Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 1 Vote(s) - 4 Average
  • 1
  • 2
  • 3
  • 4
  • 5
ПЕТКРАТНО УБИСТВО КАЈ СКОПЈЕ; (КАКО БИ ПОСТАПИЛЕ ВИЕ???? - Стара тема)
Author Message
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:ОКОЛУ ПРОТЕСТИТЕ

Зошто младите излегоа на протести?

И после сите таканаречени патриотски влади на ВМРО-ДПМНЕ и после сите таканаречени комуњарски влади на СДСМ се добива впечеток дека всушност ние и сме немале наша македонска влада во сите овие изминати години. Создадовме држава Македонија по мирен пат преку референдум. За кратко време останавме без нашето знаме и ни беше променото нашето име. Народот македонски не се согласи ама политичарите се согласија. Во 2001 ни се случи војна не по вина на македонскиот народ ама настрадавме пак ние. Дадовме жртви а политичарите избегаа од главниот град и потпишаа нешто за што немаа амин од народот. Ги амнестираа убијците тогаш ги амнестираа политичарите за да не убиваат сега. Македонија станува заложник на едно малцинство кое според некои е доста големо од 20%, малцинство кое не почитува закони во оваа држава ама затоа Македонецот плаќа. Кај нас не се работи за тоа дека заради цивилизирано однесување им попуштаме на Албанците, туку за страв и егоизам. Многу ретко кај други народи ќе се сретне предавство на брат, татко, маж, пријател ... заради ситна корист. Многу ретко кај други народи ќе се наведне глава пред очигледните предавства на државата, војната 2001, амнестијата на "борците", амнестија на УБИЈЦИ НА ЦИВИЛИ, славењето на криминалци, употребата на криминалци за да донесат изборни победи ... Секаде во нормален свет таквата власт само еднаш е на власт и тоа не цел мандат. Ние го биравме Глигоров двапати, го биравме Бранко незнам колку пати, го бираме Груевски досега три пати.
Се плашиме да ја кренеме главата и да се бориме за сопственото подобро денес и утре. Е арно ама овие млади момци не се уплашија и рекое не.

Зошто некои ги бојкотираа протестите?

Очигледно е дека скоро секој втор вработен во Македонија или е вработен во јавната админситрација или пак на некој начин ползува од администација тендери мендери итн итн. Оваа влада редовно исто како и претходните само вработува и ја трупа администарцијата. Не дека нешто работат голем дел од нив ама сепак редовно земаат плата од данокот што го плаќа овој напатен народ. Е тие истите се големи миротворци во оваа држава редовно се на тв по весници и не учат што нечини а што чини. Се продадоа за ситна пара и ги обвинуваат сите други што размислуваат со своја глава. Типично комуњарски дури и од големите патриоти на ВМРО-ДПМНЕ.

Зошто полицијата маваше на младите?

Им стана навика. Неможат и несмеаат на криминалците на убијците тие нели легално се амнестирани дури станаа министри пратеници па удираат онаму кај што можат. А можат на младите кои не сакаат да бидат гласачка машинерија и кои размислуваат со своја глава.

Зошто одредени медиуми упорно лажат?

Прво прават тензии да бидат гледани (очигледно турските серии и емисиите од стилот ризикувај коцкај се не им се гледани) па после тоа изигруваат миротворци ги стивнуваат тензиите. Едните медиуми се наслушавме дека се соросоидни тие нели беа подржувачите на СДСМ а овие другите се изнаслушавме дека се УДБашки подржувачи на ВМРО-ДПМНЕ. Како и да е со своите програми ама воопшто не заслужуваат да бидат национални телевизии всушност па и можат да бидат ама во Турција. Тие медиуми само си ја вршат партиската задача знаеме сите кои им се газди.

[Image: protest_.jpg]
17-04-2012, 12:28 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36

Го превзедов од ФБ, човекот што го постави напиша дека после 10 минути ке го избрише и дека е превземено од на Васко Ефтов клубот.



Quote:17 April 14:21

Што е случува денес во МАКЕДОНИЈА? Знае ли НЕКОЈ воопшто? И смее ли тој НЕКОЈ тоа јавно да го каже а да не биде „ликвидиран“ на било каков начин? Оние што знаат ете се плашат за своја безбедност и безбедност на нивното семејство. Со такви комуницирам и искрено им укажувам дека ги разбирам, бев 15 години во тоа „криминално гротло“. Добри 11 години ме ловеа како див ѕвер, како неподобе, како лудак кој брка сензации, брка вештерки, клевети чесни и одговорни носители на јавни функции, невини додека да се докаже дека се виновни. Мал проблем е што никој никогаш не се ни обиде да докаже дека се нечесни. Но, тоа е тема за друг текст.

Замолив, пријатели аналитичари да ми помогнат во дефинирањето на злото оплодено на почвата од каде потекнувам. Повлекоа паралела со некои големи нерасветлени случаи од минатото. И уште многу интересни работи. Анализата ви ја правам достапна за читање. Оти НИКОЈ друг не смеел да го стори тоа:

МВР постапува фрапантно слично како во истрагата на Атентатот врз Киро Глигоров. Грозоморното убиство крај Железарско езеро има многу елементи слични со Атентатот врз Глигоров. Во овој случај како и во посочениот МВР ги прави истите грешки, работи по истиот терк, добро познат на извршителите. Очигледно е дека извршителите ја имаат проучувано работата на македонската полиција, се гледа ја познаваат одвнатре.

Во двата случаеви МВР излегува со објснување дека извршители се ПРОФЕСИОНАЛЦИ, без националнот или пак идеологија, без вера во Господ, убијци за пари. Да се ПРОФЕСИОНАЛЦИ не би посочиле крупни траги по убиството (чаури, возило паркриано на видно место, итн) или пак би ги уништиле трагите по заминувањето. Од таму варијантата дека бегале кон Блаце е наведување на лажна цел или најмалку погрешен правец.

Кои се тие ПРОФЕСИОНАЛЦИ кои не би го уништиле возилото со термо/пластика за да не останат докази. Многу пологично е возилото да е оставено намерно за да се доведе МВР во заблуда. Оти во МВР баш има многу заблудени ПРОФЕСИОНАЛНИ ДИЛЕТАНТИ!!! Повеке од очигледно е дека вакви професионалци имале задача и план акцијата со намерните постапки да ја насочат кон толкување во правец на “дело на УЧК герила” или екипа “УДРИ-ЗАМИНИ-ИЗБЕГАЈ”, па преку медиуми кревај тензии до избувнување војна. Апсолутно е јасно дека МВР е на лажна трага. Местото на убиството е премногу прецизно одбрано.

Сега малку за жртвите:

1. Сите жртви се млади луге, симпатизери на ВМРО ДПМНЕ. Тоа јасно се чита од нивни ФБ профили.

2. Со анализа на нивните профили се утврдува дека се работи за тројца симпатизери лесно заведени и малку екстремно насочувани од лица од ДПМНЕ. Прашање е дали МВР раководена од ДПМНЕ воопшто смее да ги анализира овие профили, па да проникне во комуникациите на жртвите во послдните три месеци...

3. Од нивните профили на ФБ се гледа дека оддржувале врска и често се допишувале со лажен штабски ДПМНЕ профил на девојка АНИТА ШМИТ", стара и позната наркоманка, екс девојка на покоен наркомафијаш. Девојката е позната по нејѕните врски со српски екстремисти:

https://www.facebook.com/profile.php?id=...&sk=photos

4. Раперот кој пееше постхумно за нив, двајца од жртвите го познаваат лично

5. Најважното прашање е сепак, дали МВР по проверка на нивните мобилни контакти, со кого и како разговарале и кој се знаел дека тие ќе одат на езерото, СМЕЕ ДА ГО КАЖЕ ТОА НА ЈАВНОСТА!?

6. Местото каде се случило убиството е доста отворено, секој кој се приближувал тие морале да го видат, па се поставуваат две прашања:

Дали се појавиле униформирани лица?

Дали дојденците биле нивни познаници

Дали овие деца се само колатерална штета за предизвикување на меѓуетнички тензии и судар? (Од локацијата на местото, опкружено со Македонски и Албански села тоа сосема е веројатно)

Каде би побегнале вакви професионалци-Веројатно во Чаир или Скопје во центар? (Сосема спротивно од логиката на МВР)

7. По логистиката што му ја дава подземјето на ВМРО ДПМНЕ, посебно на Градоначалникот на Аеродром, но и Ѓорче Петров, организацијата на вчерашниот митинг/контрамитинг смислена да ја разгори ситуацијата до конфликт, СЕ ГЛЕДА ДЕКА Е СТРОГО КОНТРОЛИРАНА, СМИСЛЕНА И НАСОЧУВАНА!!!

8. Дали МВР ги откри пишувачите по јавните мрежи дека телата се осакатени

(намерно се чита алузија алудира на случај од конфликтот 2001., па ова не може да се оквалификува само како случајност)

9. Зошто МВР не прави паралелна истрага за ПОВЕДЕНА специјална медиумска војна во насока извршителите секако се Албанци. Оваа варијанта се разигрува уште десетина часа по убиството.

10. Дали МВР знае зошто токму политичката партија ВМРО ДПМНЕ и нејзини симпатизери, во оваа ситуација најмногу доливаат во разгорување на омраза и од петни жили се трудат Албанците да ги прикажат како сигурни сторители на убиствата?

11. Дали МВР е способна да направи симулација или да издвои поединци во овие месеци кои обилно ја разгоруваат тензијата во Македонија (од типот на Драган П. Лата и Миленко Неделковски, интимуси на Премиерот!)!? Кој дала наредба на такви “спин доктори” и која е крајната цел?

12. Кои лица, медиумски познати и присутни, заговараат Конечна Пресметка, Пресметка со Албанците!? Дали тие со тоа го кршат Уставот?.

13. Дали обвинителот ке поднесе против некој од нив обвинителен акт? Има елементи на тешки кривични дела. Кој го спречува обвинителот тоа да го стори? Кој му ги врзал рацете?

14. Дали балистиката во овој случај покажала трупно или софистицирано оружје, наменето за вакви операции!?

15. Дали МВР се обратила до ФБИ Будимпешта, со барање за специјална форензичка истрага? Ако не се обратила зошто не, кога тоа секоја земја на Балканот би го побарала во ваков случај!?

16. Колку странски експерти (да не бидат од соседството ) се повикани и дали Македонскиот МВР побарал помош од полиции доволно опремени да расветлат ваков случај?

Ова се прашања кои новинарите треба да ги доставуваат до МВР секој ден додека овој случај не биде решен.

Она што е познато до денес повеке од јасно е дека извршителите се професионалци, раководени од команден центар или нарачател кој е лице со доста широко познавање, силни планерски карактеристики, со работно искуство во Тајни Служби и тоа од висок калибар. Да беше УЧК зад делото досега ке се пофалеа со соопштение или немаше да негираат, во најблаг случај.

Она што е јасно денес е дека граганите на Република Македонија се оставени сами на себе и дека за нивнот мир и спокој ке морааат сами да си се погрижат. И премногу ПОТПАЛУВАЧИ има во и околу ВМРО ДПМНЕ. Вчерашните случувања покажаа дека најекстремен потпалувач е ИВИЦА КОНЕВСКИ градоначалник на Аеродром кој злоупотребува млади луге и тинејџери од Општина Аеродром.

Голем дел од нив се ДОБИТНИЦИ на наградни патувања до НИШ, БЕЛГРАД, ГЕТЕБОРГ. Истите оперативци на КОНЕВСКИ ги изведоа најекстремните лани на Кале (има снимки и сведоци дека таму се изведени од полициски службеници, во подружница на УБК во ПС Кисела Вода има комплетен список по кој за на Кале се повикувани и регистрирани делинквенти).

Вчерашните немири во Скопје и сликите од униформиран полиција незаинтерсирани за интервенција и спречување на ескалација покажува дека ВМРО ДПМНЕ од сенка режира крвав расплет. Вчера е спречен дури откако оперативците на КОНЕВСКИ ја поведуваат толпата кон Стара Чаршија и Бит пазар. На мостот Гоце Делчев беа дочекани од НЕЗАВИСНИ специјалци. Нив Јанкуловска, Груевски, Мијалков, Коневски, не можат да ги управуваат преку радио-врски. Причината ЕДНОСТАВНА: СТРАНЦИТЕ ги следат нивните комуникации па би се издале доколку не си ја вршат должноста! Странците ја научија лекцијата во 1999. Кога беше запалена Американската амбасада. кога странците беа недоопремени.

За крај и ова: Случајот Железарско езеро ке биде решен кога на ПРОФЕСИОНАЛЦИ во МВР ке им биде дозволено да работат. Цела срека е што од МВР постојано течат! Внатре има луге кои се уплашени, имаат совест и знаат дека БАРЕМ ЕДЕН од роднините на убиените никогаш нема да се откаже во истерување на правдата, кога и да е!
17-04-2012, 09:14 PM
Reply
acko Offline
Moderator
*****

Posts: 1,437
Joined: Jan 2010
Reputation: 21

^ Мислам дека на Зоран Божиновски е овој текст...

17-04-2012, 10:48 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Црвенковски единствениот политички лидер кој не изрази сочувство на семејството на убиените кај Смиљковци


Грозоморното петкратно убиство што се случи минатата недела во скопско Смиљковци ја потресе целата држава. Граѓаните сочувствуваат со семејствата на убиените скопјани, а премиерот, претседателот, политичарите, функционерите, странските институции и дипломати јавно го осудија убиството и изразија сочувство до семејствата на жртвите.

Единствено, и по една недела од убиството, лидерот на политичката партија СДСМ, Бранко Црвенковски, не го стори тоа. Зошто, не е јасно. Портпаролот на СДСМ, Емилијан Станковиќ, не одговори на прашањето зошто лидерот на партијата се’ уште јавно не изрази сочувство до семјствата. Се обидовме телефонски да добиеме одговор, но Станковиќ, само кратко ни одговори “ќе се слушнеме“ и ја спушти слушалката.

Меѓу првите што изразија сочувство на семејствата на убиените момчиња од Радишани и на 45-годишниот жител на Црешево беа македонскиот претседател Ѓорѓе Иванов и премиерот Никола Груевски.

“Овие денови не можеме, а да не си спомнеме за убиството на петтемина и да сочувствуваме со нивните семејства и со нивните блиски. Очекуваме тие тоа што го сториле да бидат пронајдени и да бидат казнети“, изјави претседателот Иванов по свечената литургија во Соборниот храм “Св Климент Охридски“ по повод Велигден.

“Изразувам длабоко сочувство до семејствата на убиените. Овој настан сите нас не погоди. Не погоди до срж, меѓутоа мораме да останеме исправени, да продолжиме да се справуваме со предизвиците. Сакам да им испратам порака и на сторителите на овој настан дека кога тогаш правдата ќе ги стигне и казната ќе ги стигне - и од Законот и од Бога, ако воопшто разбираат што значи тоа“, рече премиерот Никола Груевски.

Претседателот на Собранието, Трајко Вељаноски, е убеден дека институциите за кратко време ќе ги пронајдат убијците.

“Секако дека тоа што се случи пред големиот празник не е убаво, но мислам дека институциите ќе одговорат на задачата и за кратко време ќе има резултати“, изјави Вељаноски, од Охрид

Сочувство изрази и министерската за внатрешни работи, Гордана Јанкулоска.

“Најпрво да изразам длабоко жалење и сочуство до семејствата на убиените. Сакам да истакнам дека полицијата веднаш излезе на местото на настанот и направено е се да се соберат доволен број доказен материјал кој потоа би водел до брзо апсење на сторителите. Дури и сега поширокиот регион околу местото се обезбедени од полицијата а се со цел да собереме повеќе докази. Апелирам до сите граѓани кој може да имаат било какава информација која би помогнала во истрагата да се обратат до МВР“, изјави Јанкуловска.

Лидерот на ДУИ, Али Ахмети, изрази сочувство до семејствата истакнувајќи дека “трагедијата треба да ја намдинеме сите заедно“.

“Ја споделуваме тагата за петте изгубени животи на нашите сограѓани. Изразувам сочувство до семејствата на убиените. Тоа е тежок криминален акт. Животот треба да продоложи и трагедијата да ја надминеме заедно без прејудицирање“, изјави Али Ахмети.

Сочувство изразија и ДПА и НДП.

“Воедно НДП ги повикува надлежните органи, државните институции, граѓанските организации и медиумите овој настан да го третираат како случај на цивилен криминал, а во никој случај како злосторство од етничка природа".

“Демократската партија на Албанците го осудува чинот на петкратното убиство во близина на Скопје и истовремено апелира до сите граѓани да го сочуват ладнокрвноста и да не подлегнуваат на разните шпекулации и провокации, смета партијата во тукушто објавеното известување.Бараме од правните органи што побрзо да го обелоденат случајот и сторителите да се изведат пред лицето на правдата“, вели ДПА во своето соопштение.

Сочувство изразија и поглаварот на МПЦ г.г. Стефан, Павле Трајанов, Демократската партија на Турците, Македонскиот полициски синдикат, Светскиот македонски конгрес, албанскиот претседател Бамир Топи, косовскиот премиер Хашим Тачи, европкомесарот за проширување Штефан Фуле, шефовите на мисиите на ОБСЕ, на Европската унија и на САД.
Нетпрес
21-04-2012, 02:50 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36

Quote:СЕ ПЛАШАМ ДЕКА МАКЕДОНИЈА Е ЕКСПЕРИМЕНТАЛЕН ПОЛИГОН ЗА МОЖЕН РЕГИОНАЛЕН КОНФЛИКТ


[Image: aleksandar_comovski1.jpg]

„Верувам дека е ова сценарио со поширок, регионален контекст, според кое Македонија е експериментален полигон. Не случајно се зборува дека Скопје станува балкански јазол на најмоќните тајни служби и дека овде нешто се ’испробува’. За жал, ние немаме доволно професионални кадри инфилтрирани во тие безбедносни сегменти, кои ќе може да парираат или да бидат составен дел во играта“, смета новинарот Александар Чомовски...


Луѓето што ја следат Вашата емисија „Ако е“ очекуваа дека најновото издание, на 19 април, ќе биде посветено на безбедностата состојба. Според моите информации и имавте таква намера, но во последен момент се предомисливте. Зошто?

Безбедносната ситуација во земјава е тлеечка тема со месеци наназад и од тој аспект може да биде атрактивна во секоја наредна недела, во ова (не)време, пред самитот на НАТО. Но, ми се чини дека трагичното и монструозно убиството на петмината луѓе неможе веднаш и нонашалантно да се третира како иницијална каписла за безбедносна дестабилизација. Некој ги тестира капацитетите на безбедносниот систем на Македонија, дали масите можат да се запалат на фитилот од пред една деценија, но и колку Власта е веродостојна на надворешно-политичките приоритети. Вџашен сум од првите (дез)информации дека ова „убиство не смее да се третира како меѓуетнички конфилкт“, откако еден портал тоа веднаш го залепи како информација со сугестивен мотив, со кој во старт сакаше да ни наметне сценарио за свирепото убиство и негова разврска со мобилизација на етничките табори. Потоа во смирувањето на страстите се вклучија владините мегафони кои до вчера „не ги есапеа шиптарите“, „ги множеа со нула“. Затоа јас не влегов во шема на дневната реакција, бидејќи моите дебати и дилеми се секогаш со цел да се разоткријат или постават клучните прашања, односно причинско-последичните врски, а во овој момент се’ е отворено. Да организирав панел со безбедносни експерти или со политичките фактори, тоа ќе беше на ниво на шпекулација, што не одговара на моето професионално педигре. Не сум тип на новинар, кој ќе дозволи да биде инструментализиран во рамките на сценариото за испробување на нова дестабилизација на Македонија, зашто во мојот јазик нема букви за етничка омраза или „профитабилен“национал-патриотизам. Верувам дека е ова сценарио со поширок, регионален контекст, според кое Македонија е експериментален полигон. Се присетив на една мисла од Жак Дерида, современ француски филозоф. Во есејот „Политиката на пријателствата“ тој запишал: „Единствените непријатели се блиските пријатели“. Затоа, кога се случува веќе испробаниот модел на (не)контролирана нестабилност тогаш ми треба здив, па се обидувам да вдишам подлабоко, да видам кој може да издржи повеќе под вода, додека се развиваат состојбите. Не се работи дали ќе бидат откриени сторителите, бидејќи сум убеден дека тоа нема да биде наскоро, а можеби и никогаш. Мене ме интересира симптоматологијата на безбедностите аспекти поврзана со злосторството, што се тест на системот во МВР. Инаку, точно е дека, како и сите, размислував интензивно во последниве денови за крвавиот пир кај Железарското езеро. Но, мислам дека и темата за трансформација и модернизација на македонското општество, по навлегувањето на интернетот и сајбер комуникацијата, е директно поврзана со безбедносната. Ова особено важи за социјалните мрежи, кои стануваат платформа за манипулација со масите и со поединци, а што може да ја внесе земјата во безбедносен ризик. Уличните демонстрации на младите, од пред некој ден, беа организирани токму преку Фејсбук и Твитер. Но зад нив се криеа авторите на нивната инструментализација, а тоа се нивните родители-политичари. Има ли поголем предизвик од тоа да анализираме колку тие нови средства за комуникција придонесуваат да се „збудали“ населението, да се дефокусира неговиот интерес, ако веќе не успеа со „детонацијата“ да се осветли сиот иконостас, како „чудо“ за религиски туризам.

Социјалните мрежи се релативно нова појава, но и со нивното присуство, дали Ве потсетуваат настаните од последниве седум дена на нешто што веќе сме го виделе?

И да е така, и да одиме во насока на враќање една деценија назад, тогаш грешиме во неколку клучни проценки. Најпрвин македонските граѓани веќе имаат имунолошки код да ги прочитаат „местенките“ за меѓунационален конфликт. Пред се’, не сум убеден оти е ова сценарио кое треба да ги наруши само внатрешните интеретнички односи во земјава. Повеќе верувам дека контекстот на случувањата е обид на тлото на Македонија да се експериментира, а потоа и управува со мини-криза од поголемо регионално значење. Кој го води тоа и дали се работи за поделба на сферите на интерес на одделни големи сили, испреплетени кај нас и низ регионот, ќе видиме. Но, не случајно се зборува дека Скопје станува јазол на најмоќните тајни служби и оти овде нешто се „испробува“, дури и можна прераспределба на нивното влијание во регионот. За жал, ние немаме доволно професионални (контра)разузнавачки и добро обучени кадри во тие безбедносни сегменти, кои ќе може да парираат или да бидат составен дел во играта, во која се разменуваат и купуваат информации. Разузнувачките служби, по правило, соработуваат меѓу себе, а мислам дека нашите немаат што да им понудат на другите за да добиеме за возврат некој битен податок кој нам би ни бил важен, како на пример, расветлување на мотивите и сторителите на убиството кај Смилковци.

Ако е ова експеримент за нешто од поголеми размери, какви политички импликации може да има?

Одамна е речено дека историјата се повторува. Понекогаш како фарса, но се повторува. Во оваа година се одбележува еден век од Балканските војни, а догодина ќе биде истото и со Букурешкиот договор. Допрва ќе дознаеме дали има во тоа некаква симболика или коинциденција. САД ги дислоцираат своите безбедносни приоритети, на Балканот се враќа една нова, современа верзија на отоманството и исламот, како европски цивилизации. Факт е дека Европа полека го напушта концептот на мултикултурализам, кој германската канцеларка го нарече „неуспешен проект“, а францускиот претседател Саркози, во актуелната изборна кампања изнесува сосема спротивни политички тези од добрата европска традиција во последниве 60-тина години, на толеранција и почитување на инакв оста . Европа станува „егоистична дама“, која има во себе традиционален страв од меѓуверски војни, како и од пенетрација на исламот на нејзино тло. Затоа се некои членки на ЕУ толку воздржани од приемот на Турција во Унијата. Од друга страна, Анкара е стартегиски партнер, се издигнува се’ повеќе и станува евидентно дека таму постои стратегија за создавање „турски комонвелт“ , а Македонија е голема и носталгична приказна за османлиството.

Како го коментирате отсуството на главните македонски политички фактори во деновите по убиството? Премиерот речиси воопшто не се појави, лидерот на опозицијата буквално воопшто, а за Али Ахмети само слушнавме дека се сретнал со американскиот амбасадор.

Ликвидацијата на петмина не е тема за политичко-партиски конфронтации, но секако дека ме загрижува нивното молчење, особено тоталната интровертност на албанскиот фактор, во Македонија. Се огласи со смирувачки тонови само Руфи Османи. Просто неможам да верувам дека старите инсталации на ДУИ(ОВК) немаат увид на теренот. Што се однесува до Ахмети, мислам дека тој и сега тактизира. Итната средба на американскиот амбасадор со него има најмалку две пораки: прво, ДУИ е политичкиот фактор за Американците во меѓуетничките релации, како и во внатревладината колација, и второ: ДУИ ги има своите стари конекции од 2001 година и од таа позиција може многу поефикасно да лоцира дали се работи за етнички мотивирано убиство, од каде дошле и каде заминале сторителите, и кои би можеле да бидат јатаците.

Не е ли индикативно што премиерот отиде во МВР? Зар не би требало да е обратно и што Ви кажува тоа?

Груевски спаѓа во категоријата, која јас ја нарекувам „подвижни политичари“. Тој сака да биде на секое место на настанот. Инаку, исправна е забелешката за несоодветноста на неговата посета на МВР. Не се сеќавам дека на 11 септември или ден потоа американскиот претседател отиде во ЦИА, или дека шпанскиот и британскиот премиер по терористичките напади на мадриската железничка станица и во лондонското метро, ги посетија своите тајни служби. Ако премиерот оди во седиштето на полицијата, со тоа испраќа порака дека кај него постои дилема дали да го стартува кризниот управувачки менџмент. Пред толку луѓе не се разменуваат најдоверливите податоци.

Дали постои обид да се инструментализираат одредени емотивни состојби кај луѓето, за што најважна алатка се медиумите. Како ја оценувате нивната работа?

Тука се појавува нешто специфично. Најпрвин - тажно е однесувањето на полицискиот врв. Повторно молчеше најмалку 12 часови, иако во цел свет гласоговорникот, со новинарските екипи мора да биде на местото на настанот, па макар и да рече “no comment” . Новинарите повеќе се ставени во функција на смирување на тензиите, отколку откривање на фактите. Тоа дури и да има логика, со оглед на потенцијалните опасности, не е сржта на новинарската работа. Јас и моите колеги треба да трагаме од каде стигнал свежо префарбаниот „опел“, кој е сопственик на „мерцедесот“ и како е возможно да се појават на улица таблички од одјавено возило, кога при одјавувањето тие мора да се вратат во МВР? Кој ги изнел од таму или кој ги изработил доколку се направени специјално за овој злосторнички чин? Основното прашање на прес-конференциите со министерката Гордана Јанкуловска треба да биде, дали веднаш беа затворени границите и дали се разменети информации со пријателските разузнувачки служби? И конечно, каде се нашите разузнавачи, нашите дипломати, да направат сублимат од случувањата во последните шест месеци во регионот, кои може да доведат до она со кое сега се соочуваме? Се случи договор Белград - Приштина, се наближуваат вонредни избори во Србија и во Грција, кои може да доведат до паѓање на Борис Тадиќ или пробив на радикали кај нашиот јужен сосед. Истовремено, има најави од радикални Косовци дека ќе ја бранат Косовска Митровица, а се појавуваат т.н. нови илегални паравоени формации. Внатре ни се случуваа тензични пораки од одредени лидери во албанскиот блок, кои предупредуваат со конкретни датуми и со месеци дека ова може да ни се случи. Меѓуетнички тензии во автобусите веќе имавме. Јас сум индивидуалец и дома, за два часа, го сублимирав сето ова. А, тоа е работа на луѓето од безбедносните служби. Ги измешавме брзините, наместо информации спинувавме политички пораки. Новинарите имаат право да размислуваат и анализираат, но пред се’ наша задача се фактите. За жал, не влегуваме во суштина на темата, туку се движиме по маргините, а „најлесно“ е да напишеш памфлет и да се истопориш пред камерите со коментар: „бидете спокојни, убиството не е вест, настан е расолзеното јајце“.

Во кој контекст го сфаќате смирувачкиот тон на некои политички коментатори, од кои сме навикати на сосема поинаков пристап кога се прашање вакви ситуации?

Нивното излагање му дава на случајот и малку бизарна и лицемерна димензија. Навистина е тема за размислување како дојде до тоа тие трабанти на новинарската вистина, кои до пред само некоја недела ги апострофираа Албанците за опасен фактор, сега да ја смируваат јавноста од можни сценарија за дестабилизација. Тоа не е ништо друго, туку нивна координација со сценаристите во МВР, поради (не)способноста, брзо да се откријат сторителите на убиството. Па, ние веќе покажавме неспособност да се координира сет од акции при атентатот врз Глигоров. Зарем не извлековме барем елемнтарен „нон-пејпр“, како да не постапуваме во вакви ситуации?

Да се осврнеме и на Вашата тековна работа. По затворањето на „А1“ Вие сте слободен новинар, односно емисијата „Ако е“ ја правите како независен проект. Задоволен ли сте од таквата позиција?

Прво ќе кажам дека јас сум скроен, со својот новинарски дух, да создавам професионален, телевизиски производ. Притоа, со доза на ризик и експеримент, се’ уште се обидувам да иновирам нешто. И се придржувам до правилото дека иако се јавувам како автор и водител, мојата емисија не е „ one man show “ . Работам тимски, така дејствуваме и размислуваме. Гледачите се презаситени од долги ламентирања и експликации на политичари и експерти. Применувам формула - да имам контрапункт на темата, како во однос на соговорници, мини стории, Тв-колумни, личност со белег, рубрики кои се вклопуваат, и на можни конфронтации меѓу панелистите. Во секој ден од моите новинарски децении, репортерството и репортажните записи останаа притаена страст. Затоа ја скроив „Ако е...“ да биде тематски и жанровски разновидно шоу, во содржините и во презентацијата. Ми се чини дека и Бане Поповиќ од продукцијата „Томато“ има „нос“ за шоу. Инаку, мојата сегашна емисија не се разликува од „Чуму“ или „Студио 2“, зашто нејзина есенција, прва премиса, беше да го вратам демократскиот и динамичен ТВ-дијалог на отворена сцена, меѓу различно мислечките луѓе. Драго ми е и што со тоа помагам или подоотварам врати „МТВ“ да добие контури на вистински јавен сервис. Тоа е многу важен процес, кој треба да продонесе да се надминат некои состојби, кои го создадоа лошиот имиџ на телевизијата. Тука особено влегува „сервилноста“ во претствувањето на Премиерот. Јас не верувам дека и самиот Груевски обожава да се гледа себеси во главниот Дневник на „МТВ“ седум пати од исто место, во седум различни прилози. Ме охрабрува што гледам знаци на придвижување во спротивна насока, знаци на техничко-професионално иновирање, а се навестуваат и кадровски освежувања, од помладата генерација на искусни ТВ-фаци.

Колкав хендикеп е да се работи во „МТВ“, поради нискиот рејтинг на телевизијата? Имавте ли дилеми околу тоа, односно дали размислувавте да продолжите во некоја од приватните ТВ-куќи?

Не. Немам потреба од медиумска популарност. Исполнет сум со работата и со желбата на помладите да им всадам чувство на самодоверба. Сега имам хендикеп само од еден аспект, а тоа е дека правам продукт кој мора марктиншки да го продадам. Не сум вработен во „МТВ“, ниту имам таква намера, и се самофинансирам. А, во својата кариера постојано бев новинар-наемен работник. Никогаш во свеста го немав таканаречениот „политичко-материјален рекет“, ниту развивав во себе бизнис логика. Не е лесно на оваа возраст да се пронајдам себеси и како „бизнисмен“, кој треба да преговара со агенциите, корпорациите и фирмите, да финасираат одреден телевизиски проект. За среќа, наидувам на луѓе кои сфаќаат дека во делот на нивната маркетиншка активност спаѓа и димензијата на општествена и социјална одговорност, а тоа значи дека веруваат оти на Македонија и’ требаат минути за општествено-социјалните, културно-националните различности, економско-политичките контроверзи. Секако, преставува тешкотија тоа што постои спрега меѓу маркетиншките агенции и недореченоста на „аријаната“, со скромен обем на приклучоци за мерливост на гледаноста? Во таканаречената гледност, „МТВ“ не може се’ уште да биде конкурентна со приватните телевизии. Но, очекувам дека наскоро ќе се измориме од „туркизацијата“ на програмите и ќе почнеме да размислуваме за кретивни програми и авторство. Не можам да верувам дека не сме на нивото од „Бушавата азбука“, пред две ипол децении. Можеби мојот продукт „Ако е со Чом“ не е гледан како Сулејман, но е доволно познат и почитуван од одредени целни групи, граѓанско оринетирани. Што се однесува до алтернативите и дилемите каде ќе продолжам по „А1“, тоа го препушив на луѓето од „Томато“, со кои ја правам „Ако е“, во копродукција. Ним им ја оставив обврската да пронајдат телевизија, со услов дека само со една не сакам да бидам во „програмски брак“. Сите други беа во игра. Враќањето во старото јато, каде се моите професионални проблесоци, особено со сјајната радио-генерација во 80-тите и 90-тите години за мене е морална и професионална сатисфакција и обврска. Затоа мора да се оддолжам со новинарски интегритет и инвенција.

Миодраг Мишолиќ



22-04-2012, 12:25 AM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Есад Рахиќ, познавач на безбедносната состојба во Македонија


СЕ ДВИЖИМЕ ПО РАБОТ НА МНОГУ ОПАСНА БЕЗДНА


Есад Рахиќ беше повеќе години вклучен во контролата што ја има Собранието врз безбедносните служби, како претседател на Комисијата за безбедност и одбрана и на Комисијата за контрола на разузнувачките служби. Со тоа искуство, може да каже доста нешта за она што се случува околу и по петкратното убиство покрај Железарското езеро. Освен тоа, партиски е независен, барем што се однесува со односот кон раководството, бидејќи неговата партија, СДСМ, го исклучи од членството во 2007 година...

[Image: esad1.jpg]

По трагичниот настан од 12 април, сметате ли дека постои опасност за дестабилизација на Македонија од пошироки размери?

Прво би кажал дека земјата е дестабилизирана веќе подолго време. Од она што можам да го видам како граѓанин, но и како човек кој низ годините имал можност да се запознае со таа област и е релативно добро упатен во неа, можам да констатирам дека девастирањето на безбедоносниот систем продолжува. Комплетната партизација на Министерството за внатрешни работи, разузнувачките агенции, па дури и на воeното разузнување е на дело, пред очите на сите нас. Ако имате структура која со години прави „’ршум“ низ системот, присвојувајќи го максимално, секако дека таа држава е неотпорна на дестабилизација. Кога на тоа ќе се додадат неодговорната економска политика, за што зборува ребаланс на буџетот по само три месеци, перманентното уништување на образовниот и на здравствениот систем, проблематичното судство и партизираната администрација, вистинското прашање е: што функционира во оваа држава? Затоа, го делам стравот на повеќето граѓани дека опасност постои, бидејќи има се’ повеќе моменти кои наликуваат на “ déjà vu “ ситуација, односно нешто што веќе сме го виделе. Се движиме по работ на опасна провалија. Дај Боже да грешам. Ќе биде многу важно безбедносните органи да го решат случајот што побргу и да ја стават состојбата под контрола.

Дека е убиството изведено според сценарио е сосема јасно, штом се извршителите професионалци. Зошто баш сега? Кој е мотивот?

Ако перманентно се наоѓаме во криза и никако не успеваме да ги стабилизираме меѓуетничките односи, секој момент е погоден за вакво нешто. Не би сакал да шпекулирам, особено бидејќи станува збор за огромна трагедија, но начинот на изведбата укажува дека нарачателот е надвор од Македонија.

Но, се спомнува како можен мотив и дефокусирање на јавноста од нешто друго, односно од некои акции што ги презеде полицијата во последно време, како што е „Детонатор“. Верувате во тоа?

Тоа е опасна теза. Детонатор е тежок криминал, но е детска игра во однос во оваа трагедија. Јас се згрозувам од кукавичкиот чин во кој згаснаа пет животи, и апсолутно го сметам за пукање во сите граѓани на Македонија, во соживотот, во иднината на оваа земја, и за нешто што се граничи со лудило. На оние од внатре кои помогнале да се случи трагедијата, макар и со непревземањето на соодветни мерки, кога тогаш ќе мора да одговараат. Ако жртвувале млади луѓе и ја довеле во опасност стабилноста на целата земја, еден ден и самите ќе ја платат цената. Кој си игра со оган, неминовно ќе се изгори. Важно е во меѓувреме да не дозволиме тој оган да се прошири онаму каде што не смее. Инаку, според моите информации, пред два месеца им е јавено на службите дека се подготвува „некаков инцидент“. Дали е намерно игнорирано или е пропуштено од незнаење - не знам, но одговорноста не може да се избегне.

Во последниве два-три дена често се споменува и таканаречената „српска кујна“. Заинтересираноста на тамошните медиуми е разбирлива, но е симптоматично што тие излегуваат со доста „инсајдерски“ информации, а министерот за надворешни работи Вук Јеремиќ изјави дека Македонија е пред етнички судир, базирано врз сознанијата на нивните тајни служби.

Во светот има повеќе такви „кујни“ со луѓе чија работна обврска е да „готват нешто“. Би било неодговорно од мене да изнесувам било какви тврдења во таа насока, особено во вака специфични околности и затоа ќе се воздржам од конкретен коментар. На Балканот веќе две и пол децении се случуваат „чудни работи“, па често во секоја грмушка гледаме заседа од некого. Јас не го прифаќам тоа размислување, не зашто сигурно не е точно, туку зашто односите во таа област не се така едноставни. Тајните служби функционираат испреплетено, соработуваат во комбинации за кои обичниот човек никогаш не би помислил, па често акциите во одредена точка може да бидат координирани на некое многу далечно место. Тука владее принципот на глобална игра. Многу нешта се поврзани - од борбата за моќ на локално ниво, преку поделбата на пленот од лукративните зделки, бизниси и шверцови, до американските претседателски избори, кои ни се ближат наскоро. Можеби САД сакаат Македонија да влезе во НАТО што поскоро, а некој не сака, па му испраќаат порака. Многу варијанти се можни, и не верувам дека само една од соседните служба, на своја рака, направила вакво злосторство. Она што јас би го поставил како прашање е, што работеа нашите служби. Потрошени се 250 милиони евра за набавка на софистицирана опрема за следење. Каде е таа? Во која фукнција? За да се прислушкува Љубе Бошкоски? За да се следат политичките противници? За да се уценува независната бизнис-елита? Не смее да биде тоа. Работата на службите е токму да превенираат вакви случаи, како тој со петте жртви.

Кога се зборува за тајните служби, останува за јавноста голема дилема колкава е нивната реална моќ. Дали, како што понекогаш имплицираат некои аналитичари, тие фактички ги водат државите, а не легално избраните политичари?

Многу се моќни. Можеби не како во почетокот на 90-тите, но сеуште се способни да ги влечат конците, од кои зависи во која насока ќе се движат одредени земји. Видете, не треба да се создава негативен однос спрема тој дел од државниот апарат, како некоја опасна структура, која е надвор од контрола. Тајните служби се исклучително сериозни институции, создадени од државата за да го штитат мирот и безбедноста на граѓаните. Проблемот настанува кога имате лоши политички елити, клептократи, кои мислат дека државата постои заради нив, и тогаш се случува службите да се одметнат. Ја спомнавте акцијата „Детонатор“. Како може повеќе од 1.000 автомати за игри на среќа да влезат незабележано во државата? А, убеден сум дека вистинската бројка е двојно поголема. Тоа се десетици шлепери. Не можеле да поминат без некој да ги пропушти намерно, и тоа координирано од повеќе служби. Тоа се случува зашто врвот на МВР не се занимава со полициски работи, туку со бизнис. Тука доаѓаме до вториот момент - апсолутната партизација на полицијата. Каква е таа државна служба, кога нејзин шеф е член на претседателство на некоја политичка партија? Во таква ситуација имате реален проблем, а тоа кај нас се случува со години. Не само во оваа власт. Трето, началник на една од управите на УБК е момче од 24 години. Со своето прво вработување во животот доаѓа на стравично моќна позиција. Тука се работите многу изместени. Затоа јас сметам дека нам состојбата нема да ни ја подобрат реконструкција и реформирање на тој систем на безбедност, туку изградба на сосема нов, кој ќе биде во функција на државата, а не на одредена политичка партија и поединци.

Каква е, генерално, кадровската структура на тие органи?

Таква што и плаши, и влева доверба. Како што реков, партизацијата е застрашувачка. Имате луѓе кои биле во затвор заради класичен криминал, а денес ќе ви покажат значка како припадници на службите. Таа работа почна во 1997-98, но во тоа време беше маргинална појава. Денес е доведена до ниво на редовна практика. Под плаштот на „подмладување“, направена е голема чистка на професионалците. Но сепак, сеуште ги има, и благодарение на нивната способност и знаење, верувам дека ќе се наметнат над оние што сега ги узурпираа позициите. Тоа го мислам бидејќи и на овие вторите, кога ќе дојде кризен момент им треба некој што си ја знае работата. Во мирни денови секој може да биде експерт за полициски работи, ама кога ќе се случи нешто лошо, јавноста бара решение. Ваква трагедија не може да се заташка, ниту да се заборави. Јавноста ќе инсистира на одговор и тоа точен.

Значи сепак, има простор за оптимизам?

Сакам да верувам во тоа. Ако ги анализирате случувањата во сите овие 20 години, ќе дојдете до заклучок дека некој моќен на глобално ниво, сака да постои држава Република Македонија. Не е важно кои му се мотивите и интересите, важно тој е на наша страна за клучното прашање. Затоа верувам дека ќе ни се случи ситуација како во стариот виц: се тепале партизани и Германци во шума, а тогаш дошол шумарот и ги избркал и едните и другите. Очекувам дека не е далеку денот кога нашиот „шумар“ ќе рече, доста беше, и ќе ги „измете“ проблематичните момци, за да отвори простор за нормални луѓе. Секако, пожелно е и ние да му помогнеме, односно да си помогнеме себеси. Фигурите на сегашната шаховска табла треба да се променат, за да не бидеме вечно пиони, кои никогаш не се претвораат во кралица, туку напротив. Мислам дека до крајот на оваа година и почетокот на следната, конечно ќе завршиме со таа несреќна транзиција, која премногу се оддолжи. На македонските квази-политички елити тоа не им одговара, но состојбата се ближи до точка кога ќе мора да се прекрши: или ќе тргнеме во правецот на нормална и средена држава, или ќе паднеме во амбисот што се случи пред две децении во поранешна Југославија. Сепак, повеќе верувам во остварување на добрата опција.


Миодраг Мишолиќ




23-04-2012, 12:48 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Убијците на петтемина ќе се апсат во неколку балкански држави?


28.04.12 / 18:59
Поранешниот министер за полиција Павле Трајанов има информации за скорешна акција за апсење на убијците на петтемина жртви егзекутирани близу Скопје, кај тн. Железарско езеро.

- Моите информации говорат дека наскоро ќе биде операцијата за нивно апсење, можеби во две до три балкански држави. Откривањето на извршителите на овој масакр ќе биде јак стабилизирачки фактор и ќе ги надмине дилемите кои стојат зад овој терористички чин, поопасен и со поголеми последици од обидот за атентат на претседателот Киро Глигоров, вели Трајанов во интервју за српски „Вести-Онлајн“.

Претседателот на Демократскиот сојуз, што е дел од владејачката коалиција во Македонија, ова го одговорил на прашањето за истрагата за убиството и шпекулациите дека убијците пребегнале на Косово.
29-04-2012, 02:49 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Јове Кекеновски, политиколог
25.04.2012

НЕ БИ СЕ ИЗНЕНАДИЛ УБИЈЦИТЕ ДА СЕ ОД ОНИЕ ШТО СЕ ПРЕГРУПИРАА НА СКОПСКА ЦРНА ГОРА

Професорот Јове Кекеновски е пред се’ политиколог. Негова специјалност се политичките науки, политичките системи и уставното право. Но, тој е исто така и аналитичар, а и човек кој долго време беше политички активен, како член на раководството на ВМРО ДПМНЕ. Денес е само член на партијата, без висока функција, меѓутоа професионално ги следи настаните што се случуваат во државата, кои во последно време добиваат вознемирувачки карактер…


[Image: jove1.jpg]

Како го оценувате снаоѓањето, односно неснаоѓањето на државните органи во изминатите десетина дена, по убиството кај Смилковци?

Сепак, би рекол дека се снаоѓаат. Сите ние сакаме случајот да се реши брзо и ефикасно, но мора да сме свесни на околностите во кои работи полицијата. Македонија не знае за вакви нешта. Вака грозоморни злосторства кај нас не се случувале и самиот настан е голем шок, не само за граѓаните. Покрај тоа, начинот како е сето тоа изведено укажува дека го извршиле професионалци, па претпоставувам оти не оставиле многу материјални докази, врз кои би можела да се базира истрагата. Тоа придонесува да немаме конкретни имиња и уапсени, но при ваквите настани најважен е ефектот во јавноста, бидејќи веројатно тој им бил целта на тие што стојат зад настанот. Ова беше класичен обид за дестабилизација на државата, односно за наметнување верски и етнички судир. Затоа велам дека од тој аспект засега државата добро се снаоѓа, бидејќи успева да го одржи мирот, кој да бидеме искрени постојано е на кревки нозе во Македонија, особено во последниве месеци, по сите настани што ни се случуваа. Обезбедија контролирање на тензиите, што пак нив ќе им овозможи помирно и професионално да се ја вршат работата околу ужасното злосторство. А, дали ќе ја завршат, е друго прашање.

Не верувате дека ќе се дознае кој стои зад убиството?

Сакам да се дознае, но не сум сигурен дека ќе дојде до тоа. Впрочем, ние имаме таков случај и во минатото. За атентатот врз Киро Глигоров никогаш не беа откриени нарачателите и извршителите. Би било жално ако повторно биде така.

Најмногу на тапет е службата за контраразузнавање, бидејќи се смета дека таа требало да го превенира настанот, да не дозволи, воопшто да се случи...

Во извесна мерка се согласувам со тие оценки. Одговорноста на тој дел од државната безбедност е несомнен. Таа мора да има информации за опасните групи од регионот. Вакво злосторство не може да изврши секој. Тоа се луѓе-монструми, некои ги нарекуваат „кучиња на војната“, кои се подготвени за пари да направат било што, па дури и ладнокрвно да убијат невини деца и човек кој случајно им се нашол на патот. Таквите мора да се во евиденција, па да се внимава кој влегува и излегува од државата, кој кога дошол, каде престојувал, со кого се сретнал, дали планира нешто... Во секој момент нашите служби треба да знаат кој ни е овде, меѓу нас. Евидентно е дека од тој аспект затаило нешто. Не би бил изненаден ако убиството има врска со она што се зборуваше пред 30-тина дена, за прерасподелувањето на припадници на УЧК зад Скопка Црна Гора. Тие информации ги имаше највисокиот државен врв на Македонија. Не знам зошто тоа се премолча, иако еден портал го објави како вест. Не е невозможно да се егзекуторите некои од тие што се прегрупираа на планината.

Кога зборувате за планирање на убиството, кое несомнено го имало, дали е случајно што планерите избрале жртви од Радишани? Тоа село важи за „тврдина на ВМРО ДПМНЕ“, некои аналитичари велат, во рангот на Горно Лисиче или Драчево. Никогаш во изминатите две децении во тој дел од електоратот не победила друга партија. Поради тоа, се смета дека можеби нарачателите оцениле дека ќе има поголем ефект ако пукаат во деца од тоа место, зашто сметале оти реакцијата ќе биде пожестока.

Не го делам тоа мислење. Бидејќи потекнувам од тој крај и сметам дека сум добро запознаен со состојбите таму, цврсто верувам оти конкретно Радишани нема никава врска со настанот. Многу повеќе убијците внимавале на локацијата. Таа им била клучна. На 300-400 метра наоколу е празен простор, а во близина се концентрирани неколку села, каде што може да се заметне трагата. Втор важен момент е блиската меѓудржавна граница, што овозможува бргу да се избега во неколку правци. Може кон Куманово, преку цела Скопска Црна Гора, кон Блаце, а може и кон Гевгелија, или на другата страна - Тетово. Жртвите се избрани случајно, но не е случајно тоа дека се од македонска националност. Тој момент е најважниот дел од нивниот план. А, што се однесува до партиската припадност на македонското население, факт е дека се мнозинството луѓе таму провмровски настроени, и оти никогаш досега не победил СДСМ, ниту мислам дека ќе победи во наредниот период. Но, разликата не е толку драстична како што можеби се мисли. Лично сум учествувал во некои од изборните циклуси, па добро знам дека односот бил 60:40, не повеќе од тоа.

Веќе речиси две недели живееме со полицајци на секој агол, покрај секој семафор. Дали тоа повеќе Ве смирува или повеќе Ве вознемирува?

Во оваа ситуација би требало да смирува. Подобро е за секој граѓанин да знае дека државата е тука и е подготвена да реагира. Да сум јас на позиција, дури и би го удвоил бројот на полицајци на улиците. Последниве настани покажуваат дека е грешка што навреме не поставија камери каде што треба да ги има. Ако снимаа на клучните влезни и излезни места, односно на важните раскрсници, верувам дека полесно ќе ги откриеја сторителите. Тоа не е загрозување на демократијата, туку баш начин за нејзина поуспешна заштита.

Поентата на прашањето е дали и кај власта постои чувство на несигурност, на тоа дека не ја имаат целосната контрола врз ситуацијата.

Гледајќи изјави на одговорите луѓе, јас би рекол дека кај нив е забележителна одредена нелагодност. Но, тоа не мора да се поврзува веднаш со несигурност. Нормално е во ваква ситуација да не се чувствуваат пријатно. Притисокот врз нив е многу голем, што не е едноставно да се издржи. Второ, и тие се луѓе. Сигурно сето ова го доживуваат емотивно како и сите останати Македонци.

Како ги коментирате тезите за дефокусирање од акцијата „Детонатор“?

Апсолутно не верувам во таа варијанта. Небулозно да се мисли дека некој би направил вакво злосторство за да го сврти вниманието од нешто што спаѓа во многу полесни криминални дела. Покрај тоа, „Детонатор“ мора да продолжи, бидејќи ако сакаме да сме правна држава, не може правдата да се применува селективно, во Кочани, Штип, Струмица и Охрид, а не и во Тетово. Кога тогаш, а верувам наскоро, законите ќе мора да важат на целата територија на земјата. Мораме сите да бидеме исти пред законот без разлика дали сме Албанци, Македонци, Турци или припадници на други етнички заедници. Не смее да има привилегирани нации или етнички групи.

Колку македонската полиција го покрива целиот дијапазон на полициска работа? Не е мал бројот граѓани на кои им е обиен дуќан или стан, а добиле само записник за излегување на лице место, и порака која неформално може да се сведе на: „Не не’ гњавете со вакви работи“. Се чини како тој вид криминалитет да е речиси заборавен.

Тука има вистина. Во нашата полиција работат многу стручни луѓе, вистински специјалисти, кои си ја знаат добро професијата. Но, во последниве десетина години, влезе и доста нестручен кадар, од двата најголеми етникума. Не само набрзина подготвени Албанци, туку и Македонци. Некои од приватните обезбедувања на партиите, беа вработувани во МВР кога „нивната“ партија ќе дојдеше на власт. Таквите не го поминале процесот на едукација и немаат вистинска претставата што значи да се биде полицаец. Униформата ја доживуваат како можност да бидат поголеми „мангупи“ во дискотеките. Од таков човек не може да очекувате целосна заинтересираност за решавање на криминалните случаи, како што тоа го прави вистински професионалец.

Колку тоа влијае и на безбедносниот дел?

Секако дека влијае, но не е добро да генерализираме. И покрај сите слабости, нашата полиција функционира. Критиките се најчесто политички мотивирани, па затоа и сме сведоци дека таа состојба не се надминува. Кога навистина би сакале да имаме безбедносен систем кој ќе ги штити сите мирни граѓани, ние би го добиле.

Колку е актуелната владина коалиција меѓу ВМРО ДПМНЕ и ДУИ искрена, односно лицемерна? Не мислите ли дека може да се распадне со само едно соопштение и „коалициската идила“ да се претвори во жестоко непријателство?

Таа коалиција може да се распадне во секој момент, но и кај двете страни доминира прагматизмот и меѓусебната партиска попустливост (гледање на одредени работи кроз прсти). Особено е прагматична ДУИ, која покажува дека единствено што ја интересира е учеството во власта и решавање на своите партиските проблеми и ветувања. Беа во опозиција, и не издржаа ни една година, па ги употребија сите средства за да се вратат во владата. Затоа, не верувам дека ќе доде до драматично сценарио. Што и да се случи, ќе мора да се бара партнер од „другата страна“..

Како човек од ВМРО ДПМНЕ што мислите за актуелното „кадровско прочистување“, со смена на 200 луѓе, кое го најави претседателот на партијата?

Тоа е добар потег, кој требаше да се направи порано. Јас постојано зборувам дека со млад и неикусен кадар не може да очекувате сериозни резултати, што сега го увидува и врвот на партијата. Исто така, ако навистина сакаат да направат нешто повеќе отколку само козметичка промена, тогаш не треба да тргнуваат од третиот ешалон, туку од првиот. Зошто да се најодговорните заштитетни? Трето, „прочистувањето“ мора да го зафати сите партнери во владата, а не само ВМРО ДПМНЕ. Груевски мора отворено да му каже на Ахмети кои министри, заменици или државни секретари не работат добро и да бара доаѓање на нови луѓе. Ако не направи така и не постави еднаков критериум за сите, може да ја искомпромитира идејата, за која реков дека ми се допаѓа.

А, мислите дека навистина некој ќе успее да дојде до позиција врз база на својата понудена програма, како што вети премиерот?

Е, за тоа веќе имам мала доза на скептичност, иако Груевски ова го практикува од времето кога дојде на чело на ВМРО ДПМНЕ. Тогаш, од претседателите на општински комитети бараше програми и ги повикуваше на интервју. Но, да бидеме реални, предност секогаш ќе имаат и имале оние тие за кои ќе лобираат луѓе од најблиското опкружување на премиерот.

Каква е Вашата позиција во партијата и, евентуално, во овој процес на подновување?

Јас сум член во ВМРО ДПМНЕ, но сосема неактивен партиски во последниве години. За да се активирам мислам дека моето теоретско и практично искуство треба реално да биде валоризирано. Затоа не прифаќам било каква позиција, иако за волја на вистината никој не ми ни понудил нешто (се смее)...

Какво политично лето не’ очекува? Жешко или само топло?

Тоа ќе зависи од самитот на НАТО во Чикаго. Ако успееме по било која основа да се најдеме на агендата, да не’ спомнат, да ни дадат условно пристапување или било што друго позитивно за Македонија, тогаш ќе имаме жешко лето. Груевски сигурно ќе сака да го искористи тој момент и мислам дека е сосема релано да се очекуваат вонредни избори, на кои ќе оствари апсолутна победа, поуверлива и од таа во 2008 година. Ако пак, бидеме игнорирани во Чикаго, состојбата ќе тлее до есен, кога мора да почнат активности за локалните избори. Етнички и социјални немири од голем обем не очекувам, зашто оваа гарнитура покажа дека знае да ги менаџира релативно добро. Ниту странците нема да дозволат, а поголемиот дел од нашите политички партии се под нивна контрола.

За крај, нешто поврзано со Вашата академска кариера. Неодамна Министерството за образование и спорт на Црна Гора Ве избра за еден од контролорите на високото образование во таа држава. Со тоа списокот на образовни институции, односно проекти, каде што работите или сте ангажиран уште се надополнува, а и онака е прилично долг.

(се смее) Јас сум веројатно еден од македонските професори со најмногу катедри. Матичната ми е, веќе пет години, на Факултетот за туризам и угостителство во Охрид. Во меѓувреме предавам на Полициската академија, а ангажиран сум на Правниот факултет во Кичево и на дисперзираните студии во Битола и во Струга. Во странство, визитинг-професор сум на Вишата школа за туризам во Благоевград, која е на ниво на факултет, а избран сум и на Меѓународната академија за управување со персонал во Киев - најголемиот приватен универзитет во Украина. Покрај тоа, соработник сум на Институтот за мир и демократија (ИМД) од Белград, кој работи под покровителство на Обединетите нации. На сите одржувам по неколку предавања годишно, додека на ИМД во Белград сум и член на комисии за докторски и магистерски студии, како и ментор на некои од нивните постдипломци.

Миодраг Мишолиќ
30-04-2012, 05:22 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Утрово апсења на повеќе локации во Скопје

Според првичните и неофицијални информации на Пресс24 утринава биле реализирани акции за апсење на неколку лица, најверојатно во врска со убиството кај Смилковци.


Share13 Полицијата утринава реализирала акција за апсење во Арачиново, на Јаја паша и во Шутка, велат првичните информации на Пресс24. За овие информации нема официјална потврда од полицијата.

Како што веќе објавивме, во моментов се очекува средба на премиерот со највисоки претставници на МВР. Орфицијални информации се очекуваат подоцна во текот на денот.
01-05-2012, 12:02 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Откриени сторителите на масакрот кај Смиљковско Езеро


Министерството за внатрешни работи на Република Македонија ги откри убијците од масакрот кај Смиљковско Езеро.

Станува збор, како што соопшти денеска минситерката за внатрешни работи Гордана Јанкулоска, за група од Скопје - следбеници на радикалниот ислам. Приведените војувале во Авганистан и Пакистан против НАТО војници.

МВР против приведените 20 лица, по различни основи, ќе поднесе кривични пријави за тероризам.

Од приведените, некои се директно инволвирани во убиствата, но има и лица за кои нема податоци. Најголем дел од нив се македонски државјани.

Врз основа на материјални докази од МВР тврдат дека тоа се извршителите на грозноморното убиство.

При извршените претреси во 26 објекти во полициската акција „минструм“, пронајдено е поголемо количество оружје, а во тек е вештачење дали е користено во петкратното убиство.

Според Јанкулоска главниот мотив најверојатно е нивната идеја за убивање во радикалниот ислам, а целта е да се созвдаде чувство на страв кај пошироката јавност.

Министерката потенцира дека будно се следи безбедносната состојба во Македонија и дека полицијата делува превентивно, но и репресивно и дека но нема посериозни промени.

Утринава МВР спроведе една од досега најсложените операции поврзана со Велигденскиот масакр кај Смиљковското Езеро. Премиерот Никола Груевски денеска беше на состанок во Министерството за внатрешни работи, пришто беше информиран за спроведената акција.

На 13 април Велики четврток на брегот на езерото кај Смиљковци свирепо беа убиени Кире Тричковски, Александар Наќевски, Филип Славковски и Цветанчо Ацевски на возраст од 18 до 20 години, како и Борче Стефановски (45) од скоспкото село Црешево. Петмината, според досегашните информации на полицијата, убиени се од автоматско оружје од непосредба близина.

Ден подоцна полицијата на 10 километри од местото на масакрот пронајде автомобил “опел омега“ за кој подоцна се потврди дека бил на местото на убиството и бил користен од убијците.

01-05-2012, 02:35 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36

Quote:Откриени сторителите на петкратното убиство


Министерството за внатрешни работи во големата акција спроведена утрово приведе 20 лица кои се осомничени за масакрот кај Смилковското езеро, а за дел од нив има материјални докази дека биле дел од извршувањето на грозоморното убиство.


Врз основа на материјални докази од МВР тврдат дека дел од нив се извршителите на грозоморното убиство на петте недолжни граѓани. Меѓу 20-те уапсените, има лица кои се директно инволвирани во убиството кај Смиљковци, појасни Јанкулоска, но и лица за кои нема податоци дека биле на лице место на убиството.

При извршените претреси утрово во 26 објекти, во најголем дел на територија на Градот Скопје, и во активностите во полициската акција „монструм“, во која учествува над 800 припадници на МВР (УБК и БЈБ), пронајдено е поголемо количество оружје, литература која укажува на идеолошката припадност на овие лица и други предмети, кои би можеле да бидат или се користени при извршување кривични дела. Во тек е вештачење дали пронајденото оружје е користено во петкратното убиство.

Според Јанкулоска главниот мотив најверојатно е нивната идеја за убивање во радикалниот ислам, а целта е да се создаде чувство на страв кај пошироката јавност.

- Мотивот е нивната идеја, убедување, верување и следење на радикалниот ислам кој е опасен за верниците од христијанството, муслиманска вероисповед, но и за оние кои не веруваат во ниту еден религија, рече Јанкулоска, додавајќи оти дел од приведените биле и на боиштата во Авганистан и Пакистан и војувале против војската на НАТО.

По барање на новинарите да даде оценка за безбедносната состојба во Македонија и дали земјава се соочува со опасност од радикален исламизам и други можни терористички напади, Јанкулоска потсети дека Република Македонија е дел од глобалната коалиција за мир, и е земја која според бројот на жители е 5-та по ред по учеството на мировниците од АРМ во мисијата во Авганистан

- Со самото тоа Република Македонија е на страната на земји кои може да бидат потенцијален таргет на радикалните исламисти. Во ниту еден момент не ја потценуваме состојбата и не ја исклучуваме можноста за радикално делување на поединци или групи. Сепак службите на МВР, Управата за безбедност и контраразузнавање, Бирото за јавна безбедност, односно сите припадници на Министерството будно ја следат состојбата, превентивно делуваме, делуваме и репресивно заради тоа што цениме дека ништо не смее да го смени начинот на кој ние живееме, а тој начин на кој живееме е во мир и соживот на сите граѓани кои живеат во Македонија, децидна е министерката Јанкулоска, додавајќи оти будно се следи состојбата, нема посериозни промени, меѓутоа, подвлече, тоа не смее да не остави релаксирани затоа што е евидентно оти следбениците на радикалниот ислам се подготвени на најгрозоморните и најбизарните кривични дела и убиства, како што беше и убиството кај Смилковското езеро.

Во врска со прашањата дали позади оваа група стои некоја поголема терористичка група или делувала по нечија наредба, министерката најави дополнителни информации во периодот што следува, затоа што, истакна, прерано е да се даваат какви било оценки или да се разработуваат сценарија за кои во моментот нема доволно потврдени податоци.

За полициската акција „монструм“, беше информиран и премиерот Никола Груевски, кој денеска беше во МВР.

Јанкулоска им се заблагодари на сите граѓани кои дадоа корисни информации, посебно на сите припадници на МВР кои во изминатиот период буквално деноноќно беа на работа и на медиумите бидејќи, подвлече, најголемиот дел од вас коректно известуваа за настанот.

На 13 април на Велики четврток на брегот на езерото кај селото Смиљковци свирепо беа убиени Кире Тричковски, Александар Наќевски, Филип Славковски и Цветанчо Ацевски на возраст од 18 до 20 години, како и Борче Стефановски (45) од скоспкото село Црешево. Петмината, според досегашните информации на полицијата, убиени се од автоматско оружје од непосредба близина.

Ден подоцна полицијата на 10 километри од местото на масакрот пронајде автомобил “опел омега“ за кој подоцна се потврди дека бил на местото на убиството и бил користен од убијците.


(This post was last modified: 01-05-2012, 02:52 PM by ЈорданПетровски.)
01-05-2012, 02:50 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36

(01-05-2012, 02:50 PM)ЈорданПетровски Wrote:
Quote:Откриени сторителите на петкратното убиство


... додавајќи оти дел од приведените биле и на боиштата во Авганистан и Пакистан и војувале против војската на НАТО.

По барање на новинарите да даде оценка за безбедносната состојба во Македонија и дали земјава се соочува со опасност од радикален исламизам и други можни терористички напади, Јанкулоска потсети дека Република Македонија е дел од глобалната коалиција за мир, и е земја која според бројот на жители е 5-та по ред по учеството на мировниците од АРМ во мисијата во Авганистан

- Со самото тоа Република Македонија е на страната на земји кои може да бидат потенцијален таргет на радикалните исламисти.





Дали по оваа ке треба да очекуваме протести за повлекување на војниците од Македонија кои учествуват во мисиите на НАТО.
01-05-2012, 02:52 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36








Ако се работи за терористи, тогаш одговорноста на Јанкуловска, Мијалков, Груевски е уште поголема. Зошто дозволиле исламистичките милитанти од Авганистан, Пакистан непречено да престојуваат во Македонија. Нели Македонија беше веке цел на исламисти, Раштански лозја ......
01-05-2012, 03:58 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36



01-05-2012, 04:04 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36



Quote:Приведените во Монструм на распит - еве што пронајде полицијата во претресот


Се очекува распитот да трае во текот на целата ноќ со оглед дека полицијата има можност 24 часа да ги држи осомничените во своите службени простории

Во неколку полициски станици во Скопје во тек е распит на 20 лица приведени во акцијата „монструм“, со кои треба да се утврдат деталите поврзани со истрагата за петкратното убиство кај Смиљковското Езеро.

Лицата се приведени во неколку објекти во акцијата спроведена утрово во Арачиново, Шуто Оризари, Чаир и Ченто. Тие во своите први искази ќе треба да одговорат на прашањата што барало оружјето кое е пронајдено и запленето во нивните домови. Според извори од МВР станува збор за автоматска пушка, четири пиштоли, бомба, осум куршуми за „црна стрела“, шест куршуми за тромболон, шест рамки за автоматска пушка, десет маскирни униформи, седум тактички елеци, три фантомки и три радио врски. Биле пронајдени и возило, околу десетина илјади евра, компјутери, мобилни телефони и картици.

Се очекува распитот да трае во текот на целата ноќ со оглед дека полицијата има можност 24 часа да ги држи осомничените во своите службени простории. Најрано утре изутрина приведените би требало да бидат изведени пред истражен судија во Кривичниот суд во Скопје.
01-05-2012, 05:25 PM
Reply
Larsson Offline
Senior Member
****

Posts: 656
Joined: Sep 2011
Reputation: 6

(01-05-2012, 02:52 PM)ЈорданПетровски Wrote:
(01-05-2012, 02:50 PM)ЈорданПетровски Wrote:
Quote:Откриени сторителите на петкратното убиство


... додавајќи оти дел од приведените биле и на боиштата во Авганистан и Пакистан и војувале против војската на НАТО.

По барање на новинарите да даде оценка за безбедносната состојба во Македонија и дали земјава се соочува со опасност од радикален исламизам и други можни терористички напади, Јанкулоска потсети дека Република Македонија е дел од глобалната коалиција за мир, и е земја која според бројот на жители е 5-та по ред по учеството на мировниците од АРМ во мисијата во Авганистан

- Со самото тоа Република Македонија е на страната на земји кои може да бидат потенцијален таргет на радикалните исламисти.





Дали по оваа ке треба да очекуваме протести за повлекување на војниците од Македонија кои учествуват во мисиите на НАТО.

Tie bile po Avganistan i Pakistan vojuvale a nikoj vo MKD ne znael i ne gi viknal barem na "razgovor" vo policija.
Nemoj posle da ispadne deka vo Avganistan rabotele za nekoja usa firma od tipot na kbr ili ecolog...
01-05-2012, 07:28 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36

(01-05-2012, 07:28 PM)Larsson Wrote: Tie bile po Avganistan i Pakistan vojuvale a nikoj vo MKD ne znael i ne gi viknal barem na "razgovor" vo policija.
Nemoj posle da ispadne deka vo Avganistan rabotele za nekoja usa firma od tipot na kbr ili ecolog...



Незнам, но ме буни тоа што ги уапсија толку лесно. Сепак, нели се работи за професионалци.
Има една чудна работа, барем по мене. Промената на однесувањето на Љубе Бошковски.
02-05-2012, 01:19 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:ГОРДАНА ЈАНКУЛОВСКА – МИНИСТЕР ЗА ВНАТРЕШНИ РАБОТИ ИЛИ НОВИНАР, ПРАШАЊЕ Е СЕГА?


Ова беше објавено на официјалната интернет страна на Министерството за внатрешни работи на Република Македонија на 1.05.2012 година. Во моментов интернет страната на МВР не работи, затоа наместо линк го ставив целиот текст поставен на оваа страна на спомнатиот датум:

Расчистено грозоморното убиство кај Смиљковско Езеро

Министерството за внатрешни работи на Република Македонија ги откри убијците од масакрот кај Смиљковско Езеро. Приведени се 20 лица од Скопје, следбеници на радикалниот ислам, најголем дел од нив се македонски државјани.
МВР против приведените 20 лица, информира денеска министерката за внатрешни работи Гордана Јанкулоска, ќе поднесе кривични пријави за сторено кривично дело „тероризам“.
Врз основа на материјални докази од МВР тврдат дека тоа се извршителите на грозноморното убиство на петте недложни граѓани. Меѓу 20те уапсени, има лица кои се директно инволвирани во убиството кај Смиљковци, појасни Јанкулоска, но и лица за кои нема податоци дека биле на лице место на убиството.
При извршените претреси утрово во 26 објекти, во најголем дел на територија на Градот Скопје, и во активностите во полициската акција „монструм“, во која учествува над 800 припадници на МВР (УБК и БЈБ), пронајдено е поголемо количество оружје, литература која укажува на идеолошката припадност на овие лица и други предмети, кои би можеле да бидат или се користени при извршување кривични дела. Во тек е вештачење дали пронајденото оружје е користено во петкратното убиство.
Според Јанкулоска главниот мотив најверојатно е нивната идеја за убивање во радикалниот ислам, а целта е да се создаде чувство на страв кај пошироката јавност.
- Мотивот е нивната идеја, убедување, верување и следење на радикалниот ислам кој е опасен за верниците од христијанството, муслиманска вероисповед, но и за оние кои не веруваат во ниту еден религија, рече Јанкулоска, додавајќи оти дел од приведените биле и на боиштата во Авганистан и Пакистан и војувале против војската на НАТО.
Според неа, кога се станува збор за кривично дело „тероризам“ жртвите не секогаш се директно поврзани со извршителите или со мотивот заради кој е направено делото.
- Нашето сомневање е дека токму и во овој случај се работи за едно такво убиство каде жртвите не се директно во никаква конекција со извршителите, меѓутоа позади кривичното дело стои намерата да се создаде чувство на несигурност и страв кај пошироката популација, истакна министерката за внатрешни работи.
По барање на новинарите да даде оценка за безбедносната состојба во Македонија и дали земјава се соочува со опасност од радикален исламизам и други можни терористички напади, Јанкулоска потсети дека Република Македонија е дел од глобалната коалиција за мир, и е земја која според бројот на жители е 5-та по ред по учеството на мировниците од АРМ во мисијата во Авганистан
- Со самото тоа Република Македонија е на страната на земји кои може да бидат потенцијален таргет на радикалните исламисти. Во ниту еден момент не ја потценуваме состојбата и не ја исклучуваме можноста за радикално делување на поединци или групи. Сепак службите на МВР, Управата за безбедност и контраразузнавање, Бирото за јавна безбедност, односно сите припадници на Министерството будно ја следат состојбата, превентивно делуваме, делуваме и репресивно заради тоа што цениме дека ништо не смее да го смени начинот на кој ние живееме, а тој начин на кој живееме е во мир и соживот на сите граѓани кои живеат во Македонија, децидна е министерката Јанкулоска, додавајќи оти будно се следи состојбата, нема посериозни промени, меѓутоа, подвлече, тоа не смее да не остави релаксирани затоа што е евидентно оти следбениците на радикалниот ислам се подготвени на најгрозоморните и најбизарните кривични дела и убиства, како што беше и убиството кај Смиљковското езеро.
Во врска со прашањата дали позади оваа група стои некоја поголема терористичка група или делувала по нечија наредба, министерката најави дополнителни информации во периодот што следува, затоа што, истакна, прерано е да се даваат какви било оценки или да се разработуваат сценарија за кои во моментот нема доволно потврдени податоци.
За полициската акција „монструм“, беше информиран и премиерот Никола Груевски, кој денеска беше во МВР.
Јанкулоска им се заблагодари на сите граѓани кои дадоа корисни информации, посебно на сите припадници на МВР кои во изминатиот период буквално деноноќно беа на работа и на медиумите бидејќи, подвлече, најголемиот дел од вас коректно известуваа за настанот.
На 13 април на Велики четврток на брегот на езерото кај Смиљковци свирепо беа убиени Кире Тричковски, Александар Наќевски, Филип Славковски и Цветанчо Ацевски на возраст од 18 до 20 години, како и Борче Стефановски (45) од скоспкото село Црешево. Петмината, според досегашните информации на полицијата, убиени се од автоматско оружје од непосредба близина.
Ден подоцна полицијата на 10 километри од местото на масакрот пронајде автомобил “опел омега“ за кој подоцна се потврди дека бил на местото на убиството и бил користен од убијците.



Пред се, а со цел насилните кецароши во и околу ВМРО-ДПМНЕ и нивните кучиња лаачи распространети низ интернет мрежите и во медиумите, да не ги извртат моите зборови во нивната спротивност, изјавувам дека:

ова што го пишувам не го пишувам со цел да ги одбранам или на било каков начин да им помогнам на сторителите на убиството кај Смиљковското езеро, туку со цел да биде спроведена таква постапка во која институциите задолжени за прогон ќе ги соберат потребните докази на соодветен начин кој ќе овозможи недвосмислено докажување на вината и врз основа на тоа и изрекување на соодветна казна. Значи ова го пишувам со цел да дојдеме до вистинските сторители на делото, со цел да не се залажуваат семејствата на убиените и пошироката јавност и со цел МВР да не се обиде да создаде облак на невистини и полувистини зацрнет со етничка и религиска омраза во кој ќе ја затскрие својата неспособност или уште полошо, вистинските сторители на делото.

Според МВР – Расчистено е грозоморното убиство кај Смиљковско Езеро и откриени се убијците од “масакрот кај Смиљковско Езеро“.

Што не чини во оваа објава на официјалната страна на МВР?

Прво, никако не може да се каже дека е расчистено убиството. МВР може да каже дека се собрани доволно докази, дека има осомничени, дека е завршен нивниот дел од работата, меѓутоа никако и дека е решено убиството.

Второ, јазикот на известувањето кое е ставено на официјалната интернет страна на министерството е новинарски со употреба на новинарски јазик (па дури и не вообичаен новинарски јазик туку жаргон на сензационалистичкиот жолт печат). Во текстот во повеќе наврати се употребуваат зборови како: масакар, грозоморно убиство, недолжни граѓани, радикален ислам (што и да подразбира министерката под овој поим), војување во Авганистан против војската на НАТО, грозоморни и бизарни кривични дела, Велики четврток како временска определба која инсинуира верска позадина, свирепо убиени и сл.

Трето, МВР не може да изјави дека ги открило убијците туку дека има осомничени. Впрочем тоа јасно произлегува и од изјавата дадена понатаму во текстот дека “врз основа на собраните податоци МВР ќе поднесе кривична пријава“. Во правото тоа значи дека е завршена (според МБВР) фазата на прибирање докази (тие мислат дека имаат доволно докази за да може да поднесат кривична пријава). Кога ќе биде поднесена кривичната пријава, Јавниот обвинител ќе треба да направи процена на доказите и процедурите со кои се собрани овие докази (кои ќе му ги достават од МВР) и ќе одлучи дали смета дека има доволно материјал за поднесување обвинение против еден или повеќе осомничени или не? После поднесувањето на обвинение (од страна на Јавниот обвинител) до соодветниот суд и прифаќањето на истото од страна на судот, осомничените ќе станат обвинети (но ниту во овој момент нема да бидат се уште идентификувани како “убијци“).

Четврто, МВР може да претпоставува кои се мотивите за извршеното убиство, меѓутоа, само судот може да донесе одлука која ќе ги дефинира како мотиви после контрадикторна постапка на докажување на елементите на стореното дело и утврдување на вината на обвинетите за убиството.

Петто, спомнувањето на радикалниот ислам (што и да подразбира министерката под овој поим) како утврден мотив за убиството од страна на МВР претставува не само надминување на мандатот на МВР туку и директно кршење на неколку одредби од Кривичниот законик. Релацијата меѓу податокот дека овие луѓе можеби се следбеници на радикалниот ислам (што и да подразбира министерката под овој израз) и извршеното убиство допрва треба да биде утврдена и за тоа важи дека е претпоставка на МВР. Изјавата на министерката за внатрешни работи дека “главниот мотив најверојатно е нивната идеја за убивање во радикалниот ислам (што и да подразбира министерката под тој израз), а целта е да се создаде чувство на страв кај пошироката јавност“ претставува произволна интерпретација на министерката која нема никаква врска со надлежностите на МВР. Натамошното размислување на министерката за опасностите на радикалниот ислам (што и да подразбира министерката под тој израз) претставува натамошно излегување надвор од нејзините ингеренции и загрозување на натамошната постапка (па дури и обид за директно влијание врз судот и неговите решенија). Тоа што дел од приведените биле (односно министерката тврди дека биле) и на боиштата во Авганистан и Пакистан и наводно војувале против војската на НАТО претставува отворено профилирање на осомничените кое во очите на јавноста, но и на судот, би требало да создаде негативен впечаток и однапред да изгради негативен став за нивната вина. Министерката си дозволува дури да зборува и за намерата која стои зад извршеното кривично дело што веќе длабоко навлегува во судската постапка и докажувањето на вината. Многу е веројатно дека министерката ги користи овие застрашувачки концепти за да го уплаши населението и да го хостилизира воопшто кон муслиманите или само нема појма што прави со изјави од ваков вид (и обете варијанти се застрашувачки од аспект на компететнтноста на министерката да ја врши одговорната функција која и е доделена).

Шесто, профилирањето министерката го завршува со паушална изјава дека “е евидентно оти следбениците на радикалниот ислам (што и да подразбира министерката под овој израз) се подготвени на најгрозоморните и најбизарните кривични дела и убиства, како што беше и убиството кај Смиљковското езеро“. На овој начин министерката ги обвинила, без постапка им ја докажала вината и ги осудила луѓето кои се осомничени за убиството. Не ретко, ваков начин на изразување се користи во случаи кога одреден државен орган се обидува да ја затскрие сопствената неспособност да спроведе соодветна процедура, или, да ги затскрие вистинските виновници или кога се гради легенда за изрекување на пресуда врз основа на недоволен број докази меѓутоа врз основа на огромно количество емоции и ирационална омраза и страв кои се поттикнуваат кај граѓаните (во случајов од страна на еден државен орган).

Седмо, Интересен момент во целата приказна е податокот (со кој гордо настапува министерката) дека за целата постапка бил информиран Премиерот. Апсолутно нејасно останува што бара Премиерот во целата приказна (освен како другарче на министерката или нејзин партиски челник) со оглед на тоа дека Премиерот нема ингеренции во оваа област. И потполно нејасно останува зошто не не бил информиран Претседателот на државата кој дефинитивно има уставно зацртани ингеренции токму во областа на безбедноста (ако според зборовите на министерката станува збор за акт на тероризам и можно големо загрозување на безбедноста на населението и на државата).

Ако сево вака во оваа форма го потврдат и јавниот обвинител и судиите тогаш со следниот ребаланс треба да се скратат сите средства за судство и јавно обвинителство како потполно непотребни. Зошто да трошиме за бадијала пари за јавно обвинителство и судови кога веќе ја имаме Гордана за полицаец, јавен обвинител и судија. А толку убави споменици чекаат да бидат изградени.
02-05-2012, 01:39 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36


Quote:Коха`: Меѓу уапсените и концесионер на земјиште околу Смиљковското езеро

Дел од имињата на уапсените во полициската акција `Монструм` објави денеска весникот на албански јазик `Коха` во своето издание.

Дел од уапсените за кои МВР тврди дека шират исламски радикализам во Македонија биле таксист, земјоделец, автомеханичар, пензионер и една домаќинка, стои во весникот.

Меѓу приведените бил и извесен Фејзи Азири кој имал под концесија земјиште околу Смиљковското езеро.

Во акцијата била приведена и Фериде Билали (60) од липковското село Отља. Билали живеела сама веќе 15 години, откако нејзините синови заминале во странство, според информациите на весникот. Кај неа бил пронајден пиштол,

Приведените биле и браќата Чани Азири(64), Фејзи Азири(50) и Хаки Азири(32) од Шуто Оризари. Најстариот од нив бил пензионер, Хаки бил земјоделец, додека најмладиот брат бил возач на камион.

Во полициската акција `Монструм`во Арачиново биле приведени и Мерван Џавити (24)- автомеханичар и Исни Асани (34)- таксист. Меѓу приведените на Џевад Зендели (26) од скопска Гази Баба.

Приведените според полицијата се товарат за тероризам, за што е предвидена најмала казна од четири години затвор. `
02-05-2012, 01:41 PM
Reply
ЈорданПетровски Online
ЈорданПетровски-ЦРНИ
*****

Posts: 14,610
Joined: Mar 2010
Reputation: 36







Quote:Три лица директно осомничени за убиствата

Tри лица од кои едното е на 27 годишна возраст, а другите две се браќа на 32 и 33 годишна возраст се директно осомничени дека го извршиле грозоморното убиство на 12-ти април кај Смиљковското езеро.
Ова денеска на прес-конференција го соопшти министерката за внатрешни работи Гордана Јанкулоска, која потенцираше дека по извршените службени разговори и врз основа на истрагата и обезбедените докази, МВР денес поднелo 5 кривични пријави за тероризам.

- Кривични пријави за тероризам се поднесени против пет лица. Од тие пет лица тројца се уапсени, а двајца се во бегство. Едно лице од двете кои се во бегство е директно осомничено дека учествувало во убиствата кај Смиљковското езеро, изјави министерката Јанкулоска.

Таа потенцираше дека три од петте лица против кои е поднесена кривична пријава за тероризам се директно осомничени за масакрот кај Смиљковксото езеро, додека другите две лица им помагале.

Тројцата директно осомничени со употреба на огнено оружје ги лишиле од живот четирите момчиња и рибарот со две автоматски пушки и еден пиштол, по што со веќе презентираното возило „Опел Омега“ го напуштиле местото на злосторството и се упатиле кон местото наречено Вражји вир.

Останатите двајца осомничени им помогнале илегално да ја минат границата...

Приведените 20 лица се од Скопје, следбеници на радикалниот ислам, а најголем дел од нив се македонски државјани.

Лицата се приведени во неколку објекти во акцијата спроведена во Арачиново, Шуто Оризари, Чаир и Ченто. Тие во своите први искази ќе треба да одговорат на прашањата што барало оружјето кое е пронајдено и запленето во нивните домови.

Според извори од МВР станува збор за автоматска пушка, четири пиштоли, бомба, осум куршуми за „црна стрела“, шест куршуми за тромболон, шест рамки за автоматска пушка, десет маскирни униформи, седум тактички елеци, три фантомки и три радио врски. Биле пронајдени и возило, околу десетина илјади евра, компјутери, мобилни телефони и картици.

(This post was last modified: 02-05-2012, 01:47 PM by ЈорданПетровски.)
02-05-2012, 01:45 PM
Reply