и затоа ДРЖАВИТЕ КОИ ПРОИЗЛЕГЛЕ со распадаот на Југославија не треба да спроведуваат лустрација.
 
Quote:Историскиот фалсификат со Законот за лустрација се криеше во обидот Македонија и Југославија да се изедначат со режимите на Исток, Русија, Источна Германија, Албанија, Романија, Бугарија,Чехословачка, Полска.... што е далеку од вистината и од историските факти.
 
 

[Image: masovni-grobnici.jpg] 
За Ризаов и Андов, убиените без судски одлуки во Македонија, бројката не им се знае, но е далеку над илјада!! Дваесетикусурте илјади осудени на затворски казни со лажни докази, исто така во Македонија, близу деветнаесте илјади ИДЕОЛОШКИ и ПОЛИТИЧКИ НЕСИТОМИСЛЕНИЦИ следени од Службата во период 1945-1998 година исто така во Македонија е показател за хуманоста на комунистичкиот систем кои за жал остана до ден денешен а според онаа што се случува, поточно кои се луѓе се во политиката и медиумите, ке остане и понатака. 
Ако овие бројки според Ризаов и Андов се недоволни за да Македоскиот комунистички систем биде прогласен за злосторнички што ли требело да се случува во Македонија? Да течат реки крв, училиштата да бидат претворени во затвори, тоа ли за Ризаов и Андов и нивните соистомисленици е злостор??
 
Југословенаскиот КОМУНИСТИЧКИ систем според истражувања за тоа која држава со комунистички систем има најмногу ликвидирано свои идеолошки противници надвор од државата, дошле до заклучк дека Југославија има извршено најмногу ликвидации надвор од Југославија на политичките и идеолошките неистомисленици.
 
 



 
Деновиве една таква ликвидација доби и судска завршница во Минхен, челните луѓе на Хрватската Тајна Идеолошка Полиција, Мустаќ и Перковиќ добија казна доживотен затвор заради тоа што тие издале наредба да се ликвидира политички противник на комунистичкиот систем кој добил азил во Германија. Но тоа не е се, во Германија по се ке бидат поведени уште 22 судски процеса. Тое е јасен показател дека во државите кои настана од распадот на Југославија сеуште  вистинската власт е во рацете на луѓе од структурите на Тајната Идеолошка Полиција.
Дека во Македонија власта е сеште во рацете на Тајната Идеолошка Полиција несоборлив доказ е фактот дека и после Референдумот за осамостојување и носењето на новиот Устав, Тајната Идеолошка Полиција продолжила со Југословенската комунистичка практиката на прогон на ИДЕОЛОШКИ и ПОЛИТИЧКИ противници, па така отворени се близу 4 илјади досиеа. Продолжено е со  НЕУСТАВНАТА практика министерот на полиција да потпишува решенија за прислушкување на луѓе, продолжено е со практика законите да се објавуваат во посебен ТАЕН службен весник ..... се до 1995 година ДБК користи закони од Југословенското законодавство.
Уставниот суд за да го сокрие продолжувањето на користење на Тајната Идеолошка Полиција како чувар на комунистичкиот тоталитарен систем и после 1991 година донесе  мислење со која лустрацијата за период после 1991 година е неуставна. За да го поткрепи таквото мислење Уставниот суд побара и мислење од Венецијанската комисија  но во барањето на мислење Уставниот суд направи флагрантен фалсификат, имено не беа наведени фактите дека и после 1991 година и носењето на нов Устав, Тајната Полиција 1992 година носи Уредба за работа на СДБ која е спротивна на уставот и така со таа уредба продолжува со практиката на прогон на ИДЕОЛОШКИ и ПОЛИТИЧКИ неистомисленици.
На интервенција на Kомитетот за Демократизација на Македонија со седиште во Канада, Секретарот на Венецијанската Комисија, бидејки комитетот неможе да бара официјално мислење од Венецијаската комисија,  Томас Марктерт на кого му беа предочени пропустите кои свесно ги има направено Уставниот суд во барањето од Венецијанската комисија даде толкуање дека ако Венецијанската комисија ги знаела тие елементи, водење на досиеа, неуставно прислушкување, објава на закони во таен службен весник, .... мислењето на Венецијанската комисија ке било дека: ВО МАКЕДОНИЈА ТРЕБА ДА СЕ СПРОВЕДЕ ЛУСТРАЦИЈА И ЗА ПЕРИОД ПОСЛЕ 1991 година.

Лага четвртa
 
Quote:Словенија изнесе докази дека во областа на тајните служби во таа земја лустрацијата веќе е спроведена
 
Во Словенија не е спроведена лустрацијата!
 






Имаше обид во Словенија да се спроведе лустрација со поднесување на Кривична пријава против  Митја Рибичиќ
 
Quote:U maju2005. godine Državno tužilaštvo Slovenije podnelo je tužbu protiv Mitje Ribičiča koja ga tereti za zločine nad civilnim stanovništvom, odnosno za genocid. Optužnica je zasnovana na dokumentima koje je potpisao Ribičič, a odnosi se na likvidacije 234 ljudi, koji predstavljaju samo deo žrtava, koja je naredila OZNA u proleće 1945. godine nakon završetka Drugog svetskog rata. Nekoliko meseci kasnije, uprkos dokazima i svedočenjima, sud je odbacio optužbe zbog nedostatka dokaza.
 

Во Македонија, JO и двете кривични пријави против челните луѓе на МВР и ДБК беа отфрлени заради застареност. Застареноста во Македонското судство е алатка за  спасување на казнување на злосторниците кои се под заштита на Тајната Идеолошка Полиција. Имено во првата кривична пријава за да делото биде прогласено за застарено и по релативен и по апсолутен рок, канзивоста на делото Јавниот Обинител ја свел на три месеци. Во вториот случај циркузијада била појасно изкажана, ЈО првин прогласил релевантна застареност бидејки по негова проценка од последната службена белешка поминале десет години.. таквата одлука му направила проблеми на истражниот судија во постапката заради тоа што делото со одлуката на ЈО не било апсолутно застарено па морале да се променат троица судии за да се најде судија кој ке донесе решение дека делото било казниво со максимална казна од три години и така го реши проблемот на системот. Нема СУДЕЊЕ. Ако имаше судење по двете кривични пријави ке се откриа злосторите на Комунистите, ке се откриеше дека комунистичките партии СДСМ и ДПМНЕ се злосторнички здруженија и дека повекепартизмот во Македонија не постои, односно дека повекепартизмот е повторно Комунистичка измама.  
 



 
За крај, зошто Андов кога го правел законот не побарал мислење од Венецијанската комисија. Зошто владата и собраниските комисии не побараа мислење од Венецијанската комисија.
Зошто општествено ПОЛИТИЧКИОТ работник, Ерол Ризаов не укажувал дека законот не е во склад со препораките на Cоветот на Европа кога Андов го подготвувал законот. Зошто општествено ПОЛИТИЧКИОТ работник, Ерол Ризаов кога беше донесен законот за слободен пристап до досиетата не укажал дека Републичкиот Јавен Обинител има ОБВРСКА да покрене истрага против носителите на фунции во МВР кои ги злоупотребиле своите функции!!
Во одговорите е и причината зошто Македонија се наоѓа во оваа состојба денеска.

Да потсетам со видеото подолу кој и зошто недозволува лустрација и да укажам на уште една работа, поточно да побијам една лажна теза на СДСМ овците а таа е дека ДПМНЕ е фашистичка!! Ако ДПМНЕ е фашистичка или пак ДЕСНИЧАРСКА таа ке спроведеше лустрација според препораките на Советот на Европа со тоа ке постигнеше две работи , ке го пратеше во Идризово врвот на СДСМ и ке ја забранеше СДСМ, повикувајки се на причините со кои во Латвија е забранет налседникот на комунитичката партија на Латвија, закон кој според Венецијанската комисија е во ред. 
 



31-08-2016, 12:01 AM
Reply
ЈорданПетровски Online
ЈорданПетровски-ЦРНИ
*****

Posts: 14,285
Joined: Mar 2010
Reputation: 36
#5

Quote:Интелектуалното слепило на лустраторот Даут


[Image: a1572753269_10.jpg?w=580]
 
28.08.2016
На Даут сакам да му поставам неколку прашања. Еве, веднаш тргнувам со нив. Не ми е јасно како:
  1. Не сфаќа дека Комисијата за лустрација е едноставно орган за партиски отстрел на политички противници?
  2. Ги нема слушнато прислушуваните разговори со нарачките за лустрирање?
  3. Не сфаќа дека беа лустрирани само лица кои и пречеа на власта, кои беа од или блиски на опозицијата и кои припаѓаа на критичката јавност?
  4. Не забележа дека ниедно лице блиско до власта не беше лустрирано, иако, на пример, во Владата на Кљусев имаше куп тешки кодоши?
  5. Не сфаќа дека лустрирањето за командна одговорност е незаконско?
  6. Не забележа дека врз принцип на командна одговорност беа лустрирани само министри за внатрешни работи од СДСМ, а не од ВМРО-ДПМНЕ?
  7. Не се свести дека тоа е статистички и емпириски невозможно? Дека по теоријата на веројатноста, само министри на СДСМ и само противници на режимот да се кодоши е веројатно колку и да му падне на глава метеорит од Марс само нему од 7 милијарди луѓе на планетава?
  8. Не му стана јасно после тоа дека во таа комисија се случуваат најобични карактерни атентати врз политички непожелни лица и ништо повеќе?
  9. Не му е јасна апсурдноста на лустрирањето на професор Фрчковски, на пример, за исти наредби кои ги дал и Јордан Мијалков, а Фрчковски само го продолжил нивното времетраење? И, на крај неговата комисија го лустрираше Фрчковски, а власта од друга страна почна да именува улици со името и презимето на Мијалков, иако давале исти наредби.
  10. Кога сме веќе кај лустрирање на починати лица, не ја сфаќа апсурдноста на таквата постапка?
  11. Не ја сфаќа апсурдноста на лустрирањето после 1990 година и тоа дури до 2010? Даут вели во 90 отсто поранешни комунистички земји имале лустрација, ама не кажува дека во 90 отсто од нив таа е одамна завршена и во ниедна од нив нема такво нешто како лустрација после 1990 година? За што се лустрирани луѓе во 2010, баш ме интересира?
  12. Не сфаќа дека не е проблем само како гласал, туку, пред се, самото членување во таков орган чија главна цел е политичка пресметка и идеолошки отстрел?
  13. Не сфаќа дека за цел живот ќе му остане дамка, и лична и професионална, дека засекогаш ќе остане познат како “лустраторот Даут”? И, дека, (Не дај Боже!), со оглед на зулумите на оваа власт, и досегашни и идни, како и со оглед на постоењето на нарачани лустрации од политички прилини (што е криминал), можно е некој иден парламент да креира комисија за испитување на работата на оваа комисија и осветлување на вистинските причини за извршените бројни карактерни атентати врз невини луѓе и работите тогаш навистина да се закомплицираат – и за него и за неговите колеги. Особено ако се докаже документирано дека наредбите кој да се лустрира доаѓале од еден единствен партиски центар, секогаш испорачувани од еден единствен партиски човек.
АНФАС
(This post was last modified: 31-08-2016, 12:12 AM by ЈорданПетровски.)
31-08-2016, 12:10 AM
Reply