Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ФАНТОМСКИ ДОНАТОРИ - ВИСТИНСКИ ПАРИ
Author Message
ЈорданПетровски Online
ЈорданПетровски-ЦРНИ
*****

Posts: 16,937
Joined: Mar 2010
Reputation: 36
#1

Quote:Како администрацијата донирала 1,5 милион евра за ВМРО ДПМНЕ






[Image: donacii_block_1-777x437.jpeg]


Пишуваат: Маја Јовановска и Сашка Цветковска
Графички илустрации: Горан Ризаов

април 28, 2016-
Владејачката партија ВМРО-ДПМНЕ минатата година собрала најмногу донации на својата сметка или речиси 1,5 милиони евра, открива НОВАТВ со помош на документите кои ги добивме од Државниот завод за ревизија користејќи се со правото на слободен пристап до информации. Сите донации на владејачката партија се од физички лица, со исклучок на две правни лица.   Во листата на донатори не можевме да го најдеме премиерот, ниту пак клучните лица од раководството на ВМРО-ДПМНЕ.
[Image: donacii_block_2-300x199.jpeg]

За оваа партија минатата година донирале вкупно 3,675 физички лица и две фирми. Најголемиот дел од парите, или 73 проценти од вкупните донации биле дадени во само 12 дена.

[Image: donacii_block_3-300x260.jpeg]
[Image: donacii_block_4-300x171.jpeg]
Од тие 12 дена, најголемиот број донации биле извршени од 14 до 16 јули или речиси 40 проценти од донациите биле дадени во само три дена.
Најсреќен ден за контото на ВМРО-ДПМНЕ бил 15 јули кога 791 донатор здружено донирале 291 илјада евра. Речиси две третини од донаторите на овој ден или 462 лица дале по точно 20,000 денари, а 69 лица дале по 50,000 денари. Ако 15 јули претставува поволен ден за партиската сметка, за државата е еден од клучните моменти во процесот на решавање на политичката криза. Додека приврзаниците на ВМРО во броја од стотини граѓани одат да донираат во партиајта, нивниот лидер целиот ден го потроши во резиденцијата на амбасадорот на ЕУ Аиво Орав каде што беше потпишан протоколот за имплементација на договорот од 2 јуни кога партиите се согласија за формирање на Специјалното јавно обвинителство, решавање на проблемот со корупција во медиумите и други проблеми чие решавање произлезе од наодите во извештајот на Прибе.
[Image: donacii_block_5-300x169.jpeg]
„Политичката криза е решена. Економијата се ослободува од стегите на кризата. СДСМ се свесни дека народот не им дава поддршка. Како и секогаш, ВМРО-ДПМНЕ ги става интересите на народот пред партиските и пред личните интереси“, ова го изјави Груевски во Владата на 15 јули, додека истовремено група од стотици директори на јавни и државни институции, вработени во администрацијата, учителки и субвенционирани земјоделци тргнале масовно да донираат за партијата.
Од ВМРО ДПМНЕ не одговорија на нашите прашања за тоа на кој начин донаторите ги уплаќале парите – во кеш или на сметка.
Овие прашања произлегоа од претходните истражувања на НОВАТВ, но и други медиуми, кои со години работеа на теми поврзани со финансирањето политички партии. На пример, на изборите во 2013 НОВАТВ разговараше со повеќе донатори на ВМРО ДПМНЕ. Некои од нив воопшто не знаеја дека донирале за партијата, други посочуваа различни денови од оние на списокот, едни велеа дека парите ги однеле во штабот, други не можеле да се сетат и слично. Позната е изјавата на поранешниот лидер на Студентскиот сојуз Самоил Малчевски кој се најде на списокот на донатори, но тврдеше дека тој никогаш не донирал.

ЧИТАЈТЕ УТРЕ

Кој е профилот на просечниот донатор на ВМРО-ДПМНЕ

Профилот на просечниот донатор на оваа партија би можел да се објасни со неколку зборови: административец од низок партиски профил вработен во времето на оваа власт и активен во партиските работи од организирање протести до собирање списоци за гласачи.

Социјалдемократите со ситни донации

Социјалдемократите минатата година собрале донации помалку отколку што може една црква да собере за неколку верски празници или слави. Вкупно на листата се 476 донации, или во пари, на сметката на СДСМ лани легнале  12.096 евра. Но, не се толку донатори, бидејќи голем дел од имињата се повторуваат по неколку пати.
Генералниот секретар на партијата и актуелен министер за внатрешни работи Оливер Спасовски за партијата одвоил 70.000 денари. Лидерот Зоран Заев искеширал 60.000 денари. Меѓу донаторите неколку пати е наведено името на пратеникот Стојко Пауновски и претседателот на Советот на општина Куманово Максим Димитриевски. На листата ги нема другите првотимци на СДСМ, оние кои секогаш се до лидерот Заев на прес конференциите во партијата. Најмалата донација е од извесна Маја Хеско – 23 денари, а најголема од Илија Патриков – 87.000 денари.
Меѓу донаторите на листата на СДСМ има и повеќе правни лица и фирми. Најмногу донации има од страна на „Македонски Телеком“ во вид на попуст на услуга, но кога ќе се соберат сите тие во пари изнесуваат 20.000 денари. Меѓу правните лица кои дале донација во вид на попуст е и „Слободен печат“ во висина од 18.347 денари на први јануари 2015 година.
СДСМ е единствената партија од четирите најголеми партии од македонскиот и од албанскиот блок, која доставила и број на сметка на која се уплаќани парите од донаторите.

ДУИ единствени што собрале донации од државни институции

Демократската унија за интеграција на Али Ахмети минатата година искеширала вкупно 524.700 евра. Најголем дел од парите се од Министерството за правда или 288.000 евра, како и од донации 201.726 евра. Од членарини во партиската каса се влеале 34.631 евро. Чудно е што во најголемата и најмоќната албанска партија, лани членарина платиле само 75 луѓе и тоа различни суми.
За разлика од ВМРО ДПМНЕ каде меѓу донаторите го нема лидерот на партијата Никола Груевски, кај интегративците со членарина од 36.000 денари во 2015 година прв на листата е претседателот на ДУИ Али Ахмети. Веднаш зад него со иста сума е и Џеват Адеми. Во списокот се и Фатмир Бесими, Изет Меџити, Миљаим Фетаи, Ејуп Рустеми, Рафиз Алити, Нора Алити, Талат Џафери, Ирфан Асани, Назиф Буши и други функционери и членови на ДУИ. Сепак, главниот извор на финансии на интегративците не е членарината.
Во 2015 во касата на ДУИ искеширале 38 донатори или вкупната сума од донации е 201.726 евра. За разлика од нивниот коалиционен партнер ВМРО ДПМНЕ, симпатизерите на ДУИ се подарежливи. Сумите не се како приврзаниците на Груевски, кои донираат најмногу 100.000 денари. Најмалата донација овде е 200.000 денари, па се до 1.200.000 денари. Но, најголемиот прилив на пари во Мала Речица стигнал од Министерството за правда од каде се исплатени 288.000 евра.
Во документите кои ни ги достави Државниот завод за ревизија, во забелешка пишува кои се институциите каде работат членови на ДУИ, а кои придонесуваат со плаќање на чланарина. Тоа се: А.Д. Македонска пошта, општина Липково, Македонска пошта Гостивар, Државен студентски дом, Дирекција за заштита и спасување, Ј.П. МЖ Инфраструктура, како и АД Аеродроми на Македонија. Иако според Законот за финансирање на политички партии, задолжително е да се наведе изворот на парите, намената и датумот, во листата на ДУИ недостасуваат сите податоци. Од ДУИ велат дела нивниот кадар кој е вработен во институциите има траен налог од банка со кој им се стопираат средства од платата кои потоа одат како донација во партијата.
ДПА е единствената партија која што пријавила дека немала ниту еден донатор во 2015 година.
23-05-2016, 09:10 PM
Reply
ЈорданПетровски Online
ЈорданПетровски-ЦРНИ
*****

Posts: 16,937
Joined: Mar 2010
Reputation: 36
#2

Quote:Донации во ВМРО ДПМНЕ: Фиктивни донатори и сиромашни службеници



[Image: naslovna-donacii.jpeg]


Пратеникот Андон Чибишев, актерката Арна Шијак, хирургот Никола Груев, актерот и директор на Драмски театар Роберт Вељановски се дел од лицата кои се најдоа на списокот донатори на ВМРО ДПМНЕ со суми од 1,000 евра, но сите тројца велат дека во 2015 никој од нив не дал пари за партијата.
Минатиот 14 јули ќе остане запаметен по целодневните мачни и тензични преговори помеѓу лидерите на ВМРО ДПМНЕ , СДСМ, ДУИ и ДПА во резиденцијата на евроамбасадорот Аиво Орав. Ноќта помеѓу 14 и 15 четворицата конечно го потпишаа Пржинскиот договор.
Додека во Пржино се решаваше политичката криза, низ Македонија се полнеше партиското конто. На 14 јули, без исклучок, сите директори на јавни и државни институции, училишта и јавни претпријатија од градот Штип донирале од 500 до 700 евра за ВМРО ДПМНЕ.
Ако се погледнат списоците на донатори на Државниот завод за ревизија коишто НОВАТВ го доби согласно Законот за слободен пристап до информации, на 14 и 15 јули 1100 лица донирале 40 проценти од вкупната донирана сума од 1,5 милиони евра.
Во првиот дел од истражувањето НОВАТВ објави колку средства легнале на партиските сметки, а денеска ги истражуваме донаторите на најголемата, а судејќи по донациите и имотот, и најбогатата политичка партија – владејачката ВМРО ДПМНЕ.
Просечна македонска плата, вработен во државна или јавна служба – ова е профилот на просечниот донатор на владејачката партија. Дел од донаторите ги потврдуваат донациите, некои ги негираат, а повеќето воопшто не сакаат да разговараат со новинарите на таа тема.


Фиктивни донатори


Списокот со донациите на ВМРО ДПМНЕ е доставен во Државниот завод за ревизија на почетокот на оваа година. Истиот содржи имиња и презимиња и датум на којшто е направена донацијата, но нема податоци за начинот на којшто се уплатени средствата ниту пак било какви прилози како банкарски изводи. За веродостојноста на доставениот извештај за донации со својот потпис гарантира актуелниот премиер и државен секретар на ВМРО ДПМНЕ Емил Димитриев.
Актуелниот пратеник и поранешниот директор на Универзитетската клиника за токсикологија Андон Чибишев според доставениот извештај до ревизорите минатата година донирал 60,000 денари. Во разговор со НОВАТВ тој тврди дека лани не дал пари за ВМРО ДПМНЕ.


Quote:„Последен пат донирав во 2011 година“, рече Чибишев.


И неговиот колега, абдоменалниот хирург во Градската болница во Скопје и советник во општина Кисела Вода Никола Груев беше изненаден дека неговото име е наведено во листата на донатори со сума од 40,000 денари.


Quote:„Тоа се многу пари, не можам да заборавам дека сум дал толку пари. По вашето јавување за секој случај ги проверив моите трансакции од 2015 година и можат да ви потврдат дека пари за партијата не сум дал. Јас донирам само во изборни години. Во такви години пари сум дал два пати – еднаш 15 илјади денари, а еднаш 7 илјади“, рече Груев.


Изненадена беше и актерката Арна Шијак Дамовска, која што за разлика од Чибишев и Груев не е член на ВМРО ДПМНЕ. Таа во списокот е наведена како донатор на 60,000 денари.


Quote:„Ова е сериозна работа, не се ова мали пари па јас да не се сеќавам, ниту сум член на партија, ниту било кога сум донирала“, вели Шијак.


Лице со исто име како нејзиниот колега, актерот Роберт Вељановски и актуелен директор на Драмски театар – Скопје во списокот наведен со донација од 60,000 денари. На тој датум освен Вељановски донирале поголема група скопски директори на културно-уметнички и образовни институции. Вељановски беше шокиран од овој податок.


Quote:„Не сум дал пари и остро демантирам. Единствената моја донација во 2015 е за хуманитарни цели, изнесува 3,000 денари и не е поврзана со никаква партија“, вели тој.


Скромна плата, дарежливо срце


Списокот на донатори содржи 3,675 физички лица и само две фирми со помали донации. На истиот се наоѓаат директори, актери, воспитувачки, учителки, градоналници, советници, нижи службеници во јавната и државна администрација, но изостануваат високите партиски функционери. Ќесето не го одврзал лидерот на партијата Никола Груевски, но затоа во ист ден половина од вработените во основното училиште „Гоце Делчев“ во Неготино донирале по 20,000 денари.
Не донирале министрите, но донирале лица како извесен Јанко Бацарија, вработен на позицијата виш соработник во општината Кисела Вода. Се вработил кон крајот на март 2015 година, а на 22 април донирал 20,000 денари.
Во март се вработил, во април донирал 20 000 денари
Како Јанко Бацарија кој уште не се израдувал на првата плата, а донирал, има уште многу лица на списокот донатори. Во еден ден цела администрација во оваа скопска општина, без градоначалничката Билјана Беличанец Алексиќ, се упатиле кон партијата за да одвојат кој колку може и да го потпомогнат ВМРО-ДПМНЕ. Советникот Филип Камчев донирал 20 000 денари, а неговите колеги Кирју Николовски и Димитар Селев донирале цела плата од 20 000 денари. Раководителите биле подарежливи. Тони Чупоски и Сашка Аџулеска од домашниот буџет си скусиле по 30 000 денари и ги подариле на ВМРО-ДПМНЕ.
Александар Бурековиќ, вработен во општина Карпош, според списокот донирал 45,000 денари. Тој за НОВАТВ рече дека не сакал да разговара на таа тема и дека немал да потврдува ништо.
Она што е интересно е дека директорите од сите градови во земјата донирале по групи по градови во исти денови. Директорката на Здравствен дом Скопје Татјана Баевска Вучковиќ и директорот на ЈЗУ Институт за белодробни заболувања Оливер Зафировски во ист ден донирале по 60 000 денари.
„Ниту ви потврдувам, ниту ви негирам. Има официјален документ за тоа“, рече Баевска Вучковиќ за НОВАТВ.
Зафировски, пак, рече дека ќе ја контактира редакцијата на НОВАТВ откако ќе заврши со прегледите, но до објавувањето на овој текст не се јави.


ПРОДОЛЖУВА
23-05-2016, 09:11 PM
Reply