Добредојдовте
  • Users with e-mails at mail ·ru, aol ·com and gmx ·com to contact admins for registration.
  • Новорегистрираните членови повратниот одговор од форумот за активирање на сметката нека го побараат и во Junk на нивните пошти.
  • Сите регистрирани членови кои неучествуваат во дискусиите три месеци автоматски им се брише регистрацијата

 

Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
ПИСМОТО НА БОРЈАН
Author Message
hristo Offline
Super Moderator
******

Posts: 2,955
Joined: Dec 2009
Reputation: 33
#21

(30-10-2011, 07:14 PM)acko Wrote:
(30-10-2011, 08:49 AM)hristo Wrote: Писмото, Ацко не “ да не е лошо“-писмото е ОДЛИЧНО. Писмото овозможува отварање на прозорец во затвореното ( заробеното) македонско небо.

Идејата му е добра, но содржината не му е најдобра.

Каква врска има тоа што мајка му и татко му преведувале книги од француски на македонски и од македонски на француски? Најголем дел од писмото посвети токму за тоа. Зарем другите кои што немаат родители кои што преведувале од француски на македонски и обратно се сомнителни, па треба да провериме какви се и што се кога некој ќе ги искритикува дека ја подржува ЕУ за тоа што го прави со јазикот и сл.?

Безпотребна патетика која не служи за ништо.

И делот со антиката му беше непотребно пренагласен. Зошто го проблематизира тоа кога во прашање беше слободата на мислење и изразување?

А и не отвара никаков нов прозорец. Повторно македонското новинарство, па и општествената мисла останува гетоизирана. Една е во Фокус (неделник и сега ќе биде и во дневно издание), донекаде Алфа, со се некои радија и портали. А, на друга страна се владините. Ништо ново не е отворено, ништо различно од сега, ниту ќе придонесе, ако не друго, барем за попристојна медиумска полемика, а не како до сега да изгледа како борба на кучиња.

И двете групи се трудат да бидат јадни и безлични, не трудејќи се да излезат од двете големи партиски сенки. И онаа Цаца ни ја нудеа (’македонските европејците’) како најголем независен и најдобар судски експерт, а ако не сум разбрал погрешно сега отишла во стадото на Бранко. Потоа се чудат кога влдаечаките хорди ќе ги етикетираат така.

А, идејата на писмото е добра, како што напишав во претходниот пост и за тоа имам слично мислење како Борјан.

-
Quote:Каква врска има тоа што мајка му и татко му преведувале книги од француски на македонски и од македонски на француски? Најголем дел од писмото посвети токму за тоа. Зарем другите кои што немаат родители кои што преведувале од француски на македонски и обратно се сомнителни, па треба да провериме какви се и што се кога некој ќе ги искритикува дека ја подржува ЕУ за тоа што го прави со јазикот и сл.?

Има врска. Потенцира дека раснел во средина ( мајка и татко) кои лично допринеле за афирмација на македонскиот јазик со нивен личен труд ( литература и превод).

-
Quote:И делот со антиката му беше непотребно пренагласен. Зошто го проблематизира тоа кога во прашање беше слободата на мислење и изразување?
Ацко,па зошто беше цела ова скаламурија!? Поради негативниот извештај на ЕУ, непостоење на “ македонски“ во тој извештај, протестите во MK поради тоа и прашањето на Борјан во врска со тоа. Е, Борјан Јовановски во своето отворено писмо прави теза со која одговара на прашањето зошто ЕУ не го користи терминот “ македонски“. Еве, ушре еднаш:
Quote:Елем, помина време, дојдовте Вие на власт, а со се Вас и теоријата дека ние сме тие од кој е настаната белата раса, Македоноидите, наследниците на Александар. Се сеќавате на оној фамозен спот на МТВ?
Е, драги Премиере, тоа е болката. Таа инфантилност, да се прави упад во светската историја и во генезата на западната цивилзација, ги стави сите во одбрана на Грците. Направивте цела конфузија, почна светот да се прашува што тоа ние подразбираме под поимот македонски?
Да те прашам Ацко? Дали е забрането да се искаже став ,дури и ако е погрешен и необјективен ( или пак другите така го оценуваат)? Во тоа е право на слобода на мисла и изразување. Тоа што некој ке го цени како антипатриотски чин тоа е негово гледиште. Дали јас по автоматизам, ако го подржувам писмото на Борјан сум антимакедонец или предавник???
-
Quote: А и не отвара никаков нов прозорец. Повторно македонското новинарство, па и општествената мисла останува гетоизирана. Една е во Фокус (неделник и сега ќе биде и во дневно издание), донекаде Алфа, со се некои радија и портали. А, на друга страна се владините. Ништо ново не е отворено, ништо различно од сега, ниту ќе придонесе, ако не друго, барем за попристојна медиумска полемика, а не како до сега да изгледа како борба на кучиња.
Отвара Ацко, како не отвара. Што мислиош, дали би Комитетот за демократизација на Македонија, можел во овие услови во Македонија да издава дневен весник во Македонија, а да не му се проблем финансиите? Дали ке најде доволен број храбри новинари кој ке имаат критичен став спрема власта? Кој ке може да го издржи притисокот на власта? Затоа е писмото на Борјан добро. Добро е за демократијата во Македонија.
-
Quote:И двете групи се трудат да бидат јадни и безлични, не трудејќи се да излезат од двете големи партиски сенки. И онаа Цаца ни ја нудеа (’македонските европејците’) како најголем независен и најдобар судски експерт, а ако не сум разбрал погрешно сега отишла во стадото на Бранко. Потоа се чудат кога влдаечаките хорди ќе ги етикетираат така.

Така е. Но, нели ке се сложиш ако нема критика на актуелна власт ( не е битно која е ) дека тенденциите за автократско владење ке нараснат? Затоа е потребно критика на власт, од било кого да доаѓа.




31-10-2011, 11:31 AM
Reply
hristo Offline
Super Moderator
******

Posts: 2,955
Joined: Dec 2009
Reputation: 33
#22

(30-10-2011, 07:35 PM)ЈорданПетровски Wrote: Да го освежам секјавањето на оние кои ги заборавиле Борјановите демократски правила.






Јордане,го гледав на А1 целата дешавка тогаш. Твојот видео клип трае 29 секунди каде што Борјан го прекинува Иво. Но, претходно, на директните прашања на Борјан до Иво за полициската интервенција Иво не даваше директни и прецизни одговори. Затоа, веројатно, на таков стил на Иво, Борјан одговорил така.

31-10-2011, 12:03 PM
Reply
ЈорданПетровски Online
ЈорданПетровски-ЦРНИ
*****

Posts: 16,131
Joined: Mar 2010
Reputation: 36
#23










Еве ја Христо целата снимка. Тука се гледа многу убаво манипулирањето на Борјана.
31-10-2011, 12:42 PM
Reply
acko Offline
Moderator
*****

Posts: 1,437
Joined: Jan 2010
Reputation: 21
#24

(31-10-2011, 11:31 AM)hristo Wrote: Има врска. Потенцира дека раснел во средина ( мајка и татко) кои лично допринеле за афирмација на македонскиот јазик со нивен личен труд ( литература и превод).

Не, текст кој што има за цел да биде бунт против непотребни жигосувања и етикетирања не треба да се занимава со ваква логика, а не таа да доминира. Излегува дека тој не се бунтува што постои таква пракса, туку што тој, Борјан, е етикетиран... Или тој вели има ли логика јас да бидам против македонскиот јазик?! Грујо може да каже има ли логика јас да сум против Македонија кога дигнав споменик на Александар Македонски...

Непотребно заморува со вакви тези. Требаше да се држи до слободата, а не да ни продава лични приказни. Дали треба да го воспеваме Борјан или слободата?


(31-10-2011, 11:31 AM)hristo Wrote: Ацко,па зошто беше цела ова скаламурија!? Поради негативниот извештај на ЕУ, непостоење на “ македонски“ во тој извештај, протестите во MK поради тоа и прашањето на Борјан во врска со тоа. Е, Борјан Јовановски во своето отворено писмо прави теза со која одговара на прашањето зошто ЕУ не го користи терминот “ македонски“.

Тоа се коси со слободата на избор, со слободата на изјаснување за која тој се залага. Колку и да сум пишувал поради тие работи кои што ги прави Груевски и начинот на кој ги прави, факт е дека доста тоа произлегува и од народот, дека и тој се творец на многу работи по тој терк.

Зарем е грев во една така добро претставена ЕУ да се мисли различно од Брисел и Атина? Зошто да немаме право да се сметаме и за потомци на Александар, па и најдиректни? Зошто ЕУ поради тоа има право да ги казнува Македонците? Или што доколку некој Македонец е и против македонскиот јазик, вели дека таков не постои, дали тогаш Борјан ќе се спои со Грујо и ќе го линчуваат тој Македонец? И двајцата како докажани големи патриоти, од патриотски фамилии...

(31-10-2011, 11:31 AM)hristo Wrote: Да те прашам Ацко? Дали е забрането да се искаже став ,дури и ако е погрешен и необјективен ( или пак другите така го оценуваат)? Во тоа е право на слобода на мисла и изразување. Тоа што некој ке го цени како антипатриотски чин тоа е негово гледиште. Дали јас по автоматизам, ако го подржувам писмото на Борјан сум антимакедонец или предавник???
Quote:Па зарем слободната мисла и изразување не подразбира и Македонците да се сметаат за директни потомци на Александар Македонски? Ако Бриесл има право да казнува слобода на избор, со кое право Брисел и ЕУ фанатиците од Македонија ќе му се спротистават на Груевски?

Има право Борјан да го каже тоа, но мој став е дека немаше место за такви работи во ова отворено писмо.

Пак ќе повторам, требаше да се држи до слободата.


[quote='hristo' pid='46454' dateline='1320057067'] Отвара Ацко, како не отвара. Што мислиош, дали би Комитетот за демократизација на Македонија, можел во овие услови во Македонија да издава дневен весник во Македонија, а да не му се проблем финансиите? Дали ке најде доволен број храбри новинари кој ке имаат критичен став спрема власта? Кој ке може да го издржи притисокот на власта? Затоа е писмото на Борјан добро. Добро е за демократијата во Македонија.

Не се сложувам дека отвара нов прозорец. Тој само зборува преку веќе отворениот прозорец.

[quote='hristo' pid='46454' dateline='1320057067'] Така е. Но, нели ке се сложиш ако нема критика на актуелна власт ( не е битно која е ) дека тенденциите за автократско владење ке нараснат? Затоа е потребно критика на власт, од било кого да доаѓа.

Но, тука веќе се работи за групирање и биполаризирање. Веќе не станува збор за луѓе кои ќе се критички настроени кон сите процеси во општеството, кои што ќе сакаат да го менуваат системот (како што пиша Јордан), туку имаат за цел само Грујо да го сменат со Бранко. Демек така ќе се решат работите и ќе ни тргне. Ќе дојде просветлениот владател и ќе го замени мрачниот.

Геро тоа јасно го искажуваше преку Шпиц, уредникот на А1 каде што работеа повеќето новинари кои што дојдоа и ќе дојдоа во новиот Фокус го кажа тоа, а некои тоа јасно го кажаа и во нивните прилози.

Значи што е целта, да се направи медиум кој ќе одработува за Бранко и СДСМ?! Сега звучам како од Центар за комуникации на ДПМНЕ, но тие навистина отидоа целосно на таа страна. Од експерти, преку новинари, се што е со СДСМ добива подршка и простор во Фокус. Геро дури и заменик уредник е.

Против власта 2005 година беше и Латас, но зарем Сител од таа година можеш да го рамниш со Фокус истата година?

Напишав еднаш, немам намера да подржувам и да навивам за луѓе кои што мислат дека победа е ако Хитлер го смениш со Сталин. Метафорично, разбира се...




31-10-2011, 02:21 PM
Reply
basilius_2 Offline
Moderator
*****

Posts: 1,133
Joined: Dec 2009
Reputation: 17
#25

Според мене сеќавајќи се што се случуваше на 25 ноември и како реагираше Борјан Јовановски и Компанија,тој има најмалку право да зборува за демократија и за владеење на правото во Р.Македонија.
Но сепак, писмото повеќе имаше личен тон и се сведе на најгрубо напаѓање на личноста а не на затоа што му беше на Борјан најголема грижа:Македонија,Демократија....
Се согласувам со Ацко дека ако сакал Борјан Јовановски да зборува за немањето Демократија во Македонија тоа и требал да го каже,но и за каква демократија се залага се надевам не за онаа: Народна Демократија.
"He who controls the present, controls the past. He who controls the past, controls the future." -- George Orwell
"Тој што ја контролира сегашноста,тој го контролира минатото.Тој што го контролира минатото ја контролира иднината." Џорџ Орвел
_____________________________________________________________

http://www.cd-macedonia.com
03-11-2011, 11:56 PM
Reply
ЈорданПетровски Online
ЈорданПетровски-ЦРНИ
*****

Posts: 16,131
Joined: Mar 2010
Reputation: 36
#26


Quote:ФАМОЗНОТО ИНТЕРВЈУ СО БОРЈАН ЈОВАНОВСКИ

Сиви еминенции од лево и од десно го кочат зачленувањето на Македонија во ЕУ!



„Дневник“ го објавува „фамозното“ интервју со Борјан Јовановски и причините зошто тоа не се појави досега во нашиот весник. Интервјуто е во неавторизирана и проширена верзија од онаа што прво беше подготвена за објавување.

Прес-конференцијата во Брисел на која евро-комесарот Штефан Филе ги претставуваше извештаите за напредокот на земјите кандидатки за членство во ЕУ, во Македонија одекна силно.

Борјан Јовановски, поранешен ТВ водител на А1 телевизија, сега новинар на Фокус, на овој прес постави прашање за слободата на медиумите во Македонија и можноста в година да ја загубиме препораката за членство. Следуваше одговор од Филе, кој предупреди дека Македонија в година може да ја загуби препораката за членство во ЕУ, дури и да го реши проблемот со името, ако не ги реформира судството, администрацијата и не ја заштити слободата на изразувањето. Ова, пак, предизвика жесток одговор од премиерот Груевски.

Дневник уште пред еден месец започна дебата за слободата на медиумите во која му понуди и на Борјан Јовановски да напише текст - свое размислување. Неколку дена по прес-конференцијата во ЕУ, Борјан ми се јави од Брисел и ми рече дека не би сакал да пишува текст, а наместо тоа понуди да даде интервју за нашиот весник. Иако тоа за мене звучеше невообичаено, зашто сите други учесници во дебатата пишуваа текстови, се согласив на разговор. Борјан дојде во Скопје и разговаравме. Се договоривме разговорот пред да го објавам да му го дадам на авторизација. По неколку дена, во Фокус излезе авторски текст на Јовановски, во кој ги прераскажа главните поенти од нашиот разговор, со напомена дека тоа ми го кажал во интервјуто што ми го дал! Тоа ми изгледаше многу непрофесионално, па и покрај тоа што го подготвив разговорот за објавување, решив да го повлечам. Но по ден-два, Борјан и други негови колеги веќе почнаа да пишуваат на социјалните мрежи дека сум направил интервју со него, но не сум сакал да го објавам, сугерирајќи дека е забрането, дека го цензурирам! Иако е нејасно зошто некој би објавил интервју кое е веќе прераскажано во печатот!?
Нејсе. Необјавувањето на "фамозното интервју" кај Борјан и кај неговите блиски колеги предизвика дополнителни фрустрации, па на социјалните мрежи ми напиша дека очигледно интервјуто сум го правел за УДБА, штом тоа не се појавило во печатот. Истото го повтори во повеќе веб-коментари на текстови.

И така, сагата продолжи. За да ја запрам, решив уште еднаш да го симнам целото интервју од снимениот разговор - муабетевме цели два часа - и да го објавам во проширена верзија, а не во онаа што беше подготвена за печатеното издание, која беше само 90 реда. Причината за ова е што не сакам да му дадам дополнителна причина на Борјан да се жали дека е цензуриран во скратена верзија на интервјуто.
Поради фактот што Борјан си дозволи тотално непрофесионално да раскажува што ми кажал во разговорот, а згора ми ја нагрби и УДБА, иако јас не го нареков ниту шпион, ниту предавник (тој на својот сајт на Фејсбук претходно лепеше текстови во кои мене други ме прогласуваа за грчки шпион), решив интервјуто да го објавам неавторизирано со сите јазични дотерувања и неопходната редактура. Се разбира, ги исфрлив пцовките и навредите, освен надалеку познатата "малакас" на Јорго Шацирмакакис.

Еве како течеше нашиот разговор:

Колку македонски новинари имаше на прес-конференцијата во Брисел?
Колку што можев да забележам таму беше дописничката на МИА. Други не забележав.

Дали ти беше поканет на прес-конференцијата?
Не. Пристапот е слободен и таму може да влезе секој новинар.

Секој новинар што е акредитиран во ЕУ?
Не. Секој новинар што има прес легитимација.

Зошто се претстави како новинар на Еврозум, кога емисијата сега не се емитува во Македонија.
Емисијата "Еврозум" јас ја водам од 2004-та година, на различни ТВ-канали. На тендерот распишан пролетта оваа година од Делегацијата на ЕУ во Скопје, кој е отворен за сите заинтересирани, не само од Македонија, туку од целата Европска унија, јас конкурирав и во јуни добив позитивен одговор.

Имаше ли други кои конкурираа?
Да, секогаш имало и други кои конкурираат. Не знам точно, но изненаден сум што овојпат на тендерот се пријавиле малку новинари, ако не и воопшто. Конкурирале главно невладини организации. Тоа искрено ме зачудува, зашто кога би го добил тендерот во конкуренција со повеќе други новинари задоволството би ми било поголемо.

Потпиша ли договор?
Договорот се уште не е потпишан. Но, Еврозум е мој продукт, мој бренд. Името Еврозум јас го смислив и незнам зошто воопшто нервоза што така сум се декларирал.

Дали се претстави како новинар на Еврозум зашто така те познаваат во ЕУ?
Мене во Европската комисија ме познаваа во периодот кога живеев и работев како редовен дописник од Брисел. Тоа е меѓу 1995 и 1999 година, а сега не ме познаваат како новинар на Еврозум, но мене ми е мерак така да се претставувам. Без лажна скромност, мислам дека за тој бренд во Македонија знаат многу луѓе. Тоа е емисија која минатата година на ТВ А1 имаше гледаност од просечни 15 отсто, за кои, на пример, дневникот на Сител можеше да сонува, бидејќи имаше помеѓу шест и осум проценти гледаност.

Каков друг новинарски ангажман имаш?
Јас меѓу другото хонорарно соработувам со Фокус, така што многу ми е чудно што по моите јавни настапи, вклучително и премиерот, ме нарекуваат бивш новинар. Ако не постои А1 телевизија, значи ли дека јас не сум новинар. Јас пишувам за странски агенции, за веб портали, а новинарството е мој занает. Не можам да сфатам дали е тоа обид да ме навредат и да ме дискредитираат во јавноста. Јас бев портпарол на претседателот Трајковски и сега слободно можат да ме наречат бивш портпарол, бидејќи со таа професија не се занимавам повеќе. А со новинарството немам намера да престанам да се занимавам.

Какво е правилото на прес конференциите во ЕУ? Дали по еден новинар од секоја држава има право да постави прашање?
На прес конференциите на евро-комесарите обично се случува да присуствуваат неколку стотици новинари, странски дописници и затоа е важно искуството. Штом почне прес конференцијата, сите поискусни новинари креваат рака, ако имаат намера да постават прашање. Новинарите можат да постават прашање по редоследот по кој кренале рака, а не според земјата од која доаѓаат. Такво нешто би било дискриминирачки.

Освен тебе, кој новинар од Балканот постави прашање?
Освен мене, имаше уште два-тројца новинари од Балканот кои дојдоа на ред да прашаат. Познавајќи го системот на работа, штом почна пресот на комесарот, јас кренав рака. Мора да си упорен во кревањето рака и да ја држиш малку поупорно крената, за да те забележат во големата сала. Значи, нема друг начин, нема друга можност.

Немаше никаков договор со комесарот Филе да поставиш прашање?
Јас ниту комесарот Филе го познавам, ниту неговиот портпарол кого првпат го видов. Значи, многу ми беше чудна тезата исфрлена во нашата јавност дека сум добил право на прашање затоа што сум привилегиран како новинар.

Ти се случувало ли порано да не можеш да поставиш прашање?
Тоа зависи од упорноста. Кога си нов и помалку искусен, ако чекаш да заврши излагањето на комесарот, често не доаѓаш на ред. Подоцна, кога ќе созрееш, штом почне пресот, веднаш си го бараш правото на прашање. Меѓу другото, искрен да бидам, не сакам да грешам душа, јас не видов дека колешката од МИА креваше рака.

Сепак, не можеш да речеш оти не знаеше дека ќе има прес-конференција во Брисел. Отпатува ли таму со намера да поставиш прашање?
Во Брисел бев бидејќи сум соработник и партнер во голем регионален проект во кој има новинари од секоја од земјите од западен Балкан. Новинари кои меѓу себе разменуваат информации, прилози, си помагаат едни на други. Проектот почна минатата година, а сега заврши. Носителот на проектот реши завршниот состанок да го организира во време кога е прес конференцијата на ЕК за презентирање на извештајот, бидејќи тоа е момент кој е интересен за секој од нас од новинарите. И сите бевме на прес конференцијата.

Значи, со тоа што сте дел од ЕУ - проект, Вие сте привилегирани и да поставувате прашања!
Јас сум убеден дека тоа нема врска. Иако мислам дека на ова прашање најдобро може да одговори кабинетот на еврокомесарот...

Дали и другите новинари од проектот поставија прашање?
Мислам дека колешката од Црна Гора постави прашање.

Како се случи ти да избереш токму такво прашање? Нели е вообичаено новинарите од земјите кандидатки чии држави тапкаат во процесот на евро-интегрирањето да постават прашање за односот на ЕК кон нивната земја. Можеше да поставиш и конкретно прашање - зошто во извештајот не се споменува придавката македонски и јазикот. А сепак, ти избра да поставиш прашање за слободата на медиумите.
Проблемот со отсуството на македонскиот јазик - придавката македонски, за мене лично е многу болна точка. Јас сум дете на писател, Мето Јовановски, чиј роман е првиот роман на македонски јазик објавен во Америка на англиски. Мајка ми животот го посвети преведувајќи од македонски на француски и од француски на македонски јазик. Македонскиот јазик е моето битие, мојата матрица во која сум растен. Фактот што македонскиот јазик не е наведен во извештајот на Европската комисија за мене е навреда. Јас тврдам, стопати поголема од илјадници други кои се доживуваат себе си за големи патриоти. Но, притоа мислам дека имаме проблем. Во 2005-та македонскиот јазик во десетици наврати се споменува во извештајот, во 2006-та имавме слична ситуација, 2007-ма повторно има македонски јазик за наеднаш во 2008-та да исчезне.

Филе вели дека е тоа воспоставена практика на ЕУ?
Јас како новинар сум пишувал дека имаме проблем што не се споменува македонскиот јазик во извештајот и дека тоа е навредливо. Сум барал одговори и сум добивал.

Што беа одговорите?
Многу луѓе од надвор, искрени пријатели на Македонија добронамерно укажуваа дека Грција освојува позиции со извесни потези кои оваа влада ги прави. Додека јас бев дописник во Брисел не запознав ниту еден новинар, експерт, кој имаше разбирање за ставот на Грција. Наеднаш доаѓам во ситуација кога Грција почнува да има приврзаници. Мене ми е искрено криво.

Но што има врска слободата на медиумите со тоа?
Има. За да можеме да ги решиме проблемите, за да видиме на што сме и на што дереџе доаѓаме и зошто македонскиот јазик, кој не бил спорен, исчезнува во оваа држава треба да отвориме сериозна дебата меѓу нас. Во таа дебата да ги исклучиме странските партнери. Ама не да разговараме како крвници, туку да разговараме како луѓе кои се подеднакво загрижени за оваа земја, подеднакво ја сакаме и подеднакво не боли кога го нема македонскиот јазик и придавката македонски. Затоа мислам дека е суштествено да се обезбеди елементарна слобода на изразување и слобода на медиуми.

Од каде ти е оценката дека во Македонија нема слобода на медиуми? Затоа што го нема А1?
Како колега, мислам дека ќе се согласиш оти веќе година дена во оваа држава нема дебата. Ние не разговараме меѓу нас. Јавниот сервис има законска обврска да ја прави таа дебата. Студио 2 на А1 постоеше за да има дебата. На коленици молевме луѓе од ВМРО-ДПМНЕ да доаѓаат за да дебатираме, затоа што без дебата, губиме се. Затоа му го поставив прашањето на Филе. За да можеме да дојдеме до одговорот каде одиме, каде ни исчезнува јазикот, мораме да обезбедиме меѓу нас да има разговор. А не да се осудуваме дека некој е платеник, некој кодош и сл.

Зошто беше потребно да го прашаш комесарот Филе дали ќе остане препораката за членство за Македонија идната година? Зошто предвидуваш ситуација што ќе се случува в година?
Јас не предвидувам ситуација. Јас ја познавам ЕУ, претпоставувам дека и ти ќе ми ја признаеш релевантноста ако од 1995-та година се занимавам со таа материја. Јас знам како функционира тој систем. Знам кои се неговите вредности. Просто ме фаќа уплав од помислата дека Македонија би ја изгубила препораката за преговори.

Но сепак праша дали ќе ја изгубиме препораката, а не дали Македонија може да добие датум за преговори во декември оваа година!
За мене почеток на преговорите во моментов е единствениот спас кој ќе не извади од оваа социо-економска криза и криза на демократијата, со која сега се соочуваме. Преговорите се моќен проверен инструмент, покажан и докажан во сите случаи на земјите од источна Европа. Јас Бога молам и јавно апелирам до ЕК, до Европскиот совет, веднаш да ни даде датум за преговори, затоа што ние тонеме. Значи, со моето прашање еве и сега предупредувам, ако овие трендови продолжат Македонија ќе ја загуби препораката за преговори. Ако ја загуби препораката за преговори, не гарантирам што ќе се случува понатаму доколку Македонија остане во пакет со Косово и со Босна. Тоа беше поентата на моето прашање до комесарот.

Очекуваше таков одговор?
Не очекував, искрен да бидам, толку експлицитен одговор. Но знам дека Македонија не може како земја кандидат да има ваков медиумски амбиент и да претендира на препорака за преговори. Јас лично сум уплашен и страв ми е дека Македонија може да ја изгуби препораката за преговори.

Не сметаш ли дека одговорот на Филе беше малку чуден. Парафразирам, тој рече, кога бев во Скопје во септември им кажав дека доколку тие трендови продолжат Македонија дури и да го реши проблемот со името може да ја загуби препораката за членство во ЕУ", меѓутоа во вториот дел од одговорот, рече - јас разговарав со вице премиерот и со другите и сите ме уверија дека оваа влада ќе направи се за реформите и доколку тоа се случи и ако Македонија најде решение за проблемот со името, препораката ќе остане и Македонија ќе напредува во евроинтеграциите.

Значи, доколку реформите се исполнат, така?

Да, но внимавај. Премиерот Груевски тоа го толкува дека в година ќе ја изгубиме препораката, што и да направиме со реформите, ако не го решиме проблемот со името. Тој за изјавата на Филе вели дека е создавање терен, алиби за да ја изгубиме препораката за членство в година. Моето прашање е кои се потезите што треба да се преземат за да не ја загубиме препораката? Филе вели дека можеме да ја загубиме препораката ако не ги направиме реформите, дури и да го решиме проблемот со името, но не вели дали ќе ја задржиме препораката, ако ги направиме реформите, а сепак не го решиме спорот за името.

Значи, кој е условот да остане препораката, името или реформите?
Ова прашање веројатно треба да му се постави на Филе.

Да, ама што мислиш ти?
Прво и основно, што се однесува до реформите, во Македонија треба како во секое демократско општество да разговараме за тоа што ни се случува, каде одиме, што правиме. Второ, Македонија како и секоја друга земја треба да го реформира јавниот радиодифузен сервис. Имаме закон. Ајде да видиме дали функционира. Ние во Македонија сме богати со луѓе. Имаме паметни луѓе, ако сме мал народ. Имаме луѓе што мислат. Нека го отслика тоа богатство јавниот сервис. Владата едноставно нека ги запре рекламите, кои очигледно се делат на медиумите кои се ставени во служба на пропаганда на владата. Што понатаму? Ајде да престанеме со лов на вештерки против луѓето кои мислат поинаку.

За тоа не ни треба владата. А вештерки се ловат од двете страни.
Не ни треба, но без намера да ја обвинам, мислам дека владата ако не го охрабрува тогаш сигурно не го обесхрабрува тој тренд односно многу индискретно го охрабрува. Ајде да видиме што е со пресудите за клевета, што е со тужбите што летаат од секој функционер. Последниот случај на Јадранка Костова од Фокус... Ајде луѓе да запреме со тоа. Кога тужи владин функционер новинар, судскиот процес експресно се спроведува. Кога е обратно, нема крај. Јас со Латас се тужам од 2008-ма затоа што ме обвини дека ме финансира албанска мафија и се уште му нема крај на процесот.
Но тоа е работа на судството.
Владата е партнерот. До 2006-та се правеа акциски планови, веднаш по извештајот на Европската комисија. Ајде да побараме сега од владата како јавност да ни презентира акциски извештај што ќе прави по квартали.

Мислиш дека со судството работата порано беше розова?
Никогаш не била розова.

Судството кон медиумите се однесува така уште од почетокот на плурализмот.
Сакаш да кажеш од времето на Бранко Црвенковски.

Од тоа време.
Јас тврдам дека ова што сега го имаме е само кулминација на еден ѕвер кој е зачнат во времето на Бранко Црвенковски. Немам дилема околу тоа прашање. Само ѕверот порасна, му пораснаа заби и не може да се нахрани со крв. Натаму, институциите мораат да бидат транспарентни. Јас три недели одлагав емисија во обид да бидам професионален, со најпросто прашање до вице премиерот Васко Наумовски во тоа време. Не бев удостоен ни со одговор "не ти давам изјава". Тоа не е амбиент во кој може да се работи нормално. Тоа не е амбиент на земја која претендира да има атрибут европска.

Со прашањето како да сакаше да ја искараш ЕУ дека некои работи не ги гледаат како што треба, па ги препишуваат од Извештајот од лани.
Не. Мојата констатација беше дека гледам оти повторно имаме проблем со слободата на медиумите и минатата година, а сега е полошо. Моето прашање беше дали за Македонија тоа е ОК. Истражете ги сите извештаи на земјите - кандидатки од источна Европа, кога преговарале дали имале проблем со слободата на медиумите.

Знаеш што се се случуваше во Црна Гора, нели?
Црна Гора доби кандидатски статус, а потоа и преговори откако реши голем дел од тие работи. Едно време Црна Гора не дозволуваше комерцијална телевизија да има национална концесија. Сепак, Црна Гора не можеше да добие кандидатски статус, го доби дури откако ги реши тие проблеми.

Ти и самиот знаеш дека членки на ЕУ имаат големи проблеми со слободата на медиумите. Унгарија, Италија...
Далеку сме, немојте да зборуваме за ова. Берлускони, нели? Раи1, Раи2, Раи3. Секоја политичка опција има свој канал. Дали знаеш дека во Италија најсилниот синдикат е новинарскиот? Ајде да го видам Берлускони туку-така да отпушти од работа некого!

Тоа е социјална димензија.
Ама битна е. Ајде да видам новинар кој е ѕвезда во некој од медиумите на Берлускони, тој да го отпушти од работа, а потоа Берлускони на извесен начин да спречи тој новинар да се појави на било кој друг екран!

Но, Берлускони има класичен медиумски монопол.
Тој има доминантно влијание на медиумскиот простор, кој е регулиран. Има сто играчи, најсилните во Европа. Кога бев дописник во Европската унија сите им завидувавме на италијанските новинари поради статусот кој го имаат во тоа општество. Тие не го изгубија статусот со Берлускони. Тој не може да спречи јавна дебата во Италија. Кај нас ја нема.

Ја нема затоа што ја нема А1? Ако в година ја нема А1, дали ќе остане препораката?
Не. А1 не може да воскресне, меѓутоа телевизија која ќе ја замени А1! Јас тврдам дека ако наредната година имаме јавен сервис каков што имаат сите, дека се ќе биде в ред.

Може ли тоа да се направи за една година?
Јавниот сервис може да се реформира од денес до Нова година. Со една секунда политичка волја на Илинденска бб.

И сметаш дека ќе биде голем напредок за Македонија.
Тоа, но и откажувањето од државните реклами кои ги корумпираат медиумите и спречувањето на говорот на омраза.

Можеме и ние новинарите да не го правиме тоа.
Дали си ме чул да излезам и да викам по Миленко дека е криминалец, дека неговото семејство е криминално?

Тоа се случува од сите страни. Фокус објави текст на насловната страница за мене како единица мерка за глупавите вмровци.
Немам намера да одговарам во ничие име. Сакам да кажам дека од 2007 година, па наваму, јас и целото мое семејство сме изложени на неверојатен говор на омраза. Слушам дека семејството ми е криминално, дека сме предавници, дека сум платен од албанска мафија, дека работам за грчки интереси. Тоа е едноставно неподносливо.

Во Брисел имаше и друг скандал летово, кога Алијансата на либералите ја одржа онаа фамозна дебата во европарламентот, кога дојде до судирот со тројцата новинари од Македонија. Нели сметаш дека вината за овој настан лежи и кај домаќините? Ако сакаш да добиеш вистинска слика за состојбата со слободата на медиумите во една држава, нели мислиш дека е нормално да поканиш претставници од различни новинарски, политички, невладини структури од земјата?

Прашањето за критериумите на покана, кој и како е поканет, треба да им се постави на Алијансата на либерали и демократи.

Но, јасно е дека тие имаат политичка агенда...

Сепак, тоа не беше дебата, туку панел, односно сослушување. Либералите во Европскиот парламент уште во јуни излегоа со став дека во Македонија постои тенденција за замолчување на критички ориентираната јавност. Тоа е нивни политички став. Во своето соопштение во јуни најавија дека во септември ќе организираат панел, на кој ќе поканат луѓе кои имаат искуства со обиди за замолчување на јавноста. Јас бев поканет, меѓу другото, затоа што сум еден од објектите на говорот на омраза во Македонија. Беше Петар Стојковиќ, еден од луѓето кои беа гласни на протестите во јуни, а на Сител тој дечко се појавуваше во црвени кругчиња како некаков си човек кој е под контрола на незнам кого. Тоа е навреда за индивидуата. Беше поканета, меѓу другото и Маргарита Цаца Николовска, која е судијка, која требаше да даде свое мислење каква е легистативата, какви се законите, како се спроведуваат.

Ако тоа не било замислено како дебата, тогаш значи идејата била да поканат луѓе кои ќе ја потврдат нивната теза.
Не. Не се разбираме. Тоа беше отворен панел.

Отворен, во која смисла?
Можат да присуствуваат сите. Кој сака. Можеш да слушаш, можеш после тоа да коментираш, да ги соочиш говорниците со други аргументи, како што јас и Мирка, Миленко и Бобан ги молев да останат во салата за да разговараме откако ќе не сослушаат. Значи, јас јас сум бил и на други панели, сум слушал, но не сум си дозволил да барам од модераторот прво јас да зборувам, туку сум ги сослушувал другите. Но Мирка стана да реагира зошто први зборуваат другите, а не таа, Миленко стана да праша зошто сум јас таму, кого претставувам како бивш новинар. Јас се обидов да ги задржам. Има и тонски запис. Никого не го интересираше што реков јас. Зборуваа дека сум го бранел Велија. Во моето обраќање нема а од А1, ни в од Велија. Зборував за моите и слични искуства и зборував за искуствата на луѓе кои сум сакал да ми бидат соговорници, а кои ми викале, Борјан, те молам, немој да ме тераш затоа што ми е страв јавно да зборувам, затоа што моето семејство може да трпи последици. Јас не сакам во мојата држава, во моето општество да има луѓе кои што се плашат да го кажат своето мислење, какво и да е.

Дали е вообичаено да се бркаат новинари од Европскиот парламент?
Се бркаат, но нив никој не ги избрка. Тројцата новинари кои беа таму, Мирка, Миленко и Бобан всушност сакаа први да зборуваат на панелот. Модераторот им се обрати, им рече - Ве молам, постои дневен ред, ќе се обратат панелистите, а потоа вие, бидејќи ве гледам дека инсистирате, ќе го имате целото време на светот да кажете се што мислите... И ги молеше да го почитуваат дневниот ред на панелот. Бидејќи не добија збор први, како што сакаа, почнаа да навредуваат со зборовите евроболшевици, евроталибанци...

Сепак, некој од организаторите, мислам дека беше Шацирмакакис им рече - надвор!
Модераторот замоли да се исклучат нивните микрофони. Утре да појдеме во парламент и да викаме од говорница, ќе ни ги исклучат микрофоните... Кацин не рече - излезете, туку исклучете им ги микрофоните. Кога ќе дојде ред, ќе добиете збор. Но тие станаа и напуштија, а потоа се случи онаа глупава сцена.

Зошто не реагиравте на пцовката на Шацирмакакис?
Јас, за жал, ја видов како и ти, на телевизија. Сцената со "малакас" се случи подоцна во ходникот, надвор од салата на панелот. Јас јавно го осудувам Шацимаркакис и мислам дека треба да се извини за тоа. Јас и другите панелисти, вклучително и Кацин, тоа го видовме на интернет, вечерта кога одеше на вести. Инаку, јас верувам во европската кауза, Европскиот парламент за мене треба да биде институција пар екселанс која ќе ја чува демократијата и сите нејзини принципи. Она што го направи Шацимаркакис е недолично. Што друго да кажам. Прво никој не ми ни побара мислење. Ти благодарам, еве, што имам можност да кажам нешто на оваа тема. Значи, не треба да му е сеедно и треба да им се извини на тројцата наши колеги.

Нели е индикативно што европските пратеници што даваа изјави за загрозеност на слободата на медиумите во Македонија се исклучиво од политичката структура на либералите и социјалистите. Десничарите не говорат така.
Што ме интересира мене што мислат либералите, што мислат десничарите, а што левичарите во Европскиот парламент. Мене ме интересира Македонија. Тоа прашање е наше, автономно. Не е ОК еден премиер да повикува население да не и верува на една телевизиска станица и да не ја гледа - настрана судскиот процес Пајажина. Не е ОК премиер мене лично да ме прозива како поранешен новинар кој е вовлечен во скандали и во афери и да ме дискредитира јавно. Тоа не е во интерес на пејсаж на слобода на медиуми како што е доличен за земја кандидат. Конечно, Европската народна партија можеше да организира панел со други луѓе, со контра тези.

Ти знаеш како се создава извештај на Европската унија. Дали мислиш дека одредена политичка структура во Европскиот парламент или пратеникот на ЕК во Скопје извршил доминантно влијание за извештајот да биде таков каков што е за Република Македонија?
Ако зборуваме за влијание, доминантното влијание го има Европската народна партија, најголемата партија во ЕП. Баросо е нивни човек кој е ставен како претседател на ЕК со амин и барање на Европската народна партија. Таа партија колку што знам има добри односи со ВМРО-ДПМНЕ, но мислам дека ќе влезат во криза и со нив, за што искрено жалам. Влијанието не го врши еден фактор. Ако добро сум разбрал од следењето на извештаите, од интервјуата што ги прават, ЕК има делегација на терен и разни други фактори што влијаат на Извештајот. Постојат меѓународни организации како Амнести интернешнал, Хјуман рајтс воч, зависи за која област разговараме. Значи, ЕК во своите извештаи консултира лепеза од субјекти. И она што мене ме чуди оваа година е што ако за нешто имавме консензус во Македонија, тоа е дека Европскиот извештај е објективен и реален приказ на стварноста. Па дури и самиот премиер тоа го кажа во изјавата.\

Проблем беше пораката што ја упати еврокомесарот.
Која порака?

Пораката дека може да ја загубиме препораката што се сфати како закана.
Не сфаќам каде е заканата. Мислам дека изјавата е многу добронамерна, исто како што се добронамерни и укажувањата на некои луѓе и новинари, интелектуалци, аналитичари. Значи, не може да продолжиме со ваква практика во администрацијата, во судството, во медиумите. Едноставно, мораме да ги менуваме работите ако сакаме да одиме во ЕУ. Но легитимно е и другото. Ако се договориме дека не ја сакаме ЕУ, тогаш да бидеме транспарентни и да го кажеме тоа.

Мислиш дека овде преовладуваат структури против ЕУ?
Јас сум убеден дека во Македонија има многу сиви еминенции кои се против почеток на преговорите за членство. Тврдам дека тие се и од лева и од десна провиниенција, затоа што преговорите драстично ќе ги одземат бенефициите на индивидуалци во Македонија кои во моментов од сиви ќошиња ја владеат државата. Затоа го молам јавно советот на министри на ЕУ, па и Грците, да се повлечат од позицијата што ја имаат и да почнеме преговори. Затоа што преговорите ќе ја направат оваа земја тоа што сите сакаме да биде. Администрацијата ќе мора да биде професионална. Во администрацијата нема да може да се вработуваат луѓе кои лепат по тараби плакати, а потоа стануваат државни секретари. Во банкарскиот систем многу работи ќе се променат. Нема да може некои луѓе цели региони да ги имаат под свое и да владеат како паши. Странски инвестиции ќе дојдат по дифолт. Значи, тврдам дека во државава има консензус кај сивата еминенција од лева и десна политичка провиниенција - против преговори за членство и таа ја држи Македонија во оваа лимбо позиција, која сите нас, огромното мнозинство од 99 отсто, ако не и повеќе, не става во ситуација да се глодаме меѓусебе, а тие 0,5 отсто население кое нема врска со идеологија ја доведуваат во прашање иднината на моите, твоите деца и на сите семејства.

Се погласно се слуша дека европроширувањето после Хрватска може да запре. Се најавуваат големи промени, поради кризата на еврото, поради Грција. Од Британија има најави дека сакаат ЕУ да се врати кон старата Европска економска заедница...
Напротив, јас како никогаш досега гледам волја во ЕУ да се откочи процесот на проширувањето. Наспроти лошата пориказна со еврото, ним им треба успешна приказна. Најуспешната приказна во историјата на ЕУ е проширувањето. Еврото е во криза. Еврото ќе се стабилизира ако дефинитивно се затвори приказната со обединувањето на Европа. Ако останат овие сиви зони нерешени, тогаш и еврото има проблем. Грција не може од финансиската приказна да се извлече ако има сива зона на север. Значи, Европската комисија очајно има потреба од нас и од другите земји од регионот да станат нејзини членки. Пред две години да ме прашаше, ќе ти кажев дека има многу резерви кон проширувањето. И сега има, но во еден тесен конзервативен круг кој можам да го лоцирам во една прилично конзервативна демохристијанска групација во Европската народна партија, но на ЕУ и ЕК и треба успешната приказна како што е проширувањето. Жалам што Македонија не само што не ја користи таа волја, туку едноставно како сами да сакаме да избегаме од таа приказна.

Сепак, не сметаш ли дека нашиот проблем не се само реформите, туку дека треба да попуштиме за името.
Ние да ги направиме реформите во Македонија беспрекорно ќе има помалку простор нас да не прозиваат. Притисокот ќе биде кон нашите соседи.

Па сепак, ако не најдеме решение за проблемот со името, нема да добиеме преговори, а може и да ја загубиме препораката.
Не верувам дека може да ја загубиме препораката, ако ги направиме реформите. Ние, всушност треба да ги направиме за нас самите. Европа само инсистира на исполнување на тие критериуми. Моето мислење е дека за ќорсокакот во решавањето на проблемот со името, кој е апсолутно ирационален и оди на душа на Грција, придонесува и оваа влада. Факт е дека загубивме многу пријатели во Европа со антиквизацијата.

Едно е дали нам ни се допаѓаат спомениците, еве и мене не ми се допаѓаат, но сосема друго тоа што Александар Македонски е дел и од нашата историја. Зошто е антиквизација ако се слави минатото кое е и наше?
Александар за мене бил јаничар, немам друго мислење за него. Тој се борел за ширење на хеленистичката култура. Но не е проблемот во спомениците, проблемот е што тие и античката историја се употребуваат во Македонија за дневно-политички цели.

Реално ли е да се бара од нашата Влада, во време кога Грција е во ваква тешка финансиска криза да попушти за да го решиме проблемот со името со Грција. Пораката на Филе може и така да се чита.
Не верувам. Состојбите во Грција се менуваат секој ден. Се плашам дека тешката финансиска криза кај нашите соседи и барањето решенија за излез може да ги одложи на подолго време преговорите за името, кои и онака беа закочени.

Зоран Димитровски

#
07-11-2011, 07:05 PM
Reply
Nikola Jelovac Offline
Member
***

Posts: 56
Joined: Jul 2011
Reputation: 0
#27

Што се секира пак Жоро што Борјан го “прераскажал“ интервјуто во Фокус, кога Фокус, нели, е со “како никогаш помал тираж“ - поготово во однос на “еден Дневник“ Icon_lol
08-11-2011, 08:29 PM
Reply