Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
СТОЈАН АНДОВ-ПОЛИЦАЈЦИ РАБОТАТ КАКО УРЕДНИЦИ
Author Message
ЈорданПетровски Online
ЈорданПетровски-ЦРНИ
*****

Posts: 13,884
Joined: Mar 2010
Reputation: 36
#1

Quote:Интервју
Стојан АНДОВ

ВРЕМЕ Е ДА СЕ РАСЧИСТИ СО ТАЈНАТА ПОЛИЦИЈА ШТО ЈА КОНТРОЛИРА ЦРВЕНКОВСКИ

Во овие постизборни жешки денови, Стојан Андов преку Фокус излага со нова жешка иницијатива: да се расчисти улогата на тајната полиција од осамостојувањето до денес. Тој предлага да се формира комисија на вистината која ќе ги обелодени списоците на нејзините тајни соработници распослани низ судството, медиумите, финасиите, како што направија повеќето посткомунистички земји. Во спротивно, и натаму ќе биде блокиран демократскиот развој и реформите. Всушност тезата на Андов е дека една подземна тајна структура врзана за СДСМ, и пред се за Бранко Црвенковски ги контролира сите институциите, и ја држи Македонија на дното.

Разговараше  Јадранка КОСТОВА

СЕ УБЕДИ ДОМАШНАТА ЈАВНОСТ, А МЕЃУНАРОДНАТА СЕ ИЗНЕНАДИ

ФОКУС: Уценувачките тонови за дестабилизација или сеалбанско обединување не се новина. Тоа беше особено изразено пред референдумот, како на пример од Фазли Велиу. Зошто сега се изненадени меѓународните фактори?

АНДОВ: Да, меѓутоа имаше реакции на изјавите на Фазли Велиу дека тој е споредна фигура во ДУИ. Второ, морам да ви кажам дека оние кои внимателно ги набљудуват работите можеби не се изненадени од ова, но најголем дел од луѓето надвор и во земјата не сакаат да ги анализираат подлабоко работите и поверуваа дека ДУИ е политичка партија која ги прифаќа принципите на демократско натпреварување. Сега излезе нешто друго. И мислам дека доколку Груевски изјавеше дека нема да коалицира со ДУИ заради тоа што тие утре можеби токму во секторот на борбата со криминалот да кажат 'стоп тука или калашњиков ќе работи', повеќето  немаше да му веруваат. Сега со овој тест фактички се убеди широката јавност кај нас, а е во изненадување меѓународната јавност дека сепак не стојат работите така како што биле убедени. Затоа мислам дека се покажаа корисни тие контакти.
   
ПОЛИЦАЈЦИ РАБОТАТ КАКО УРЕДНИЦИ

ФОКУС: Дали Груевски има капацитет да расчисти со тајната организација или и тој, свесно или не, е влезен во мрежата на Црвенковски, барем според некои луѓе кои се прилепија кај него?

АНДОВ: Прво, во Македонија не можеш точно да знаеш кој се каде е вграден. Тие што работат во полиција не се вистинските полицајци. Очигледно штом се контролира еден дел од медиумите и таму има полицајци, кои работат како уредници, новинари, а се дел од тоа подземје. Некои се во обвинителството, некои во судовите, не може човек во овој момент да знае додека не се обелодени списокот на тајните соработници на тајната служба сега распоредени во медиумите ...

ИМАШЕ МНОГУ МИСТЕРИОЗНИ УБИСТВА

ФОКУС: Зошто досега не пукнаа работите внатре во оваа тајна шема?

АНДОВ: Оваа тајна организација служи за политичка контрола овде, за оневозможување на вистинска демократија и развој. Тоа не значи дека во тие служби нема чесни луѓе, кои се злоупотребени. Но ако малку подигнат глас ќе бидат гонети до истребување. Знаете ли вие колку има службеници на државна безбедност што изгубија живот во период на транзицијата? Знаеме дека во Кочани едно момче беше убиено во 1992-93 г., потоа една млада жена од петтата управа ... Треба да се види на кои предмети тие работеле, како тоа наеднаш загинале.

ФОКУС: Како искусен политичар како ги коментирате заканувачките и воинствени изјави што доаѓаа деновиве од челните луѓе на ДУИ

АНДОВ: Јас ја разбирам желбата на ДУИ да остане во владата, но нивните закани со вклучување на народот, со калашњикови фактички фрлаат една поинаква и несакана светлина врз нив. Излегува дека сите принципи на Рамковнот договор важат се додека се во власта. Тоа не е добра и здрава работа, не само за таа партија, туку и за политичкиот живот во РМ. Секоја партија кога се оснива тежнее да дојде на власт, но има и обврска да прифати да биде и во опозиција. Не е возможно на било кој победник на изборите некој да му се наметне  дека мора токму со него да ја прави владата.

ФОКУС: Да, но аргументите зошто да бидат во владата се темелат на нивното толкување на Рамковниот концепт на државата, а тоа е Македонија како бинационална федерална држава во која победниците на двете заедници мора да прават влада?

АНДОВ: Прво тој принцип на бинационална држава многу често го среќаваме, но јас тука не би го пренагласувал тоа, затоа што во владата пак ќе има претставници на партиите од етничките албанци кај нас. Мислам дека туку станува збор за нешто друго. Оној кој со оружје добил позиција во политичкиот живот, иако сега е на поразената страна, бидејќи тие беа во состав на владата која изгуби, односно не изгуби само СДСМ, сега сака да наметне дека за нив политичкиот и демократскиот пораз не важи. Со други зборови, ако некој со оружје се наметнал, тогаш демократските средства и сите инструменти на демократијата не се применливи на него. Тоа е она што излегува како слика, а не бинационална држава.

ФУЕРЕ МЕХАНИЧКИ ЈА СФАТИЛ СВОЈАТА ЗАДАЧА

ФОКУС: Зарем некој е изненаден што токму така се однесува некој што со оружје дошол на власт?  

АНДОВ: Јас зборувам за тоа дека во меѓународната јавност постои уверување дека со рамковниот договор е создадена нова солидна база  на демократскиот процес во Република Македонија. Ако е тоа точно, тогаш соочувањето со барањето да се биде по секоја цена во власта е надвор од демократските принципи кои кажуваат кој е победник, а кој ги изгубил изборите... Ние немавме распишано избори посебно за албанците, посебно за неалбанците, туку имавме општи парламентарни избори, на кои коалицијата на власт беше поразена. Ние, пак, му оставивме на Груевски да си ја води работата. Тој се обиде да преговара со ДУИ, да види дали може да ги добие на тие демократски принципи со некои промени во нивното однесување. Затоа и беа наметнати теми како царината, развојот, што беше надвор од нивниот видокруг како партија до сега. И се обиде да види дали таа партија има некаква друга амбиција освен да ги претставува само албанците во власта. До што дошол Груевски- незнам, но мислам дека целата работа почна да се растура кога Груевски воспостави контакти и со ДПА, која исто така ги претставува албанците кај нас, а има три пратеници помалку од ДУИ. ПДП, пак, која беше во коалиција со ДУИ, сепак е партија што беше во опозиција и нема одговорност за последиците од владеењето од 2002 година до сега.

ФОКУС: Но дури откако се објави мнозинството со ДПА, штабот на Груевски наеднаш ја вклучи ДУИ во преговорите?

АНДОВ: Можеби Груевски сакаше да провери колку е внатрешната трансформанација во ДУИ навистина извршена.
04-12-2015, 05:05 AM
Reply
ЈорданПетровски Online
ЈорданПетровски-ЦРНИ
*****

Posts: 13,884
Joined: Mar 2010
Reputation: 36
#2

Quote:Овие закани веројатно укажуваат дека таму не е ништо транформирано, туку само малку и напразно се разговорите за царините и за развојот. Според тоа, во ова наше сложено чекорење кон демократија, Груевски направи една проба. Текот на преговорите му покажа отприлика како и од што треба да се чува, која е опасноста и кои се ризиците. И на секого сега може да му одговори дека ако цената и аргументите на ДУИ за влез во владата се калашњикови, тогаш и утре калашњиковот ќе биде средството за запирање на било каква борба против корупцијата. И било која цел што сака да ја оствари за да се приближиме кон Европа  ќе може да биде блокирано со истиот аргумент. Затоа мислам дека тоа е едно многу непријатно сознание и за нас и за маѓународната заедница.

ФОКУС: Од меѓународната заедница не слушнавме децидна реакција за ваквите закани, како што обично знаеле да реагираат?

АНДОВ:  Мислам дека и тие се непријатно изненадени и веројатно сега и тие разговараат таму и вршат притисоци... Но сега се знае што е тоа што се случи, и задачата на Груевски сега е многу поолеснета, појасна.

ФОКУС: Г-динот Фуере отворено застана зад влегувањето на ДУИ во новата влада. Каде ги гледате мотивите за ваквиот негов ангажман?

 АНДОВ: Колку што знам во Брисел и во Вашингтон немаат став која партија да влегува во владата. Сакаат да видат какви се преговарачките капацитети и какви се капацитетите за градење владина коалиција и не сакаат да се мешаат. Можеби Фуере многу механички ја сфати својата задача, бидејќи сите овие 5 години наваму не убедуваа дека луѓето од ОНА се комплетно политички транформирани, и кои го предадоа оружјето. Дури еден штаб за собирање оружје го водеше и Гзим Острени, што беше корисна работа. Сега после заканите со калашњикови се покажува дека фактички таа работа не е завршена темелно, дека тука постои тој проблем и дека и сите досегашни тврдења на ЕУ треба да бидат од самите нив со внимание преиспитани, особено што на високи функции во ДУИ има и луѓе кои имаат државјанство на некои европски држави.  

ФОКУС: Зошто пред изборите не најавивте дека и ДУИ ви е можен партнер? Сепак ова беше постизборен шок?

АНДОВ: Не е шок ако разговараат, било какви и да се. Ќе беше шок ако по секоја цена одеше во коалиција со нив. Ако и покрај ова, одеше само со ДУИ во коалиција.

ФОКУС: Шок беше за гласачите и за дел од членството?

АНДОВ: Намерата е ова што излезе од преговорите. Не да ги раскринка, туку да ја видиме суштината- дали таа партија навистина е трансформирана.

СТРУЈАТА НА ЦРВЕНКОВСКИ НЕ' ВЛЕЧЕ КОН ДНОТО

ФОКУС: Можна ли е нова дестабилизација како во 2001-та? Особено што заради решавање на Косовското прашање постојат прогнози дека ќе има такви раздвижувања и овде? Па, СДСМ повторно да излезе со тезата дека штом ВМРО е на власт мора да има војна?

АНДОВ: Точно е дека начелно постои тој страв да не се повтори 2001 година. Особено е очигледно после ваквите закани од челниците на ДУИ, дека сепак таму има некои групации кои располагаат со оружје  и кои се подготвени да го употребат. Но, сепак се разликува ситуацијата 2001 година и оваа денес. Мислам дека меѓународната заедница сега нема да им прости и на радикалите меѓу албанците доколку сакаат со оружје да влезат во власта, бидејќи ако тоа се случи во Македонија, ќе се легализира и во Косово.Таму, пак, ако се случи тоа ќе предизвика судир со меѓународните претставници кои како помагачи на цивилната власт, но и како војници го чуваат редот и безбедноста. Според тоа мислам дека меѓународната заедница не ќе го има истиот став како 2001 г. Би било тоа компромитација и за неа и за нејзините идеи, за нејзините досегашни постигнувања. Токму затоа мислам дека не постои можност ни СДСМ да ја изигра истата улога што ја изигра во судирот во 2001 г. Самото тоа за нив би било вистинска катастрофа, зашто нема да може да се маскираат со ништо ако сега ја изиграат слича улога.

ФОКУС: Како ја дефинирате нивната улога во 2001 година?

АНДОВ: Не навлегувам во тоа. Да одиме кон ова што сега се направи. Со преговорите што ги започна Груевски се разјаснија некои работи и со евентуално исчекување на СДСМ да види шанса во нов притисок од некоја нова групација на албанците, па да го фатат возот, повторно да се вратат на власт. Но мислам дека тоа за нив ќе биде катастрофа во овој случај. Тоа ќе биде крах на радикалите албанци, а ќе предизвика одредени тешкотии и на Македонија извесно време, но дефинитивно ќе ги расчисти работите и ќе се покаже дека навистина веќе и во Западен Балкан ништо не ќе може да се изнудува со оружје.

ФОКУС: Според одредени прогнози од надвор можно е после две години Груевски да го изгуби мнозинството. Некои типуваат на предверемени избори, а некои на уште една широка коалиција?

АНДОВ: Се зависи со кого разговарате. Оние со кои ние разговараме, не се врзуваат толку за можноста за нов вооружен конфликт, туку пред се за она што ќе се случува во СДСМ. Тоа е многу битна работа. Има странски набљудувачи кои сметаат дека се можни транформации во СДСМ и тука  доминираат две стојалишта. Едни сметаат дека во СДСМ се можни промени кои ќе ја зајакнат проевропската линија, а ќе ја ослободат партијата од неуспехот во овие 4 години, со тоа што евентуално на врвот би дошло до некоја промена. А би дошле помлади луѓе кои таа европска линија би ја подржале посилно, но и борбата против корупцијата и борбата за владеење на правото. А мислат дека оној огромен број што го изгуби СДСМ сега во однос на 2002 година, околу 274.000 гласачи, или без оние што отидоа во партииите на Тито и на Лилјана- околку 200.000, во добар дел би се вратиле или би го подржале СДСМ во такви услови. Ама не се предвидуваат предвремени избори, тие не одат на тоа.  Затоа што тие 200 илјади не излегоа на избори не затоа што не сакаат да гласаат за СДСМ, туку не сакаа да гласаат ни за другата понуда која ја имаа на изборите. Така тие оценуваат.

ФОКУС: Проблемот е колку кадрите на кои типуваат се вистински или само привидни реформатори?! Која е втората опција?

АНДОВ: Другото гледиште е дека многу полесно ќе падне струјата на Бучковски ако се зајакне линијата на Црвенковски, која пак ќе ги продолжи сите овие процеси што траат од почетокот на 1993 г. па до денес, а тоа е струјата која ја влече Македонија кон дното. Сите го плаќаме цехот, но таквиот развој на настаните повторно може да ги врати подржувачите на СДСМ со една нова лажна надеж, нов '15-ти септември' ама ќе биде едно ново разочарување и уште подлабока летаргија во партиското тело после тоа, бидејќи ќе доживееме нов пораз на економски план, на развој на демократијата, на неможноста да се воспостави владеење на правото, бидејќи ќе си работат сите стари мафијашки линии. Затоа тие мислат дека ако се случи особено ова второто, и победат оние линии кои ја  рушеа власта и од 1998-2002 година во тој период, ќе биде лошо за Македонија...

ВРСКАТА СО СРПСКИТЕ ТАЈНИ СЛУЖБИ

ФОКУС: Зошто го апострофирате периодот кога СДСМ барем формално беше опозиција?

АНДОВ: Тогаш фактички се покажа дека добар дел од економијата, финансиите, од медиумите, и тајните служби во целост се под контрола на една група во СДСМ која фактички го фаворизира Бранко Црвенковски. Е сега Црвенковски покажа дека е лично врзан со овие структури, дека има некое значајно место, бидејќи тој излезе со прислушни материјали кои на никој друг не му беа достапни. Тој располагаше со нив, и со тоа се покажа дека и понатаму располага со механизмите на власта, може да остане на власт, кога сака да избега од премиер и да оди за претседател на Републиката итн. Без тие механизми кои тајно делуваат, тое не е возможно. А тие механизми фактички кај нас ги контролираат судовите, обвинителствата, добар дел од медиумите, финансиските текови. И што е најважно тие не се автономни наши, туку се  врзани и регионално, плод се на оној мафијашки период од времето на Милошевиќ. Еве вие сега се обидувате да го разјасните случајот со Смиленски, но никако да успеете. Тој си најде зашита во Србија, затоа што и таму тие тајни механизми делуваат и се поврзани со овдешните структури.

ФОКУС: Какви се Вашите прогнози: која струја во СДСМ ќе победи?

АНДОВ: Мислам дека и двете опции за реформа во СДСМ, што ги предвидуваат меѓународните набљудувачи, сепак ќе бидат под контрола на Црвенковски. Освен ако Македонија не почне да ги следи примерите на повеќето земји во транзиција, кои ги разградија и ги обелоденија фактички сите врски на тајните служби. Само во Македонија и во Србија тоа не е направено. Кај нас до ден денешен не е јасно како овој таен систем  фунционира, преку кои копчиња се контролираат судовите, медиумите, обвинителствата, полицијата. Во медиумите, на пример ќе сретнете вакви случаеви. Ако има било какво мало сомневање за некој, кој е неподобен за оваа структура за која зборуваме, било да е судија, финансиски стручњак, за него ќе изнајдат афери и веднаш се пишува за тоа. Никој потоа не настојува да ја ископа работата понатаму и да види од каде дошле тие информации, зошто дошле, која е нивната цел, дали тајната полиција стои зад таа работа. Еве сега слушам нешто се плете околу случајот Славија. Таму сакаат да ги отстранат сите судии, сите стручњаци кои дадоа отпор кон обидот Славија да ја земе некоја тајна групација, која сака да ја продаде на некоја голема белградска куќа. Тоа е многу интересно. Полицијата ја води таа работа, медиумите го подржуваат тоа.

ФОКУС: Дали Црвенковски ја контролира оваа тајна служба?

АНДОВ: Тој оди од позиција на позиција токму со таа подршка. Инаку како може во Македонија да се случи легалните власти и во МВР и во владата, и претседателот на Републиката да не знаат од каде и кој прислушкувал, а Црвенковски во опозиција да знае? Судот не го гони, сите органи го штитат. За Швајцарските сметки него никој не го повика да го сослуша за да се испита целата работа. И обвинителството, и судот во приватниот спор за клевета одлучи да не се бара вистината преку Швајцарскиот суд. Секогаш кога е Црвенковски во прашање, има блокада
04-12-2015, 05:09 AM
Reply
ЈорданПетровски Online
ЈорданПетровски-ЦРНИ
*****

Posts: 13,884
Joined: Mar 2010
Reputation: 36
#3

Quote:ФОКУС: Потребна ли е на Македонија една комисија за вистината?

АНДОВ: Прашањето е дали Македонија ќе продолжи во една изолационистичка политика, каква што делумно сеуште има и во Србија, но тие барем ја правдаат таквата позиција на тајните служби заради Косово. А знаеме дека од периодот на ембаргото српските тајни служби ја синхронизираа целата постапка за пробивање на ембаргото со нашите служби. Невозможно е во Македонија, полицијата ниту во еден случај на пробивањето на ембаргото да не организира кампања, како што организираат кампања за било што друго во Македонија што е политички непогодно за тие нивни цели. Ете, ни една афера во Македонија не е во состојба да се расчисти. Штом аферите не се расчистуваат правно, тогаш фактички тоа е основен политички проблем  и затоа има недоверба кон Македонија од страна на меѓународната заедница.

ФОКУС: Сега сте дел од парламетарното мнозинство. Дали вие лично ќе иницирате такво нешто?

АНДОВ: Тие работи не се откриваат така. Она што јас го застапувам, и ќе се борам за тоа, е Македонија да не запре во расчистувањето на тие прашања и да го следи примерот на Хрватска, на Словенија, на Чешка, Унгарија. Сега и Полскиот парламент усвои закон со кој се обврзани сите јавни личности, судии, професори, новинари, самите јавно да се декларираат за евентуалната соработка со тајните служби. Оние што соработувале, ќе ја изгубат работата. Во Источна Германија сега се гледа преку досието на Кол, на Шмит, што го водела тајната полиција Штази како тајните агенти бидејќи располагале со тајни пари, оделе во медиумите, и така се конструирале афери. Не може Македонија да не го следи тој пат на расчистување.

ЌЕ ИМА ПОЛИТИЧКИ ЗАШТИТЕНИ СВЕДОЦИ

ФОКУС: Има ли политичка волја во парламентарното мнозинство?
Сепак сте искусен политичар, можете да процените?

АНДОВ: Моето искуство ме натерало јас да верувам на пробите. Кога ќе пробаш нешто да направиш, дали ќе успееш или не. А не кој си и колку имаш политичка волја. Сите се декларираат дека имаат политичка волја,  ама досега не е направено ништо. Сега видов, оти ако една иницијатива се поврзе со некој голем меѓународен настан, и ако правилно се покрене прашањето, тогаш овде може и да се успее. Да не беше резолуцијата во Советот на Европа, не ќе успеевме ни сега во 2006 г. да донесеме  декларација со која ние ги осудуваме злосторствата што се правени во периодот од 1945 до 1990 г.. Тоа успеавме, но ќе видиме сега колку има вистинска спремност за расчистување со тајната полиција од самостојноста на Македонија до денес или пак ќе ни се јават прагматични причини за сепак  да се успори одот. Ќе видиме дали постои желба за демистификација на нашето минато, кое за жал, сеуште ни е и сегашност. Ќе го отвориме тоа. Од тоа зависи дали навистина ќе градиме институции во согласност со Уставот и законот или ќе има некоја подземна врска и контрола врз нив, надвор од Уставот, како што е сега случајот. Тоа пак значи дека треба да се реформираат и клучните инситуции. Претседателот на државата треба да биде како што е во европските земји. Да нема надлежности, да нема овластувања, да нема агенции кај него, како што е примерот со Германија, Грција, Австрија... секаде е така. Ние сме ја поделиле извршната власт меѓу претседателот и владата, и таа поделенст фактички и отвара простор на оваа подземна тајна служба која игра де со владата, де со нивни тајни  центри надвор, де со претседателот. Тие се работите кои во Македонија треба да се разјаснат, а тие се врзани.

ФОКУС: Тие владеат со РМ, без оглед формално кој ќе биде на власт.

АНДОВ: Нека владеат, ако може да се развива државата и ако може да се живее убаво. Но тие блокираат било каков развој, тоа е работата.

ФОКУС: Прифатлива ли ви е лустрацијата?

АНДОВ: Секако. Наш предлог е да се извадат тие списоци, да се направи комисија на вистината која ќе процени каде службата подметнала, затоа што знае да подметне ѓоа ми ти некој е соработник за да го елиминира. Тоа треба да се испита, да се види добро и да се видат оние преку кои навистина функционирала една ваква состојба во државата која блокирала се што е  развој во судството, во медиумите, во финансиите... За да се деблокираат работите во држвата, тоа е потребно.Јас тоа не го викам како повик на една нова револуција, но мислам дека е непоходно за државата.

ФОКУС: Ќе биде потребно и оние одвнатре да проговорат, да бидат нешто како заштитени сведоци?

АНДОВ: Не само така, туку како политички заштитени сведоци. Тоа треба да се направи. Тоа не е исто со идејата за Агенција за декриминализација. Таа Агенција може да даде резултат само ако политички се расчистат работите.

ФОКУС: Постојат сомневања дека истите луѓе ќе владеат и натаму затоа што ниту Груевски ниту пак вашава  коалиција не даде отчет кои ви се финасиерите. Мислам на истите олигарси кои ги создаде Црвенковски?

АНДОВ: Јас го слушам овој приговор, начелно тој држи. Но сакам само да објаснам како ние функционираме. Нашите општински штабови ги сносат дел од финансиите, преку симпатизерите, мали стопанственици кои од сопствениот џеб одвојуваат, без ние да сме им барале нешто. Некои испечатија знамиња, некои помогнаа со други работи. Во вкупното финансирање на кампањата се разбира дека нашиот дел е многу мал, сразмерно на бројот на пратеници кои што ги имаме. Морам да кажам дека двајца наши пратеници си го платија своето учество и дадоа придонес во кампањата, бидејќи беа пратеници до сега, си заштедиле и си платија нешто. Во сите разговори што ги имаме со Груевски, јас нему му верувам дека тој не се согласил неговиот штаб да прифати средства било од кого, спрема кои утре ќе има скрупули, да не се почитува законот и слично. Немам причина да не му верувам сега, а со оглед на тоа дека оваа власт досега многу ги злоупотребуваше испекциите и институциите, разбирливо ми е што на Груевски не му беше по волја да ги објави имињата на спонзорите. Малите стопанственици и некои други кои помагале да се соберат пари за кампања, ќе беа изложени на неверојатен притисок од власта.

ФОКУС: Кампањата беше доста скапа, во таа смисла, се шпекулираше за името на Штерјо Наков кој поседува безмалку пола Македонија.

АНДОВ: Јас воопшто не сум добил таква информација.

СМИЛЕНСКИ БИЛ РЕГИОНАЛЕН 'ФУНКЦИОНЕР'

ФОКУС: Бучковски во неколу наврати го експлатираше и случајот Смиленски токму како поврзан со Груевски?

АНДОВ: Груевски колку што го запознав, мислам дека не влегува во такви работи. Човек не може ништо однапред да знае, ама ако во некој сум сигурен од политичарите, во него сум сигурен дека во такви работи не е влезен. Ние и не ги имаме вистинските информации. Јас Смиленски го знам многу оддамна, но никогаш не сме биле блиски. Од него никогаш не сум барал ниту пак сум добил некаква подршка како партија. Тој одел таму каде што можел, а можеби и бил  играч и дел од некоја поголема програма, од каде што бил упатуван, не е тоа тука така. Тој во Виена прво беше претставник на едно српско претпријатие и за нив работеше. Кога беше ембаргото вршеше важни работи, барем така слушавме, за тоа претпријатие и за Србија. И веројатно со тие што работел во Србија, и сега се многу добро распоредени. И можеби имаат улога во целата оваа програма која се изведуваше и во Македонија. Не верувам дека дејствувал сам, дека ќе го сторел сето тоа овде, ако не е регионален 'функционер', овдешен, но како што викаат хрватите да има 'и спољно залеѓе'. Ако е таа работа така, тогаш ние нема да го добиеме Смиленски. Нема да ни го дадат, за да не се отворат и тамошните книги, кои сега се моќни да ги сокријат. Ама не смее ниту една буква, ниту една цифра да остане неразјеснета од она што се случувало во Македонија.

ФОКУС: Ја подржувате ли идејата за странец како јавен обвинител?

АНДОВ: Мислам дека дури и тоа е можно. Некои наводно патриотски противења на оваа одеја доаѓаат токму од оние кои својот патриотизам го покажале со сопственото учество во замразнувањето на работите. Земете го вие Прчевски. Тој е неуспешен обвинител и самиот се нарече последна будала, не знам зошто тоа го направи. Неуспешен обвинител зошто во неговото време имаше овде политички прогони, ама вистински прогони на корупцијата и организираниот кримнал немаше. Само Амди Бајрам отиде курбан таму. Ни една од аферите не е расчистена.

ФОКУС: Тоа докажува дека Црвенковски не простува заради 'голот со петта', па Амди Бајрам заврши во Идризово.

АНДОВ: Јас мислам дека колку Црвенковски ја контролира таа служба, толку таа служба го контролира Црвенковски. Тие работи не одат еднострано и затоа сега зборуваме за Црвенковски. Затоа што тој покажа дека е дел од нив, прво, со прислушните материјали, а второ- замислете сега додека беше премиер нема ниту еден документ во владата оти барем еднаш таа влада разгледувала како тече истрагата за атентатот.

ФОКУС; Но тој предмет и во судството е заверен дури во 2000 г. Во неговиот пак втор мандат како премиер, повторно претседателот на државата под сомнителни околности загина во авионска несреќа?

АНДОВ: Во најмала рака требаше да се види што работеле тајните служби овде. Како можело претседателот  на Републиката да лета со некого во авион? Но, постои блокада да се разјасни било што.

ФОКУС: Но некои работи не е можно да се разјаснат без соработка на  службите од регионот?

АНДОВ: Соработката на регионален план, пред се, на службите на државите што настанаа од Бивша Југославија, а јас тука би ги вклучил и Албанија и Бугарија, ќе покаже дека треба да се даде приоритет во разјаснувањето на воспоставената мафијашко- државна шема, во чија основа се тајните служби од времето на комунизмот. Треба да се направат сите спогодби за достапност на архивите меѓу земјите во регионот за достапност на правдата. Сите потребни договори за испорачување, договори за парализирање на дејството на двојните државјанства. Таму каде што некој сторил криминал, мора да биде достапен и да го судат таму. Лажниот патриотизам и лажната државност и суверенитет да не биде пречка да расчистување на матните бизниси. Ако тоа не се направи, фактички и понатаму ќе се перат пари овде во целото ова подрачје и ќе има секакви други ујдурми.

ФОКУС БР.578
04-12-2015, 05:14 AM
Reply